أحاسيسك متلخبطه .. علومك ضايعه وانتي تنتظرين الحبيب قولي لنا شعوورك؟ ( للمخطوبات فقط)

[شامخه بأنوثتي]

وإن سولفوا في أي حاجـه تّطريـك
يمكن اجيب العيد بـدري عشانـك





السلام عليكم ورحمة الله وبركااااااااااته

يسعد مساءآآتكم / صباحاتكم بالعسل


كل عام وانتم بخيييييييييييييييييييير ياأحلى عرايس بلقيس


اخواااااتي في التجمع الأول اللي ضااااع خخخخخ وأنا ضيعتوني معااااه هههههه


شوفوني هنا رجعت لكم من جديييييد بس بصراحه عندي موضوووع غير المره هذي


أنا عن نفسي مقلقني حيل ودايم افكر فيه أنا مخطوووبة لكن بااقي ماانكتب كتابي ودايمآ افكر بلحظة كتب الكتااب واللقآء مع عريس الهناااا انتوا زيي والا بس أنا المخبولة هنا ؟؟ ههههههههاي حتى لدرجة اني زعلت لما عرفت انهم أجلوا الملكة لبعد شهرين وأقووول ياربي وش يصبرني لذاااك اليوم خخخخ ( لا تفهموني غلط )


المهم كل عروووسه هنا مخطوووبة باقي ماتملكت تحكي لنا عن شعورهااا من يوم الشوفه الشرعية لحد مايجي وقت كتب الكتاااب وبالتفصيل الممل يعني باااقي تتذكرين شكله والا طااار ؟؟ انا عن نفسي وربي ضيعت ملامح وجهه عشان كذاااا متلخبطه :e136:


وايش هياا أحلام اليقظه اللي تحلمين فيهاا معاه أول ماتحطين راسك عالمخده كل يوووم :32:؟؟ هههههه



عاد الله يعينهااا اللي فترة خطوبتهاا مطوله بتخلص كل شي بكوكب الأرض ويمكن تروح للمريخ



يله ياحلوووين شدواا حيلكم نبغى نعطي بعض افكااار للتزود بوقود الصبر على بعد الحبيب لوقت كتب الكتاااااب


أنا بقولكم على موقف يضحك قبل كم يوم طلعت مع أخواتي للسوق واحنا راجعين للبيت مرينا على سوبر مااركت نشتري اغراض وفجأة الا واطالع للوحة السوبر الا وهي بااسم المحروووس تخيلوا ( مركز ومخبز ............... للتسويق ) هههههههاي عاد خواتي واخوي اللي مودينا ماانتبهوااا بس انا المرجوجة صرخت وقلت شوفوا شوفوا ههههههه
(طبعآ لان الاسم صار متلازم معاااي اربع وعشرين ساعه) قاموا يضحكووون الا وقامت اختي الصغيره قالت بااصور لك اللوحة تخلينها ذكرى بجوالك وفي هذه الأثناء الا وطالع ذاك البنقالي من المحل وجات الصووره عليه وهو صار يفطي وجهه ويضحك على باله الأخ نعاكسه وبنصوووره هههههههههههههاااي



وصلنا للنهاااية مع شمووووخه انتظر تفاعلكم ياأحلى عرايس



باااااااااااااااااااااي

 

[شامخه بأنوثتي]

ووووووينكم يابنات الظاهر معيدين ههههه وأنا اللي لوحدي هناااا !!!

مازلت انتظررررررررررررررركم أكيد بترجعون عيدكم مبارك مرررررره ثانيه

 

[وتيـن]

ما حبيت اطلع بدون ما أرد ..

عنا .. كل شيء في ليلة الزواج حتى الشوفه ههه ..

واحسنا مرتاحين من كل شيء إلا همّ ذيك الليلة .. ربك يعين

 

[وردة حب-]

يا حبيبتي يا شامخة تدرين انو احلى الايام يوم ما تملكي و الله تحسي روحك طاااااايرة و مستحيا واايد واييد من العريس و اهلو انا والله كنت كتيي مستحية و هلا نكلم بعض و نسترجع هذيك الايام كل ايامها حلوة حتى يوم ما تكوني غضبانة عليه والله يوم تتصالحو رح تحسي انك ابتتديتي تحبيه اكثر ما شاء الله ربي يحفظو ...اامين

اممم استانسي حبيبتي ترى والله راح تشتاقي لها اليام ...انا باقي عل فرح كتيير بس والله ايام لاتنسى

ما شاء الله و لا حول و لا قوة الا بالله

 

[شامخه بأنوثتي]

يسلمووووو وتين ووردة حب ربي يوفقكم ويسعدكم ويتمم للجميـــــــــــــــــــــــــــع بخير

 

[وردة حب-]

آآآآآمييين يآآآآ حبيبتي ..أنْتي انْبسطي وْعيشى حياتك بس لا تنْسين الحياء لااااااااازم

ربي يْوفقك و يسعدك دوْووووم ويا جوزك ان شاء الله ...تقبلي مرووي

 

[مرافي]

طبيعي جدآ إن أيام الملكة تكون حلوووووووووه وخطيبك يموت فيك ومايشوف في الدنيا غيرك ,,,,,
ياعمري على حبيبي ربي يرجعه بالسلامة ,,,,,,
شوفي حبيبتي أنا إنخطبت وصارت شوفتي وبعد إسبوعين صارت الملكة طبعآ لأن خطيبي يدرس وكان مستعجل عشان السفر وبعد الملكة ب3 أيام سافر عشان كذا ماكان عندي وقت أفكر ,,,,,,
الحمد لله مملكة ليه 9 شهور ,,,,,وخلاص ذاحين ماباقي على فرحي إلا شهر وإسبوعين ربي يوفقنا في حياتنا ,,,,,,
قبل ماأنسى أهم حاجة إنك تبدأ حياتك معاه صح لأن فترة الملكة بعدين تنبني عليها كل حياتك ولها تأثير على حياتكم ,,, طبعآ هذا كله يرجع للزوج وطريقة تفكيره وثقافته وفهمه للحياة الحمد لله ربي يحفظه ليه ولايحرمني منه أبد,,,
ولاتغلطي زيي كوني ذكية ولاتتهوري في أي كلمة أنا في البداية تعبته معايه لأني أخر العنقود تعرفي كيف ماأسمع الكلام وعنيدة بس الحمد لله شخصيته كانت غير وصبر عليه ماشاء الله تبارك الله وذاحين طبعآ تغيرت كثير ,,,
لما يكون عندك شخص محترم ترى مره تستحي منه غصب عنك تحترميه ,,,,,,,,
بس ذاحين نفسي ينسى حركااتي معاه هههههههه أحس نفسي كنت طفلة مرررررره ,,,,,,,​

 

[كبرياء أنسانه]

عني أنا مانسيت ملامحه لأني عندي صور له كثير بجوالي
ولسى ماملكت بس من بعد دفع المهر ماسمعت عنه شي
والله متضايقه اني ما أسمع عنه شي وبس خآآآآآآآآآيفه مرره مره من الملكه
لأنهم يقولون من فترة الملكه يبين أنك تحبيه ولا لاء<<صحيح هذا الكلام؟؟
عشان كذا خايفه
الله يفرجها​

 

[مرافي]

كبرياء إنسانة خايفة من ايه بالضبط وضحي يعني إنتي ماتحبيه ولا ايه,,,,,

 

[شامخه بأنوثتي]

لا لا عااادي حبيبتي كبرياء انسانه كلنا أكييييد خايفين لأنها حياة جديده بسس لازم تتفائلي علشان ربي يوفقك ويسعدك مع خطيبك ولازم تتوكلي على الله ولا تفكري كثييييييييييييييييير انتي عالاقل دفع المهرر أنا بااقي مادفع الا ربع المهر خخخخخخخ


المهم خبرينااا انتي متى ملكتك ؟؟؟ أول وحده تقووول لنا علشااان نحتفل فيهاااا هناااا

أنا باقي تقريبآ شهرين ربي يتمم على خير

كللللللللللللللللللللللوش

 

[شامخه بأنوثتي]

ألف شكر لك حبيبتي مراااافئ على مرورك الجميل اللي عطر موضوووعي باانفاس العنبر والعوووود

يسلموووووووووووووو قلبي وربي يتمم لك على خير


بسس لا تنسينا من الحلاوة

 

[خديجه الكبرى]

الله يوفقكم يابنات الخطوبة من احلى مراحل الزواج

 

[حفيدة جدتي]

مرحبا صبايا ربي يوفقكمويستر عليكم دنيا واخره
انا تملكت في اخر رمضان وزواجي اخر الشهر ذا
من جد يابنات احساس مرررررررره حلو بس الله لايوريكم كيف كان شكلي يوم الملكه بس اصيح وخايفه
ولما جاء كنت حيييييييل متلبكه ويوم جلس جنبي حسيت الدم كله تجمع بوجهي
لا واللي يضحك لما حطيت الخاتم باصبعه وقفته بنص اصبعه وتركته ماقدرت امسك يده من الرجفه
وهو لما لبسني الخاتم طاح من نحف اصابعي ههههههههه
ياحياتي هو ربي يخليه لي امين ويخليلكم ازواجكم يارب
بنات تخيلوا لما طلب يكلمني انا رفضت من الخوف وبعدين طلب يكون بينا تواصل بس بالمسجات ووافقت وصارله كم يوم يتصل وكلمته ولاقدرت اتكلم ابدحييييييييل مستحيه
بنات تحسونه عادي والا لا وربي حييييل شايله هم زواجي باقي عليه 15 يوم
اليوم قلت له خلاص بوقف مكالمات ومسجات واحسه ضاق صدره ياعمري عليه ربي يخليه لي...
ويخلي لكم ازواجكم يابنات ويوفقكم ربي ويسهل اموركم...
دعواتكم لي لاتنسوني.....​

 

[الخيآل المغرق]

الله يوفقكم قميعاً

 

[أع ـشـق ع ـيونك]

هههههههه أنا وقت الشوفه وانتو بكرامه حتى جزمته وطرف ثوبه ماشفتها<<من الحياخخ

وبصــــــراحه ماكنت ابي زواجي في الصيفيه بس هو ملزم وخلاص حجزنا القاعه وبتزوج اهئ اهئ

وبعد ماودي املك خايفه لايطفشني بزياراته ومكالمته لي
ههه<<غريبه مو
والله يوفق الجميــــــــــــــــــع يارب

 

[حناني متعبني]

تشكري مرافئ ع الموضوع
وعيدكم مبارك
انا لو بوصف لكم حالي بتموتون من الضحك
تخيلو الشووفة حقتي كانت بعد صلاة العشاء
وجلست المغرب كلش ابكي من ايش ما ادري هههههههههه
المهم لبست وسميت بالله تقال داخلة حرب مقوية نفسي يعنني
وقالت لي اختي شيلي العصير قلت والله مااشيلة عشان اطفقة علية
قالت عساك تدخلين كذا قلت اية
المهم قامت تخاصمني وقالت عيب لازم تدخلين شئ معاك وتضاربنا بالنهاية شلت حلا حق القهوة
ويوم دخلت حسيت بربكة شديييييييييدة وحاسة الحلا بيطيح مني المهم يوم جيت اقدمة لة صار هو بنفسة مرتبك هههههههههههه وصارت الضحكة ذابحتني بس ماسكة نفسي
وعلى طووول خرجت

 

[مرافي]

شامخة بأنوثتي.......
ولووووووو كيف أنساك من الحلاوة إعتبريها وصلت ,,,,,,,,,,
ههههههههههه بس القهوة عليك ,,,,,,
حبيبتي طرحك للموضوع هو اللي عطر المكان وتسلمي ياروحي ,,,,,
حناني متعبني هلا ياغلاي تسلمي وبعدين ضحكتيني,,,,,
عني أنا ماشاء الله كنت في الشوفة مررره مو خايفة وعاااااااادي طبعآ راح تستغربواا تدروا ليه لأني والله مو مستوعبة الموقف ههههههههه حتى يوم الملكة كنت جريئة ومو خااايفة حتى هو إستغرب مني طبعآ مافي بنت كذا وجالسة جنبه وأسولف عااااااااااااادي ولبسته الدبله وشربته العصير وحاطه يدي تحت خده وقت ماأشربه العصير ههههههههههه,,,,,
أقسم بالله مو مستوعبة الموقف عشان كذا قاعدة أعمل أشياء لاإرادية وهو مستغرب حتى هو في البدايه كان شوي منحرج على إنه جريئ ,,,,
طبعآ أنا عكس الناس حتى هو يقول,,,,
بعد الملكة بثلاث أيام زارني على سفره وربي جاني خوف ورجفة ومو قادرة أدخل ولاقادرة أتكلم ,,,,
هههههههه حتى هو يقول غريبه ,,,,,
ولما ينزل السعودية ويزورني أحس إني بموت من الخوف وأتردد عند باب المجلس غير أبويه يجي يقول وينك تأخرتي وبس أوقف عند الباب وأطالع طبعآ أبويه على طول ينتبه ويقول تعالي وأنحرج هههههه بس والله أيااااام حلووووووووووه,,,,,,


ربي يوفقنا جميعآ ,,,,,

 

[شامخه بأنوثتي]

وووووووين باااقي البنوتااات ؟؟ وين العرايس الحلوين ؟؟ يله تعالوا شاركونا بالموضوع​

 

[لن أيأس]

ياربي .....

حبيبتي الحال من بعضه لكن انا مملكة ومابيني وبينه لا اتصالات ولا رسايل ..اهي

الشوق متعب ...تدرين ماسكه نفسي حتى مااقول اسمه لمن ابي انادي اولاد اخواني

طاقه طاقه مشتاقه حييييييييييل

الله يعيييين ويوفقنا

لكن نصيحة من قلب لايكون بينكم اتصالات لاقبل ولابعد خذيها نصيحة وتشكريييني عليها حيييل

كثيرين يعارضون لكن مايعرفون معنى كلامي الا بعد الزواج .........

خذيها مني ....وحكمي عقلك

خلي بينكم رسايل اي شي مكالمات لاااااا

 

[دلوعه الظهران]

ياحلوك يا شموخهاشوا في احد مثلي ههههههههههتخيلي بكره زواج اخته وماراح اروووح شوي وببكي لان ام خطيبي واخواته والعروسه كلموني امس وماني عارفهالوالد ماادري متى بيحدد موعد للملكه على فكره سويت التحليل والحمدلله تمام الفستان وجهزته ادعولي يا بنااات الله يتمم لشموخه ولي ولكل البنااات ويجمعنا بازواج صالحين يارب