أريييييييييييييييييييييد هديه

[وردية مرة]

شخباركم بنات عندي موضوع أبا ألقاله حل ريلي كريم وطيب القلب بس مشكلته مايهديني بالمررره وما عنده عنصر المفاجأه بالمررره أنا طبعي رومنسيه أحب سوالف الهدايا و أهديه من فتره لفتره يستانس على هداياي بس ما يفكر أنه يهديني و قمت ألمحله ماشي فايده خاطري فيوم من الأيام أرجع البيت ألقاه مجهز هديه ولو أرخص هداايا الدنيا ما يهمني بس أبيه يحس فيني وهو من النوع اللي ما يعترف بأعياد ميلاد أو يوم زواجنا ويقولي هاذي تقاليع غربيه أوكيه شي ثاني خاطري فيوم يطلعني بشكل مفاجئ و أكتشف أنه عازمني لمطعم أهم شي يفاجئني أتمنى هاليوم مايوديني مطعم أو أي طلعه من نفسه لازم أطلب منه مع العلم أنه هو رومنسي بس مايسوي هذا كله :sadwalk::sadwalk::sadwalk:

 

[رنودة**]

ياغالية زوجي طبعه نفس زوجي

ولكن الهدايا كانت ايام الخطوبة فقط

وفي الأعياد نادرا جدا يهديني

الرجال الخليجي بعيد عن شي اسمه رومانسية اقلمي نفسك ولا تتنكدي

 

[nanaa]

والله العظيم انا بعد نفس الشي بس بعدين ملييييييييت دايما انا اهدي واسوي مفاجات و هو ما يفكر يهديني ولا شي اخيرا و بعد تعبت من التلميح قلت له والحين صار كل مية سنه و ميه سنة يجيب لي هدية شو رايج قولي له باسلوب كله دلع و شوفي شو بيصير

 

[دمعة ليل]

هلا اختي

تصدقين كانك تتكلمين عني...

ما كو هدايا حتى ايام الخطوبه...المتعارف عندنا الخطيب يجيب لخطيبته هدايا في الاعياد والنجاح والمناسبات السعيده.. وبعد الزواج اذا ولدت او العيد وغيره ...اما زوجي ابد ولاهو هنا.. ما يعرف هالشي حتى صباحيه ما عطاني..هو كريم بس ما يعرف عنصر الهدايا والمفاجئات في الحياه الزوجيه..

لمحت له ما في فايده..صارحته ما في فايده..بكيت ما في فايده..صار لنا 4 سنين متزوجين وعندي بنتين ولا جاب لي هديه ولاده..وانا عطيته جميع انواع الهدايا بس خويك عمي (على وزن عمك اصمخ)

تدرين اش سويت العيد قريب شريت لنفسي عطرين وطقم لازوردي التقليد اللي ب200 من فلوسي وعطيتهم اياه وقلت له لو سمحت غلفهم وعطني اياهم في العيد...قام يضحك بستهزاء يقول شالسخافه؟؟؟ولو سمحتي لا عاد اشوفش جايبه لي هديه من هداياش البايخه والغبيه..(مع ان والله هداياي غااااليه وحلوه ولا عمري منيت عليه اني جبت له)

مع العلم ان زوجي جنوبي بس ما يعرف للرومانسيات..

عموما انطميت وسكت وقررت اشتري لهلي هدايا واخليه يولي...سوري طولت وقلت قصه حياتي...:surrender:

 

[مجنونة ميدو]

الله يعينا بس على هاالرجال في عااااالم وحنا غرقانين رومنسيه بس دواهم انك كل فتره تذكرينهم وتقولين وانت راجع ياااريت هديه منك حلوه مثلك حتى لو كت كات بس كل شي يطلع منك حلوياحلو لوبالغتو شوي مافي مشكله

 

[الورده الشرقيه]

يوووووووووووووه الهدايا انا محذوفه من قاموسي
مستحيل زوجي يجيب لي هديه
الا بالموت
بذكرى زواجي اللي فات وصار له حوالي السنه سويت له
ذكرى ولا اروع لاتنسى بفندق وشي وشويات مره انبسط
واعطيته هديته وانبسط
وانا انتظر وانتظر مافهم ولايسوي نفسه مافهم
قلت له حبيبي عاد وش استاهل منك هديه
قال لازم قلت انت كريم وحنا نستاهل
قالي اوك
واخذني لمحلات الساعات وقالي خوذي الساعه اللي تبينها
اخذت ساعه غاليه مرررررررررره
قلت تعويض عن الاوقات اللي مااهداني فيهم
وبس هذي احسن طريقه
جربيها
واسفه طولت قلت قصه حياتي كلها
موفقه

 

[وردية مرة]

مليت يا بنات من خمس سنوات وأنا على هالحاله ماشي فايده بنتحر خاصه يوم يقعدن خوات زوجي وكل وحده تفتخر واطلع شو هداها زوجها والله قهر والله أنا ما يهمني قيمة الهديه أهم شي هديه ولدت مرتين ما فكر يفرحني بهديه يعني شو أسوي؟؟؟؟؟

 

[ملكة غير متوجة]

:tears: قبل اسبوع كان عيد زواجنا .. متعبة حالي ومزهبة هديته وحفلة صغيرة ! نطرت ! الزوج العزيز حتى مو متذكر انصدم لما دزيت له مسج وذكرته!

صار لي سنتين .. لا في عيد ميلاد ولا في عيد زواج يتذكره
ما شاء الله عليه بس يتذكر عيد ميلاده هو:icon28:

صراحة عصبت عليه للحين ما كتب بينا الله عيال .. وما في مسئوليات عيل لو فوق روسه 5 يهال وقرض وأقساط بينساني كلي؟

حتى هديته ما عطيته للحين من كثر ما حز بخاطري

أبي هدية من نفسه من غير ما أقوله .. الله المستعان:tears:

 

[الورده الشرقيه]

ياعمري ضيقتي صدري
جتني فكره بشتري هديه واحطها عند باب بيتكم واكتب عليها انها من زوجك
خخخخخخخخخخخخخخخخ
والله امزح معك
بس من جد الموضوع هذا متعبني كثير مثلك
بس مالك الا الدعاء ياقلبي موفقه

 

[باسنت]

احمدو ربكم.......انا لي الان عشر سنوات وجبت اربعه ماعطاني هديه ولا واحد فيهم..........وانا حتى الاب توب اهديته.........والله مو قصدي شي ........بس حتى الرسول قالها "تهادو تحابو"......يارب تسخر لي زوجي وجميع المسلمات........

 

[لتيــــن]

مدري ليش الهدايا ثقيلة على جيوبهم... اخر هدية يوم ولدت لي سنة..

 

[شموخ الأمارات]

يمكن إذا تهدين زوجك في كل مناسبه بيصير هذا الشي عنده روتيني بيفكر يجبلج هديه من دون ما تقولين له جيب هديه

 

[*ورد أحمر*]

هههههههههههههههههههههه


والله معاناة


آآآآآآآآآآآآآآآآآآآآآآه كم اعاني


بس الصبر والتطنيش زينين

ههههههههه

 

[شتتنيــ غيابهــ]

آآآآآآآآآآآآآآآآآآه نفس المعاناه في كل بيت
بعدشهر اكمل اول سنه زواج
والله من يوم ماتزوجت ولا هديه ولاااااااااااااااا هديه
انا مو بس لمحت كنا فالسوق وكان في محل هدايا وقفته قدامه وقلتله
ادخل اشتريلي هديه مايصير تزوجنا وماهديتني حملت وماهديتني وجاء العيد الاول "كان بعد زواجنا بشهرين"
وماهديتني جاء عيد ميلادي وماهديتني تعبت وقمت بالسلامه ماهديتني سافرت عنك اسبوعين
وانت اللي جيت اخدتني وماكلفت على نفسك تجيب شيء فيدك
تدرون اش قال؟؟؟؟؟؟؟؟؟؟؟؟؟
آآآآآآآآآآآآآآآآآ قالي امشي بس انا قلتلك كبرت على هدي الاشياء
آآآآآآآآآآآآآآه قهرني لانه اكبر مني بشويات
وبعد فتره كان نفسي فورده ارسلتله ممكن تجبلي ورده يارومنسي
عاد جلست استناه متى يدخل واش بيجيب لون وكيف هيديني اياها
آآآآآآآآآآآآآآآآآآآه دخل قلتله فين الورده ضحك وقال خلاص كبرنا اهيء اهيء اهيء
بس اليوم التاني مرينا جمب محل ورد والحمدلله عوضني ونزل اشترالي
الله يعيننا اشوف اش هيجيب فالعيد ده

 

[دمعة المظلوم]

ههههههههههههه نفس الحالة
كلنا بالهوواااا سووا

الحمدلله يوم زوااجنا اهدانا لكن يوم ميلاادي مررتين ولاا عطاااني شي معذورر مفلس ههههههههه


كل مرة نووقف صوب محل يبيع ورد او مطااعم اقول له جيب لي وردة ابي وردة بس ووووحده يقول امشي وين امشي والوردة ما جبتهااا هههههههه

هووو كريم لكن عقدته مع الوردة

 

[مسرعه بشويش]

قال بيجيبو هدايا لا والله بيجيبو طلبات المطبخ ويقولو يالله نبي الطبخه الفلانيه ونحمد ونشكر اذا قالو شكرا نا مشكلتي زوجي يهدي بس مايفاجيء اذكر مره جاب طقم ذهب على قولته رضاوه زعل حصل بينا المهم ركبت السياره طلع الكيس كان كشخه لانه من ذوق راعي الهب المهم قال اشرايك عاجبك ولا لا سكت ومده لي اخذته وانا اجفف دموعي من طريقه تقديمه

 

[مسرعه بشويش]

واذكر مره قلتله ماحب الذهب والعطور مليت ابي ورد قال ليش الورد مايصلح يذبل ماتستفيدي منه والا الذهب والعطر يبقى يااااااااااااااااااااااااااربي احس اني اتذكر السالفه وانقهر

 

[حالمة بخواطري]

أنا عكسكن كان هو الذي يهديني هدايا كثيرة في بداية الزواج
و أنا كنت أهدية هدايا بسيطة لكني افسد الأمر من كثرة تذمري عليه
و كثرة صراخي و و و و كنت عصبيه جداً و اعمل من أي أمر صغير و تافه
مشكلة كبيرة جداً ، كانت هداياة ثمينه و انا كنت افسر ذلك أنه يريد مراضاتي
و عندما حصل لما ما حصل ( سبق و كتبت موضوع بذلك ) و حصل الإنفصال
راجعت أمري و وجدت كم كنت عمياء لا أرى النعمه التي كنت بها و كيف أفسدت
حياتي بيدي ، كان يريد مني الهناء و المودة و الحب ، و أنا اعطيته عكس ذلك
حولت بيته إلى جحيم .
المهم استفدت كثيراً مما حصل معي و عكس الأمر ، و الحمدلله أصبحت الأمور
أفضل مما كنت عليه سابقاً ، حتى لو لم يعطيني الآن هدية لا مانع لدي .
وجودي بين أطفالنا و هو بجانبي يسندني ، و متفهم لحالتي العصبية تلك
هذا الأمر يكفيني .
و للحديث بقية .

 

[أسماء زكي الدين]

احمدو ربكم.......انا لي الان عشر سنوات وجبت اربعه ماعطاني هديه ولا واحد فيهم..........وانا حتى الاب توب اهديته.........والله مو قصدي شي ........بس حتى الرسول قالها "تهادو تحابو"......يارب تسخر لي زوجي وجميع المسلمات........

هههههههههههههههههههههههههههههههههههههه


الحال من بعضه

اصبروا

أنا صار لي 14 سنة :schmoll:

وبحضر لكن موضوع بهذا الخصوص ​

 

[توما]

احمدو ربكم.......انا لي الان عشر سنوات وجبت اربعه ماعطاني هديه ولا واحد فيهم..........وانا حتى الاب توب اهديته.........والله مو قصدي شي ........بس حتى الرسول قالها "تهادو تحابو"......يارب تسخر لي زوجي وجميع المسلمات........

ههههههههههههه
انا بعد في بالي اهديه لابتوب
بس تصدقون هداياي غاليه ومتعوب عليها وعساني صرفت مصروفي كله عشانه في الاخير القى منه شي بسيط جدا جدا وبالتلميييييييييييييييح طبعا :schmoll:
فقررت اني ما اهديه اي شي الا لما يتسنع ويجيب شي سنع مو خرابيط واي كلام
:bleh:​