$. أثناء وبعد الدورة الشهرية .$

[البيت السعيد**]

بسم الله الرحمن الرحيم

السلام عليكم ورحمة الله وبركاته


أخواتي الغاليات،

كل وحدة ومع بداية الدورة الشهرية، تعاني من إضطرابات وآلام في بطنها، أو صدرها، أو ظهرها، أو ريولها، أو كل مكان،

والنفسية تكون زيييروووو:thumbdown:

وتعدي الأيام، وإحنا من يوم لين يوم نحاول نلتزم بأكل معين، وقوانين معينة،:icon30:

سؤالي:


شنهي الأمور اللي تتبعينها خلال الدورة؟

هل تستخدمين خلطات معينة؟

وشلون عن الأكل؟

وبعد الدورة، وكونا متزوجات شنو تسوين؟ هل في تحاميل معينة، ولا غسول معين تداومين عليه؟


خلنا نستفيد من خبرات بعضنا البعض،

بشوف مشاركاتكم وبسدح بعدين إجابتي،




ترى الموضوع من جهدي الخاص وما أحلل أي وحدة تنقله من غير ذكر الإسم
​

 

[مييم]

وعليكم السلام

انا عن نفسي ماأتبع شي معين بس انا الاحظ اذا كنت ماكله شوكلاته او مشروب غازي او اي اكل مصنّع

قبل الدوره بشوي تجيني الام متعبه والعكس صحيح اذا قرب موعدها وماكنت ماكله كثير او اشياء طبيعيه

تجيني بدون الام سبحان الله

انتوا جربوا وبتحسون بالفرق الكبير

 

[البيت السعيد**]

إختي العزيزة إهتمي بنفسج لآخر درجة في فترة الدورة الشهرية،

وبيني إلى ريلج إنها فترة ممتعة لج، علشان لا يتضايق منها، ويقول في خاطره: أووووف إبتدت النرفزة والعصبية والشعر الكشة،:busted_red:


ملاحظة: خلطاتي يمكن ما تناسب أي وحدة، يعني على حسب بشرتها،:surrender:


قبل فترة الدورة،

علشان تخففين من العصبية والنرفزة، إكلي كاكو، ويفضل الكاكو الغااااامق، جربي الجلكسي الغامق لذيذ وايد، وفيه منه أنواع، على كوفي وعلى كبتشينو وعلى بسكوت وغيره، بس أحلى شي الغااااامق،

ودامنا أحين في الشتا،

متعي روحج بشراب كاكو ساخن مع الحليب (خليه قليل الدسم)،

صدقوني النفسية راح ترتاح، وبتحسين بتغير كبير،:icon30:


وبعد في شي محرج نوعاً ما،


الجماع قبل فترة الدورة مفيدة جداً حق عضلاتج، وفي نفس الوقت ما بتخافين من الحمل، بتكونين في فترة أمان،
​

وبالنسبة لي،

أخطط قبل الدورة حق الطلعات والتسوق،

أرفه عن روحي، آخذ إختي معاي ونتسوق،

يتبع
​

 

[البيت السعيد**]

وعليكم السلام

انا عن نفسي ماأتبع شي معين بس انا الاحظ اذا كنت ماكله شوكلاته او مشروب غازي او اي اكل مصنّع

قبل الدوره بشوي تجيني الام متعبه والعكس صحيح اذا قرب موعدها وماكنت ماكله كثير او اشياء طبيعيه

تجيني بدون الام سبحان الله

انتوا جربوا وبتحسون بالفرق الكبير

هلا والله إختي ميم،

صح كلامج عزيزتي،

وهالشي راح أذكره في ردودي القادمة،

الأكل المصنع كلش مب زين،

وخصوصاً المشربات الغازية،

قواج الرحمن يالغالية وتسلمي على ردج ومرورج الحلو

 

[البيت السعيد**]

أثناء فترة الدورة أول يوم

أول يوم دورة، إذا كنتي تتحملين الألم، فلا تاخذين أدوية، وإلا استعيني بالفولترين والبندول المخفف للألم،

بالنسبة لي شهر جذي وشهر جذي، مثلما قلت لكم الجماع قبل الدورة تخفف الألم بدرجة كبيرة جداً، بس ساعات الظروف ما تسمح هههههههه،

ومطارة الماي الحارة، وااااايد تنفع، خليها على البطن أو أسفل الظهر،

وبترتاحين وايد،

ولا تنسين، الحمام الداااااااااافي من أول يوم، مو الحووض لالالالا،

الرشاش، واستخدمي الشامبو برائحة حلوة الورد أو الفواكة، أنصحج بهربل أنسسير،

وطول الفترة إستخدمي غسول كير فيري، حتى في الأيام العادية، مرة أو مرتين في اليوم،

وابتعدي عن الصابونات، كلها تجارية وما منها فايدة،
لأن مواد قلوية وتسبب الجفاف، علشان جذي تحسين بضيق (مو لأنه عضلة المهبلة ضاقت لا)، على طول استخدمي الغسول.


يتبع المرة القادمة بإذن الله​

 

[ام البدوري]

انا اتجنب المشروبات الغازية والباردة واشرب شئ دافي واكل شوكلاتة عشان نفسيتي والبس شرابات لان رجولي تالمني مع الدورة واحاول اكل زين واهتم بنظافتي خصوصا لما اغتسل من الدورة يكون عندي شور طويل اشيل بالحلاوة واسوي سنفره وحمام زيت ومن هالامور لكن نفسي اعرف وش اشرب علشان تنزل الدورة وينظف الرحم ياليت احد يفيدنا؟؟

 

[البيت السعيد**]

انا اتجنب المشروبات الغازية والباردة واشرب شئ دافي واكل شوكلاتة عشان نفسيتي والبس شرابات لان رجولي تالمني مع الدورة واحاول اكل زين واهتم بنظافتي خصوصا لما اغتسل من الدورة يكون عندي شور طويل اشيل بالحلاوة واسوي سنفره وحمام زيت ومن هالامور لكن نفسي اعرف وش اشرب علشان تنزل الدورة وينظف الرحم ياليت احد يفيدنا؟؟

ما شاء الله،

ممتاز إختي، تعجبني المرأة اللي تهتم في روحها،

وأحسن شي إنج تهتمين بأكلج، وتغذي زين نفس ما ذكرتي،

عن المشروبات راح أذكرهم في الردود القادمة بإذن الله،

بس على السريع بقول لج شاي ممتاز سويته أمس واليوم نزلت الأوصاخ كلها:



في الغلاية (قطعة زنجبيل مبشورة + ملعقة حبة الحلوة + حبة هيل + ماء)

وفي الدلة (ورقة وحدة شاي أخضر + ماي لقاح + ماي المرامية)،

لما ينغلى الماي ضيفيه على الدلة، وبعد شوي تمتعي بشاي لذيذ مع العسل أو السكر،

جربي وبتشوفين:icon30:

 

[البيت السعيد**]

أثناء فترة الدورة الأيام الثلاثة الأولى

خلال أيام الدورة الأولى، إحرصي على استخدام فوط من نوعية زينة، ويا حبذا تكون مع الاجنحة لمنع التسرب،

إذا كان غزير وايد استخدمي فوطتين فوق بعض بس متباعدين إشوي،

ترى منظر التسرب وخصوصاً على الثياب المنزلية مقرف لدرجة،:thumbdown:

طبعاً في أنواع وايد، بس شوفي شنو اللي يناسب بشرتج،:shiny:





بالنسبة لي أرتاح إلى أوليز الوردي للبشرة الحساسة، وبعد فام،
ترى فام وايد تطور عن قبل ويسحب،
​

وبالنسبة للملابس الداخلية، خليها منفصلة عن باقي الأيام،
وحتى الملابس، آنا حتى فوطتي مالت الإستحمام غير، والثياب،

وعلى أيام المدرسة، كانت أمي تحط لنا مريول غير بعد، فتعودنا على هالشي،

المهم احرصي تكون الملابس الداخلية من القطن، وألوان غامقة، على الأقل في الأيام الأولى،

يتبع
​

 

[البيت السعيد**]

نكمـــــــــــــــــــل معاكم

في هالأيام خلي ريلج ينبهر منج،

خليه ينتظر هالأيام بكل شغف، لأن بعض الرياييل يتمللون ويتأففون، يقول في خاطره (أوهووو بدت أحين مع حنتها وزنتها وكشتها)، معانا وحدة تقول زوج إختها كان بعرس على إختها والسبب أيام الدورة تكون نكدية وما تهتم في روحها وفيه،:thumbdown:

ولا تنسين من أول يوم حطي صبغ أظافر في يدج وريولج بعد،
وتفنني في الألوان، كل يوم أو يومين حطي لون،

بالنسبة لي أستخدم ماركة نيفيا، وماركة NY

بس أحب نيفيا أكثر، ما شاء الله اللمعة ما تروح بسرعة،

والمسكرة خليها على رموشج، ما تحاتين وضوء ولا شي،

وخلي تاتو أشكال وألوان من النوع اللي يلصق،

ملابسج خليها مريحة، وخلي فتحة الصدر وسيعة، إغري ريلج بأشياء ثانية، (دام المصنع معطل هالأيام ههههههههه)،
​

يتبع المرة القادمة إن شاء الله

​

 

[منى السبيعي]

السراحة موضوع حلو ويستاهل الطرح ما قصرتي واتمنى لك التوفيق...
حبيت اشارك بحاخه بسيطه وهي
انالايام الي قبل الدورة يجب تجنب الاستحمام بحمامات السباحة الكبيره مثل مسابح الاستراحات والنوادي وغيرها حتى الي بالبيت لان انا مره سبحت بحمام سباحة مالتي قبل الدوره بيومين يالله وش كثر تعبت علما اني من تزوجت من عش ر سنين ما المتني الدوره ومن بعدها صرت احذر الايام الي قبلها
ايضا اسبرين الاطفال المعروف يجنن اذا اخذتيه اول يومين بس يجيبها لك علطول وتطهري بسرعه مابي اكمل اخلي الموضوع لك اختي بس حبيت اطرح تجربتي مع حمام السباحة:fish:

 

[ام تولين ولين]

حلووووووووة المصنع معطل
والله انا من قبل الدورة احاول اشرب اشياء دافية والبس شراريب
وادهن جسمي من البطن والظهر والارجل من الورك الى القدم بزيت زيتون دافي وفاازلين
لان الدورة عدوها الاول البرد والهوى وبعدها اشرب القرفة والبردقوش بس بصراحة انا لاغنى عن المسكنات لازم لاني مرة اتعب واخذت نوع مرة حلو وصفتة الكتورة وهو حبوب بس اسمها ناسيتة بعدين اكتبة
ادعولي الدورة متاخرة عني الحين اكثر من 5 ايام يارب احمل يااااااااااااااارب

 

[الواثقة2010]

ماشالله عليج

كملي واحنا معاج ان شالله

متااااابعة

 

[زوزونبيل]

اختي كل الي قلتيه صحيح الللللللا التروش وقت الدورة لانه ثبت علميا انه يسبب تكوين اكياس حول المبيض000فعلا جداتنا كانوا يمنعونا من الترويش وقت الدوره وكنا نضحك عليهم على بالنا انها خرافة00لكن الاطباء اثبتوا صحت ذلك0

 

[عبير]

موضوعك حلو ومهم جدا انا اللي اعرف ايضا ان الوحده لازم تهتم بصحتها وغذائها زي ايام النفاس

ولاتشيل شي ثقيل واشياء كثيره زي ايام النفاس بالضبط بالاضافه للي فلتيه من اهتمام ونظافه

وتغيير ملابسها الداخليه اول باول والفوطه تقريبا كل مادخلت للحمام الله يعزكم بالاضافه لاهتمامها

ببشرتها وشعرها

وجزاك الله خير لان هالموضوع يهم ايضا البنات ويعلمهم اشياء كثيره

 

[امال بعيدة]

موضوع قمه في الروعه

 

[الديمة]

مشاء الله عليك موضوع مرة مفيد مهم للكل

بالنسبة لي أنا اشرب حليب مع قرفة + زنجبيل + فلفل ابيض + حبة سوداء

اغليها شوية لحد متفور بعدين اشربيها دافية

مفيدة لتنضيف الرحم

تسلمين كملي انا متابعة موضوعك الجميل



​

 

[a7la dala3]

وااااااااو يعطيكي العافيه مرا موزوع روعه مرا شكررررررررررا واالصور روعه هعع




باالنسبه لي

اشرب بابونج





واحوط مناكيبر اموتت فيه






وبشرتي مااحوط عليه شي عشان وقت الدوره تسير مرا حساسسسسسسسسسسسه




اهم شي ااستخدمو فوط او كوتكس الي تسمونه نوع كويس عشان مايسير لكم التهباتت او حكه وااتدو زين وحطو ماي حااار ع بطونكم وسلام

 

[ارووج]

ووواوو نصايح جدا رائعه بأنتظار التتمه ,,,,
أسعدكـ الله

 

[ندى الكلام]

كملي حبيبتي متابعينك باهتمام

 

[رد فلور]

جزاك الله خير
افكاااااااااااااااااااار حاوووووووووة مررررررررررررررررررة