أحلى فطووور لأحلى نااس

[أجمل ابتسامة]

فطــور الصبـاح بأطباق شهيه انشالله يعجبكم





آلكل يعرف أهمية وجبة الفطور بالنسبه للجسم .

وخصوصآ للطلاب والموظفين .. اما الي جالسين بالبيت ماعليهم ضيق متى ماقامو ياكلون شابوره مع كاس شاهي

عشان كذا لآزم نركز عليها أكثر من العشا ..

وبعض الناس مايحبون الفطور لانهم حاطين في بالهم انه خبز مع جبن وكاس شاهي بس

تلقينها تقول اتصبر لين الغداء احسن ..
غلط .. واكبر غلط تفوتين وجبة الفطور ..
ومن ناحية الرشاقه ..وجبة الفطور تعتبر الوجبه الأساسيه لتحرك عضلات البطن في الهضم .. لانها وجبه بعد الأستيقاظ من النوم .. فالجسم بيتحرك بدون كسل ..


معلومات بسيطه حبيت أطرحها واتمنى تستفيدون منها ..
نشوف مع بعض أنواع وجبات للفطور ..


وتقدرين تغيرين بالمقادير .. الي تبي دجاج بدل اللحم او تونه ..




[ بيض بالمرتديلا ]

نقطع المرتديلا + فلفل بارد وندهن الكاسات بزيت ونحط الفلفل البارد ثم المرتديلا ثم الجبن ..

نخق البيض مع ملح وفلفل ونصبه عليهم ونحطهم بصينيه وندخلهم الفرن من تحت حوالي 15 دقيقه .. او بالمكرويف 3 دقايق ..

وتكون جاهزه .

وبكذا تكون وجبه متكامله .. بروتين + كالسيوم + فيتامين من الفلفل البارد

وقدميها مع خبز وزيتون وكاس قهوه .

[ فطاير الجبنه ]

علبه جبن [ يفضل فيتا ] او حلوم حسب رغبتك + 2 بيضه + 1\3 كاس صحين + فانيليا + سكر



نفصل صفار البيض عن البياض .. ونلخط الصفار مع 2 ملعقه صغيره سكر وملعقه صغيره فانيليا .. ثم نضيف الطحين والجبنه بعد تفتيتها ..

بياض البيض نخفقه لحاله حتى ينفش ..

ثم نضيفه ع العجينه .. ونبدا نصبه بالتاوه بعد دهنها بالزبده ..

دقيقه ثم نقلبها ..

وقدميها مع العسل او المربى ..

لو عندك فراوله طبيعي او مجمد حطي لك مقدار بياله مع 1\2ملعقه سكر ونص ملعقه خل .. ثم اهرسيهم وحطيهم على الوجه ..

او توت ..

ومع كاس حليب بتكون وجبه مثاليه ..

ميني بان كيك

الخليط هذا سريع ولا يحتاج بيض ولا زيت ولا حليب .. فقط مويه ..

جهزيه وهاتي قوالب أشكال .. وأبدي الشغل . .

حطيهم ع التاوه وصبي الخليط فيها ..


وقدميها بطريقتك ..

فطور جيمي أوليفر

2 بيضه مخفوقه مع بياله حليب .. ونقليها
نقانق مشويه بالفرن مع حبه طماط بالفلفل الأسود والملح ..

تقدم مع الخبز الأسمر المحمص ..

أضفت لها زيتون وكاس شاهي يعدل المزاج ..


وست هولندي

توست أسمر محمص ومقطعه أطرافه ..
ندهنه بزبده وهو حار ثم نرشه بسكر بودره .. ونقطع حبات فراوله ونحطها فوقه ..

قدميه مع كاس عصير برتقال طازج وكاس كابتشينو . .

نقدر نزينه بالنوتيلا



الكريب


2 بيضه + نص كاس حليب + ملعقه صغيره سكر + نص ملعقه صغيره ملح .. نخفقهم ثم نضيف لهم نص كاس دقيق ..

ونتركهم نص ساعه يتخمرون ..

نجهز القلايه وندهنها بشوي زبده او زيت ونبدا نصب الكريب مقدار بياله ..

حوالي 30 ثانيه ثم نقلبه ..

انتي وذوقك .. وش حابه تحشينه .. ؟
نوتيلا وفراوله ؟

مربى وزبده الفول السوداني ؟

جبن وعسل ؟

انا حشيتها عشقي .. زبده الفول السوداني + مربى مشمش حلواني

لفيها رول وقصيها من النص وقدميها ..

التوست الفرنسي



توست مقصوصه أطرافه + بيضه مخفوقه + بياله كريمه خفق او حليب + نص ملعقه صغيره فانيليا نخلطهم مع بعض ..

نغطس التوست بالخلطه ثم نحمرها على تاوه مدهونه بالزبده ..

ثم نقصها من النص ونقلبها في سكر باودر ..

وقدميه مع كاس نسكافيه ..
لو حبيتي أضيفي له جبنه وطبقيه ..

صحتين على قلوبكم

 

[أخترتك A لدروبي]

ماشاء الله العظيم

روووووووووووووووووووووووووعه

الله يعطيك الف عافيه

 

[سفيرة البنات]

مشكووووره عالموضووووع وجاااري التنفيذ بمشيئه الله

 

[نقااء الثلج]

الله الله وربي ابداع ماشاءالله تسلم يدج وروحج الغلا

 

[هدوء أميرة]

المنقول مممنوع غلاي يغلق
مشكلتكم ما تقرون القوانين للقسم ​