أسافر مع زوجي وعيالي ولاأقعد مع عيالي؟؟؟؟

[ام هيونه]

مرحبا بنات حبيت أستشيركم في شغله أنا صارلي 3 سنوات متزوجه وعمري ماسافرت لا شهر عسل ولا حتى عمره ....والحين عندي بنت سنه ونص وولد 3 شهور .....
وأقوله ابي أسافر استانس وأغير جو ...يقول بشرط تاخذين عيالج معاج ماتخلينهم عند أمج....أنا بفهم شلون وناسه وسفر والجهال معاي صراحه للحين حاااز بخاطري اني ماسافرت بروحي معاه واستانست

شرايكم اخذهم واروح ولا بيزهقوني وأتبهدل وأحسن أقعد....للعلم السفره بالسياره من الكويت للخبر

 

[سكره79]

ما عليج من زوجج أصري انج تروحين بدون عيالج بعدين اهو راح يستانس ويقول معاج حق العيال أذيه اللي تبديله الأكل بالمطعم يصير مسخره .... والخبر كله سوق بسوق فراره على طول من بيقظبهم أبو ثلاث شهور حرام ما يقول شي المشكله في البنت اللي تتحرك ... عاد ما أوصيج انتي ونسيه علشان يستانس ويسفرج .....

 

[دلوعة..]

ياحياتي هذا الي يصير لي دوم لكن فرق بنت عمرها سنتين وحركه وزوجي مايرضى نطلع وهي ويانا
حتى لوبنتمشى بالبلد

ع العموم اذا اصر عليك قولي اوك انت تتولي البنوته وانا اتولى الولد يعني لاخرجتوا علشان يجرب ويشوف كيف تتعذبي وياهم ..او خذي البنوته واتركي الصغير او العكس

والله يوفقك بسفرك

 

[طالبة رضى ربي]

حبيبتي سافري مع اولادك ما عليش لو تبهذلتي شوي اهم شي تعودين زوجك على السفر وللسفر فوائد يمكن يهتم في اولادكم شورتي سافيري بهم حتى لو هم صغار هذولا اولادكم

 

[ام بسملة]

انصحك سافري مع اولادك وتمتعي وزوجك ما راح يقصر بيساعدك وانتي اخذي لعبه صغيره للبنوته ودفتر تلوين بتتسلى ولا تنسي اخذي لوازم اولادك في شنطه صغير كل ما طلعتو مثل الرضاعه والحليب وبسكويت ولعبه وماي غرشه وحفاظ وكلينكس وصدقيني حلات السفر مع الاطفال متعه ووناسه

 

[أم هــزاع]

اذا المده قصيرة خليهم عند أهلج

بس اذا هو مصر خذيهم وياج و خليه يعوضج يوم تردون بليلة ف فندق من غير العيال