أحتاج دفعة معنوية يا أخواتي

[Fairy Tale]

السلام عليكم جميعا ..

هذي أول مشاركة لي في هذا المنتدى .. بصراحة أنا تعرفت عليكم أمس بس .. من الساعة 7ونص الصباح وإلى اليوم ما غبتوا عن بالي .. كلام الدكتورة حفظته وكتبته .. ورجعت البيت وقبل ما أنام حطيت خطة تغيير نفسي وشخصيتي للأفضل غن شاء الله وبنيت أموري على قصة الأخت أم بسمة وأم الوليد وأيقنت أن الإرادة القوية تحطم الصخور مو الرجال عاد ..

باختصار يا أخواتي بقولكم مشكلتي من غير تفصيل وشو اللي سويته من أمس مع زوجي وكيف كانت ردة فعله وهل فعلا هذي بداية الاحساس ..

أنا عمري 25 متزوجة من أقل من 5 سنين .. زوجي تزوج علي وحدة أعرفها .. ( بحاول أذكر التفاصيل بعدين لأنها ما عادت تهمني أبغى أنسى وأتأقلم مع الواقع الجديد ) كنت إلى البارحة قبل الساعة 7 ونص الصباح ولمدة سنة ونصف انسانة ضايعه كئيبة حزينة .. لكن والله شهيد اني بعد ما قرأت في المنتدى تغيرت وغيرت تفكيري وكتبت خطتي وباذن الله تنجح ( ادعوا لي ارجوكم )

البارحة قررت أن أغير نفسي وأترك زوجي يظن اني استعدت شخصيتي ونفسي بعد ضياع لمدة سنة ونص بسبب زواجه السخيف وانا توني لي ثلاث سنين عروسة يعني .. ( يالله معليش احاول اكتم القهر لكن في سبيل النجاح كل شي يهون )

اول شي سويته اتصلت على صديقتي وقلت لها عازمتك على العشاء .. ورتبت الموعد .. لما جا ياخذني من الشغل قلت له انا طالعة بالليل ابيك توصلني .. تفاجأ ( لأني ما كنت أطلع إلا نادرا مع صديقاتي بعد اللي صار ) قال مع مين .. قلت انا وفلانة .. قال بروحكم ! قلت ايه .. قال ايش عندكم .. قلت بس كذا مشتهين نطلع وعيالي بوديهم لأمي ..

وصلنا البيت .. كان عنده ضيوف بشكل اسبوعي .. انا دخلت ولبست ولبست عيالي وتجهزنا .. دخل شافني وقال ماني مرتاح لهالطلعة .. قلت ليش وابتسمت ابتسامة عريضة والله مدري شلون طلعتها :clap:

المهم نزل قبلي .. ونزلت أنا بالأخير .. وصلني .. ولما نزلت قال .. اقري على نفسك !! :bye1:

المهم .. لما رجعنا البيت كان ميت من النوم وم قادر يسوق حتى .. والمفروض الليلة يروح عند الهانم حقته .. وما توقعته ينزل من السيارة ابدا .. نزلت مع عيالي الا نزل ورانا .. وهو على وقفته ينتظر اشيل عباتي .. لما شلتها قال .. الحين اذا انتي ما تشيلين عباتك في المطعم تلبسين كذا ليه ؟؟ قلت ليه ما البس كذا مشتهيه البس ومبسوطة .. طبعا هو اختبص .. دقيقتين وقال انا ماشي .. قلت الله معاك ووصلته للباب وراح ..

اليوم الصباح لما بيوصلني الدوام .. ( انا ساكته طبعا وهذا ليس من طبعي وهو يعرف اني ما اسكت اصلا !! ) سألني المطعم أمس كان زحمة .. قلت لا .. وعليها ..

المهم انا حسيت انه بدا يستغرب خاصة موضوع اللبس والزحمة ووووو ,,,

بنات تكفون ابغى دفعة معنوية للاستمرار لأني بصراحة قاعدة اضغط على نفسي بشكل غير طبيعي .. لكن الله يعين ..

غير كذا عندي سؤال .. لو طبقت كلام الدكتورة عن الاهتمام بنفسي وتركه في حاله .. ما اقصر في واجباته بس ما اصك عليه كالعادة ولا اتصل ولا اسوي نكد .. تتوقعون ما يستحلي نفسه ويقول افتكيت منها :busted_red: من جد محتاجه دعم معنوي منكم لأنكم ما تتخيلون قد ايش ساعدتوني ارجع اتماسك بعد كل اللي صار لي .. وتحية من القلب للجميع ..

 

[cutie]

اللهم وفقها لكل خير
أختي العزيزة
اجعلي إيمانك بربك ويقينك بقدرته أول الخطة
لأنه التوكل على الله والدعاء يعطيك دفعة عجيييبة
دايما كلمي ربك وقوليله اللهم اني فوضت أمري إليك وتوكلت عليك وبتحسين بقوة داخلية غريبة
الله الموفق

 

[هدأة الغسق]

وعليكم السلام ورحمة الله وبركاته ..

الله يجبر خاطرك ويقوي صبرك وينجح خطتك ..

ياعمري يا توليب تقولي يفتك .. شوفي الرجال من أول حركة مو قادر يقاوم .. ماقعد وترك ليلة التانية إلا عشانه متخربط وموعارف ايش يسوي .


وعنده شي لازم يخلص منه .

عندي شعور عميق إنه كان قاعد مسرح عندها يقول ايش فيها توليب .

صدقيني لو أهتمتي بنفسك رح ترتاحي نفسياً .. الضغط هدا اليي تضغطيه على نفسك يخف .

أنصحك بمقشر السكر والزيت إذا مالقيتيه جاهز في السوق أعطيك له طريقة سهلة بس لاتنسي اشتريه وانت مع زوجك تتقضي للبيت .

مري على مركز فيه بودي شوب وأقعدي جمعي لوشن ومقشر وروة بانيو لاتخلي على قلبك على مرأى منه ومسمع وخليه يدفع الحساب .

قولي له نسيت محفظتي في الشنطة التانية غيرت شنطتي غشانها تناسب هده الجزمة -وسوي الحركة من جد_.

واليوم لما تقري كلامي روحي الحمام حطي موية دافية ورغوة واقعدي فيها نص والا ربع ساعة الصراحة تنسي العالم .

ولما تجي خارجة ادهني جسمك بزيت الجسم وروحي غرفتك افرشي منشفة على الأرض وأقعدي عليها وسوي مساج

لجسمك بالزيت . وبعدين رشي معطر الجسم وألبسي ملابس داخلية جديدة وحطي لوشن بلمعة ليدك وصدرك ..وبعدين ألبسي ..

والله مرة شي مريح ويزيل الضغوط ..

حطي مرطب شفاه خفيف واقعدي اقرأي بعدها وممكن تقرأي للصغار قصة وتحطيهم جنبك لحد مايناموا ..

ولو تخلصي قبل لايجي السيد يكون ممتاز يجي يلاقيك مسترخية ونفسيتك عال العال .

ساعتها تعشوا وناموا وتصبحي على خير .​

 

[Fairy Tale]

شكرا أخواتي الحبيبات كيوتي وحمرة الورد .. والله من جد دمعت عيوني لما قريت كلامكم ..

كيوتي حبيبتي انا لي قريب الشهر معاهدة نفسي ان اقوي صلتي بالله .. استغفر واتحرة اوقات الاجابة وادعي واكيد ربي بيستجيب :tears:

حمرة الورد .. شكرا حبيبتي على كلامك .. ان شاء الله بسويها اليوم .. والله فكرتك حلوة لتغيير النفسية .. انا من جد نفسيتي تعبانه كثير وانهار بسرعة من شدة التوتر ..

رجاء خاص .. ادعوا لأختكم والله العظيم اني اعاني كثير من اللي صار لي .. ادعوا لي وتأكدوا أني والله دعيت للكل هنا لأني من جد ارتحت راحة كبيرة ..

 

[أم ياسمين05]

لأ اعتقد هيحتار شوية ويفضل يفكر ايه اللي خلاها تعمل كده وليه التغير

 

[أم ياسمين05]

شدي حيلك وقوي نفسك ان شاء الله ربنا يرده لك

 

[aldana]

بلاك توليب ............أنت رااااااائعه ....بدأتي بأول الطريق ...تاااااااابعي ... وحطي في بالك ان اهتمامك بنفسك ....راجع لنفسك بالمرتبه الأولى ...

الزوج ينجذب للمرأه اللي تعامل نفسها بدلال . دللي نفسك حتى ترفعي من معنوياتك وهذا أكيد فعلاً .

وبالتالي عودة زوجك لك وانجذابه لك ... بيعود عليك بالسعاده أيضاً .

تابعي عزيزتي خطواتك بكل ثقه ورددي على نفسك ...أنا أستحق الأفضل دائماً .

ووافينا بتقدماتك وأخبارك ...نحن بانتظار نجاح الخطه الرائعه .

 

[واحات]

براااااااااااااااااااااااااااااااافو:clap:



و إلى الامام


اشعليج أختي ياسه ادعيلج وأذان المغرب ايأذن .... عسى ربي يتقبل ويفك هم المهمومين ...اللهم آمين

 

[ام الحلوين]

توكلي على اللة واهتمي بنفسك ولا تضيقين صدرك
واذا كان عندك اهتمي بة ولا تنكدين علية ودوري راحتة واذا كان عندها لاتفكرين واشغلي نفسك
واللة يرده لك

 

[الهنوفا]

توكلى على الله وادعي في كل صلاة ان الله يسخرلك زوجك
واهتمي بنفسك لان هذا الشي بيخليه على طول مشغول فيكي ثقي بنفسك واستمري اختي
الله يهديلك زوجك ويسعدكم

 

[نسائيات]

اختي الغاليه انا اقولها لك استمري وربي يوفقك يا الغاليه
وبشرينا بالنتائج الحلوه
صراح استانس يوم اشوف وحده تستفيد وبحق من نصائح الدكتوره
للامام
وان شاء الله تحصلين النتائج المرجوه بس نصيحه لا تنقهرين لو ما حققتي نجاح لا تربطين النجاح فقط بعلاقتك به
بل اربطي النجاح بقدرتك على فهم نفسك واسعادها بالدرجه الاولى

 

[وجدان نسيم]

الله يهديلك زوجك ويسعدكم

 

[لحظة امل]

اهنيك اختي عن جد
عاد اتصدقين انا بعد توني من كم يوم بديت رحلة التغيير وقصتي عند حبيبة قلبي اختي حكاوينا:blushing:

بس الفرق ان زوجي مسافر
والفرق الاكبر اني مريت برحلة تغيير مستمرة ومانفعت ابد تدرين ليش
امس اكتشتف فشل تجاربي بعد تفكير عميق

<<<<<
<<<<<<<<
<<<<<<<<<<<<








<<<<<<<<<<<<<<<<<

لأني كنت اتغير بالدرجة الاولى علشانه


والفرق الحين اني عاهدت نفسي اتغير علشان اقوي شخصيتي وبعدين يجي اهو بالدرجة الثانية

اتصدقين حبيبتي لما بدأت ورتبت افكاري نفسيتي ارتاحت بشكل ماتتصورين

يالله الله يعيني ويعينك على المشوار الصعب

ادعي لج من كل قلبي ولا تنسوني بالدعاء


:tears:

 

[أ.ناعمة الهاشمي]

السلام عليكم جميعا ..


غير كذا عندي سؤال .. لو طبقت كلام الدكتورة عن الاهتمام بنفسي وتركه في حاله .. ما اقصر في واجباته بس ما اصك عليه كالعادة ولا اتصل ولا اسوي نكد .. تتوقعون ما يستحلي نفسه ويقول افتكيت منها :busted_red: من جد محتاجه دعم معنوي منكم لأنكم ما تتخيلون قد ايش ساعدتوني ارجع اتماسك بعد كل اللي صار لي .. وتحية من القلب للجميع ..

عزيزتي،

الرجل أناني بطبعه، ....... يجري حثيثا خلف مصلحته، ......... فإن كنت مصلحته فلما الخوف،

المرأة المحبطة المهملة المحطمة لا تشكل مصلحة خاصة للرجل بل يراها عالة عليه لا أكثر حتى لو كان هو السبب في حطامها النفسي،

لكن المراة القوية الواثقة المتميزة الأنانية يبقى يجري خلفها مهما ابتعدت، ....... ولا يشبع منها أبدا....

فمما تخافين، زواج عليك وتزوج.... فمالذي بقي لتخافي عليه، ...... كوني قوية واستمري في مسيرتك بحكمة وتعقل، ..... وغدا ينشغل باله ليل نهار كيف يرضيك

 

[مالي مثييل]

بصراحه بدايه قوييه وحلوه مره

يا رييت تكرريينها بعد فتره

بعد ممكن لو من زمان عن الحيياه الاجتماعييه انك تسويين حفله لصديقاتك او عزييمه لاهلك لعه خلوييه بس لحالكم

يعني انتي ومجتمعك عشان تنبسطي تستمتعي بالحيياه الي افقدتي نفسك طعمها بسسبب الياس والحزن

بعديين لا تضنين انك خسرتي زوجك ابدا ممكن يرجع لك بقوه بس شدي حيلك انتي شويه وصحصحي لنفسك

بعديين انتي ققلتييه لسا ما تهنييتي زواجك ليش ارجعي بالعمر ورا ايش كنتي بتسويين بتلبسيين بتشتريين ملابس حلوه للبييت بتهتميين بنفسك يلا الوقت قدامك وانتي صغييره واكيد حلوه اليوم قبل بكره تبديين بكل شي من جد لا تستسلمي للالم ولا الهم

وخليني اقولك شغله لو كنتي انتي الثانييه ايش بتسوي بتكوني واثقه من نفسك انه يحبك وانك الي متربعه على قلبه

لا طبعا راح تبقي خايفه من الاولي اذا انتي وهي بنفس الكفه فلا تخافي منها ابدا تتغلب عليكي بشي

بس المهم انك تهتمي بنفسك وحياتك اولا والاولاد لان النفسييه الحلوه هي اساس النجاح بكل شي

الابنات كتبوا اشياء حلوه كثيير وانتي طمنينا عليكي دايما

واهم شي قوي علاقتك مع الله لانه هذا اقوي سلاح بيدك واطلبي من الله الرضى والتوفيق وادعي بادعية تفريج الهم

 

[sweetdonna]

اختى القوية والغالية توليب
انا احبك ...... تعرفين ليه ...... لانك بديت تحبين نفسك
اسمعى حبيبتى ...
اانت قبل كنت كتاب مكشوف لزوجك وعارف كل ردة فعل منك على اى شي يقوم به فما فيه شي يخاف منه بالنسبه لك
الرجل يركض ويخاف وراء المره اللى ما يتوقع شنو ردة فعلها انت الان اصبحت تشكلين له مصدر خوف نعم خوف وهاجس من ان يفقدك فهمت لذالك ما قمت به ممتاز ساكتب لك بعض المقترحات هنا وجربيها

1- لا تتصلين به بالهاتف الا نادر ويكون 3 رنات فقط لو ماشال سكريه
2-لو جاء البيت بينى له انك منشغله بشي تقرين كتاب او تتسبحين يعنى لا تقابلينه 24 ساعه
3-بدي مصلحة نفسك عليه
4-لو مثلا وصلك الظهر للبيت قولى يووه الشغاله تعبانه ما طبخنا اليوم ياليت تجيب لنا غدا من المطعم
5- لو كنت فى زيارة وجا واخذكم البت انزلى واتركى الاولا د لو كانوا نايمين هو اللى يشيلهم ولو سالك قول محتاجه الحمام ضرورى معلش حبيبي
6-اخذي منه مبلغ محترم وقولى حبيبي بطاه البنك اليوم ماهى راضيه تشتغل لازم اجددها وانا مشتركة بجمعية مطالبينى فيها البنات بالدوام
7- انا لا اقول اهمليه لا هناك فرق دقيق جدا واجباته قومى فيها بس بينى له انكى تهتمين بنفسك بالمرتبه الاولى
ويارب اسمع منك كل شي حميل واحنا كلنا معاك
ارجوووووك لاتضعفين
مستحيييييييل يخليك الرجال كلهم واحد يا حبيبتى هو متلخبط ومتعجب منك مو متخيل انك ممكن تكونين قوية
وانت اثبتى له ذلكولا تتعمدين تبينين له انك تغيرت لا خليها تبان كانها طبيعيه تصرفاتك وهنا يكمن سر الخطه
قلبي معاك

 

[Fairy Tale]

شكرا لكم من القلب جميعا .. والله تعجز الكلمات أن تكتب عبارة شكر توفيكم حقكم وتشكركم على ما غيرتموه جميعا في نفسي ..
والله العظيم _ وهو شهيد على ما اقول _ اني اقضي ساعات العمل بكل هم وضيقة .. افكر فيه وفيها وفي نفسي وفيما آلت إليه حالتي .. والله كثيرا ما كنت أقضي فترة استراحة الغداء في البكاء لعل النفس ترتاح من بعض ما يثقلها من الهموم .. أما الآن .. لا وألف لا للبكاء .. أنا قوية .. جميلة .. متميزة .. ناجحة .. بشهادة كل من حولي فلماذا لا أعامل نفسي بما تستحقه ..

الأستاذة ناعمة .. الله يجعلك ممن يدخل الجنة من غير حساب .. ويجعلك من الذين ذكرهم النبي الكريم في حديثه " من فرج عن مؤمن كربة من كرب الدنيا .. فرج الله عنه كربة من كرب يوم القيامة "

كلامك كالدواء لنفسي المتعبة من التفكير .. نعم هو اناني .. وانا لا املك ما اخاف عليه .. صحيح انه تزوج .. لكن قلبه معي وبين يدي وانا متأكدة من ذلك .. أعرف كم يحبني والحمد لله على كل حال .. شي اهون من شي .. ويكفيني انه لازال يخاف علي ويتضايق لضيقي ويحزن لحزني وهذه والله نعمة كبيرة ..

اخواتي .. باذن الله ومن ثم بدعمكن سأستمر .. الحمد لله الذي دلني عليكن لأساعد نفسي للخروج من دوامة الهم والألم .. من أجل نفسي وأولادي الصغار .. ولأن الحياة قصيرة فعلا ولا تستحق منا كل هذا الهم ..

أنا ماشية على الخطة .. يوم الخميس افتعل هو مشكلة من لا شيء وطلع زعلان .. رجع ثاني يوم الصباح يستسمح ويعتذر ويقول ترى انا كنت معصب سامحيني .. ما صرت اتصل عليه ولاحظ هذا الشي .. كل مرة يدق يقول ليه ما تدقين .. !! والعذر طبعا .. أتروش .. أتمكيج .. أقرأ للأولاد .. أكلم بنت خالتي ... وهكذا ..

الله يفرج همومنا ويسخر لنا رجالنا يارب .. تحياتي القلبية لكن :icon31:

 

[ام العبابيد]

ما شاء الله ما شاء الله ما هاذا التغيير الحلو ، الله يوفقك يالغاليه


قويه قويه قويه ، جميله جميله جميله ، واثقه من نفسها


يا هناتك ، الدكتوره ردت في موضوعك ، يلا اضحكي عاد



ايوه كده ، ليش خايفه وزعلانه مدام قلبه في ايدك،


يلا يا شطوورة ورينا الباقي ،


موفقه عزيزتي

 

[Fairy Tale]

أختي الحبيبة أم العبابيد .. أضحكتيني من القلب والله .. الله يسعدك دايما ويجعل أيامك فرح وضحك ووناسة ..

من جد مبسوطة ان الدكتورة ردت في موضوعي .. والله فرحانه بكل كلمة انكتبت هنا ومن الكل .. ما تتخيلين قد ايش فرحانه :blush-anim-cl:

والحمد لله على كل حال .. الأن أنا مو خايفة من شي بالعكس انا قويه جدا .. ومتفائلة بأن القادم أحلى .. كنت أخاف تاخذه مني أو يعجبه أسلوبها أو طريقتها .. لكن انا متأكدة انه مو مبسوط وعارفه انه يزعل على اللي سواه فيني .. لكن طبع الحريم .. ما يعجبهم العجب ..

شكرا على مرورك حبيبتي .. تحياتي القلبية لك :icon31:

 

[@ بسمة أمل @]

ماشاء الله عليك عيني عليك بارده ...........................

قريتي وطبقتي ............................


وانا لي شهور قاريه وماطبقت ؟؟؟؟؟؟؟؟؟؟؟؟؟؟؟؟


انتي رااااااااااااااااااااااااااااااااااااااااااااااائعه بكل ماتحمله الكلمه من معنى .............................


استمري ولاتتوقفي او تضعفي ..............................


لاتجعلي رضاه او عودته لكي او تغيره معك هو مقياس لنجاح خطواتك ..................................



النجاح اجعلي مقياسه انتي فقط ...........................


سجلي ماذا كنت بالامس .... وماذا صرتي اليوم ...................ستفاجئين باشياء راااااائعه فيكي ...................


انصحكي بقراة موضوع انماط الشخصيات في منتدى الصحه النفسيه وايضا موضوع بعد ان عرفنا انماط الشخصيات ......



موضوعان رااااااااااااائعه لتعرفك على نفسك وغيرك.........................



انتي رااااااااااااااااااااااااااائعه بكل ماتحمله هذه الكلمه ..............................