أخواتي الحبيبات ماذا أفعل إذا ......؟؟؟

[شجرة الطيب]

بسم الله الرحمن الرحيم

أخواتي الحبيبات

أخواتي في الأمل المشرق الذي نضئ به الطريق لبعضنا البعض ونسعى لنشر النور بيننا..
فالمؤمن قوي بأخيه المؤمن..



تزوجت منذ شهرين وكانت مدة عقد القرآن بيننا أربعة اشهر..

طال انتظاري لهذا اليوم أن أرى فيه من سيشاركني حياتي وقد وعدت لنفسي الوعود بأن اكون له نعم الزوجة وخير متاع له وقرة عين ..

زوجي رجل خلوق طيب القلب ليس لديه علاقات والحمدلله( لكنه عنيد في رأيه)


وعدني في فترة العقد بأنه لن يسكنني في بيت أهله وقال هذا أمر مستحيل لأنه يحب الاستقلالية والخصوصية..


واستأجر بيتا بسيطا جميلا قريبا في نفس قرية أهله واثثه وتعب عليه ..

المهم في فترة العقد كنت أعاني من بروده العاطفي على قولتهم( راجل تقيييييييييييييل اوي).. ماأحس بلهفته وأشواقه .. وما أحس بالإشباع العاطفي معاه أبدا..

المهم كنت أكلمه ويقول أنا مامتعود على وجود بنت في حياتي اصبري علي و و و و..

صبرت واتبعت معاه اساليب كثيرة لكنه ( جبل مايهزك ريح) .. كنت أقول لو واحد عنده علاقة عشر بنات راح يستجيب :32:ويتجاوب معاي بالحب لكن هو لا ..


هذه كانت مشكلة ( البرود العاطفي )


تزوجنا وظهرت لي مشكلة ثانية:
من تزوجنا ماطاق يجلس البيت أبدا ومايقدر ينام فيه حس بضيق شديد داخله..
وتم ياخذني بيت أهله في غرفته الصغيرونة المقابلة صالتهم ( غرفة المعيشة تبعهم)
صوت الكحة ينسمع منها..

ولما بدأ دوامي اقوله أريد أروح بيتي هناك أغراضي عشان الصبح أداوم وأختار شو ألبس..
تكون ردة فعله ( يتلون وجهه ويتضايق مني وينتفخ علي ويماطل لحد ماتجي الساعة 2 بالليل وعقب نروح وينام على حافة السرير )

حتى جنسيا مايشتاق لي أبدا ابدا.. مع إنه رجل سليم مافيه الحمدلله اي مشكلة ولا عنده علاقات محرمة ..

بس مرتبط ببيت اهله وغرفته ارتباط عجيب .. يموووووووووت في التراب اللي في بيت أهله..

عادي عنده أنا أجلس في بيت أهلي بالاشهر وهو في بيت أهله ( يحس بانطلاق وسعادة لما يجيبني مع أهلي.. لأنه راح ينام على راحته بدون محد يطالبه أو يزعل عليه عشان روحة البيت..



تخيلوا حبيباتي أكلنا ونومنا كله في بيت أهله .. وبيتي إذا دخلت فيه أحس بحزن لأنه أدخل بس عشان أجيب غرض واطلع..



والحين قال لي خلاص راح يسلم البيت لصاحبه وبنسكن في بيت أهله.. وأنا خجولة جدا وحساسة احب الخصوصية وعندي عاداتي الخاصة اريد اسويها في بيتي .. وإذا جلست في بيت أهله لازم ألتزم واجامل هذا وهذه.. وماشاء الله بيتهم داخلين طالعين فيه أهلهم..

مع إني أحبهم بس ما أريد اسكن معاهم عشان أحافظ على هذا الحب والاحترام.. وعشان اقدر ألبس وأرتاح في بيتي..

بيتهم مفتوح ومليان أفراد وحدودي راح تكون فقط غرفتي الصغيرة..



قلت له نستأجر بيت ثاني رفض رفض نهائي وقال بنسكن بشكل مؤقت لحد ماتجيبي اولاد:13: وبعدين راح نبني بيت..





أخواتي الحبيباتي شو أسوي؟؟


انا خايفة اسكن في بيت أهله من كثر المشاكل اللي نسمع عنها.. وتطيح الميانة بينهم وتصير حساسيات وامور.. بدل ما أقابل زوجي بس راح أنشغل بالآخرين بعد ومجاملتهم والحرص على البرستيج معاهم..

وهو مامرتبط فيني ابدا لاعاطفيا ولا جنسيا.:33:
عادي عنده أختفي من هالحياة.

أريد دعواتكم لي بظهر الغيب في هذا الشهر الفضيل ..

 

[أحاسيس وطنية]

اذا ماكنت حاسة بالراحة ومافيه ارتباط عاطفي

فكري واستخيري عدة مرات

والحياة اللي اولها قلق وتعب احس انك تخرجي منها افضل لك

والحمدلله مافيه اطفال بينكم

والله يرزقك بالزوج اللي يموت فيك

 

[شنو123]

بالعكس يا اختي الفاضلة انا حاااسة فيكي لكن انتي دوري على راحة زوجك وصدقيني ماراح ينسى وقفتك معاه واحمدي الله ان زوجك مو حق علاقات محرمة وصاحب فتن خليكي معاه لكن في هذه الفترة حاولي تغريه باللبس وقمصان النوم حتى داخل الغرفة الصغيرة ان شاء الله فترة صغيرة وراح يتعود عليكي وعلى وجودك الملازم له والله يوفقك

 

[همس 99]

عاااااادي حاااااولي تقربي منه وتجلسين معه وتتناقشين معه ولله ان استسلمتي تعيشي معه بغرفه راح تضلي طول عمرك بغرفه
بعدين الاولاد مايعلم لله متى يجون يمكن يتاخرون كدا سنه راح تضلي طول عمرك بغرفه

 

[سموالذوق]

والله حاسة بمعاناتك لاني زيك بيتي وبيت اهله في نفس الحوش ولا ادخل بيتي الا بس يا انام او اخذ شي لي وبنتي كل شي عندهم
انا رائي زوجك عنيد واذا انتي بتحملين الوضع الى حضرته يقول يبني ومع اني اظن انه يبي يسكتك لين تروحين عند اهله
اناما اخوفك بس انتي توك في اول المشوار لا تقولين بضحي عشان يقدرين والله العظيم ما فيه رجل يقدر التضحية الا من رحم ربي
استخيري وشوفي وانتي تقدرين تقررين غاليتي
عذرا ان كنت اسأت الرد​

 

[رحـى]

رمضان كريم ومبارك و طيب وحلو,,
روقي أعصابك غاليتي,,
حاولي تعرفي نمط زوجك الغالي بهذه الحالة,وساعتها راح تقدري تجيبي فكرة من إبداعك الأنثوي,,
إلزمي التوكل على الله,,ثم الدعاء متيقنة الإجابة,,وأصري على المسكن المفرد,,

 

[احساس انثى1]

ياحبيبتي العاطفه والمعاشره الزوجيه هي منطلق الحياه الزوجيه وانتي مالقيتيها من زوجك
وانتوا لسى ببداية زواجكم .. اجل بعد الاطفال الله واعلم بتلاقينها او لا ... غير كذا شوفي زوجك يمكن معمول له عمل لانو نومته بعيد عنك .. ولامبالاته في بعدك عنه بالشهور فيها مشكله حبيبتي ... انا بصراحه شاكه انو فيه شي تصرفي قبل لاتجيبي منه عيال وبعدها وتوقع الفاس في الراس

 

[امنتك قلبي]

بالعكس يا اختي الفاضلة انا حاااسة فيكي لكن انتي دوري على راحة زوجك وصدقيني ماراح ينسى وقفتك معاه واحمدي الله ان زوجك مو حق علاقات محرمة وصاحب فتن خليكي معاه لكن في هذه الفترة حاولي تغريه باللبس وقمصان النوم حتى داخل الغرفة الصغيرة ان شاء الله فترة صغيرة وراح يتعود عليكي وعلى وجودك الملازم له والله يوفقك

انا مع الاخت انتي تريدي حياه مريحه اسمعي كلام زوجك 000
زوجك متعود على بيت اهله والاخص غرفة نومه وانتي اذا تريدي زوجك يريحك اسمعي كلامه واذا ماتريد كيفك!!!!!!!!!

 

[شجرة الطيب]

اذا ماكنت حاسة بالراحة ومافيه ارتباط عاطفي

فكري واستخيري عدة مرات

والحياة اللي اولها قلق وتعب احس انك تخرجي منها افضل لك

والحمدلله مافيه اطفال بينكم

والله يرزقك بالزوج اللي يموت فيك

صعب يا أختي انفصل واحنا مو صغار .. أنا عمري 30 سنة وهو عمره 33
وماعارفة وش اسوي .. اعطي نفسي أمل إنه راح يتغير ..

وموكلة أمري لربي.. وإذا الخير في الانفصال راح يكون إن شاء الله ..

الانفصال كابوس كبير وعالم صعب الوحدة تقرره لأول مطبة في حياتها..

أشكرك حبيبتي على المرور وربي يسعد قلبك

 

[شجرة الطيب]

بالعكس يا اختي الفاضلة انا حاااسة فيكي لكن انتي دوري على راحة زوجك وصدقيني ماراح ينسى وقفتك معاه واحمدي الله ان زوجك مو حق علاقات محرمة وصاحب فتن خليكي معاه لكن في هذه الفترة حاولي تغريه باللبس وقمصان النوم حتى داخل الغرفة الصغيرة ان شاء الله فترة صغيرة وراح يتعود عليكي وعلى وجودك الملازم له والله يوفقك

فديت كلامك الحلو ومرورك الجميل.. لكن يا أختي راح يفرح صح بوجودي معاه ويمكن يرتبط بي عاطفيا لكن الاستقلال راح يكون بعيد عني .. لأنه ضرب عصفورين بحجر هو مرتاح معاه زوجته وبنفس الوقت مع أهله مبسوط يطلع ويدخل وهو مطمن علي مايحاتيني ..

يعني هو مرتاح بس أنا راحتي وين؟؟


ما عارفة أتخذ اي قرار .. لأنه ببساطة مامخلي لي مجال ابدا .. ماعنده وسط أبدا..

 

[}وردة{]

شكله ريلج نمطه شرقي
من يتعود على شي...صعب صعب أنه يتركه
وعنيد جداً
يوم يحب..ما يحب بسرعه...ببطء لأنه كل شي جديد ما يتقبله بسهولة
وإنت شي جديد عليه!!
بس إنسان إذا حب.. وفي جداَ للي يحبها...ما شاء الله
وقولي لي يا حبيبتي...وين تلاقين رجال أوفياء هالأيام؟؟

أنا نصيحتي أنج تعيشين ويا أهله...صح شي صعب جداً
بس حاولي (ولا تحملين هذي الفترة على الأقل سنة)

أكتبي الإجابيات أنكم لو بنيتوا بيت أو سكنتوا في شقة (شو بتكون الإيجابيات)
حللي الموضوع
قولي له بعد فترة أنا أحب القعدة في بيت أهلك...ما شاء الله ناس طيين وحبوبين
بس إذا كان عندنا بيت لوحدنا....بيكون:( أعرضي الدراسة مالتج) ههههه
حتى هو بياخذ وقت عسب يتقبل الفكرة

بإختصاااااار كوني شرقية مثله​

 

[المحتأرة]

الله يعينك ياقلبي ويقوووى صبررك ويبعد عنكم الشيطاان ويهدى زووجك لك

 

[شجرة الطيب]

عاااااادي حاااااولي تقربي منه وتجلسين معه وتتناقشين معه ولله ان استسلمتي تعيشي معه بغرفه راح تضلي طول عمرك بغرفه
بعدين الاولاد مايعلم لله متى يجون يمكن يتاخرون كدا سنه راح تضلي طول عمرك بغرفه

حاولت يا أختي لكن في مخه حاجز حديدي مامتقبل فكرتي ورغبتي أبدا ومابقيت منطق وحجة ماقلتها ولا كلمة حب وبعده مو راضي ..

وأنا هذا اللي مخلني ما أوافق لأن بعد الانتقال لبيت أهله ماراح نطلع ( مثل مايقولون ياسكنه كوني سكنه) خلاص راح يلصق أكثر واكثر..


وأهله فرحانين لأنه ولدهم راح يرجع( رغم طيبتهم واحترامي لهم )

 

[شجرة الطيب]

والله حاسة بمعاناتك لاني زيك بيتي وبيت اهله في نفس الحوش ولا ادخل بيتي الا بس يا انام او اخذ شي لي وبنتي كل شي عندهم

انا رائي زوجك عنيد واذا انتي بتحملين الوضع الى حضرته يقول يبني ومع اني اظن انه يبي يسكتك لين تروحين عند اهله
اناما اخوفك بس انتي توك في اول المشوار لا تقولين بضحي عشان يقدرين والله العظيم ما فيه رجل يقدر التضحية الا من رحم ربي
استخيري وشوفي وانتي تقدرين تقررين غاليتي

عذرا ان كنت اسأت الرد​

كلامك نفس كلام أختي ياحبيبتي..

قبل شوي متصلة فيه نتكلم عن الموضوع ويعطيني آمال من ورا قلبه إنه راح يبني بس انا فاهمته ماراح يبني وإذا بنى راح نكون نفسك ملاصق بيتهم وكل شئ معاهم ..


الله يسهل الخير ويفتح لي من حيث لا أحتسب قولوا آمين

 

[شجرة الطيب]

رمضان كريم ومبارك و طيب وحلو,,
روقي أعصابك غاليتي,,
حاولي تعرفي نمط زوجك الغالي بهذه الحالة,وساعتها راح تقدري تجيبي فكرة من إبداعك الأنثوي,,
إلزمي التوكل على الله,,ثم الدعاء متيقنة الإجابة,,وأصري على المسكن المفرد,,

إن شاء الله يا أختي وجزاك الله ألف خير .. وحدة من الأخوات في الردود تحت ماشاءالله عليها قالت إنه شرقي جزاها الله خير مع إني معاه ماعرفته لاي شخصية ينتمي..

اي إغراء في الدنيا ماراح يفيده إلا إذا سكنت بيتهم.. حتى هو يقول غذا انتقلنا بيتنا راح أحبك أكثر.. وهو في بيتنا الجديد ينفر مني..

 

[غربة احساس]

الله يفرج همك يارب وربي اني حزنت لك
لكن لاتستسلمين بسرعه ياعسل حاولي لاخر لحظه لو دخلتي بيت اهله من اول زواجكم وربي ماعاد تطلعين زوجك على ماعوديه
اسال الله في هذا الشهر الفضيل ان يفرج همك ويسخر لك زوجك
ياااااااااااااااااااارب

 

[شجرة الطيب]

ياحبيبتي العاطفه والمعاشره الزوجيه هي منطلق الحياه الزوجيه وانتي مالقيتيها من زوجك
وانتوا لسى ببداية زواجكم .. اجل بعد الاطفال الله واعلم بتلاقينها او لا ... غير كذا شوفي زوجك يمكن معمول له عمل لانو نومته بعيد عنك .. ولامبالاته في بعدك عنه بالشهور فيها مشكله حبيبتي ... انا بصراحه شاكه انو فيه شي تصرفي قبل لاتجيبي منه عيال وبعدها وتوقع الفاس في الراس

صدقتي يا أختي وكلامك عين العقل..

أنا سألت أحد الشيوخ وقال إنه في عمل معمول من طرفي كأنه واحد يريدني ويريد يفركش زواجتي منه..

والعلاج لازم يكون فينا احنا الاثنين بس هو مو راضي يتقبل كثير فكرة العلاج..

وقال بعد في حاجة داخله تخليه يحب البيت ومايطلع منه ( بيت اهله)



ادعولي بالفرج..

 

[شجرة الطيب]

شكله ريلج نمطه شرقي

من يتعود على شي...صعب صعب أنه يتركه
وعنيد جداً
يوم يحب..ما يحب بسرعه...ببطء لأنه كل شي جديد ما يتقبله بسهولة
وإنت شي جديد عليه!!
بس إنسان إذا حب.. وفي جداَ للي يحبها...ما شاء الله
وقولي لي يا حبيبتي...وين تلاقين رجال أوفياء هالأيام؟؟ ​

أنا نصيحتي أنج تعيشين ويا أهله...صح شي صعب جداً
بس حاولي (ولا تحملين هذي الفترة على الأقل سنة)​

أكتبي الإجابيات أنكم لو بنيتوا بيت أو سكنتوا في شقة (شو بتكون الإيجابيات)
حللي الموضوع
قولي له بعد فترة أنا أحب القعدة في بيت أهلك...ما شاء الله ناس طيين وحبوبين
بس إذا كان عندنا بيت لوحدنا....بيكون:( أعرضي الدراسة مالتج) ههههه
حتى هو بياخذ وقت عسب يتقبل الفكرة​

بإختصاااااار كوني شرقية مثله​

ماشاءالله عليك زين حللتيه لأني أنا ماعارفة هو تبع شو حيرني في صفاته..

هذا اللي كاسر ظهري إني أسكن بيت اهله وماشاء الله بيتهم مليان أفراد..
أريد أحافظ على علاقة حلوة بيني وبينهم لكن بالسكن معاهم صعب .. إلا ماتصير حساسيات وتدخلات..

وفي نفس الوقت حابة أرضيه واساعده إنه يتعود علي ..

أشكرك جدا .. إن شاء الله راح أطبق فكرة الكتابة وعرض الدراسة مالتي

والله يسهل

 

[مريم دهش]

أهم شي لا تحملين لحد ما تتطمنين

 

[نجمة مشرقة]

الله يسخر لك زوجك وييسر لك امورك

دعواتك لي بالزوج الصالح في القريب العاجل