أتمنى أحد يساعدني...

[أم ذي النورين]

السلام عليكم
أنا متزوجه ولي 7سنوات ,أتمنى أن أكون رومانسيه بس ما أقدر أحس إني أستحي وما اقدر أنطق بحرف يعني أكون مجهزه إني أتصل على زوجي وهو بالعمل واسأله عن صحته واقول أول ما أتصل حأقوله ياحبيبي مثلا لما أتصل على طول اتكلم من غير ما اقول اي كلمه غير اليؤال وطلبي لوكنت حابه اطلبه ..
ايش الحل؟؟؟
وهو صرح لي بإنه لمايكون يكون يبغى شي يستحي وهو اعطاني المفتاح باقي انا دوري ؟؟؟؟؟

 

[نهول]

مرحبا اختي
انا كنت اول مثلك مااتجرا على الكلام بس هو اللي ساعدني اكثر لانه نو رومانسي وتشجعت على الكلام والحركات فانصحك اختي انزعي عنك لباس الحيا مع زوجك وتهني وقولي اللي بخاطرك والله راح يطير من الفرحه

 

[أم ذي النورين]

المشكلة اني ماني قادره وايضا هو مو رومانسي حتى يساعدني لكنه يقول لي انا احيانا اكزن ابغى اقولك كلمه حلوه ولا اسويلك اي حركة استحي منك لأنه شايفني مااسوي اي شي
والله انها مشكله

 

[@أحلى من ألحلى@]

لا ياحبيبتي اللي تسوينه غلط انا عارفه انه مو بيدك بس لو صادف له وحده وقالت له حياتي عمري وش يكون شعوره ؟؟؟!!!!!
عادي ابدي بالطريقه هذي مثل لما يتصل هلا حياتي
لما تبين تطلبين شي قلبي لو سمحت ابي...... بعدين عادي كل مالك عمقي اكثر واكثر
خلي اول مايسمع كلمة حياتي حبي قلبي تكون من زوجته حبيبته ترا حنا بزمن غدار والانجراف كثير ​

 

[خلآص...!]

شي طبيعي اذا تبغي زوجك يصير رومنسي انتي اللي تبتديها معه

اي شي تبيه من زوجك لازم يشوف منك موقف او كلمه عشان يقلدك

مهما يكون الزوج شديد او ثقيل دم الا مايجي وقت يحتاج يشبع نافوخه من الكلمه الحلوه المغريه

يحتاج احد يدلعه ويوصله للسما بالمدح والدلال

هذا اللي يدوره الزوج برا

اتركي الخجل اركنيه ع الرف وتجرئي معه الله والجرئه اذا بالحياه اليوميه كذا

وشلون حياتكم الخاصه نصيحه ياختي قوي عينك ع زوجك الرجال يحب يتدلع على زوجته ومايحب يقولها

تعالي دلعيني يحبها مبادره روتينيه والله ان يعطيك عيونه ... الرجال وش يبي غير الدلال هو طفل كبير

وديه وجيبيه بكلمات طيبه مدلعه بريئه مو متكلفه فيها وشوفي كيف يعاملك اصلا بيستحي من نفسه

يرفع صوته عليك او يرد طلبك اذا طلبتي منه شي ​

 

[اتعبني هواك]

حرام عليكم 7سنين وانتوا ع هالحال إنتبهي حبيبتي لايدورهالكلام المعسول برى
ابدءي انتي ع الاقل بمسجات لاتقولينها ارسلي له مسج وقولي اللي بخاطرك
من حبيبي وحياتي وعمري الين تتعودين ,,
لكن سالفة انك تتراجعين كل مره متى تقولينها له إذا اهو قالك إنه يبي يسمع هالكلام منك..حتى لوهومايقولك زوجك ع ماتعودينه إذا يسمع منك راح يعطيك اما إذا إنتي كل مره كذا عزالله لاراح تسمعين شي ولاهم يحزنون ارمي الخجل بعيد
وإنتبهي لزوجك ياقلبي الحين الواحد صار يخاف من هالبنات اللي مايخافون الله
تدوروتلف ع الرجال وإذا لقت لها اللي تبيه ولاماتفكه الابعد شق الانفس..

 

[كلي حنو]

والله كانك تتكلميين عن نفسي

انا كذا مثلك كل ما اقول اني بقوله وبدق عليه

وبقوله كلمه حلووه يتغير اكلمه عاتي مثلك

مدري لييه والله هل هو خجل او شنوو مع ان لساني

وش طوله وياه بالجوال ومزح وضحك الا هالكلام بس اذا طلب مني اعطييه

بس انا الفرق ان توني متزوجه اخذ لي 5 شهور وكل ابي اتغير

واغير هالوضع ولا فيه فايده ..​

 

[الشام شامي]

يا اهلين يا عسولات صباح الخير والفل والياسمين نحن في زمن الفتن والاغراء والشيء الحلال نستحي منه والشيء الحرام لا يستحي منه الان كم من فتاة جلست تكلم عشيقها او تغازل عن طريق التلفون او الجوال او الشات وبالكلام يلي تستحي تقولو المتزوجة فيا اسفى .....فبادري يا عزيزتي زوجك وحلالك بالكلام الحلو والغزل قبل ما يطيح بشابة لا تخاف الله فوقتها تتحسفي على الساعة الي استحيتي منها وبالبداية صعب عليكي وبعدين مرة على مرة بتلاقي لسانك لحالو من غير شعور سبقك بالكلام المعسول الرقيق الشيق ما قول الا الله يصلحنا ويصلح شبابنا وشاباتنا

 

[الوجه البشوش]

ياأختي حاولي انك تكثرين من هالكلام بالرسايل أو ببطاقه حلوه بليله رومنسيه تسوينها له
وأبدأي قولي قلبو اذا بتطلبينه شي وغيري اسمه بجوالك مثلا حياتي أو حبيبي أو عمري
وغيري بكلامك مع الناس عامه مثلا مع صاحباتك اذا بتشكرين وحده قوليلها ياقلبي أنتي مشكوره يعني شي من هذا القبيل عودي نفسك غيري طريقة كلامك بشكل عام مع الناس وراح تتغير طريقت كلامك مع زوجك

أنا كنت زيك بعدين تعلمت أتكلم بذوق مع الناس حتى بالرسايل اذا طلبت شي من أحد صاحباتي أقول قلبو أو ياقلبي

وبعدين بديت أقول لزوجي ياعمري أبي كذا ...

أو صباح الخير ياروحي ...أو ياحياتي ماتشوف شر..أو يسلمو ياقلبي
يعني كذا

الله يألف بينكم وتكون حياتكم كلها كلام حلو في حلو

سبحانك اللهم وبحمدك أشهد أن لا اله الا أنت استغفرك وأتوب اليك

 

[أم ذي النورين]

جزى الله كل من مر على صفحتي وأدلى بدلوه..
بس هو اعطاني المفتاح والباقي انا وهو قال لي انا لماتزوجت كنت ابغى عشيقة مو بس زوجه
عشان كذا انا بدأت بالبحث بس ابغى اتعلم وانا اصلا حتى التلفزيون ماعندي من هذي القنوات حتى لو اقلدهم
لكن هو له مجلسه الخاص في كل شي وكمان يمكن هو تأثر من فرنسا لما راح للعمل هو في قطاع عسكري وراح انتداب نصف شهر الله المستعان وجا يحكي لي والله اغراء

 

[تشكرات]

حبيبتي الله يسعدك ويوفقك مع زوجك يارب
الحياء والخجل صفة حلوة للبنت ومطلوبة
لكن ليش ما تعرفي للرومانسية ؟؟ غريبة ..
كل البنات خجولات ورومانسيات وهذه فطرتهم
وطبيعتهم .لكن في نفس الوقت ومع مرور الزمن
يقدروا يجتازوا هذا الخجل ..
انتي وظفّي خجلك لصالحك >>يعني اهمسي لزوجك
بكلام رقيق وخجول >>كل ما تريديه .
وكل مرّة حاولي تبتكري طريقة جديدة وحلوة للتعامل فيها
مع حياءك ..
يعني اذا ما عندك تي في >>>عندك النت فيه كل النصائح
التي تساعدك على هذه المشكله ..
وربنا يوفقك يارب .
...................

 

[جنون حبك]

تصدقيني
اني انا مثلك
انا كيف
بديت اعالج نفسي بنفسي
يعني
اول شي بديت اشوف اللي حولي كم لهم متزوجات ويدلعون ازواجهم واحلاا كلام
وانا ليش وش ناقصني؟؟ّ!!
طيب وانا طول عمري اقول راح اكون افضل منهم ولما تزوجت صرت كذا ليش
وحبه حبه اتجرأ
واحس اني تحسنت هاذي الايام وان شاء الله بتطور اكثر واكثر
انتي نفس الشي
يعني ماتغارين ان فلانه تقول كلام حلو لزوجها وكذا وانتي لا
شوي شوي ويصير الكلام الحلو دوم ع السانك
والله يوفقك

 

[أم ذي النورين]

اشكر كل من شجعني واتمنى ان فعلا اكون جرئه