أستاذتي.. زوجي خائن ..أبي حل؟؟

[زوجة سلي]

السلام عليكم ورحمة الله وبركاته

أنا حامل بالشهر الثامن ..حملت بعد زواجي بشهر زوجي حنون وطيب وكريم يعني مو مقصر معي
لكن للآسف وأنا بالشهر الرابع من حملي أكتشفت خيانته مع قريبته ومع بنتين كمان , إذا طلعت لأهلي أو لأهله أكتشف إن بهالوقت يكلم البنات ورى بعض لأوقات طويلة صارحته وبكيت واعتذر لي وحلف انه يحبني ومايشوف غيري وغيّر شريحته صدقته وسامحته قلت بنفسي ابدأ حياة جديدة معه ولكن بعد فترة تقريبا شهرين عرفت من خلال الفواتير عبر موقع الشركة إن الوقت اللي اكون بعيدة عنه يكلم البنات والوقت اللي يخليني انام عند اهلي يروح البيت ويكلم بالساعات وانا أبدا مايعبرني لا بإتصال ولا برسالة دحين هو مستمر معهم بالإتصال وأخر مرة أمس شايفة اتصاله مع وحدة منهم مكالمتهم مستمرة لمدة ساعة تقريبا لأني كنت عند أهلي وهو بالبيت... وانا ماكلمته ماني عارفة أتصرف ابي حل ابي الإستاذة تقول لي كيف اتصرف معه ؟؟ ماأبي أعمل شيء واندم عليه ..

أستاذتي ساعديني أرجوك قولي لي أصارحة والأ لا؟ وش أقول له ؟؟ أو كيف اتصرف ؟وكيف اغيير اسلوبي وحياتي معاه ؟؟؟
جزاكم الله كل خير والله لايحرمكم الأجر..
اللهم سخر لي زوجي وأجعلني قرة عين له ..

 

[ملكة بدون عرش]

بما ان الاستشاره للاستاذه نا عمه فبقولك الله يسخره لك تعبنى من الرجال ذول

بس حبيت ارفع الموضوع

 

[عيوون الحب]

الله يسخر لك

 

[زوجة سلي]

ملكة بدون عرش .. أمين يارب ويسخر لك زوجك ويجعلك قرة عين له يارب

إذا لك رأي أختي ياليت تقولي ..جزاك الله كل خير

 

[زوجة سلي]

عيون الحب ..آمين يارب العالمين

شاكرة لك المرور والدعاء جزاك الله كل خير

 

[f.s]

الظااهر ان زوجك يفتقدك بغياابك,كوني جنبة ولا ترروحي بيت اهلك كثير ولو رحتي كلمية بلساعاات وهو مشتااق للكلام.سمعية احل الكلام..
والله يسخر زوجك لك ويرزقق الولد الصالح

 

[زوجة سلي]

f.s جزاك الله كل خير على تنبيهك لي أنا اذا رحت لاهلي أكلمه تقريبا لثواني ماأطول وهو بعد نفس الشيء باتصاله يدوب يسأل عني ويقفل الجوال بس هو أحيانا يقول إنه راح ينام ولا أتصل عليه بس بعد كذا القى بالفاتورة اتصاله مع البنات ...عرفت متأخر بالاتصالات الله المستعان

ربي يسعدك ولايحرمك السعادة بالدارين

 

[pinkgloss]

فعلااا خليكي وراه وراه حاولي تقليلين روحاتك لاهلك يمكن يتعدل شوي وتقربي له كثير لان زوجك مراح تنفع معه المواجه وقولي انه ناقصك حب وحنان اشبعني وتدلعي عليه .. عسى ينفع معك وكثري الاستغفار

 

[دمعتي خانتني]

عمري زوجك يحبك ويحترمك ..والدليل مايكلم قدامك
وانتي الحين حامل يكون حالة فتور وتباعد بسبب حملك
الله يهون عليك ..لكن أنتي حني عليه وشبعيه عاطفين
مثال قبل يطلع برا لزم اتودعيه..ولصار بعيد عنك
وانتي عند أهلك قولي له تعال أبغاك ضروري
ولجاء أطلعي معاها وقولي حبه أعشيك بالمطعم
ولرجعتي حاولي دائم اسلوبك معاه غنج ودلع وحنان
صدقيني أشوي أشوي ويرجعلك لكن نصيحه
لا تقولين أنت رجعت أتكلم لأنه راح
تروح هيبتك ويكلم وانتي موجوده في البيت
الله يفرج همك ويسخره لك
دعواتكم خواتي لها ..
الله يجزاكم خيرا
تقبلي مروري ​

 

[زوجة سلي]

فعلااا خليكي وراه وراه حاولي تقليلين روحاتك لاهلك يمكن يتعدل شوي وتقربي له كثير لان زوجك مراح تنفع معه المواجه وقولي انه ناقصك حب وحنان اشبعني وتدلعي عليه .. عسى ينفع معك وكثري الاستغفار

بإذن الله ,,, ربي يسعد قلبك على تواجدك ونصيحتك ..

جزاك الله كل خير

 

[نــور2010]

خلك قريبة منه لا تعودينه على غيابك
وانتي معه خلك مرحة ومفرفشة وسولفي معاه
لاتعطينه مجال يسرج ويفكر
الله يسخره لد ويهديه والله يسعدكم يارب

 

[زوجة سلي]

عمري زوجك يحبك ويحترمك ..والدليل مايكلم قدامك

الحمدلله ماوصل لهاالمرحلة

وانتي الحين حامل يكون حالة فتور وتباعد بسبب حملك
الله يهون عليك ..

عارفة والله بس ابي حل ونرجع مثل بداية الزواج والملكة

لكن أنتي حني عليه وشبعيه عاطفين
مثال قبل يطلع برا لزم اتودعيه..ولصار بعيد عنك
وانتي عند أهلك قولي له تعال أبغاك ضروري
ولجاء أطلعي معاها وقولي حبه أعشيك بالمطعم
ولرجعتي حاولي دائم اسلوبك معاه غنج ودلع وحنان
صدقيني أشوي أشوي ويرجعلك لكن نصيحه

بإذن الله راح أدلعه وأدلع عمري ويارب يرجع لي

لا تقولين أنت رجعت أتكلم لأنه راح
تروح هيبتك ويكلم وانتي موجوده في البيت

​

لامستحيل أقولها أو أصارحة واساله عارفة بنتيجتها الله المستعان

الله يفرج همك ويسخره لك
دعواتكم خواتي لها ..
الله يجزاكم خيرا

​

ويجزاك ربي كل خير ولايحرمك السعادة بالدارين آمين يارب العالمين

تقبلي مروري

​

كل الحب لروحك والف شكر لكلامك الطيب

 

[زوجة سلي]

خلك قريبة منه لا تعودينه على غيابك
وانتي معه خلك مرحة ومفرفشة وسولفي معاه
لاتعطينه مجال يسرج ويفكر
الله يسخره لد ويهديه والله يسعدكم يارب

دايما انا معه كذا اسوي قهوة وشاي واتابع كورة معه والتحليلات
وافلام واحكي واسولف بس للآسف مازال مستمر الله المستعان
جزاك الله كل خير على دعواتك وتواجدك ربي يسعد قلبك

 

[وردة الصبا]

الله يعينك ويصبرك مالك إلا الدعاء وأن شاء الله يفرج همك ,مريت أنابنفس الشي ولماواجهته اعترف وقال ماراح يعيدها وكانت مرحلة وعدت بس الجرح لسى بقلبي .

 

[حلمي صعب]

الله يعينك ويفرج همك

 

[الأنثى الجميله]

اللهم رد زوجها ردا جميلا
بس صدقيني اختي زوجك يحيك جدا
والدليل ما يكلم البنات الى فترة غيابك
حاولي تسيطري على تفكيره بمحبتك وان شالله تقومي بالسلامه

 

[وجدالمشاعر]

الله يسخر لك زوجك حيااااتي انتبهي ع نفسك ولا تتوتررررين وخليكي جمبه ودللللللعي عليه وياااحبيبتي فررررصه ذلحين سوي نفسك تقومين بصعوبه ودلع قولي له محتااااجه وقفتك بجنبي بختصاااار سوووووي حركاااات الحمل والله يشغله عن بناااات الحراااااام

 

[زوجة سلي]

وردة الصبا

الله يسخر لك زوجك وجزاك الله كل خير

دعواتي لك بالسعادة والحب

 

[جرح الشوق]

الله يبعد زوجك عن البنات جميعا ويشوفك اميره بعيونه والله يحنن قلبه ويسخره لك بكل الحب والشوق

 

[أحاسيس مجروحة]

الله يرده لك ردا جميلا ويعمي عينه عن أي بنت إلا أنت ويصم إذنه عن صوت أي بنت إلا صوتك يا رب أنت والتي تكتب لأنني أمر بنفس الحاله الله يفرجها عني وعنك يا رب