أحبك في الليل وأكرهك في النهآر !!!

س

سرآب العمر

New member
إنضم
2007/12/04
المشاركات
24
السلآم عليكم ..

أبغى أعرض عليكم مشكلة صديقتي مع خطيبهآ ..

هم مآلهم إلآ كم شهر مخطوبين وزوآجهم خلآل هذآ الشهر .. في البدآية كآن تمآم معهآ ومحترم

يكلمهآ ويرآسلهآ رسآيل حلوة وفجأة انقلب وضعه .. انقلب بعد مآارسلت له رسآلة مكررة بالغلط

أرسل لهآ يستهزيء فيهآ انهآ ارسلت الرسآلة مرتين .. ومن بعدهآ صآرت كل رسآيله هجومية

وصيآغتهآ كأنهآ موجهه لولد مو لبنت يعني يقول .. اكتب .. روح .. اسمع !! مع انهآ يخآطبهآ باسمهآ

وكمآن في رسآلة يقولهآ أحبك في الليل وأكرهك في النهآر ويقولهآ أبغى أدق عليك بس أخآف

من صوتك .. تخيلوا!!

ويرسل لهآ كول مي يبغآهآ تدق عليه وأحيآن يفصل في وجههآ .. ورسآئله ترفع الضغط والله

كلهآ استهزآء فيهآ .. المشكلة أهلهآ مو رآضين يفهمون .. ورتهم الرسآيل وتقولهم عن كلآمه

وهم شآيفين انهآ تتدلع وتبغى تخآلف رأيهم .. ومورآضين يتفهمون المشكلة أبداً

المشكلة إنهآ مآتغيرت عليه بشي .. ومآنقدر نقول إنهآ ( لزقة ) فيه عشآن يتهرب منهآ ..

والله مو عآرفة وش تسوي .. المشكلة ان المفترض يكون زوآجهآ خلآل هذآ الشهر ومع

كذآ له أكثر من شهر مآاتصل عليهآ ولآ أرسل .. أخته بس كلمتهآ مرة .. يعني كيف

يكون زوآجه قريب ومآيتصل .. مآيشوف وش تحتآج !!



تكفووووون إذآ أحد عنده حل مآيقصر .. والله ضيقهآ مآيعلمه إلآ الله ..


​
 
و الله يا اختي الموضوع ينحل من اوله احسن من بعدين و بعد الزواج بالذات الوضع اصعب بكثير...يعني هي حاولت انها تتفاهم معه بالموضوع و تناقشه و اهم شي الصراحه.. المفروض انها ما تسكت عن الموضوع و تكلمه فيه و اذا ما اتفهم تكلم اهلها بشل جدي لانه هو اذا من الان هيك كيف بعدين
و شو هذه احبك بالليل و اكرهك بالنهار و الله انسان غريب جدا!!!!!!!!
انشالله اكون افدتك يا رب و الله انشالله يصلح حالها
 
UNIQUE BLUE قال:
و الله يا اختي الموضوع ينحل من اوله احسن من بعدين و بعد الزواج بالذات الوضع اصعب بكثير...يعني هي حاولت انها تتفاهم معه بالموضوع و تناقشه و اهم شي الصراحه.. المفروض انها ما تسكت عن الموضوع و تكلمه فيه و اذا ما اتفهم تكلم اهلها بشل جدي لانه هو اذا من الان هيك كيف بعدين
و شو هذه احبك بالليل و اكرهك بالنهار و الله انسان غريب جدا!!!!!!!!
انشالله اكون افدتك يا رب و الله انشالله يصلح حالها
أنقر للتوسيع...

الله يسعدك تسلمين ياعمري
المشكلة أهلها مو راضين يتفهمونها وانا رايي مثل رايك بس خفت اقولها ويكون كلامي غلط واتسبب لها في مشكلة ومرة ثانية تسلمين
 
سرآب العمـــر ’’

حبوووبتي .. هذا واضح انهمحتقرها ولاهو معتبرها شي !
مدري ليه عندي شعور انه جس نبضها بشي .. وخاب ظنـــه !!
لأنه انقلابته عليها دليل على انه مصدوم من شي ..

آقدر اسألك وش كان محتوى الرسايل بينهم ..
هل كان فيه كلام إباحي .. حتى لو كان هو الي بدى ؟

اذا كانت البنت ماسكه حدودها وهو بنفسه الي تعدى عليها .. وبدون سبب
واهلها رافضيين اطلاقا ً التجاوب معها ..

مالها غير حل واحد .. وبإذن الله راح يكون فعّال ..

تحاول تتصل فيه بأسرع وقت ممكن .. ترسله مسج وتقوله لازم تتكلم معه ضروري
او تكلم اخته وتخليها توصل لأخوها طلب صاحبتك للمكالمه .. !!

إذا شرف سي السيد وتكلم معهـــا ..

تقوله بالحرف الواحد .. ليه تغيرت .. وش الي تبيه بالضبط .. ؟
هل ضايقتك شي .. أزعجتك .. ؟

أيا ً كانت إجابته .. ومبرراته

تقوله هي .. احترم نفسك معــي وخليك واضح وقولي انت وش تبي بالضبط ..؟
وليه هالتصرفات الصبيانه ؟
ولا ترى مهرك نرده لك من بكرا .. ومع ألف سلامه ..

بهالأسلوب بيوقف عند حده وبيحترمها وبيعرف انه ذيبه وماهي طوفه هبيطه له ..
او انه بيعترف انه مش الأنسان المناسب ويتوكل على الله ..
وتبقى البنت بعز ابوها بلا ماتتعذب مع انسان عديم احساس مثله

لأنه للأسف واضح جدا ً انها موحاسب لها حساب ومحتقرها ..

ناس مرضى .. وهالأشكال ماتجي الا بالقوه ..

الله يوفقها ولا يرزقها بالي احسن منه
 
هو شكله ما يبيها ويبي هي اللي تطلب هالشي يعني يطفشها ويخلي نفسه من المسؤليه وكأنه برئ خليها تستخير وتشوف اللي الله كاتبه لها والله يعينها
 
انا براي فترة الخطبه يحاول كل من الطرفين يظهر احلى شي عنده امكن خطيبها متأثر بهذا الكلام ويبي يمتحنها ويدرس شخصيتها انا عندي اتصارحه ولا تترك نفسها للوساويس وتقوله انا ابي اعرف رايك فيني بصراحه واتناقشها عن المسجات ولازم اتكون بطريقه سياسيه حتى ما يلقي عليها اي خطأ ومن رده ممكن يفسر لها تصرفاته
 
مون قيرل

تسلمين يآقلبي .. ومضمون الرسآيل كآن عآدي جداً .. لآ إبآحي ولآشي

عآدية لأبعد الحدود ..

وقلت لهآ عن الفكرة .. وقآلت لي شكل هذآ الحل النهآئي ..

وإن شآء الله سي السيد يتعدل ^^

الله يجزآك كل خير ع الرد الوآفي ..
 
أمـ فهد

الله يجزآك خير .. بس لو مآيبيهآ كآن مآعجل بموعد الزوآج ..

مآعرفنآ له والله .. :(

شآكرة لك مرورك يآالغلآ ..
 
الله يكون بعونها 00 ويرزقها الخيره 00 طيب اذا كان عندها واحد امن اخوانها متفهم تقوله السالفه ويساعدها 00
ويسأل عنه ويتابعه 00 الله يدبر لها مافيه خير وصالح لها 00
خليها تستخير ولاتنسى الدعى 00
 
طيب خليهاااااااااااا

تتصل عليه وتفاهم

يمكن هالمسجااااااااات بالغلط من احد ثاني عن طريق جوال خطيبها يرسل عشان يوقع بينهم

يعني لازم تواجهه
 
لازم تشوف حل سريع للموضوع ..

لان اذا كانت اياااااام الخطوبه بها الطريقه شلون بيكون معها بعد الزواج .. الله يستر ..

ما ابي اخوفك .. صارت عندنا مشكله شبيها لها الخلاف و تطلقوا أيااااام الخطوبه و رجعها مرة ثانيه و تزوجوا و بعد الزواج طلقها مرة ثانيه

هذا دليل أنهم مو صالحين من البدايه .. انشاء الله ما يصير من صديقتك الا الخير ..
 
تآج الأحزآن

يسعد لي قلبك .. ويجزآك خير ..

وكيف تقدر تصآرحه بطريقة سيآسية ؟!

إذآ في طريقة معينة لآتبخلين علينآ الله يسعدك .. والله أكون مقدّرة
 
رآقية

هي قآلتن لوآحد من أخوآنهآ وورته الرسآيل

استغرب منه وقآل غريب ان رسآيله
 
رآقية

هي قآلت لوآحد من أخوآنهآ وورته الرسآيل

استغرب .. وقآل غريب ان رسآيله كلهآ هجومية .. بس مآسوى شي

يمكن لأنه يخآف من تخريب حيآتهآ .. مآأدري والله ..


يعطيك العآفية قلبو .. مآقصرتي :)
 
شموخ

بأقولهآ مع اني أحس مستحيل الأمر يكون بهآلشكل

كيف كل هآلفترة ومآيكون هو .. تسلمين وجزآك الله الجنة
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل