معلومات افاقة بعد صدمة
- إنضم
- 5 ديسمبر 2009
- المشاركات
- 14
- مستوى التفاعل
- 0
- النقاط
- 0
أرجوكم اللي عندها خبرة في سفر الازواج
بسم الله الرحمن الرحيم
السلام عليكم
بصراحة هذي اول مشاركة لي في هذا المنتدى الاكثر من راقي ,كنت اقرا يوميا فيه الين تشجعت اني انتمي لكم بعد ما حسيت انكم اكيد رح تفيدوني لان بصراحة في ترابط عجيب بين الاخوات هنا ما شاء الله لا قوة الا بالله
المهم اتمنى تفيدوني في مشكلتي
بداية لازم تعرفوا انه زوجي غربي شمالي بس الصفات الغربية اكثر ( ما ادري اذا كان في فرق بين الغربي الشمالي والشمالي الغربي او لا اللي تعرف تفيدني مشكورة) ولازم تعرفوا انه انا لي 10 سنوات متزوجة ماشاء الله تبارك الله
المهم....
زوجي يحب السفر كثير , ما كان اول كدة بالعكس كان يعتقد انه حرام ومافي داعي الواحد يسافر بدون سبب
لكن بعدين بسبب شلة الانس والفساد اقتنع انه مافيه شي السفر ولوحدك كمان, بدأمشروع السفر قبل اربع سنوات تقريبا, بدأ يسافر للدول العربية مع اصحابه تضايقت في البداية لكن طبعا اللي في راسه سواه وراح ,في سفرة من سفراته لسوريا خطب من هناك ورجعلي خاطب وحصلت شوية امور خلته يفركش الخطبة والحمدلله رجعلي زوجي
بعدها اقنعوه اصحابه انو سافر بس مافي داعي تخطب كل ما سافرت وتخرب بيتك وتزعل زوجتك اشلك بالغلب ووجع الراس سافر واتفرج على الطبيعة والبنات بس تفرج وخلاص ( شوفوا التفكير المنحط)
المهم سار يسافر كثير انا مانكر انه هو بعد ما يسافر كان يرجع يسفرني لكن بعدين بطل وسار يسافر لوحده بكل عين قوية
السنة دي يمكن سافر اكثر من خمس مرات لدول متفرقة بعضها عربية وبعضها غربية وكلها لغرض التمشية فقط ولوحده حتى بدون اصحاب ولا في اي طريقة تمنعه
ولا يفكر لا في ولا في الاولاد مع انهم يقولو يابابا نبغى نسافر يقول بعدين
اللي قاهرني يا بنات اني اعرفه في السفر عينه طويله عيني عينك لمن اكون معاه حتى ما يحترمني واذا زعلت يقول ما يزعل ومثلا يطالع و يعلق اذا شاف وحدة حلوة يقول حلوة وفيها وفيها قدامي ويتحين الفرص عشان يتكلم مع البنات خاصة الحلوات ومثلا اذا كنا ع البحر وفي بنات يلعبو كرة ولبسهم فاضح يروح يلعب معاهم عادي وانا اتفرج من بعيد مع العلم انه انا البس عباية في السفر ويخليني اتنقب , معليش سامحوني انا احكيلكم بالتفصيل عشان تكونو في الصورة وبالتالي تقدروا تحكمو على وضعي وتعطوني الراي السديد واقدر اتعامل معاه
السؤال : كيف اخليه يبطل السفر دا لوحده واخليه ياخدني انا والاولاد او انا لوحدي كيف اقنعه
وكيف اقنعه انه اذا حجته اولادك صغار انه يجلس ينثبر في البيت معانا يمشينا في بلدنا بدل ما يخلينا لوحدنا وهو يتهنى مع العلم انه اكبر اولادي 9 سنوات
ارجوكم ساعدوني ياللي عندهم خبرة ابغى اراء سديدة رجاء عن تجربة عشان استفيد
على فكرة سمعته يرتب لسفرة بعد اسبوعين ومتضايقة كيف اخليه يبطل اعطوني اراء انا في الاونة الاخيرة سرت ما ارتبله الشنطة الا اذا كانت سفرة عمل ارتبها وانا مبتسمة كمان لكن اذا كان تمشية فقط ما ارتبها اقوله انا مو موافقة ولا مقتنعة بسفرتك دي واخليه حايس لوحده يرتب ايش رايكم استمر كدا ولا غلط
اخيرا احبكم في الله :icon26:
اسم الموضوع : أرجوكم اللي عندها خبرة في سفر الازواج
|
المصدر : الأستشارات الزوجية العامة