أخـف كلمه عيّـشتنا مجاريح . . ! <<<<<

[قمر بلامنازع]

أبيات كما أتت أتركها هنا

أمّـآ إنتوافق في جميع المساعي
. . . . وألآ عسى الفرقى تحل بركتها​

منته منزّه يمكن أيام وتطيح
.. .. .. طاحت من عيوني وجيه بثواني​

كم واحد ٍقدره تلاشى مع الريح
.. .. .. من عقب مرباعه بروض المحاني​

وش عاد باقي يالوجيه المفاليح
.. .. .. شيرو عسى المركب يحصّل مواني​

قدام أجر الصوت وأصيح وأصيح
.. .. .. من غيّر قلوب الوفاء والتفاني​

أخف كلمه عيّشتنا مجاريح
.. .. .. يرضيك هذا اللي حصل يازماني​

إللي دخل قلبي بليّا مفاتيح
.. .. .. طاحت من فعوله طوال المباني​

ياقلبي إللي متعبته المراويح
.. .. .. على دروب أول لقى وش حداني​

أصدر قرارك للموادع بتصريح
.. .. .. من جابرك تخضع لحب الأناني​

مع الأسف سد الوفاء قرر يبيح
.. .. .. وعزمت أبدل خلـّي بخل ثاني​

اليوم بعلنها ولا فيه تلميح
.. .. .. أرجو إنتباه السيّدات الغواني​

أرض الغلا لاصار ماتنبت الشيح
.. .. .. زمل المشاعر عمره الصبح فاني​

إللي تبي قربي بخير وتساميح
.. .. .. ترسل وأنا أغنيها إحترام وحناني​

لكن قبل نبدأ ترى أحتاج توضيح
.. .. .. عن لغز حله ماتفيه المعاني​

ورده وتنبت بالخصب و الصلافيح
.. .. .. في بير عمقه ماتجيه السواني​

تحيا بـدون الماء لو عروقها ميح
.. .. .. وتموت من قل العلوم السماني​

دام الشعور إللي بقلبك صناعي . . . .
عافت طيور أهل المحبه شجرتها​

أطيب التحايا​

 

[قتلني الفراق]

كلمات رائعه وحضور جميل

لاتحرمينا جديدك

سلمتي وسلم لك كل غالي​

 

[قمر بلامنازع]

تسلمي ... وجوزيتي على المرور

 

[اٌنثًى آلورد]

مًررًاا روعًا ،،
عًوافٍيْ يً الغًلاا

 

[قمر بلامنازع]

مرورك الأروع الله يسر لك

 

[منصفةالقلوب]

كلمات رقيقة وتحمل الكثير من المعانى

مشكووورة غاليتى لرقة اسلوبك ولاتحرمينا جديدك

 

[قمر بلامنازع]

مروركم وسام وشرف لصدري​