أسألكم بالله تجاوبوني بصراحة

د

دمعة بريئة

New member
إنضم
2009/05/08
المشاركات
307
كل عام وانتم بخير ’’
بنات أبيكم تجاوبوني بصراحة وش رايكم بزوجي
كل ليلة عيد يعزم أهله وأخوانه وعيالهم يعني العيله الكريمه
ويتعشون ووو أنا بصراحة ماكون فاضيه لهم خاطري أرتاح خاصة بعد
تعب رمضان لاننا نتناوب بالفطور من يوم تزوجت وعلى هالحال ماعمر يوم
عزمونا يعني مرتاحين وأخوانه أكبر منه بس يبون يريحون زوجاتهم
أنا عندي عيال وماعندي شغاله وعلى أخر رمضان أكون طافيه جد
أنا أقول من حقي أرتاح مره عندهم مره عندنا وكذا والله يابنات إنهم يجون لابسين
ويسولفون ويتعشون وأنا بالمطبخ مو ظلم حتى والله إني قبلها النوم ماأنام زين لاني من النوع اللي أقلق وأشيل هم أبي كل شي نظيف ومرتب بصراحة تعبت من حقي في العيد ألبس وأتكشخ وأنعزم زيهم مو عيدي بالمطبخ:busted_red: معاي حق ولا لا بس أبي رد ..

وأدعولي أعيد عند أهلي حدي تفشاااانه من الرياض أبي أهلي .........
 
طيب طالبي بحق من حقوقك وهو الراحه
وان اضطريتي للكيد تميرضي من غير شر واقعدي بغرفة النوم استرخي وسوي نفسك نايمه وريحي مخك
او اذا كان من النوع اللي ممكن يسمع كلميه بكل لطافه وهدوء قولي رح خذ لك عشاء واجتمعو بااي مكان تبغون
وانا بجلس بالبيت اهتم بنفسي وعيالي واسترخي قبل العيد وزحمته..
 
نفس الشي انا اهل زوجي يعملون كذا يعزمون كل العايله عند بيتهم يعني ام زوجي تطبخ وتنفخ وهم كولهم يجون لابسين وكاشخين وياكلون ويطلعون وام زوجي تضل 3 ايام تطبخ وتنظف وماعندها شغاله انا مرة من المرات قلت لزوجي والله لو انه اخوانك تزوجوا وزوجاتهم مايرضون احد يدخل في بيتهم زي زوجات عمك ولا يحلمون اعزمهم في بيتي ولا افتح بيتي مطعم قلت اقولها اله من البدايه حتى لا يفكر انا مثل بيت اهله لانه ماشاء بيت اهله مفتوح للعزايم واي احد من عمومته لو فكر يعزم تكون على شاي وحلا ساعتين وبس
 
طيب اخذيه بالحيله وسوي نفسك مريضه
بس لا تجيبي سيره اهله انتي بسم الله عليك تعبانه
راح يحس بالذنب انك مرضانه ((بعيد الشر
واهو جالس يتكلم في اهله.


واذا حكى عنهم قولي حرام كان ودي يجون مشتاقه لهم بش تعبانه

علمينا النتائج اووكي ^^
 
الله يعينك ع قولة دلع قلبه طالبي بحقك بالراحه انتي مو اله بس للشغل والطبخ
المفروض كون لك كلمه عند زوجك ورأي واتفاهمي معاه وقوليله انك تتعبي وتعبي برمضان
ومن حقك ترتاحي وتنبسطي بالعيد واكسري خاطره عشان يكنسلها
 
أشيري عليه يستأجر استراحة ويطلب أكل من المطاعم وما أكثرها

وبذلك ترتاحين وتستأنسين
 
بصرااااااااحة ... دللي نفسك ليدللك الناس من حولك.. ليس أجمل من أن يجد الناس مكانا يأكلون فيه دون أن يتعبوا بالوقوف في المطبخ لساااااااعات لذلك هل ستستمري في ذلك؟؟ هل أنت طاهية لهذه العائلة الكريمة ؟؟ انظري في عيني زوجك وقولي كفاااااااا لن أستمر في هذه الوظيفة ... لاتخافي قد يعترض بقوة في بداية الأمر لكن إن بقيتي مصرّة على موقفك سيعلم أنك جدّية جدا في هذا القرار.. أما البديل فهو مسؤول عن إيجاده ليقترح عليهم طريقة تجمعهم معا دوووووون أن تكوني أنتي الطاهية لتلك الأفواه ... قهرتيني والله .. ربي يكون معك .
 
الله يعينك ذكرتيني بزوجة عمي والله تكسر خاطري,,,
والله قهرررررررر,,
 
والله حتى انتي من حقك تلبسين وتفرحين بالعيد مثلهم استأجروا استراحه وريحي رأسك
 
تشكي على زوجك انك تعبانة جسديا ومحتاجة راحة

وروحي لاهلك وارتاحي

وبيني بعدين ان التعب نفسي اكثر شي

واشرحي له موقفك وبثبات وان الطبخ والعزايم تكون دوريه

مثل ماتكرفين يجيهم الدور وغير كذا بقعد ببيت اهلي

واصري ومصيره بيرضخ
 
اصبري
ادعي ان الله يصرفهم عنك وقولي(اللهم اكفنيهم بماشئت) ... والله دوام الحال من المحال
 
حقيقةً أستغرب لبعض الأزواج قسوتهم على زوجاتهم وما ذلك إلا نتيجة رضوخ الزوجة التام لطلبات زوجها ..

نعم طاعة الزوج واجبة ولكن إذا أردت أن تُطاع فمر بما يُستطاع ..

عزيزتي من حقك أن تكوني ملكة كسائر ملكات العائلة .. طالبي بهذا الأمر وبإصرار كبير فمن حقك وثقي أن المؤمن القوي خير وأحب عند الله من المؤمن الضعيف ..

سخر الله لك زوجك وحنن قلبه عليك ..
 
يعني جمعتكم ليلة العيد مو بيوم العيد؟؟وهذا هو عيدكم؟؟
 
وسط الجلسة وهم عندك قوليلهم ايش رايكم بكرة نتعشى عندفلانة وختاري وحدة من اهل زوجك وحرجيهم بصراحة ابوي كل سنة اول يوم كان العشاعندو لما مالقى حديعزمه عمل الاسلوب دامعاهم ايش رايك يابو فلان نتعشى بكرة ولابعدها عندك وبعدها حرمو يجو ولو حضروثاني يوم العشاعندهم
 
ياما تبين له انك متضايقة وتقولين له هما يجوا كاشخين مو انا اقعد اكرف ولاحتى وحده تساعدني وحزنية مررة ونزلي كم دمعه واحضنية وقولي له تعبت وسوي لك كم فيلم
رومانسي طبعا عشان مايجوا
ههههههههههه
او تقول له يجيب من برة وش تبي يقولون عنك مايدلعها مخليها مسكينة تكرف اذا بحالة غصبك يجوا قوليلة خلاص من المطعم حلو ونظيف ورخيص وخلية يدفع
او الحل الاخييير اه اه تعبانة مو قادرة اشيل جسمي
 
ماشاء الله البنوتات ماقصروا وانا اوافقهم الرأي ياتستأجرون استراحه او تكون دوريه العيد كل سنه على واحد من أخوانه والله يوفقك ويسهل امرك
 
حبيبتي دللللللللعي نفسك انتي مو مخلوقه للكررررف كل شي بالمعقوووووووول
 
انا قالي زوجي كلام ورفضت بقوه
بس لو يجي الصدق ويعزمهم برضى بالأمر الواقع بس بشرط عليه شغاله ويبشرررر لو كل عيد عندي
مع ان حمولتي الله يرفع قدرهم دنياء واخره لو يقول عشان امي بقول عادي تستاهل كل عيد شايلتنا فووووق راسها مع ان الكل يجيب معه شي وكل يساعد ـ يعني مافيه احد ثقيل طينه حاط رجل على رجل الكل يفزع وهذا اللي مهونها 00
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل