أتمنى من الدكتورة ناعمة تقرا موضوعي

[روح مهرة]

أتمنى من الدكتورة ناعمة تقرا موضوعي

أنا مزوجة من 4 سنين .. و زوجي يضربني
عندي ولدين صغار
3 سنوات ما خبرت اهلي على اساس اني ما أبا فضايح
بس لانه اخر مره ضربني لدرجة ان مخي ارتج .. و ما رمت ارقد طول الليل و خبرت امي .. و كنت مقرره انفصل عنه .. وعلى شور امي بيلس عندها .. بس هوه يا البيت و سلم على امي و غمض امي لانه كان يصيح ..
المهم ... عقب ما سامحته و رديت له .. (مرت فتره 4 شهور ههه ما ضربني فيها .. في تحسن )
ضربني قبل رمضان بأسبوع فما سويت شي لين عقب العيد ..
الله ياب ابويه هذلك اليوم البيت عقب العيد ب 4 ايام
قلت له إنه يضربني .. و ماله حق يضربني .. و قلت له أنته أوقف وياه إذا يا الميلس... و وعد للمره الثانيه انه ما يمد اديه عليه
و مرت بعد فتره و رد يضربني

الضرب اللي يضربني .. ما يتحمله الحيوان بس ما اعرف كيف بعدني عنده .. يشوتني .. يير شعري .. يكفخني .. يفر عليه طبقة الاكل .. و يشتمني و حتى جدام عيالنا
أعرف نهايتي .. إما فالقبر او مستشفى المجانين أو المعاقين

بس عشان عيالي .. أبا نصيحتج
السموحة اني طولت عليج دكتوره

 

[jojo20]

يااختي انفدي بجلدك اربع سنوات تنضربين اش تتنظري لين يقتلك فكري يااختي العيشه هدي ماتتحمل

 

[محبة مكة]

والله ما شاء الله عليك صابرة
قليل مثلك
ما دام انك اتحملتي 3 سنين تحملي الباقي
ولك الاجر
انك صابرة على زوجك
ولكن حاولي تغيري من روتينك غري من نفسك
خليكي انثى
بس حاولي انك ما تعانديه
او تنرفزيه
كوني له امة يكن لك عبدا

 

[شبح الفراق]

ليش يضربك؟
الله يعينك ويفرج كربك

 

[بيرو العمودي]

ونعم النصايح يا اخت محبة مكه
تصبر لين ما يقطعها اربا اربا صح

يا اخت روح مهره
كويس جدا انه عارفه نهايتك مع زوجك

طيب اذا جاب اجلك
عياالك مستفيدين شئ ؟ الجواب لا طبعا
اذا دخلتي مستشفى المجانين
عيالك مستفيدين شئ ؟ لا طبعا بالعكس هينقال عنهم عيال المجونه
واحتمال كبير يطلعو العيب فيكي ويقولو المرض وراثي عندهم
اذا دخلتي مستشفى المعاقين
عيالك مستفيدين شئ ؟ لا طبعا زي الحاله الاولى هيحطو اللوم عليكي وانه المرض متوارث في العائله الكريمه
وزوجك لما يروح يخطب هيقول سبب الانفصال انه انتي معاقه
وماراح يقول انه هو سبب اعاقتك

انتي نسيتي احتمال رابع
انه تدخلي السجن
لانه في مجال انه تقتلي زوجك
لانه ضرب بالشكل هذا بيولد حقد في قلبك
واحتمال كبير يكون اجله بايدك
وقتها عيالك استفادو شئ ؟ لا طبعا
لانه انتي وقتها في السجن و محكوم عليكي بالقصاص
وعياالك راح تكون سيرتهم على كل لسان امهم قتلت ابوهم

وفي الحالات الاربعه عيالك معرضين انه يتعقدو نفسيا

وهذا كله بسببك انتي ليش لانه ساكته عن الاعتدائات اللي تقام في حقك كا انسانه


يعني انتي وعباااليك خسرااانين
هتحرمي نفسك وهتحرمي عيالك منك

المره هذي ضربك صح
روحي على اقرب مستشفي
وخدي تقرير
وعلى اقرب قسم شرطه
واكيد هيكتب تعهد انه ما يتعرضلك تاني
واذا اتعرضلك هيتعاقب



​

 

[قمر بلامنازع]

الله يساعدك .. ويعينك .. وربي من جد ابتلاء الي تمري فيه .. تقربي لربك .. بينصرك

 

[سعاد٣٣]

هذا مو صبر هذا اهانة كرامه
وربي بيسالك عن نفسك اللي القيتي فيها لتهلكه
وانتي ربي كرمك ليه الاهانه؟؟؟؟؟؟؟

يااختي انتي مسلمه ربي راعى مشاعرك حتى والمؤمن القوي احب لله من الضعيف مو عاد اللي يتلقى هذي المعاناة
عيالك افضلهم يعيشون وامهم مرتاحه تحسبين الشي هذا ما ياثر عليهم بيعانون من اللي يشوفونه
وبيصير عندهم امراض نفسيه