معلومات راجيه الرضا
- إنضم
- 18 فبراير 2017
- المشاركات
- 14,541
- مستوى التفاعل
- 9,665
- النقاط
- 113
أساطير طبية ..ومعتقدات خاطئة
مين اللي قالك الكلام دة ؟!!!
ماهو انا مابقاش دكتور قلب بقالي اكتر من 10 سنين علشان حضرتك تيجي وتقولي >>>
= (اصل انا يادكتور ضغطي بطبيعته عالي!!!)
مافيش حاجة اسمها ضغطي بطبيعته عالي..في حاجة اسمها انك مريض ضغط ومش بتاخد علاج او بتاخد علاج ضعيف ومش جايب نتيجة..الضغط العالي اكتر من 140/90 يستدعي علاج حتي لو حضرتك مابتحسش بأي أعراض..لان هدفي مش الاعراض.. هدفي امنع المضاعفات الخطيرة اللي ممكن تحصلك من ارتفاع الضغط المزمن زي جلطات المخ مثلا!!!
= (انا مدخن وبيجلي وجع في صدري..بس ماتقوليش بطل تدخين..ضيعلي الوجع بس ادخن براحتي)
التدخين دة اكبر بلوي حصلت لك في حياتك.. التدخين مش بس بيعمل ألام في الصدر لا دة بيأثر علي الأوعية الدموية في الجسم كله.. عد معايا.. القلب > قصور بالشرايين التاجية.. المخ> جلطة وشلل.. العين > فقد مفاجأ للنظر.. المعدة > قرحة بالمعدة وعسر هضم.. القدم > تصلب بشرايين الاطراف وشد عضلي متكرر .. الأعضاء التناسلية> ( كفاية كفااااية ارجوك ماتكملش) ?.. ياراجل دة وجع الصدر دة اخف حاجة ممكن تحصلك.. بطلها واستمتع بصحتك احسن لك
= (لما ضغطي يعلى بشرب كركدية سخن ولما يوطي بشربه ساقع ?)
اسكت اسكت ماتكملش.. طالما وصلت للمرحلة دي ماتكملش.. انت تخرج وتاخد حق الكشف بتاعك وانت ماشي.. واحنا اللي هنيجي نكشف عندك وتعرفنا طريقة عمل الكركدية السحري بتاعك دة ?
= (بعد الاربعين خد اسبرين.. انا بسفلي اتنين يوميا بعد الغدا.. معروفة دي بقي يادكتور)
الكلام دة كان في الأربعينات فعلا.. لكن حاليا الاسبرين (اسبوسيد الاطفال) له دواعي محددة لان وجدوا انه بيعمل مضاعفات خطيره لناس كتير لانه بيزود سيولة الدم وبالتالي احتماليات النزيف وخصوصا من المعدة وقرح المعدة.. فماتخدوش يابابا غير لو الدكتور كتبه لك علشان مايعملكش " فقر " دم واحنا مش ناقصين ?
= (انا عملت قسطرة للقلب وتسليك للشرايين التاجية بالصبغة وارتحت بعدها !!!)
وربنا مافي حاجة اسمها تسليك للشرايين بالصبغة ..دي اسمها "قسطرة استكشافية" بحقن الصبغة علشان اشوف بيها الشرايين فقط.. فأشخص الحالة اما الشرايين سليمة ومش محتاجة دعامات واما فيها تضيقات شديدة ومحتاجة علاج بالدعامات والبالون.. ولو عملنا الدعامات يبقي اسمها " قسطرة علاجية"
لكن تسليك بالصبغة دي.. زي بظبط كأنك روحت تعمل اشعة مقطعية بالصبغة فخفيت بعدها ( لا سحر ولا شعوذة) .. اشعة تشخيصيه بتخفف !!!.. دة احنا ندي لجهاز الاشعة جايزة نوبل ونقعد احنا في البيت بقي ?
= (عملت تحليل سرعة الترسيب والميكروب السبحي لقيتهم عالين وباخد حقنة البنسلين طويل المفعول بقالي 5 سنين)
حقنة البنسلين طويل المفعول لا تعطي اعتماد علي تحليل سرعة الترسيب والميكروب السبحي فقط.. ولازم توافر شروط اهم بكتير علشان اشخص انك مريض حمي روماتزميه ومحتاج الحقنة فعلا.. غير كدة انت بتعذب نفسك وأولادك بحقنة مؤلمة جدا سنين طويلة بدون داعي.
د. خالد حامد دكتور امراض القلب والقسطرة الطبية
ماهو انا مابقاش دكتور قلب بقالي اكتر من 10 سنين علشان حضرتك تيجي وتقولي >>>
= (اصل انا يادكتور ضغطي بطبيعته عالي!!!)
مافيش حاجة اسمها ضغطي بطبيعته عالي..في حاجة اسمها انك مريض ضغط ومش بتاخد علاج او بتاخد علاج ضعيف ومش جايب نتيجة..الضغط العالي اكتر من 140/90 يستدعي علاج حتي لو حضرتك مابتحسش بأي أعراض..لان هدفي مش الاعراض.. هدفي امنع المضاعفات الخطيرة اللي ممكن تحصلك من ارتفاع الضغط المزمن زي جلطات المخ مثلا!!!
= (انا مدخن وبيجلي وجع في صدري..بس ماتقوليش بطل تدخين..ضيعلي الوجع بس ادخن براحتي)
التدخين دة اكبر بلوي حصلت لك في حياتك.. التدخين مش بس بيعمل ألام في الصدر لا دة بيأثر علي الأوعية الدموية في الجسم كله.. عد معايا.. القلب > قصور بالشرايين التاجية.. المخ> جلطة وشلل.. العين > فقد مفاجأ للنظر.. المعدة > قرحة بالمعدة وعسر هضم.. القدم > تصلب بشرايين الاطراف وشد عضلي متكرر .. الأعضاء التناسلية> ( كفاية كفااااية ارجوك ماتكملش) ?.. ياراجل دة وجع الصدر دة اخف حاجة ممكن تحصلك.. بطلها واستمتع بصحتك احسن لك
= (لما ضغطي يعلى بشرب كركدية سخن ولما يوطي بشربه ساقع ?)
اسكت اسكت ماتكملش.. طالما وصلت للمرحلة دي ماتكملش.. انت تخرج وتاخد حق الكشف بتاعك وانت ماشي.. واحنا اللي هنيجي نكشف عندك وتعرفنا طريقة عمل الكركدية السحري بتاعك دة ?
= (بعد الاربعين خد اسبرين.. انا بسفلي اتنين يوميا بعد الغدا.. معروفة دي بقي يادكتور)
الكلام دة كان في الأربعينات فعلا.. لكن حاليا الاسبرين (اسبوسيد الاطفال) له دواعي محددة لان وجدوا انه بيعمل مضاعفات خطيره لناس كتير لانه بيزود سيولة الدم وبالتالي احتماليات النزيف وخصوصا من المعدة وقرح المعدة.. فماتخدوش يابابا غير لو الدكتور كتبه لك علشان مايعملكش " فقر " دم واحنا مش ناقصين ?
= (انا عملت قسطرة للقلب وتسليك للشرايين التاجية بالصبغة وارتحت بعدها !!!)
وربنا مافي حاجة اسمها تسليك للشرايين بالصبغة ..دي اسمها "قسطرة استكشافية" بحقن الصبغة علشان اشوف بيها الشرايين فقط.. فأشخص الحالة اما الشرايين سليمة ومش محتاجة دعامات واما فيها تضيقات شديدة ومحتاجة علاج بالدعامات والبالون.. ولو عملنا الدعامات يبقي اسمها " قسطرة علاجية"
لكن تسليك بالصبغة دي.. زي بظبط كأنك روحت تعمل اشعة مقطعية بالصبغة فخفيت بعدها ( لا سحر ولا شعوذة) .. اشعة تشخيصيه بتخفف !!!.. دة احنا ندي لجهاز الاشعة جايزة نوبل ونقعد احنا في البيت بقي ?
= (عملت تحليل سرعة الترسيب والميكروب السبحي لقيتهم عالين وباخد حقنة البنسلين طويل المفعول بقالي 5 سنين)
حقنة البنسلين طويل المفعول لا تعطي اعتماد علي تحليل سرعة الترسيب والميكروب السبحي فقط.. ولازم توافر شروط اهم بكتير علشان اشخص انك مريض حمي روماتزميه ومحتاج الحقنة فعلا.. غير كدة انت بتعذب نفسك وأولادك بحقنة مؤلمة جدا سنين طويلة بدون داعي.
د. خالد حامد دكتور امراض القلب والقسطرة الطبية
اسم الموضوع : أساطير طبية ..ومعتقدات خاطئة
|
المصدر : الموسوعة الصحية المتكاملة
