أريد حل لمشكلتي ......

[وردة من ألماس]

أنا حامل وأبغى أقضي فترة نفاسي في بيتي لأن قريت عن الأستاذة ناعمة إنه مايصلح الزوجة تبعد عن زوجها في وقت النفاس لاسيما أن أمي متوفية ووالدي موجود الله يخليه لي وله زوجة وبيت أهلي كبير والحمدالله وزوجته طيبه ولكن وقت نفاسي في فترة الدراسة وأبنائي الصغار يروحون للمدرسة والمدرسة قريبة من بيتي ولما كلمت زوجي عن الموضوع رفض رفض باتاً لأنه يبا يرتاح وياخذ راحته في بيته لأن بيته صغير وبيت هلي كبير والزوار رادين ورايحين وريحة الحلبة تضايقه وهو يبغى أتم في بيت هلي 40 يوم وياخذني مثل العروس ولما حاولت فيه مره ثانية قال لي إنسي هالموضوع وإذا أصريتي رايح أتزوج عليك مره ثانية علشان تعرفين إنه مايصير تكسرين كلمتي .....:icon28:

 

[الخط الفاصل]

الله يفرج همك ويؤلف بينك وبين زوجك

حبيت ادعيلك​

 

[دلع قلبه]

عزيزتي لاتجعليني من فترة النفاس فترة زعل ومشاكل ولايكون استقبال مولود سبب في صراع بينكم
بالعكس اذا كان بيت اهلك موجود روحي وريحي عندهم وجددي نفسيتك وخلي زوجك يشتاق لك
اللي تقصده الاستاذة ناعمه والله اعلم ان ممكن بعد الزوجه المبالغ فيه عن الزوج سبب لخيانته او زواجه
لكن اذا زوجك من الاساس انسان محترم وانتي وياه على وفاق
وهو مصر انك ماتقعدين فرصه لتجديد الحب بينكم
وتقدرين بذكائك تكونين متواصله معاه خلال وجودك في بيت اهلك برسائل والاتصالات بين فترة وفترة
تعزمينه يجي لكم وهكذا
بالعكس انا اشوف انك وقتها بتحتاجين من يساعدك ويهتم فيك مو انتي تهتمين فيه!!ِ

 

[دمعة الغيمه]

انتي اللي عودتيه على هذا الحال الله يهديك

 

[وردة من ألماس]

لا احبيبتي كثيرمن الزوجات وخواتي قبلي كانويقضون وقت نفاسهم في بيت هلي وبعد ماصارلهن أربع أطفال صاروفي بيتهم وخاصة بعد ماتوفت الوالدة قبل أربع سنين

 

[وردة من ألماس]

وأبوي كبير في السن ولايحب الإزعاج

 

[قطـــــريه]

قولي له ابوج يقول مايتحمل ازعاج اليهال .. خلاص وردي بيتج ..