أعتبروووني آختــكم تعالوا نصحوني...

عذبوووك ياقلبي

عذبوووك ياقلبي

New member
إنضم
2011/02/26
المشاركات
21
السلام عليكم ورحمة الله وبركاته
كيف الحال يابنات عساكم بخير ياارب..
بصراحـه قبل ما اسجل هنا كنت متردده اني اكتب قصتي ..ما ادري هي قصه مأسويه..او قصه بوليسيه او مكسيكيه..مادري انتوا فسروها على كيفكم بس سمعوني للأخر..واكيد ابغى مشورتكم..>>اكتب قصتي وبقلبي الغصـــه من زود القهــر والظلم..
(قبل ما أبدأ بقصتي أبغاكم تعذروني على اسلوبي بالكلام بس ان شاء الله تفهمون هههه)
اولا نبذه بسيطه عني : انا عمري 23 سنه متزوجه وصار لي سنه تقريبا ..زوجي عمره 29 سنه ..لم ننجب آطفال لحتى الان..عايشين في شقه مستقله كانت باختياري انا معاه من كل شئ ..وهذي الشقه قريبه شوي من بيت اهله ..انا بعيده عن بيت اهلي بمنطقه تبعد عنهم مشوار اربع ساعات..
الموووهيم..كانت بداية حياتنا جدن عاديه ..عشت شهر عسل كئيب لان كل شئ جديد علي ..مكان جديد اهل جدد عادات وتقاليد تفرق عنا كثير..يمكن لآن فترة الخطوبه ما استمرت الا ثلاث شهور..عشت اول ايام زواجي مابين شقتي ومابين السهرات ويا اهل زوجي وكان زوجي اذا جلس في بيت اهله ينسى نفسه..لين 3 او 4 الفجر وكل ماقلت له خلنا نرجع شقتنا نرتاح ونسولف ونتونس ..يقولي مافيه احلى من بيت الاهل..كان جاف بكلامه وبأسلوبه وبتعامله معاي والله مو كأنا متزوجين جدد ..
كنا يوميييييا من بعد زواجي نزور اهله ومانطلع من عندهم الا وآذآن الفجر يأذن..(على قولته متعلق ببيت أهله بصوره جنونيـه):11:
_مر اسبوع على هالحاله واحنا على ماحنا عليه ..لاطلعات لابحر لاوناسه ولا شئ واذا قلت له نروح البحر نتونس يقولي وناستي ببـيت اهلي..(نسيت اقولكم تراني بديت اطبخ له من خامس يوم بزواجنا)
بعدها جى دوامـه وصار يغيب عن البيت كثيــر ,,تخيلوا يطلع للدوام 7 الصباح ويرجع 7 المغرب وعلى طوووول يروح عند بيت اهله<<شكله مو جاي يستوعب انه متزوج..:18:
طول هالوقت قاعده لحالي ولابسه احلى لبسي ومتكشخه ومتعطره ومسويه جووو خطيــر بالشقه وهو ولا على باله..
الموووهيم يجي الليل واجهز له العشا اتصل عليه اقوله تعال للشقه جهزت لك العشا والاكل الي تحبه,,يقولي غلفي الاكل وتعالي ناكله بيت أهلي..كنت استجيب له واسمع كلامه واجي معاه بيت اهله اساير خواته وامه وانا مقهوره..بصراحه امه وخواته ماشفت منهم الا كل خير..بس اصراره انه يحب بيت اهله ومايقدر يستغنى عنهم وانهم الكل في الكل ينرفزني . صحيح كلنا عندنا اهل وكلنا نحب اهلنا بس هو باااالغ وخلاني اغااار بقوه منهم..
كنت احاول اني اتأقلم مع اجواء الاختلاط ..صاله فيها اخوان زوجي مايقارب الاربعه وجالسين مع حريمهن وهن كاشفات الوجهه ..وكل واحد يسولف مع زوجة اخوه وانواع السوالف والضحك والمسخره..(طول هالوقت كنت منقبه احاول استوعب الحدث حبه حبه) الا شوي اشوف زوجه اخوه الكبير تجي وتقعد يم زوجي(زوجته اجنبيه ولكم عليها من الاغراءات)
تتدلع بالكلام وتتميع له وتسبل له بعيونها ..والاخ ولا عليه سادح السوالف معاها وانواع الضحك يعني الميانه انقطت صح. واللتفت الجهه الثانيه واشوف زوجات حمياني قاطين الميانه مع بعض وكاشفين الوجهه والضحك والمسخره واذا وحده منهم ماتت ضحك تقول تلطخ زوجي على كتفه :10:..(باعتباره الصغير بينهم)طبعا انا لحد الان ما استوعب الي يحصل ..شوي الا يجي لي اخوه الوسطي يقولون يلا كشفي عن وجهك انتي صرتي اختنا ..وانا مستحيه بقوه مو قادره اتكلم لاني مو متعوده على هذي الاجواء .وانواع الاحراج لي بعدها حس زوجي وقال خلوها على راحتها <<زين منه حس ونطق
كنت انقهر من الاحداث الي تصير والعادات الغريبه..واجي لشقتي وافتح موضوعي مع زوجي ويقولي احنا كلنا على قلب واحد وحريم اخواني ما اعتبرهم الا خواتي وهم بعد يبادلوني نفس الشعور ولازم تتعودين على هذي الاجواء..كنت في البدايه استحي كثيير واسكت لاني مااقدر اغير شئ..
_مر الاسبوع الثاني..بالاحرى مر الويك ايند..كنت قاعده بشقتي متزينه احلى زينه واحلى لبس واحلى جو ماشوف الا زوجي يتروش ويغني في الحمام ومبسووط حده ..طلع وحلق لحيته وراح تعطر وتكشخ ولبس ذاك الجينز وذاك القميص الي كانه راشد الماجد وهو هندي..جيت له وقلت له صاير حلو بالقميص الا ماقلت لي هذي الكشخه كلها مشاني..قام يضحك وقالي وين تراني رايح الكويت مع خويي!!!
انا جاتني جلطه تروح الكويت ولا تاخذني معاك ليش انا ماطلعت معاك طلعه وحده ومن اولها تبي البحرين..قالي يابنت الناس خليني تراني اشتقت لأيام العزوبيه..قلت له اي عزوبيه وماصار على زواجنا حتى اسبوعين..عطاني كلام كبير مايحتاج اقوله.. وطلع وهو يتبختر ويغني ومبسوووط حده..طبعا مايحتاج اقولكم شعوري لان مهما قلته مراح اطلع كل القهر بالكتابه
حاولت اجذبه للبيت احاول اسوي له جو مريح مثل اي زوجه لاني كنت فعلا (أحــــبــه ) ولا ابيه يلجأ لحد غيري يعوضه بأي شي كنت اعطيه قد ماأقدر حب وحنان واهتمام وكنت احاول أكون له الام والزوجه والحبيبه والصديقه والعشيقه وكل اللي يحتاجه..
___تعبت بالكتابه راح اكمل بعد ما ارتاح لاني تعبانه___:8:
 
الله المستعان كملي ياعسل
 
كملي اختى كملي
واوصيك الصبر الصبر وقد ماقلتي وكتبتي لنا بالحرف الواحد قوليه لله في سجودك فهذا امتحان فأطلبي الله فأن الدعاء يغير الاقدار فمادام طللبتي منا المساعدة والمشورة والنصيحة ماراح نكون لك اكرم واخير من الله
وهذا ما يمنع انك تطلبين منا بنوقف معاك قلبا وقالبا ولاكن الكريم يقدر يسوي اللي مانقدر نسويه
اللهم يا فالق الحب والنوى رد اليها زوجها ردا جميل
اللهم يامن خلق السموات والارض في ستة ايام سخر زوجها لطاعتك وحسن عبادتك
اللهم يامن امره بين الكاف والنون واذا اراد شيأء فإنما يقول له كن فيكون اهدها واهدي زوجها واجمع بين قلوبهما على خير واجعلها اجمل النساء في عينه واحب النساء الى قلبة وامتع النساء لجسده
اللهم نور بصيرتهم واصرف عنه وعنها بنات الحرام واولاد الحرام وبنات السوء واصدقاء السوء
امييين امييين امييين
 
صدقيني انتي قريتي وش بيني وبين زوجي بس انا لجات لرب العبااااااااااااااااد والحمدلله لم اتعب وربنا يبلي عبده عشان يرجعله وربنا يفرح بعودة عبده له الجئي الى الله ولا احد غيره
 
عزيزتي اغلب الرجال كذا خففي من دلعك له الزايد حبتين ونصيحه لا تدورين الا رضى ربي والله يسخره لك...
اجلسي معه جلسه مصارررحه وقولي لي خاطررررررررررك كله فيه ..... الله يوفقك
 
كمللللللللللللللللللللللللللللللللللي وحنا معك بس مستغربه كاشفين وجالسين ويضحكون وايا اخوان ازواجهم الله يعينك
 
اشكر كل من رد علي ودعى لي وجعله ربي في ميزان حسناتكم يوم الدين
توتوة202 بردتي قلبي بدعائك ياجعل ربي يبرد قلبك في الدنيا والاخره..
___ تكملة القصه__
ضلينا على هالحال بالزيارات المتعدده لبيت أهل زوجي ..وأكاد اختنق من قهـري
والي زيد الأمر سوء معاشرة زوجي لي..راح اقولها لكم باختصار بــارده مافيها روح المداعبه ولا الحضن ولا حتى البوس..ينقض علي كآنه حيوان شرس..والمشكله ماكنت مهيأه نفسيا عشان الجماع..كنت أتألم بقوه لدرجة اني ابكي وقتها..
وربي يابنات اني كرهت شئ اسمه جمااااااااع ..كان بارد في الجماع ويبغاني انا الي اقوم بهذي المهمه وهو مستلقي نائم بعد تعب وسهر طويل مع اهله ..وانا حالتي لكم عليها..
اكيد بتقولون ..هيأي جو لبسي ارقصي سوي عدلي..لاتتعبون سويت كل شئ وهو يشوفني كأنه يشوف اخته
موضوع الجماع باختصاار بــــارد ..واصلا مافيه وقت له..:8:
مرت الأيام وانا بالعه القهـر من الوضع الي عايشه فيه ..وصرت اروح معاه كل مره بيت اهله
وهنــــاك المصيبه..
بيت اهله نظام شقق الدور الثاني توجد شقتين ..شقه لأخوه الكبير..وشقه لأمه وخواته
وطبعا كل ليله يجتمع الاخوان الاربعه في شقه الام (شئ اجباااري)
ومثل ماقلت لكم زوجة اخوه الاجنبيه ناشبه لزوووجي ..انا اقولكم شلون ..لمن نجي بيت اهله وتعرف انو حنا جينا بحكم ان شقتها جنب شقت اهله على طوول..
تجي وتتميلح وتتمايع لزوجي وتحيــييه هذيك التحيه الطويله العريضه وتلولش له (على اساس معرس جديد) وتقوله صرت محلووو ومن هالكلام..انا يابنات ساكته ....لاني مصدومه
متعوده ببيت اهلي الرجال لحالهم والحريم لحالهم..والمشكله تسوي هالحركات يم زوجها واهله كلهم ولا احد جاي يتكلم على هذي المسخــره..انا جالسه على كنبه مفصوله شوي عنهم بحكم ما ابغى اجلس يم الرجال وعشان ابين لهم الي تسوونه غلط..بس مين الي بيسمعني!!:2:
المووهيم..كان زوجي جالس بكنبه طويله وجات الحقيره وجلست جنبه يعني مايفصل بينهم الا شبر وحطت رجولها قبال وجهه زوجي<<نيتها مو زينه
وقعدت تسولف معاه وهو مبسوووط حده
انا خلاص استخفيييييييت ناديت اخته قلت لها روحي جلسي بين زوجي وبين هالحيوانه
لان الصاله كلها رجال فاستحي اجي والصق كتفي بكتف زوجي..مهما يكن عيب اسوي هالحركه يم رجااال
وكنت هذاك اليوم مستــحيه اتكلم لان المكان فيه حمياني ويتصيدون مني حركه ..
ظلت الملعونه تغري زوجي..وزوجي معاها عالخط..وانا بالعتهاااا مااقدر اتصرف وربي وانا اكتب هالموقف ارتجف من القهـــــــــــر<<حسبي الله عليها..
بعدها بنفس الليه رجعنا الشقه وقالي زوجي بكره بجيب مرت اخوي(الاجنبيه ) وخواتي على العشا بس ما ابغى اجيب حريم اخواني الباقيين كلهم غثيثين..انا خلاااااااص مت هلكت ودي الارض تبلعني ولا قالي هالكلام..المشكله كنت استحي اتكلم واجادله بحكم اني ماعشت معاه فتره طويله ..حتى ايام الخطبه شفته تقريبا اربع او خمس مراااات..وطبيعي اول رجال بحياتي ما عرف اتصرف معاه..بعدها كلمت اخته وقلت لها بالسالفه كلها..قالت لي ندري عن مسخره الاجنبيه وكلهم ميتين قــهر منها بس المشكله في زوجها يقول لاتكلمونها خلوها على راحتها(اكيد الاجنبيه فوق الراس وبنت البلد تندااس)
المووهيم لمن سمعت هالكلام ماقدرت حتى اتنفس رجعنا البيت وكالعاده فسخ ثوبه وضل بالفانيله والسروال وحط راسه على السرير ونام..جيت له بالهداوه وقلت له انا زوجتك واغار عليك من الاجنبيه مهما يكون المفروض يكون الكلام بينك وبينها بحدود مو متوااصل وضحك
تدرون شقالي؟؟قالي ليش تغارين منها لأنها حلوه؟؟؟ :surrender:
بنااات والله العظيم ما اقدر اقولكم ايش كان شعوري بوقتها.. الي اذكره قمت اصييح بكل ما اتيت من قهــر بقلبي ..لدرجة ضليت اصيح كأني طفلة ..قالي خلاص لك الي تبينه وبقلل كلامي معاها ..قلت له ليش تقلله معاها اقطعها خير شر ..تخيلوا يابنات قالي ما ابغى اجرح مشاعرها اذا قاطعتها ..انا مصدومه قلت له وانا ماهميتك ولاخفت على مشاعري
غطى روحه بالبطانيه وقالي لاتصيرين حساسه بزياده الموضوع طبيعي بس انتي الي مكبرته:8:
لمن ماشفت فيه فايده دخلت اخوانه بالموضوع والحمدلله كلموه وبعد جلساااات طويله وقناعات قدروا يكلمون زوجي ويكلمون الحقيره انهم يخففون من المسخره الي يسونها..
بس اللاجئه الحقيره ماعدتها لي على خير,,قامت تدخل على زوجي بقميصها النوم وهي بكامل زينتها على اساس انها ماتدري بتدخل الشقه الكبيره بتجيب لها شئ..(لاتنسون انو حنا باقين بيت اهله لين 2 او 3 بالليل)
ما ابغى اطول عليكم اكثر بس الحمدلله انها بانت على حقيقتها وعلى خباثتها وطلعت راعية رجال استغفر الله ..وجات بتجيب الشبهه حق البيت كله..فقام زوجها طلقها وافتكيت من شرها..تقريبا طلقها بعد زواجي بخمس شهور ..وقلت خلاص بتهنى لي العيشه..وبعيش بسعاده بدون كوابيسها..
بس حصل شئ ماكنت متوقعته..لاحظت زوجي ينفر مني بصوره موطبيعيه..يقولي اشوفك بنت قبيحه..ابعدي عني مااقدر اتحملك..بالرغم اني مسويته يادهينه لاتنكتين..
وطلع الموضوع انه مسحور..يالله طحت بمصيبه ثانيه شنو اسوي..باختصار قدرنا نحل مشكلة سحر التفرقه خلال سته اشهر..تخليوا عشت هالفتره وانا بجحيم وشبه عايشه لحالي مااقدر اروح معاه كل يوم بيت اهله ..انا بنت ابغى استقر بشقتي وباستقلاليتي تركته يروح لهم ويجني قريب الفجر..على قولته عيشي حياتك وخليني اعيش حياتي..حاولت أتأقلم على هذا الشي وكنت بهذي الفتره قريبه من الله لانو لو بشكي الحال للبشر مراح يفيدوني فشكيت همي وغمي للي خلقني..بس ما اخبي عليكم طول ماهو غايب عن البيت كنت قلقه وافكر بوضعي كمتزوجه ماذاقت طعم السعاده ..بالرغم هذا كله الا اني احبــــه بالاحرى متيمه فيه بس مو حاااس فيني ..الحمدلله انفك السحر وراحت العوارض الي فيه ..وقلت يالله الحين برتاااح وبستانس بحياااتي بعد ماعشت سنه من العذااب وعدم الاستقرار النفسي والعاطفي
آآآآهـ يابنااااااات والله العظيم جاتني مصيبه ثانيه وهذي المصيبه هي الي بتقتلني..والله العظيم صار لي ثلاثة ايام عايشه على الماي ما اقدر اكل ولا اشرب من كبر الظلم الي طاح على راسي..
____تابع القصه ومنها ابغى مساعدتكم___
​
 
كملي حبيبتي:33:

عسى ربي يفرج همك ويشرح صدرك
ويقول لاحلامك وامنياتك كوووووووووووووووووووووووووني
يا ارحم الراحميت فرج همومها يا رب​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل