أحذري الجنوبي؟؟؟؟؟؟؟

[وردة مضيئه]

بسم الله الرحمن الرحيم
موضوعي هذا الحقيقة انة من واقع تجربة
وانا دايما بلقيسياتي هم اول من يستفيد من تجاربي....(لانة والله لكم معزة خاصة.)..
ماابغى اول عليكم .. والقصة وما فيها :8:
زي ماتعرفوا انة الجنوبي رومنسي ورقيق وحساس:32:
واحنا احيانا تغرنا هاي الصفات اللي فية ونشوفة ما يحب النكد ولا يهاوش اذا شاف شي مو زين .. ودايما يمدح وما يبين علية الزعل من امر ما ...
ونعتقد انة دايما يعذرك اذا كنتي تعبانة وما نظفتي او ماطبختي

وبرضو اذا طلبتي منة شي مو ضروري او من الكماليات ..لا تتوقعين انة بينسى الموضوع
بلعكس هو يجمع هاي الطلبات في (صناديقة) بالمخ ويعرف انها موضرورية ولما يطفح عندة الكيل يقولك عليها او يصعقك بها..؟؟؟؟

الحقيقة اني عطيتكم الاستنتاجات من دون ما اعطيكم القصة اللي صارت لي
انا كنت متوقعة اني احسن الناس حال مع زوجي واحس اني الزوجة المثالية ومااحس بشي يعكر حياتنا...:20:
واليوم بانت الحقيقة .. قالي اني عندي كلام وابغى اصارحك فية ..
قلت خير ان شاء الله
فقالي عن اشياء مخيفة وبداء يسرد النقاشات اللي صارت بيننا مثل الطلبات واتغيير الاثاث
ويوم اقولة ابغا اشتري ساعة وابغى جوال .... مع العلم انة في فترات متباعدة في حدود سنة تقريبا
حتى انة قال (اني اشك انك مليتي مني وانك ندمانة انك تزوجتيني
وانا من زمان ماارتحت في بيتي ... وادخل وانا متوقع منك طلبات وتذمر من البيت مع ان بيتنا مو قديم والاثاث اللي فية معقول ,,, وطلباتك ماتنتهي وماتشكرين ... وانا ماراح اتحمل هالوضع ):4:
حتى اني خفت يقول اذا تبغين طلاقك انا ماعندي مانع:8::e076:
وانا بدت الدنيا تدور فيني :e052:


وفي الاخير اكتشفت اني نايمة عن الواقع اللي انا فية ؟؟؟..
وان الرجل يعتبر التلميح طلب,,واذا مدحتي شي عند احد كانك تقولين ابغى مثلة,,
واذا طلبتي شي لو من باب المزح ماينساة ويحفضة في عقلة....

اسفة اني اطلت عليكم بس حبيت افيدكم واستفيد من ارائكم....
واللي تبغى تسأل عن شي انا مستعدة...



​

 

[بدون جراح]

الله يعطيك العافيه
صادقه مشكله الجنوبي انك تنغشين بشكله الخارجي
وهو من داخل يطبخ على نار هااااديه

 

[لقيت نفسي فيك]

صادقه يالغلا حتى انا زوجي جنوبي وفجأه انقلب بيوم وليله بدا يتذكر كل شيء ويفتح ملفات صار لها سنين

والله كنت احسبه ينسى

يس والله هو يجمع كل شيء ويكبت في نفسه الا ان ينفجر مرره وحده ​

 

[لقيت نفسي فيك]

وعلى فكره كل من عرف ان زوجي جنوبي بالمنتدى قالي يا بختك بالعكس الجنوبي اصعب نوع ماتعرفين وش يفكر فيه ولا بأيش يخطط

وصعب جدا تحددين حالته النفسيه راضي ولا مشغول

واذا طفح الكيل يروح يشكي لامه


مشكوره يا قلبي على الموضوع الرائع​

 

[غلولوه]

والله صاقه زوجي جنوبي اذاسولفت عن سفرت اختي يقول تبني اوديك وانا ادري عن حالنا يعني مظغوطين مع كذا يحسبني المحله مشكله الجنوبي يبي حنان وعواطف فياضه وحرمه فرفوشه واذازعلت صرت نكديه تعبت معه احس انه بيطير مني لانه كتوم ويلاحظ الشي ولا ينبهك الا اذا انفجر ينفجر مره وحده على بالك مبسوط معك وهو يشيل بقلبه

 

[حبيبه دودي]

اي واالله صادقه حتى انا زوجي جنوبي وزي ماقلتي

 

[الامبروطورة]

الجنوبي والشمالي والغربي والشرقي والانسان بطبعة صاحب منة لذلك لابد ان نتعلق بالله وحده
لان النقص من صفات البشر.....

 

[مريوم الحلوه]

صدقتي الجنووووبي هذا طبعه وصعب معرفته صحيح رومنسي وحنون لكن لو تفعلي حاجه احيانا مايعلق ولا حاجه لو تمر عليها اشهر ينفجر ويقول انتي وانتي فعلتي
عدوه تمدحي حاجه لو تافه لو سياره او اثاث لان هو بطبعه حساس وفي ظنه ان تقللي من شانه وتوضحي له انت ماسويت لي كذا وكذا​

 

[وردة مضيئه]

طيب حبيباتي وش هي الخطوة اللي ممكن اسويها الحين .... انا احس اني قلت ثقتي بنفسي وبقدرتي على اسعادة ؟؟؟؟ وهو قال لازم تعيدي حساباتك وتفكري بعقلانية وماتقارني نفسك بالاخرين....
والله انه ضايق صدري من اللي حصل .... وكانها جتني صفعه في وجهي ؟؟؟؟؟؟

 

[حزن الحياة]

ااااه من الجنوبي انا زوجي له متملك 4اشهر وزواجه بعد شهرين

لان الجنوبي يمووووووووت في الجنس ويبي يتزوج على يقول عنده طاقه زايده ومابغي اتعبك

حرمتين احسن

 

[دلع حسون]

الله يسخرررره لك ويسعدكم ..
ياويلي اناخطيبي جنوبي حييييييييييييل حساس وكنت شايله همه بس من بعدموضوعك شليت هم زياده
الله يعيييني

 

[ساحرة البقر]

اما الجنوبي ذا ودي اكفخه على وجهه

مشكلته كتوووووووووووم واذا انفجر يعطيك صواريخ لا والادهى والامر يروح يشكي لامه

ماينفهم هالادمي تحسبينه راضي عليك وهو يغلي من جوه​

 

[نسيم القلوب]

رد ع إحذري الجنوبي

على فكره حبيبتي أنا ما طلع عيني إلا الجنوبي 000
إنتي افتحي معاه حوار وياريت تكونين بلبس حلو ومكياج ينطق بإنوثتك وتتدلعي شوي وإنتي تتكلمين بعفويه يعني (الزين مرحوم)
لكن زي ما قلتي هوه يسمعك تتكلمين يفكرك تقصدينه ( أنا كذا لأني جنوبيه إذا سمعت أحد يقول حنا نبي كذا او أو او000 من أهل بيتي طبعا أحسهم يقصدوني وأنا حساسه أقعد أفكر وش قصرت فيه ما تذكروا هذا وهذاك ووووووو0000000000
لكن لمن تفتحي الحوار قولي له أنا ما أقصد إنك قصرت بالعكس الكل يحسدني عليك بس أنا كنت اقولك من باب السوالف وأشكريه وأثني ع حياتك معه ترى والله يستاهل حبيبتي 000الله يسخره لك 0000
وبعدها تجنبي تتكلمين معه بمدح هؤلاء وأولائك
ولو حصل وغلطتي وتكلمتي قولي له بس الحمد لله أحسهم يبالغون بحياتهم وأحس إحنا أحسن منهم حال
وأيضا لا تبالغين أو تنبهرين بالناس هذا دليل إنك محتاجه ثقه في نفسك أكثر
لو الموضوع محتاج مدح أو كنتي تتكلمين مع أخته أو أمه قدامه بجمله قصيره جدا قولي ما شاء الله الله يبارك لهم وبس
المدح هذا حسسه إنو ما راح شي يعبي عينك وصار يحس إنه مع إنسانه متعبه وما راح يقدر يسعدها
والجنوبي يبي يكون في عين حبيبته إنسان لا يوصف
أكثري من مدحه والثناء ع عمله وع حياتكم
وإذا إنتي فعلا تفكرين في هالأشياء تذكري إنها وسخ دنيا ولو عرفنا أن فيه شخص محتاج ألف ريال صدقه
وعندي ألف ريال أبي أشتري فيها جوال
كنا رحنا نشري الجوال وتركنا الصدقه
مع إن الصدقه أبقى لنا وتطفيء غضب الرب
ذكرتوني
بناس دفعوا في حفلة زواج بنتهم اللي قدامهم واللي وراهم بس عشان المظاهر
ولمن صاروا في موقف محتاجين إنهم بتصدقون ليطفئ غضب رب العباد ويرفع ما بهم ما دفعوا مع إنه كان عندهم
شفتوا إشلون صرنا ما ديين
يلا أسفه ع الإطاله
لكن الجنوبي متسامح وطيب وما دام صارحك معناته ما يبي يشوف منك هذا الشي لأنه يحبك فلا تخسري زوجك جنتك ونارك عشان دنيا
الله يوفقك وييسر امرك ​

 

[فراشة طائرة]

لا حرام مو لهذي الدرجة انا زوجي جنوبي بس الحمد لله الله عطاه نعمة النسيان والله ينسى بشكل احيانا غير طبيعي

 

[55ريما55]

ااااه من الجنوبي انا زوجي له متملك 4اشهر وزواجه بعد شهرين

لان الجنوبي يمووووووووت في الجنس ويبي يتزوج على يقول عنده طاقه زايده ومابغي اتعبك

حرمتين احسن

=================

نفس كلام زوجي الله يعين عليهم

 

[نسيم القلوب]

فراشه طايره جبت المفرش اللي إنتي عارضته لزوجي
وسويت حركات وليله حلوه إ ستانس زوجي بس ما قرأ الكلمات اللي ع المفرش
طلع عنده عمى ألوان وهيه أهم شي 0000
ههههههه

 

[55ريما55]

ليش ماقلتي له اقراها هههههههههههههههه

شكلك مستعجله

 

[لحن الوداع]

مشكورة وجزاك الله خيراً

 

[جيانة]

الجنوبي:
-إنسان متقلب المزاج في كثير من الأحيان..
-إذا أحبك أكرمك بس لو زعل عليك تنمحي من عينه كل اللحظات الحلوة اللي عاشها معاك..
-من النوع اللي ماينسى ذاكرته تخزينية لكل المواقف السيئة..ومتى ماجاء الوقت المناسب انفجر بوجهك وعدَّدها لك!!
-يعشق المدح والتشجيع ورفع المعنويات..
-مايتحمل انتقاداتك له..ولا تذكيره بعيوبه..
-طلباتك يعتبرها أوامر..
-يكره الدخول في نقاشات..ولو غلط أحد عليه نفسيته تتعب ويصيبه الهم والنكد..

 

[..ضباب..]

بالفعل انا جنوبيه
وزوجي شمالي
ودايما اذكره بأشاء قديمه
ويتروع يقول شلون تذكرتي مانسيتي


​