أدخلي وأكتبي فكرتك الجهنميه لمساعدتي.

[ميمو قطر]

:sadwalk::sadwalk::questionmark:ياخواتي عطوني أفكار شنو اسوي حق أخو زوجي أمس عرس وسافر اليوم مع عروسته وانا أبي أسوي لهم شي غريب يعني فكره جديده من افكاركم الجهنميه ساعدوني والله يجزيكن كل خيروبسرعه لوسمحتوا عشان أستعد وأجهز وأستطيع أن أنفذ أفكاركم الحلوه وعندي امل فيكم وشكرا".

 

[مكان القمر]

ممكن تكون فكرتك للعروسه وماتسوي شيء لزوجها ابد
ترى الوحده فينا ماتحب احد يسوي شيء لزوجها مهما كانت المناسبه

طيب انت وضحي الفكرة تبين تسوين سبرايس في شيء معين او شنو !

 

[كونتيسة]

اهلا اخيتي .. ما فهمت تبين تسوين شنو مثلا؟

 

[% نور الدنيا %]

امممم سوي زي سلفة خالتي يوم رجعو من شهر العسل حجزت لهم شاليه وراحت وضبطته وجابتلهم كيكه فيها اسمائهم

 

[ميمو قطر]

مكان القمر صج نبهتيني مشكوره وهي الله يهديها ربها ماأدري شنو أسويلها أحس أنها أتحس من ناحيتي بشي تدرون امكن لأنها كانت منفصله يعني مطلقه واحتمال مرت أخو ألي كانت مزوجته اتحرها وضايقها فحسبالها انا مثلها عشان جذيه انا احاول أكسبها واجعلها تشعر باالأمان ناحيتي وأنا أنسانه مسالمه احب الناس وكل أهل زوجي يحبوني وترا هي من أهل زوجي يعني ممب غريبه وبالنسبه كونتيسة مشكوره على أهتمامك وردك علي أنا بسوي مفاجاءه لهم يعني حق الأثنين وينور الدنيا الله يخليج لي ترا عجبتني فكرتج وأنتظر المزيد من ردودكن الجميلة وأحتاج أكلمكم عنها عشان أتعرفون شخصيتها وأتحاولون تعطوني أفكار أتناسب شخصيتها وأحاول أقربها مني واجعلها اتحبني مثال اليوم كتبت لها مسج ابين لها اني مهتمه أبها فقلت أذا أحتجت شي للسفر ضروري انا مستعده أساعدك ومايردك ألا ألسانك واحنا خوات والله يحفظكم وأتردون لنا بالسلامه تدرون مافي رد وبعدين زوجي وداهم المطار فقمت واتصلت بعد ماردت فأحسنت الظن بالله وقلت احتمال الجوال مب معاها ولكن أذا تاكت أنها قاصدة شنو أسوي.

 

[عزتي بصلاتي]

حبيبتي اذا تأكدتي انها قاصدة سلمي امرك لله ولاتسوين لها شي ومصير الايام تبين لها معدنك النظيف وصدقيني راح تندم
الفكرة مثلا اهديها هديه لها ولزوجها او عزميهم على مكان عام اوعزيمهم ببيتك واذا هي عندها شقة بروحها جيبي هديه فخمة للشقة

 

[ميمو قطر]

:a200:عزتي بصلاتي وايد أشكرك ريحتي بالي بهذه الكلمات البيسيطه الخارجه من صدر طيب وأن شاء الله بجيبلها هديه:e032: لها فقط مع أني أحب دائما" أجيب لاخو زوجي هدايا وأشتري له ولزوجي هدايا وزوجي يستانس ولكن ألحين اعتقد ماأقدر لأن ممكن أتعاملي باالمثل:a115: وتشتري لزوجي فبقطع هاالسالفه عشان الأمور تصبح هادئه والله يعطيك العافيه ويصلح الأموربيني وبينها دائما" ياعزتي بصلاتي اللهم أمين :c016:.

 

[طبعي الطيبه]

الله يوفق ويعطيك على قد نيتك ويجعلها في موزين حسناتك