أختي زعلانه من زوجها وماعرفت اتصرف الله يوفقكم ساعدوني

[المحبه لذاتها]

ا

لسلام عليكم ورحمة الله وبركاته
أخواتي
جاتني أختي في العصر وأنا زوجي مستلم
وكانت هي وزجها سمن على عسل مابينهم أي شئ
ولمى صارت الساعة 10 كلمها زوجها وبشرها بالإجازة وقال بيجي ياخذها البيت فسألته بتروح مكان قال بيسمر مع اخوياة في الضيافة
قالت حسبتك بتقول نسمر أنا وانت
مع العلم إنه قبل راح يلعب كورة وبعدها جلس هو وزوج أخته وناس معهم يطالعون لمباراة
قالت خلاص باجلس مع أختي
قال لها ويش معنى ماتجين تسمرين مع اهلي ويش شايفتهم فيهم جذم
طبعاً هي ساكنة بشقه مع اهل زوجها وبصراحه هم ناس ذوق وطيبين وبصراحه هي تروح لهم عادي حتى أنها كانت عندهم في العصر
قالت خلاص باجلس معاها الى ان تخلص السمرة حقتك
وكانت تكلمه عادي
قام وأرسل لها خلاص نامي
وقال لها لو انك جلستي عند أعمامي أحسن(مع العلم إن أهلي في مدينة تبعد 120 كيلو وكانت عندهم أمس) وأوريك انتي وهذا الإسلوب
مع إن أسلوبها يابنات كان عادي والله إني كنت جنبها
وهي زعلانه مرة وتبي ترسل والله ماعاد ارجع لك لأروح لأهلي
وأنا رفضت قلت ماله داعي
بنات ويش رايكم احترت في السالفة
الله ينور لكم أبي حل بسرعه

​

 

[نضوج أنثى]

لا تكبر الموضوع ادري هي نفسها تجلس عندك وتآخذ راحتها مع اختها اكثر بس كانت وضحت له إنها كانت عندهم العصر خليها تمشي الموضوع مايستاهل زعل والله وهو تلقينه متضايق من شي الله اعلم خليها تاخذ بخاطره وتروح مايسوى عليها مشكله عشان كم ساعه

 

[الزوجه الاولى]

حبيبتي حاولي انج تنصحين اختج تهدي الامور مع زوجها وتسايسه ولا تركب راسها وتعاند ولا تترك بيتها ترى الرجال ما يهمه التهديد وخليها تروح بيتها مع زوجها ولا كأنه شي حصل وخليها تطنشه ولا ترد عليه لي حد ما تهدى الامور والله يهديهم ويصلح بالهم

 

[الدانه2000]

الله يهديهم لبعض يارب
ماادري بس حاسه كأن اختك وزجها صغار في السن وتوهم في بدايه حياتهم الزوجيه
بس نصيحه حاولي مع اختك ماتترك بيتها وتزعل عشان هالسبب
المفروض تخلي زعلتها لشي اكبر من كذا وان شاء الله ما تشوف الزعل كل حياتها

 

[مييسو]

لاترسل له ولا شيء ولا تكلم اهلك بالعكس خل تنام وتنبسط ومن اصبح افلح

 

[لمن يجرؤ]

انصحيها تهدي الامور وتكبر عقلها الرجال مره احيانا خلقهم ضيق

الله يسعدها يارب ولا تخلينها تكبر الموضوع

وبصراحه احييك على طريقتك وانك قلتي لها لا ترسلين الله يزيدك من فضضله

 

[المحبه لذاتها]

نعم أختي الدانه مالهم إلا 8شهور

 

[الدانه2000]

8شهو ر ويتزاعلون وهي تبغى تروح لبيت اهلها
حرام والله اجل بعد كم سنه اذا مرت عليهم مشاكل صدق وصار المفروض تتنازل وش راح تسوي
نصيحه من اخت محبه لكم
امي الله يذكرها بالخير كانت تنصحني في بدايه زواجي وكانت تقول ترى بيمر عليك مشاكل واذا تزاعلتي مع زوجك لالالالالالالا يطول زعلكم اكثر من يوم اذا مو اقل وحاولي تتنازلي بذوق وطناش عشان هو يتنازل وكانت تقول لاتزعلي على اي شي مهما عظم في وقتها ترى بعدين تندمين وتقولين ليت وليت
وكانت تقول انتي الحين مو زوجته وبس انتي معلمته علميه الاعتذار واعتذري بذوق وبتشوفينه هو بيقلدك وبيعتذر وبس خلاص سكري على السالفه ولا تحاولين تناقشينه حتى لو هو غلطان مو حلو بعد الاعتذار تتزاعلون بنفس الموضوع

ويارب ان شاءالله يهدي النفوس
وخليها الليله تنام عندك ليله ماتضر وخليها ترسل له رساله(( تصبح على خير النوم من دونك ماهنالي استناك بكره مشتاقه لك عروستك وحبيبتك))
ولاتجيب سالفه الزعل تنسى زلاته عشان هو ينسى زلاتها
ولاتستنى رد على الرساله يمكن يكون زعلان اهم شي سوت اللي عليها عشان موحلوه في حق نفسها تنام وهي زعلانه منه حتى رب العالمين مايرضى وفي نفس الوقت اذا جاء بكره ياخذها لاتفتح الموضوع تعيش حياتها وتنبسط معه ياختي عرسان يادوبهم

 

[المحبه لذاتها]

تخيلوا أرسلت له من وراي
دامك سويت اللي براسك ولاجيت
لاعاد تيجي مره

 

[نســـرين]

الله يهدي سرهم

 

[الدانه2000]

الله يهديها اختك بس
خليها تقرا الردود وتستفيد من اللي الحياه علمتهم
قبل تتعلم هي وتندم على لحظات زعل مالها اساس غير ان الشيطان شاطر وعرف كيف يلعبها
الله يهديها بس ويسخر زوجها لها ويسخرها لزوجها ويسعدهم
مالهم منا غير الدعاء في ظهر الغيب

 

[المحبه لذاتها]

أختي الله ييسر أمرك ويبارك فيك ويبارك في اولادك ويقر عينك بزوجك وعيالك
على الاهتمام بااخواتك في بلقيس

 

[الدانه2000]

لاتنسين تطمنينا على اختك
وان شاء الله مانسمع الا الخبار الحلوه

 

[هبآآآيب نجد]

الله يهديه احس انه كبر السالفه شوي ... يعني ماكان له داعي يقول لها حكي زي هذا يعني داق عليها يبشرها باجازته وانه مبسوط شوي قلب عليها شكل في شي جواته عليها مزعله وماعرف كيف يسوي والا كيف يطلع حرته... عموما بعذرها والله اذا زعلت بس لو انها سكتت وماعلقت على رسالته وماردت بشي الين يجي ياخذها من عندك ... وتقوم وتفاتحه في الموضوع وتقول له ليه سويت كذا بيكون يمكن هدت اعصابه شوي وانبسط مع ربعه ونسى السالفه ... الله يهدي سرهم يارب

 

[المتفائله بالخي]

الله يهدي سرهم

 

[سكن قلبه]

الله يهديهم

 

[أعشقه موت]

حبيبتي خلي الااور تمشي بسلااة تسكت ة تخليه الى ما يهدا و تبرد اعصابه و تستغفر بنية انه يرد لها بحب وحنان

 

[الزوجة الصابرة]

خليها تطول بالها الله يفرج همها

 

[تؤام روحي وقلبي]

الله يسخر لها زوجها

 

[الخط الفاصل]

طمنينا