أحس اني جسد بلاااا روووح!

[رنااااد]

بنات أنا نفسيتي مـــرة تعبانة...ليـــش؟ مدري :tears:
نفسي اوصلكم شعوري بس حتى أنا مو عارفة اوصفه :sad_1:
والله يا بنات متضااايقة من كل شي
اقوم الصباح اجلس ساعة افكر ومتضاااايقة وابغى اصيح بعدين اتعوذ من ابليس واقوم...
الروتين بالبيت مااايتغير...اذا طلعت هو مول واحد اروحله نهاية كل اسبوع وبـــــــــــــس...
كل شي في الدنيا اسويه من غير أي نفس...
مكتئبـــــــــــــــــــــــــــة أغلب الوقت (إذا مو كله)
مدري وش ابغى...ادري مافهمتوا شي من كلامي بس حتى انا مو فاااهمة ايش ابغى!!!
اليوم خميس والمفروض اني مبسوطة نهاية اسبوع واجازة بس برضو متضااايقة...بنات حتى الصلاة من غير نفس (الله يغفر لي ياااارب :tears ...أحس اني مثل الآلة...أتحرك من غير أي إحسااااااااااااااااااااااااس ولاااا أي رووووووووح،،،
عمري 27 ومو متزوجة (وفكرة الزواج كمان من الأشياء اللي مشغلة باااالي)
ماااا اتفق مع اخواتي البنات...والعلاقة معاهم جدا سطحية مع اننا بنفس البيت،،،
احس الوقت يعدي بسرعة وفي اشياء ابغى اسويها بس مااالي نفس،،لما اشوف الناس منشغلين بأشياء دنيوية فنفسي اقول طيب وبعدين؟؟؟ ايش النهاية؟ :tears: مدري كيف اوصلكم الفكرة...حتى اهتمامي بنفسي قـــل كثير عن اول(اتروش بس لاني لازم اتروش)!!!،،،اكثر شي مضايقني علااااقتي بربنا مو مثل اول !! :tears:
يعني بإختصار أحس اني جســـــــد بلا روح..
كيف اتخلص من الدوامة اللي عايشتها؟؟؟؟ :tears:

​

 

[قلب وافي]

انا من شفت عنوانك قلت


أفرغي بذاك الجسد الدين وقوّي صلتك بالله فتمتلىء روحك وتثقل بمايطرد عنها كل مايسأمها


أكتفي بهذا ويكفي بنظري ان طبقتي


دمتي براحة بآل

 

[أنثى تعشق المطر]

طيب يالغلآآ ممكن تكلمينآ عن نفسسك شوي ..!؟

وهل أنتِ تشتغلين أو لآه ..!؟

ولي عودة بإذن آلبآري ..​

 

[يابعدها سماي]

^
^^​

فعلآ مثل ما قالت​

كلامك تحت ضغط وفيه اشياء مبهمه​

وبعد فيه موضوع مثبت فيه إسئله جاوبي عليها

غذاء الجسد .. الطعام والشراب والنوم والراحه والامور الماديه ..

غذاء العقل .. القراءة والثقافه والعلم واكتشاف كل جديد

غذاء الروح ..هو الاسمى هو الاهم وهو مصدر الراحه الحقيقيه والاسقرار

غذاء الروح الصلاة والقران والدعاء ودموع توبه في السحر

​

 

[ريهاااام]

عاارفه انتي ليش جسد بلاروح؟؟؟؟؟
لان يومك خاالي من ذكر الله..
انتي بنفسك تقولين الصلاه الله اعلم به...
لييييييييييييش
كذا ؟؟مخليه الشيطاان يستحوذ عليك ..هذا انتي الحين تطلعين بس برضو مااستانستي طيب ليش؟؟ماسالتي نفسك السبب ((انتي فااقده لذة طاعة ربي ))
اتبعي نصيحتي ورااح تدعين لي..صلاتك بوقتها صليها وبخشوع ..اذكار الصباح والمساء لاتتركينها ابد ..اقرئي يوميا صفحه اوصفحتين من المصحف..وسورة البقره يوميا
الزمي دعاء الهم والحزن مع اذكار الصباح والمساء
((بصير كل يومك ذكر لله ورااح تنطرد وساويس الهم من حيااتك
.............ورااح تصيرين جسد بروح ...دعواتك لي

 

[بنت نآس]

بسم الله علييك يابعدي..

والله فتره وتعدي وعن تجربة ناآآس واآآجد اعرفهم شخصيا..

شوفي ياقلبي عندي لك راي بيطلعك من هالدوآمه..


ليش ماتشوفين لك دار تحفيظ وتشتغلين فيها تطوع..

منها تختلطين بالنآس وقبل كل شي احتسبي الاجر وكمان النآس يشوفونك وومكن تتزوجي ويصبح هالشي سبب لزواجك بإذن الله..


فيه شي ثاني فيه قروبات ع الفيس بوك تعمل زيارات خيريه للايتام ومرضى السرطان لو تروحي كل زياره والله ترجعي وتحسين نفسك شي مهم بالمجتمع كل شي فيك مهم

بسمتك

عطائك

كلامك

تفاعلك

لما تشوفي الاطفال يضمونك

يتكلمو معاكي

واللهي شعور حلووو كثييير

 

[عذبه المعاني]

هلا الغاليه ^_^

هذا من الفراغ اللي عايشته

يعني تقولين انج بعيده عن الله .. وحتى الاشيا الدنيويه .. تقولين ليش اسوي شي .. وشو النهايه ؟!!!!

قال تعالى " وابتغ فيما اتاك الله الدار الاخره ولا تنس نصيبك من الدنيا "

تقربي الى الله .. سجلي فدوره تحفيظ قران .. قوي علاقتج بخواتج وصديقاتج

ونمي مواهبج ^_^

الله يوفقج

 

[الـهـجـيـر]

(ومن يعرض عن ذكري فإن له معيشة ضنكا)

البعد عن الله هو سبب الفراغ النفسي..


بس مثل ماقلن البنات سجلي بدار أو نمي مواهبك
ولا يكون الزواج هو همك الوحيد وهو اللي يشغل تفكيرك ويضيق صدرك

الله يوفقك ويعينك على طاعته...

 

[صجة ولجة ودجة]

حبيبتي

صلحي علآقتك مع إخوآتك آلبنآت ترى آلآخوآت مآلك غنى عنهم بعد الله ..!

سولفي إنبسطي سوي أي شيء ..!


وصلحي علاقتك بربك قبل كل شيء حبيبيتي ..!

 

[Ms.RoZa]

اكثر شي مضايقني علااااقتي بربنا مو مثل اول

ذكرتي الداء والدواء بدون علم منك .. !
اعيدي النظر بعلاقتك مع ربك وجدديها لإن الحياة بدون ايمان " عذرا ً"
لن تفرق عن الحيوانات الي تعيش ليومها فقط ولاتفكر وتتفكر بطاعاتها لربها وتجديد الحب له بالعبادات والأعمال الصالحه ..

قلبك خاوي من حب الله .. لذالك حياتك الآن خاويه من كل راحه وطمأنينه ..

ثاني رد لي اليوم لنفس المشكله
"الهموم المتراكمه المجهولة الاسباب .. وضعف الإيمان "

نصيحه مني /
اقضي ليلتك اليوم بالقيام لربك ومناجاته والشكوى اليه والدعاء وما اجمل لو كانت بالدموع لإنه سيتبعها راحة بتنسيك الدنيا ومافيها


ختاما ً اعذري لي اغلاق موضوعك لإنه مخالف
ليتك اطلعتي ع هالموضوع ووفرتي علي اغلاق استشارتك !!

http://www.niswh.com/vb/showthread.php?t=234351

 

[Ms.RoZa]

تنبيه /
اذا حابه تضيفين اي شي او تردين .. اكتبيها بموضوع جديد مع الاسئله