أبو صالح وأبوراشد

[نرجسية]

دعوة للضحك
:nosweat:

أبو صالح جالس مع أبو راشد بعد صلاة العصر يسولفون ويقطعون الوقت... ​

​

تنهد أبو صالح وقال: أفكر في هالدين العظيم اللي طلع من مكة المكرمة ووصل إلى آخر الدنيا!!!​

قال أبو راشد: إيه والله إنك صادق يا بو صالح.... ​

​

قال أبو صالح: بس لا يهمونك دين أهل آسيا الوسطى وأوربا والله مالهم من الإسلام إلا اسمه! ​

رد أبو راشد: والله إنك صادق يا بوصالح ​

​

وأضاف أبو صالح: ولا دين هالأشوام (أهل الشام) والله دينهم ما هوب اللي إنت تبي يا بو راشد ​

فرد أبو راشد: والله إنك صادق يا بو صالح ​

​

قال أبو صالح: والا هالأفارقة والمصارية والسودانين متصوفة مبتدعة ما عندهم من الإسلام إلا المظهر ​

قال أبو راشد: ايه والله يا بو صالح إنك صادق.... ​

​

قال أبو صالح: إن بغيت الإسلام في ها الديره (السعودية) ​

قال أبو راشد: ايه والله إنك صادق يا بو صالح.... ​

​

فرد بتنهد أبو صالح: والله ماهوب دين كل أهل هالديرة على اللي إنت تبي يا بو راشد؛ أهل الجنوب أهل بدع وزيدية وإسماعلية مالهم من الدين إلا اسمه ​

قال أبو راشد: ايه والله إنك صادق يا بو صالح ​

​

قال أبو صالح: والا أهل الشرقية رافضة وشيعة والله ما خذوا من الإسلام إلا اسمه، وأهل الحجاز مبتدعة صوفية ماهوب والله اللي إنت تبي يا بو راشد ​

وأضاف أبو صالح: إن بغيت الدين والله في نجد والباقين خلهم على يسراك ​

رد أبو راشد: والله إنك صادق يا أبو صالح... ​

​

قال أبو صالح: والله بعد ماهوب كل أهل نجد دينهم على اللي إنت تبي! أهل الرياض واللي حولها شرابين للتتن (الدخان) ويشوفون الدش والله ما أدري​

عن دينهم يا أبو راشد!!! لكن لابغيت الإسلام تراه عندنا بالقصيم!!! ​

رد أبو راشد: والله إنك صادق يا أبو صالح... ​

​

فأضاف أبو صالح: والله ماهوب كل أهل القصيم دينهم على اللي إنت تبي، أهل عنيزة واللي حولها يبيعون التتن ويلبسون كبك والدشوش تملأ السطوح،​

​

إن بغيت الدين والله تراه في ذا عندنا ببريدة​

رد أبو راشد: والله إنك صادق يا أبو صالح... ​

​

وأضاف أبو صالح: والله ماهوب دين كل أهل بريده على اللي إنت تبي!!! طلعت هالاستراحات وما يندرى من اللي يشوف الدش ومن اللي مايشوفه ​

إن بغيت الدين إنزل ترى في حارتنا هاذى!!! ​

رد أبو راشد: والله إنك صادق يا أبو صالح... ​

​

قال أبو صالح: والله بعد ماهوب كل أهل الحارة على اللي إنت تبي، أشوفهم يسحبون رجليهم للمسجد تقل إنهم مغصوبين على الصلاة... ​

والله ما بوه في الحارة إلا أنا وإنت يا بو راشد!!! ​

رد أبو راشد: والله إنك صادق يا أبو صالح... ​

​

وهنا رمق بو صالح صديقه بو راشد بنظرة ذات مغزي .. و .... : ​

​

والله من تالى مااشوفك تخشع بالصلاة يابو راشد ..!​

​

​

:nosweat:​

 

[فراشة جريئه]

ههههههههههههههه والله توسعين الصدر مقدمه رووووووعه عشان يفهم بو راشد خخخخخخخخخخ

 

[بنت الشهامة]

هههههههه يعني ما بقى غيره في العالم
مشكوررررة على الموضوع

 

[ورده ذبلانه]

هههههههههههههههه حلوه
تسلمين خيتووووووووو

 

[الـمـاسـة]

هههههههههههههههههه
حلوه يعني هو الصالح


يعطيك العافيه.........

 

[عشرت عمر]

طا يحين غيبه ماخلو أحد--وبالأخيرهههههههههههه

 

[نرجسية]

:blush-anim-cl: نورتوني ياحلوات





:blow: ابوصالح تحفه هههههههههههه



تسلمون ع الحضور