أخواتي لا تبخلون علي بمشورتكم

[رصاصه ود]

اخواتي لا تبخلون علي بمشورتكم
انا زوجه ساكنه مع حمولتي مافي الموضوع ان زوجي دائم يردد الزواج بالثانيه في البدايه اعطيه على قد كلامه ولكن مع كثر الزن في هذا الموضوع صرت اتضايق من هذا الموضوع فصار اذا شاف ان هذ الموضوع مضايقني قال انه مجرد مزح وانك ماتحبين المزح ومن هذا الكلام المهم انه جاني اليوم وقال ان وحده متصله على امي وانها شاريتني تبي تخطبني وانها مدرسه وللعلم اني موظفه ولا عمري قصرت معه بشي وهو يعترف بها الشي صايره فلوسي وفلوسه واحد ويقول ان امي مستأمنتني ما اقول لك عشان مايتكدر خاطرك على كلامه وما كان ودها اني ادري بس انا دخلت عليها وسمعت طرف كلام وزنيت عليها لين قالت المهم اناسكت وما ناقشته في هذالموضوع غصب علي نزلت دموعي وطلعت للغرفه الثانيه لانه طول هالفتره مقصر معي ومع عياله فاجتمعت علي فابغى منكم المشوره لاحرمكم الله الأجر مع العلم ان والدته هداها الله اشك في انها مألفه هالشي مع اني يعلم الله اني اعاملها معاملة البنت لأمها ولله الحمد لم يحصل بيني وبينه اي موقف ولكني ارى فيها الغيرة الشديده مني وتتبع الزلات واقول طبيعي من حبها لابنها ؟فما هو رأيكم هل اصارحه هو وامه لأعرف مدى صحة هذا الكلام ؟؟

 

[تشكرات]

أنا أحبّ ان أعالج المشكله من جذورها ......

حاولي أن تسكني في بيت مستقل لوحدك .....

مادام أنت موظفه ومقتدره ( أطلبي من زوجك هذا الطلب ) وابعدي

عن وجع الرأس ......

واحرصي على فلوسك وحلالك .....لا عاد تصرفي قرش واحد على

زوجك ......أبدئي من الآن ......تمسكي يدك عن الصرف ( وبالتدريج)

أمنعي نفسك شوي شوي ......وأنسحبي ...حتى يحس زوجك بقيمتك

وقدرك .......وكلّ مافتح زوجك سيرة الزواج بأخرى ( وان كانت مزاحآ )

أقلبي وجهك عليه وبيّنــي له أنك لست مقصره معه .....حتى يعرف

زوجك أنك غير متهاونه ......لكن ان شاء الله يكون كلامه مزاحآ معك..

ربي يهديه ويسخره لك ....

 

[رازيا]

حسبنا الله ونعم الوكيل ما يقهرني غير الزوج اللي مقصر ببيته ومع اولاده وزوجته وكل شوي فاتح لها موضوع الزواج الثاني وكان الزواج لعبة او مسخرة وفوضى ويقولون عنا ناقصات عقل ودين انا اتوقع انه العكس هو الصحيح
شوفي قولي له قبل تتزوج سكني ببيت بروحي وطالبي بكل حقوقك ولا تسكتي نهائيا واضمني حقوقك كاملة
وحاولي اهل زوجك كوني رسمية معهم

 

[رازيا]

رفع للمساعدة

 

[saniaend]

تشكرات ورازيا ما قصروا جزاهن الله كل خير

 

[حجازيه ذوق]

هو الحين بيجس نبضك ويشوف وش ردة فعلك لو يتزوج بالفعل
انتي بيني له انك مره متشدده من هالناحيه بس تخويف له حتى لايتقدم اكثر واكثر في مشروع الزواج
قولي له انا ماقصرت معك ومع اهلك بشي واذا بعت عشرتي وعزمت تتزوج من حقك وانت حر برايك ولكن حتى انا من حقي اقرر مصيري واشوف نفسي انا ماني جالسه معك تجيني امراض نفسيه وحاله انا كمان بتزوج زوج جديد واكون عروس جديده بدل ماكون معك اولى مهمومه حزينه وانت تتمتع مع عروس جديده
وبزورتك باخليهم هديه للعروس الجديده تربيهم وانا الحمد لله متوظفه وماحتاج لاحد كل هذا الكلام قوليه على انه مزح وانتي تضحكي معه مو معصبه بس هو حيبقى يفكر فيه لو باقي عليك اهم شي بيني انك بتتركي اولاده للعروس الجديده قولي انا بكون عروس جديده وماني فاضيه تربية بزوره ترى هذا الكلام يخليهم يفكرو الف مره بخطواتهم لكن لازم يشوف انك واثقه من نفسك ومهتمه بحالك ومظهرك والبزوره لاتبيني انك مره ملهوفه عليهم لو قال بتشتتي بزورتك وتتركيهم قولي انت ابوهم قبلي تركتهم وهذا كله بس تهديد له لكن لو تزوج بالفعل ماتتركي زوجك للثانيه وتستسلمي بسرعه كوني قويه وطالبي بحقوقك من الحين واولها بيت خاص ترى الرجال اذا كثرت فلوسه تاذيه مايدري وش يسوي فيها خففي صرفك على البيت وراتبك اشتري لك فيه بيت او اي شي بس لاتصرفيه عليه

 

[رازيا]

رررفع

 

[شمال جنوب]

البنات ما قصروا وانا معاهم في امساك ايدج من الصرف لانه شايفج مستده ماليا وهو فلوسه زادت عليه
خليه هو اللي يصرف واطلعي في بيت لج بروحج لان وجودج في بيت مشترك معناها الصرف عليه اقل وهذا المطلوب بالنسبه له عشان فلوسه يجمعها لزوجه ثانيه

 

[زوجه مغتربه]

أنا مع حجازيه ذوق

 

[مدمنة صبر]

مالك الا السكوت مع قز بالنظرات ولا تناقشينه خليه يعيش بحيره وتفكير واذا سئلك وش بتسوين قولي لاتزوجة الثانيه تعرف ردة فعلي (بس انتبهي يفهم هذا تهديد

وبالنسبه لامه اتوقع شماعة عذر لزوجك يعني الحين ما سمع كلام امه ويعرف البر الا في هالطلب !!!!

وقومي بواجباته لا يحس اذا قال لك هالحكي تنكسرين وتهنين نفسك !!!!