أصدقاء الزوج (( الربع أو الشلة))

[kakashi]

السلام عليكم ورحمة الله وبركاته

مرحبا بنات كيف حالكن ؟؟؟

عساكم دوم مرتاحات

عندي بداية مشكله .. ألا وهي ربع الزوج

يعني صح هم يونسون بعض وفاهمين بعض وعارفين كيف يستمتعون بهاي اللحظات الثمينه

بس كل شي وله حد يعني مثلا اذا الريال طالع ويا زوجته وياه اتصال من ربيعه وخبره انه ويا الاهل المفروض يكون عنده شوية ذووووووق ويتصل وقت ثاني

كم مره تصير لي يوم أطلع يقعدون يرمسون مع بعض وبنظري هاي المواضيع ممكن تتأجل لوقت ثاني

وزوجي يطالني بنظرة (( ما-اقدر-اسكر-عنه-انا-لمحت-له-وهو-مايفهم ))

بصراحه يحز فخاطري واتم اطالع الشارع او العب بالتيلفون

يعني الرياييل كلهم يعرفون يوم الواحد يطلع مع حرمته تكون بينهم لحظات خاصه ليش عيل يستهبلون على بعض ويخربون على بعض :busted_red:

البارحه ومن شهرين ماطلعنا أنا وريلي طلعة محترمه عشان كان عدنا عرس فقرر ان نتمشى طول اليوم

ودق له واحد اونه انا مشتاق لك وبنقعد مع بعض
ريلي اعتذر له وقاله ان اليوم مخصص للمدام

وقلة ذرابة الريال قال متى بتطلعون عشان اييك قبل ونقعد نسولف :santa_1:

أنا انقهرت بس قلت براااايه يمكن عنده سالفة ضروريه ما تتأجل


بعد ماتغدوا ولعبوا بلي ستيشن الا الربيع يبا يودي ريلي العزبه :busted_red::busted_red::busted_red:

((((((((((( لاااااااااااااااااا تعلييييييييق )))))))))))

طبعا ريلي استحى يقوله لا .. ياني بنظرات :nosweat: ( انا-آسف-بس-عادي-اسير-وياه)

بالعادة انا اعطيه نظرة :icon28: واسويله اكبر طااااااااااااااااااااااااااااف

بس البارحه ما ادري شو ياني وقلت له سير المهم انك تستانس

قل لي بيعوضني المرة اليايه


شكلي قلت لكم قصة حياتي

بس والله شو هاي الحالة ويا ربع الزوج

طبعا انا دوم اناصح زوجي من هاي الحركات ويا اي حد واقوله ما ارضى عليك حد يرمس عليك ( قصدي حريم ربعه )

خخخخخخخخخخخخخ

فشو الحل اطنش واقول برايه .. بس يمكن يزيد
ولا شو ؟؟​

 

[الزهره البريه]

انا برأيي اعطيه حريته اكيد بحب يتسلى مع اصحابه لكن بنفس الوقت مو عحساب حياتك ولا تضغطي عليه بالعكس حسسيه انه اله حرية الخيار بس انتي من جهه تانيه اعملي جو حلوووووووووووو بالبيت اللي اذا طلع يضل عقله بالبيت لحد ما يرجع او انك بفترة غيابه زوري صديقاتك او اهلك يعني ما اظن اذا حكيتيله زهقان او جاي علبالي اغير جو يحكيلك لا خليكي بالبيت لحالك وانا بطلع!!!!!!!!

 

[kakashi]

بصراحة من ناحتي موب مقصرة معاه في شي

حتى الكل يقول من كان ريلي مايقعد في البيت الا وقت الليل
لين صار بس يطلع بعد صلاة المغرب لين 11 او 12

الحمد لله حتى هو يقولي اكيد مسويه لي سحر عشان اقعد معاج خخخخخخخخخخ

بس اللي اشتكي منه هو تدخل الربع وقت الزوج يوم يكون مع زوجته

انا اشجع ان الريال يطلع مع ربعه عشان يغير جو

حتى أنا عندي شغلات تشغلني وقت فراغي من الاهل والصديقات وقراءة الكتب والنت​