أسرع طريقه لتنزيل الوزن ?

[ندى ورد]

السلام عليكم ورحمة الله وبركاته

مساء / صباح الورد ?

كيفكم بنات

حبيت اشارككم بهالموضوع المتواضع

مافيه شيء اسمه انقاص الوزن بسرعه البرق كل بنت لازم تهتم على الاقل شهر عشان تشوف النتيجه المرضيه

عن تجربه

فيه ناس تقدر تخسر وزن بسهوله وناس ماتقدر نظراً للهرمونات الداخليه للجسم وكمان معدل الحرق

فيه ناس عندها انزيمات بجسمها تحرق حرق بنفسها

وناس ماعندهم هالميزه فلازم تتعب على بال ماتحرق دهون وتخسر وزن

اللي ابغى اقوله حبيباتي لاتعبو نفسكم كل شيء بهالحياه يحتاج اهتمام ونظام

اهتمو بنظام اكلكم مبدئياً خففو أكل لاتصدمو الجسم

ترى اللي تقول بسوي ريجيم وفجأه تسوي تتعب واذا تعبت ترجع تأكل وتأكل لين يزيد وزنها الضعف

الا الحرمـــان

يابنات لاتحرمو نفسكم من شيء بالتدريج

عن نفسي اول اسبوع قررت اخسر وزن خففت بالاكل

يعني اهم شيء الفطور افطرو صح افطري بيض حليب اشياء جسمك يستفيد منها وأكثر شيء ينزل الوزن البيض المسلوووق ركزو البيض المسلوق جداً لو داومتي عليه رح تخسري وزن بسهوله

يعني مثلاً انتي قرري وش النظام اللي بتتبعيه للحميه

مره استخدمت نظام البيض المسلوق والله ينزل وزن بشهرين لاحضت الفرق لكن تحملي الغثيان والريحه ههههه

وفيه نظام اللبن والتمر هذا ايضاً من الانظمه اللي بتخسر وزن

لكن لاتستعجلو على النتيجهة اقل شيء حطي ببالك سته شهور اذا مشيتي صح على نظام صحي يناسب جسمكم

وحاولو قد ماتقدرو تبعدو عن الحلويات السكريات بكل انواعها

انا استبدلت الحلويات بالفواكه والتمر لان فيها سكر ?

وأكثر شيء مهم مهم مهم ( المـــاء )

وياحبذا المويه بالليمون?

لاتهملو المويه جسمك محتاج سوايل بهالفتره

واذا قدرتي سوي رياضه يامشي او اي رياضه تناسبك عشان اذا نزلتي وزن جسمك ينشد مع النزول ويصير متناسق

وبالنهايه اتمنى كلنا نحصل على الوزن المثالي حتى لو بعد فتره من الزمن اللي يبغى الحلو يصبر على مره ?

موفقين ..​

 

[سودانية امورة]

تسلمى بس انا رشيقة هههههه مااحتاج رجيم