معلومات هدأة الغسق
أحس بالظلم _ وصلتني على الخاص_
أرجو الرد على مشكلتي وان كنت احتاج استشاره وتدريب عالخاص ارجو اخباري للالتحاق بالاستشارات الهاتفيه فأنا على استعداد لعمل أي شيء في سبيل الحصول على حياة سعيده وصحيه..ولك اختي جزيل الشكر والامتنان وجعله الله في ميزان حسناتك ان شالله..
انا متزوجه من 9 شهور حدث خلالها الكثير من المشاكل وانا تقبلتها لعلمي باختلاف الطباع والبيئات بيني وبين زوجي اللذي يكبرني بعام فقط..المشكلات قلت نوعا ما بتنازل مني طبعا (مثل اللبس ..الزعل بدون سبب على حد قوله ..عدم الخروج مع الصديقات وغيرها من الامور)..مشكلتي في الوقت الحالي اني لم اسمع كلمه غزل او كلمه حب واحد منه منذ اكثر من 4 اشهر !!و اصبح كثير الخروج مع أصحابه للعشاء او الغداء بعدما كان يذهب فقط الى الديوانيات ولعب كرة القدم..
حينما نكون متخاصمين يقولي اني اكرهك لو كنت احبج او مرتاحلج كان جبت منك عيال!! وحين نكون سمن على عسل اسأله هل تحبني يقوم ويغير الموضوع ويحوله الى ضحك واذا كلمته بجد قالي بصراحه انا مادري شفيني موقادر احبج وانتي مافيج عيب وكم مره اكلم امي واقولها انه البنت موقاصرها شي عاجبتني بس موقادر احبها وامي تصبرني !!!
بصراحه وقع هذه الكلمات والاعترافات كبير جدا علي واصبح من الصعب علي تحمل الوضع ..بدأت أعامله بجفاء وبدون أي كلمه حب ..لااجلس بجانبه عندما نكون بالصاله امام التلفزيون ووقت النوم اجعل مسافه بيننا بعدما كنت التصق به ..اصبحت لا استطيع اطلب منه اي طلب فمن انا بالنسبه له حتى اطلب منه او التصق به !!!
احس انه يشعر بتغيري تجاهه لكنه بالمقابل لا يتنزل ليسأل مابي او يحاول من ناحيته ان يصلح الوضع..
قبل يومين كلمت والدته وقلت لها الحكايه وقلت لها اذا جائك يشتكي ارجوك لا تصبرينه على وخلي كل واحد يذهب بطريجه..الام انكرت انه كان يشتكي لها !! وانتهت مكالمتي لها بالدعاء لنا ونصحتني بالصبر ومصالحته ..وعملت بنصيحتها وعدت لما كنت افعله ..بس مافائده ماكنت أفعله ان لم يزدني حبًا!
اهوا دائما يتهمني اني لا أقدره وانه مايبين بعيني ويقولها بمناسبه وغير مناسبه ..لو اقوله ماودي انك تطلع مع اصحابك وتكون بدافع الغيره طبعا يقولي انه مايبين بعيني واذا قلت له ودي توديني المكان الفلاني قالي اني مااقدر وانه ماقصر معاي وانتي تعرفين اني لا أملك الماده!!ويتهمني اني ماساعدته بولافلس.. وانا والله دائما اشكره اذا طلعني واسوي اشياء من وراه بس عشان اساعده..بالمقابل لو اسوي اي شي عشانه مثل التنظيف او الغسيل او كوي نادرا مايقولي كلمه شكر او امتنان واحيانا كثيره يقوم بالانتقاد فقط !
أمس من كثر الحره اللي بقلبي ومن كثر ماحسيت انه قاعد يظلمني بسالفه عدم التقدير مسكت ورقه وقلم وكتبت مواقف ابين له اني فعلا اقدره وانه في شغلات سويتها من غير لا يدري بس عشان اساعده ..كتبت له انه في أول زواجنا يوم سافرنا شهر العسل سحبت من فلوسي 500 ديناروقلت له احنا مقبلين على حياة جديده وسفره خل هالفلوس مصرفنا بالسفر..رفض ياخذهم وقال رجعيهم لحسابج..بس من دون علمه مارجعتهم وعطيتهم امي وقت لها يما كملي شقتنا فهي تنقص الكثير من الاغراض ,حتى ليما رجعنا من السفر انبهر بالشقه وقام يقول ماقصرت عمتي كملت شقتنا على باله انه كل هالاشياء من أمي..أليس هذا تقدير ومساعده؟..قبل يوم العيد بيوم سحبت 200 دينار وقلت له تفضل هذي عيادي عشان توزعها على الاهل وانا ادري انه مايعطي احد بس لأنه ادري انه بالعيد نطلع وايد ومابي اكلفه فوق طاقته..طبعا اهوا رفض الفلوس بس الا يعتبر مبادرتي تقديراً؟؟
قبل فتره قلت له ليش مانسافر؟وانا علي التذاكر ونص السكن لاتشيل هم ..قال ماقدر اجمع فلوس سكت وماقلت شي وبعدها بيومين قالت والدته انها راح تسافر مع أخته وطلبت منه ان اذهب معهم ..بالبدايه سكتت بس عشان اعرف وجهه نظره بالموضوع واهوا فهم اني موافقه ..بعدها بيومين قلت لن اذهب يمكن تحتاج شي مثل غسيل ملابس ولا كوي ..حتى قام يقول لي ليش انا بغابه!!! بس والله السبب الرئيسي انه حسيت انها نوع من الانانيه لأنه مارفض يسفرني ولكن قالي انه حاليا مايملك الماده فماحبيت اني اسافر بفلوسي طالما انه مومقصر معاي قلت اصبر ليما تتوفر الماده ونسافر ..هذا موتقدير!!
مادري هل اعطيه الورقه يقراها ؟ولا اذا عطيته ممكن يعصب ويحس اني قاعده اتمنن عليه؟ بس لأنه موقادر يفهم اني فعلا اقدر الشغلات اللي يقدمها لي
نفسيا تعبت وبديت احس انه ند لي بدا الحب اللي بقلبي يفتر ناحيته و ليس لي الا الدعاء والقراءه بالمنتديات علًي أجد من يوجهني
بالمناسبه زوجي شمالي شرقي حسب نتيجه الاختبار اللي موجود بمنتدى الصحه النفسيه
انا متزوجه من 9 شهور حدث خلالها الكثير من المشاكل وانا تقبلتها لعلمي باختلاف الطباع والبيئات بيني وبين زوجي اللذي يكبرني بعام فقط..المشكلات قلت نوعا ما بتنازل مني طبعا (مثل اللبس ..الزعل بدون سبب على حد قوله ..عدم الخروج مع الصديقات وغيرها من الامور)..مشكلتي في الوقت الحالي اني لم اسمع كلمه غزل او كلمه حب واحد منه منذ اكثر من 4 اشهر !!و اصبح كثير الخروج مع أصحابه للعشاء او الغداء بعدما كان يذهب فقط الى الديوانيات ولعب كرة القدم..
حينما نكون متخاصمين يقولي اني اكرهك لو كنت احبج او مرتاحلج كان جبت منك عيال!! وحين نكون سمن على عسل اسأله هل تحبني يقوم ويغير الموضوع ويحوله الى ضحك واذا كلمته بجد قالي بصراحه انا مادري شفيني موقادر احبج وانتي مافيج عيب وكم مره اكلم امي واقولها انه البنت موقاصرها شي عاجبتني بس موقادر احبها وامي تصبرني !!!
بصراحه وقع هذه الكلمات والاعترافات كبير جدا علي واصبح من الصعب علي تحمل الوضع ..بدأت أعامله بجفاء وبدون أي كلمه حب ..لااجلس بجانبه عندما نكون بالصاله امام التلفزيون ووقت النوم اجعل مسافه بيننا بعدما كنت التصق به ..اصبحت لا استطيع اطلب منه اي طلب فمن انا بالنسبه له حتى اطلب منه او التصق به !!!
احس انه يشعر بتغيري تجاهه لكنه بالمقابل لا يتنزل ليسأل مابي او يحاول من ناحيته ان يصلح الوضع..
قبل يومين كلمت والدته وقلت لها الحكايه وقلت لها اذا جائك يشتكي ارجوك لا تصبرينه على وخلي كل واحد يذهب بطريجه..الام انكرت انه كان يشتكي لها !! وانتهت مكالمتي لها بالدعاء لنا ونصحتني بالصبر ومصالحته ..وعملت بنصيحتها وعدت لما كنت افعله ..بس مافائده ماكنت أفعله ان لم يزدني حبًا!
اهوا دائما يتهمني اني لا أقدره وانه مايبين بعيني ويقولها بمناسبه وغير مناسبه ..لو اقوله ماودي انك تطلع مع اصحابك وتكون بدافع الغيره طبعا يقولي انه مايبين بعيني واذا قلت له ودي توديني المكان الفلاني قالي اني مااقدر وانه ماقصر معاي وانتي تعرفين اني لا أملك الماده!!ويتهمني اني ماساعدته بولافلس.. وانا والله دائما اشكره اذا طلعني واسوي اشياء من وراه بس عشان اساعده..بالمقابل لو اسوي اي شي عشانه مثل التنظيف او الغسيل او كوي نادرا مايقولي كلمه شكر او امتنان واحيانا كثيره يقوم بالانتقاد فقط !
أمس من كثر الحره اللي بقلبي ومن كثر ماحسيت انه قاعد يظلمني بسالفه عدم التقدير مسكت ورقه وقلم وكتبت مواقف ابين له اني فعلا اقدره وانه في شغلات سويتها من غير لا يدري بس عشان اساعده ..كتبت له انه في أول زواجنا يوم سافرنا شهر العسل سحبت من فلوسي 500 ديناروقلت له احنا مقبلين على حياة جديده وسفره خل هالفلوس مصرفنا بالسفر..رفض ياخذهم وقال رجعيهم لحسابج..بس من دون علمه مارجعتهم وعطيتهم امي وقت لها يما كملي شقتنا فهي تنقص الكثير من الاغراض ,حتى ليما رجعنا من السفر انبهر بالشقه وقام يقول ماقصرت عمتي كملت شقتنا على باله انه كل هالاشياء من أمي..أليس هذا تقدير ومساعده؟..قبل يوم العيد بيوم سحبت 200 دينار وقلت له تفضل هذي عيادي عشان توزعها على الاهل وانا ادري انه مايعطي احد بس لأنه ادري انه بالعيد نطلع وايد ومابي اكلفه فوق طاقته..طبعا اهوا رفض الفلوس بس الا يعتبر مبادرتي تقديراً؟؟
قبل فتره قلت له ليش مانسافر؟وانا علي التذاكر ونص السكن لاتشيل هم ..قال ماقدر اجمع فلوس سكت وماقلت شي وبعدها بيومين قالت والدته انها راح تسافر مع أخته وطلبت منه ان اذهب معهم ..بالبدايه سكتت بس عشان اعرف وجهه نظره بالموضوع واهوا فهم اني موافقه ..بعدها بيومين قلت لن اذهب يمكن تحتاج شي مثل غسيل ملابس ولا كوي ..حتى قام يقول لي ليش انا بغابه!!! بس والله السبب الرئيسي انه حسيت انها نوع من الانانيه لأنه مارفض يسفرني ولكن قالي انه حاليا مايملك الماده فماحبيت اني اسافر بفلوسي طالما انه مومقصر معاي قلت اصبر ليما تتوفر الماده ونسافر ..هذا موتقدير!!
مادري هل اعطيه الورقه يقراها ؟ولا اذا عطيته ممكن يعصب ويحس اني قاعده اتمنن عليه؟ بس لأنه موقادر يفهم اني فعلا اقدر الشغلات اللي يقدمها لي
نفسيا تعبت وبديت احس انه ند لي بدا الحب اللي بقلبي يفتر ناحيته و ليس لي الا الدعاء والقراءه بالمنتديات علًي أجد من يوجهني
بالمناسبه زوجي شمالي شرقي حسب نتيجه الاختبار اللي موجود بمنتدى الصحه النفسيه
اسم الموضوع : أحس بالظلم _ وصلتني على الخاص_
|
المصدر : الأستشارات الزوجية العامة
