أخاف زوجي يضيع مني والسبب أمي

[سندريلا زوجي]

مرحبا عزيزاتي

هذا أول موضوع أنزلة بالمنتدى......بصراحة منتدى رائع جدا جدا جدا ولمجر قرائتي لنصايح استاذة ناعمة تعدلت أمور كثيرة ومهمة جدا............:clap:

انا وزوجي ارتبطنا بقصة حب ...........ومتزوجين من 3 سنوات وزيادة ...والحمد لله ما تعرضنا لمشاكل الا العادية والخفيفة (البهارات)......زوجي طيب وحنون لأبد الحدود وما يحب يزعلني أبدا.....................فديته:icon26:


اللي مخوفني ان من يوم ما تزوجنا وامي حبا فيني تقدم لنا المساعدات المالية ومرة تشتريلنا اثاث ومرة تقرضني فلوس.............حتى انها اعطتني ارض عشان نبني فيها بيتنا...............أخاف والله أخاف ان زوجي يضيع مني أو يكون منجرح بدون ما أدري؟.............سمعت كثير قصص عن أزواج تركوا او تزوجوا على زوجاتهم لأنهم حسوا انهم ما العائل الاساسي للاسرة.............


انا اشتغل ومصاريف البيت بينا نتساعد فيها .............الحين مثلا ناوية اجيب شغالة وامي ناوية تسلفني مبلغ المكتب وفحوصها الطبية وغيره..........لان انا وزوجي ما عندي هالمبلغ ..............قبل فترة كنت اريد اشتري كنبة جديدة لبيتي .....زهي اشترلي اياها.........وقبل هي اشترت دولاب...........واشياء كثيرة كثيرة .......اخاف زوجي ما يتكلم ويكون منجرح وانا اضيعه مني!!!!


يا جماعة قولولي كيف اتصرف؟؟؟ :dunno:

 

[ميموريز]

مرحبا حبيبتي ..

انتبهههههههي تاخذين من أمك مساعدة مادية بدون مايدري زوجك ..

الحياة الزوجية ياحبيبتي بالبداية طبيعي تكون الحالة المادية رايحة وطي ..

وعلى شوي شوي بتتحسن الأمور بإذن الله مع مرور الوقت ..

نصيحتي لك ,, لاتاخذين شي من أمك .. إلا في حالات الضرورة القصوى .. مثلا محتاجة دوا زوجك مايقدر يجيبه لك ..

واصبري اصبري اصبري ..

وترى حلاة الحياة الزوجية بالتعاون المعنوي والمادي ..

ومدام زوجك يحبك وسعيدة معه الحمدلله .. خلاص وش تبين أكثر من كذا ؟

مالك إلا الصبر ..

وترى أنا حالتي تقريباً مثل حالتك ..

متزوجة من 8 شهور .. وطبيعي حالتنا المادية مش ولا بد ..

لكن مع التعاون اللي بيننا وحبة حبة .. راح نقدر نتغلب على الصعاب المادية اللي تواجهنا بحياتنا ..

وصدقيني أهلي مايدرون عن حالتنا .. لكنهم متوقعين لأنه شي طبيعي ..

كل شاب ببداية حياته الزوجية لازم تكون حالته المادية تعبانة شوي ..

ومع كذا بعمري ما أخذت لا من أمي ولا من أبوي إلا في حالات الضرورة القصوى .. وبعد لازم أقوله وهو الحمدلله رجل متفهم .. وتفهم هالحالة ..

والحمدلله عايشين أسعد مايكون :cupidarrow:

​

 

[منال الليل]

حبيبتي لا تاخذين الامر بحساسيه اعتقد لو ان ممانع كان ما سكت بس عالعموم تقدرين تسألينه برقه اذا يضايقه الموضوع اذا قال لا يعني عادي عنده .... لان الفلوس تعتبر من امك لك مو له هو في رجال كثير يتفهمون هالكلام ولا تخافين بس تاكدي منه .... الله يوفقك ويهنيك ...

 

[سندريلا زوجي]

انا ما احب اشرح لامي والا اهله ان متأزمين...........بس امي بنفسها عارفة الوضع لاني ادرس وزوجي يدرس ومصاريف الدراسة متعبتنا.................والله خايفة............اشكركم كثير عالردود.....


انا باخذ بصيحة أختي منال الليل وبسأله عن رايه .................واتمنى خير....

 

[محرومه من زوجي]

صارحيه عشان ترتاحين وهويرتاح
الصراحــــــــه راحـــــــــه

 

[سندريلا زوجي]

تسلموا حبيباتي انا صارحته وسألته وقلت له الافضل توضح لي اذا هالشيء يضايقك والا لا والحمد لله تصارحنا والامور تمام


:showoff:

 

[إنسانة لا أكثر]

الله يجزاها خير
هذه نعم الام وافتخري فيها وقدمي لها الف حب والف امتنان

بما انك صارحتي زوجك فاللحمد لله
لكن انتبهي يكون اعتماده مستقبليا على امك
الرجل لو حس ان كل شيء راح توفره ام الزوجه مثل اللي حاصلك راح يستخسر يدف لك شيء مستقبلا لأن حم مصاريفك ماتعود عليها
قللي كثييييييييييييير من الاخذ لمصلحتك
اطلبي المهم وبدون مايكون عنده علم
لو سألك قولي له من فلوسك انا جمعتها مثلا واشتري فيها هالشي
امدحي جيبه وماله لاتخلي الشيطان يدخل لكم من مدخل المال

 

[الأسطـــــورة]

الله يهنيكم ببعض

هذي الام والابلاش

بس انتبهي وانتبهي بكرة يصير يضيق عليك علشان تعتمدين على امك ويخلي مسؤؤليته منك

نبهي امك لهالشي علشان ماتكثر مساعده


لانه بعدين يتعود الاتكال مثل ماكان طالب


والله يوفق

 

[كيوت مامي]

الله يجزاها خير
هذه نعم الام وافتخري فيها وقدمي لها الف حب والف امتنان

بما انك صارحتي زوجك فاللحمد لله
لكن انتبهي يكون اعتماده مستقبليا على امك
الرجل لو حس ان كل شيء راح توفره ام الزوجه مثل اللي حاصلك راح يستخسر يدف لك شيء مستقبلا لأن حم مصاريفك ماتعود عليها
قللي كثييييييييييييير من الاخذ لمصلحتك
اطلبي المهم وبدون مايكون عنده علم
لو سألك قولي له من فلوسك انا جمعتها مثلا واشتري فيها هالشي
امدحي جيبه وماله لاتخلي الشيطان يدخل لكم من مدخل المال

انا وياها وكلامها عين العقل

 

[سندريلا زوجي]

تسلموا حبيباتي