-- أع ـشقهـ --

[Aj-91]

الســلآآم عليـكم ورحمة الله وبركاته ~

حبيت احط بين اديكم قصتي اللي نشفت دموع عيني منها ,,


من فترة ملجت بواحد كنت عاشقتنه قبل الملجه بس ماكان بينه علاقه بس نظراات , صارلي فترة

كاتمة مشاعري في داخلي فيوم ملجنه احس اني اطلقت عنان العشـق , وايد عطيته اهتمام

مب بيدي من الحب اللي انكتم داخلي , والحين صار يتغلى عليي صرت ما همه و حتى لو

زعلني يدري اني رح ارضى بدون ما يراضيني ,

وحبيـت أقلكم انه كان يحب وحده قبل لا يملج علي بس اهلها مارضو فيهـ لانها بدويه وهو حضري

وانا لاني أحبهـ , وافقت عليهـ وانا ادري انه كان يحبها , مادري شو مسويه فيييه متخبل عليها

معنى مقارنه انا وهي انا احلللللى بوايد + مستواي التعليمي احسن عنها .

ماعررف شسوي

ابييه ملكي لي وحدي , ونفس الوقت ما اقدر اتخلى عنه احس بنجــن

-__-"

يوم اشوفه أحس روحي بتطلع , ودقات قلبي بوم بوم

أتعـذب انا ابي حـل , ابي قلل جرعات الحب

و اخليه هو اللي يحبني واللي يراضيني

يزااه الله الف خير اللي بساعدني

 

[أريــ الزهور ــج]

بالبداية ألف مبروك يا ألبي والله يتمملكن على خير
.
.
شوفي حبيبتي لما يزعلك أو تصير مشكلة لا تحكي معو ولا تتصلي عليه يعني اتئلي عليه وخليه هو اللي يتصل وإزا اتصل لا تردي عليه من أول مرة لا خليه يتصل كزا مرة
.
.
وحتى بالأيام العادية لا تتدلليه كتير اتئلي عليه وإزا إجا لعندك لا تطلعيلو على طول لا خليه يستنى شويتين ولو حكى معك احكي كلمتين واسكتي يعني الكلام يطلع منك بالقطارة جننيه خليه يشتاق للكلام الحلو منك مو كل مرة تئليلو كلام حلو بين كل فترة وفترة وشوفي كيف رح يصير يعشقك ويموت على الأرض اللي تمشي عليها
.
.
في ناس هيك على فكرة ما بحبوا اللي بقطوا حالن على الناس بحبوا الثقال ويمكن زوجك منهم
.
.
والله يهديه وما يشوووووووف غيرررررك :shiny:

 

[وميض الروح]

السلام عليكم
حاولي تكسبينه بأفعالك
بكلامك الحلو بهدوء
تقدرين تنسينه اللي يحبها
دايم تجملي له
طيعيه في كل شي
حتى لو كارهه الشي الي يأمرك فيه
تدلعي
أهله لاتنسينهم
كثري الاستغفااااااار
ادعي ربي
اقري قرآن
بيجيك ركض باذن الله
ربي سبحانه رحيم بعباده​

ربي يوفقك ويسخره لك يارب​

دايم قولي
((ربي كما سخرت الريح لنبيك سليمان عليه السلام ات القادر سخر لي زوجي يارب))​

بالتوفيق​

:icon26::icon26::icon26:​

 

[زوجة سعيدة]

الله يهديكي أختي ... الرجل لا يحب المرأة التي تحبه بشدة وتكون ملهوفة عليه, لا بل يحب المرأ التي تثقل عليه وتدوخه وتتمنع عليه. سبحان الله طبع البشر , حاولي أن تكوني معتدلة في حبكِ واكتمي حبك في قلبكِ هو أصبح ملكِ خلاص لليش اللهفة؟؟؟؟!!!!.
جربي الثقل والتمنع وهو سيظهر لكِ الحب.

 

[رفيقة النجوم]

أحبب حبيبك هوناً ما عسى أن يكون بغيضك يوماً ما

 

[نعومه كول]

جربي تخلينه شخص عادي بحياتك انتي بترتاحين
اكثر

 

[ROMANSIAH]

عاد البنات ماخلو شي ماقالوه سوي مثل ماقالوا خاصة هلايام ملجة يعني مايقدر يدش ويطلع انتي المتحكمة هني تاخري ولا تردين على كل مكالماته وهكذا وان شاء الله ينعدل

 

[ربي رضاك]

اولا الحمدلله ان الي تعشقينه حلالك

ثانيا لاصرتي ببيته ذاك الساعه تدورين طرق تجذبه لك

ومع العشره راح ينسى حبه الاول

ثالثا زي ما قالولك البنات الثقل زين

 

[وايليه]

كلام الريج الزهورصحيح مليون بالميه

 

[مارية انطوانيت]

هلا اختي مايصير تبينين لة انش تحبينة وهو يحب ها تراء واللة الرجال مايبين لهم شيولايحبون المرة الي الي تمووووووووووووووووووووووووت فيهم تراؤء والله يتدلع عليك انتي خوذي فترة وتغيري معة وشوفي خليك عادية لاترسلين لة ولاتكلمين وشوفي

 

[خايفه من الدنيا]

قسي قلبك شووي عليه

الله يحنن قلبه عليك