أحد منكم جرب ابرة الظهر ! ومعي الم بالمثانة

ز

زوجة الناظر

New member
إنضم
2011/01/15
المشاركات
1,612
السلام عليكم

كيفكم كروشاااااااااات

واللي ولدوا حبيت أسألكم عن ابرة الظهر !

والمضاعفات اللي بعدها من صداع وتنميل ووووووو.........


انا قبل كنت اقول ما راح آخذها بس اللي صاير فيني ارهاق ماهو طبيعي

لي خمس ايام ما انام وبس طول اليوم تعبانة وما اقدر اشيل جسمي


والحمام الله يكرمكم مستهلك كل طاقتي


ففكرت اخذ الإبرة واوفر على نفسي التعب والام الطلوق


اللي جربتها او احد قريب لها جربها يفيدنا !!!!!!!


وأبي أسألكم عن شي ثاني


اذا رحت للحمام وانتم بكرامة احس فيني الم زي الالتهاااب واقعد دقيقتين

أتألم وما ينزل شي وبعد الألم ينزل شي بسيط وهذي حالتي الله يكرمكم الم بعدين شي بسيط


وهكذا دواليك ! مع العلم مافيني التهاب بالبول توني محلله


أنتم نفس حالتي ؟!


انا اليوم ببداية الاسبوع الـ 40 على كلام الدكتور​
 
غيري الطبيبه اذا مازال الالم موجود


لازم تحاليل ويشوفو ايش الموضوع يمكن بكتيريا وهي تفرق عن الالتهاب


واذا بكتيريا ممنوع تولدي طبيعي بعيد الشر

ومعروف اخر شهر الضغط على المثانه وزياره الحمام المتكرره حاولي تميلي لقدام ورا اثناء تبولك وانتي جالسه


حتى تفرغي المثانه كامل واشربي مياه بكثره


وبالنسبه لابره الظهر انا جربتها واخواتي وصديقاتي


تختصر عليك الام وهدت حيل تكوني بوعيك وبدون الم واذا فيه الم الم بسيط من الطلق محتمل


ولا الم الخياطه ولاطلعه الراس

بالنسبه لي ماسببت لي شي الحمدلله اساسا مفعولها ينتهي بعد الخياطه وراح تحسين بالم المنطقه التحتيه كشي طبيعي ومحتمل


ورحمه من ربي انهم اكتشفوها وهي جدا قديمه برا


اتكلي على ربي واستخيري وخذيها

دعواتي لك بالتوفيق وربي يهون ويسهل عليك
 
جزاك الله خير بعد ما شفت ردك


رحت شاورت زوجي واقنعته وان شاء الله نشوف الظروف


والله يكتب اللي فيه الخير​
 
اختي ابرة الظهر مرة تريح في الولادة............ لكن انا ماادري وش صار لي في آخر نفاسي حسيت بآلام بالظهر وتنميل والام في الارجل سألت وقالولي هذي من مضاعفات الإبره ........ يمكن يكون هالكلام صح أولا...........الله ييسر لك ويهون عليك...........:35:
 
الله يسهلك ولادتك انشالله
 
اختي ...
انا مثلك دخلت العاشر وافكر اروح المستشفى يولدوني ..
رايك اضرب الابره اولا لان بعضهم يحس بخدور في رجليه يؤدي الى الشلل..
اختي اذا ولدتي قبلي وضربتي الابره خبريني الله يسهل عليك ويهوني عليك وعلي يارب..​
 
زوجه الناظر ومعلمه

انا توي والده الاربعاء قبل يومين وانا مطوفه 9 ايام المفروض انتظر الطلق الطبيعي وقبل بولدي 10 يوم بالغاشر جاني طلق بس هذا الحمل استعجلت ورحت قلت ابي طلق صناعي واضرب ابره ظهر وارتاح

اول كنت يجيني طلق باارد ومغص ويمشي حالي لين اولد والدفع ربع ساعه الى نص ساعه تدفعي ويطلع البيبي بس هالمره غيررررررررر
اصريت على ابره الظهر قالت لي الدكتوره مو ضروري انت وقت الولاده عندك قصير على حسب ولاداتي السابقه بس عندت وقلت لازم اجرب وارتاح والله دكتورتي احسها زعلت بس ابي ارتاح بدء معي طلق طبيعي وانا متنومه عندهم للطلق الصناعي بعد ساعه كشفت وقالت 4 سم وركبت المغذي واخذت الاكسجين وطلبت الابره قالت ما نعطيك حتى ينتظم الطلق عندك ثم نثبتها يعني لازم تحسي بالطلق اولا والصناعي عشره اضعاف الطبيعي ماقدرت اتحمله
ركبت الابره وبدء التخديرطبعا كل شوئ يحركونك عشان ماتخدر جهه اليمنى مثلا
الوجهه اليسرى لا
جلست من 8 ليلا حتى 1 بدء الدفع طبعا ما تحسي بس تسالك اذا فيه شئ غريب تحسي فيه عشان تعرف انه الطفل يدفع
وتتلمس من تحت تشوف يدفع الطفل او لا
وبدء الدفع ما احس بشئ تقول لي ادفعي ماقدرت ادفع .....بس ادفع خطا لاني ما احس ادفع ببطني وهي تقول ادفع كانك تبغي الحمام وانتوا بكرامه ساااعتين وانا ا دفع ومره زعلت الدكتوره قالت هذه من الابره لو تحسي بالدفع كان 10 الى 25 دقيقه الا وانت والده.... جربت اولد على جنب وجالسه وعده وضعيات قالت مافيه فايده تقولي انتي ماتدفعي
مررره اجهدت على الفاضي قالت باقلل من الابره وادفعي او نسحب الطفل بالشفط
او عمليه الساعه 3 ليلا انا خلاص حست بالطلق بعد ما خففتها ماقدرت مرره الم وزوجي مرره تضايق قال كله من الابره والا كان دفعت وخلاص جلست ابكي خلاص ماقدرت ادفع ولا قدرت اتحمل الالم وادفع قررت عمليه ونادوا الدكتوره ثانيه قالت حررام عمليه وانتي خلاص تدفعي واجتمعوا على يقنعوني ادفع مع الشفط او خلاص عمليه مع ان دكتورتي على راسي تطلبني ادفع تقولي وانتي تقدري مو اول طفل وتشجعني ماتبيني اسوي عمليه تقولي طفلك صغير وشوي وتولدي

المهم قلت خلاص تخدريني بالابره وبادفع واشفطي البيبي موان زوجي مو مقتنع بالشفط خاف على البيبي وبدءت وسحبوا وولدت 5 الفجر معانااااه لو من بدري كان الساعه وحده انا والده ومخلصه
خيطت وكملت وانا مررره مرهقه..... ومن الدفع اللي دفعت تنفخ اللي تحت مرررره كل شوي حاطين ثلج
واليوم الاول رجلي اليمنى ما احس فيها ابدا متنمله ومخدررره اوقف تطيح رجلي قالت طبيعي مع الابره اللحين عاادي بس توجعني ومكان الابره يوجع والطلق الصناعي بالظهرما تحسي فيه بس بعد الولاده ظهرك مكسر حيل بس لو طبيعي كان اخف
لا تتهوني وتقول طلق صناعي وابره عشان ما احس فيه
واخيرررا ولدت وتسال الدكتور تبين مره ثانيه ابره قلت لا لا خلص طبيعي وبس
لانها ركبت الابر 11 ليلا وبدء الدفع 1 تقريبا كان قد ولدت بس قدر الله وما شاء فعل
الحمد لله استخيري ربك وانتظري ولا تستعجلين والله ودي اني انتظرت يوم كان جاني الطلق طبيعي لاني اول ماتنومت جاني الطلق
اتنمى اكون افدتك
 
بصراحه أنا اعرف كثير سووها وقالوا ليتنا ما سويناها جاتهم اثار جانبيه بالرجل والظهر
 
//

انا اخذتها مرررره ممتازة الالم يختفي تماما . بس تعالي شوفي المضاعفات بعد الولاده انا جلست اسبوع كامل ما امشي الا بالمسكن .

لاتطلبينها الا اذا كنتي ماااره محتاجتها وماتقدرين تتحملين .
​
 
:35: شي غريب الالام الي جاكم بعد ابرة الظهر

قبل لا اخذها واتوهق قريت عنها بالمنتديات وشفت باليوتيوب

اخذتها والحمدلله ماافيني الا العاااااااااااااااااااااافيه ماشاء الله
 
بالنسبة لابرة الظهر انا جربتها بالقيصرية قبل اربع شهور والحمد لله ماشفت اللي يقولون عنه بالمنتديات كانت عادية مرة
طبعآآ التنميل راح تحسي فيه برجولك لانه دليل ان الابرة بدأت مفعولها
توكلي على الله واخذيها بدون تردد
 
الحمدلله ولدت وما اخذتها


وبالنسبة للالم كان معي بكتيريا وعطوني مضاد حيوي بالمغذي وقت الولادة​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل