الأمورة الحلوة
New member
- إنضم
- 2009/11/14
- المشاركات
- 142
السلام عليكم
بعد معاناتي مع هالريال حسبي الله عليه وعقب ماتزوج علي وطلقني وانا بعدني موجودة في البيت لين مايدبر لي مسكن لي ولبنتي .
هو مايدفع راتب للخدامة وانا منعت الخدامة انه تخدمه لان المفروض هو يدفع لان الخدامة تخدم بنته ورافض يدفع لها ومنقهر مني لهاي السالفة ويدور علي اي زلة .
قبل يومين طلب لي الشرطة عشان خاطر القطوة اللي في البيت ويتبلى علي ويقول اني انا منعت الخدامة انها تعطي القطوة ماي والله يشهد اني مامنعتها والخدامة كانت حاطتلها اكل الصبح وبعدها طلعنا زيارة لبيت اهلي وقام من النوم واتصل في الخدامة وعصب عليها وقال عطيني اكل المدام وانا رفضت اتكلم معاه وقال قوليلها لاترجع البيت القطوة بتموت والسبب المدام .
ورجعت البيت واول ما دخلت البيت بسيارتي وقام رفس السيارة برجله وفتح باب السيارة وكان بيضربني بس مسك نفسه واتصل على الشرطة وطلب دورية عشان يطردني برع البيت بس الشرطة ماشافو سبب مقنع للمشكلة وماقدرو يطلعوني من البيت .
تخيلو يبغي يطرد بنته ضناه ورافض يدخلها حرام عليك وين بتروح من الله يالظالم وقال للشرطة خلها تحترم نفسها ومالها خص فيني وانا بعد قلت كل اللي عندي للشرطة وراحو وماسوا اي شي ضدي .
حسبي الله عليه احس هالريال جن جنونه خلاص مب في وعيه وكلمت المحامي اللي عندي وضحك على تصرفه وقال ان هذا ماطلب الشرطة عشان القطوة هذا بس يبغي يتحركش فيج ويبغي يتكلم معاج باي طريقة لانج مب معبرتنه ويبغي يردج بس يبغيك انت تبادرين .
والله اني كرهته كره وقعدت اصيح من خاطري انه قاعد يظلمني انا مب ظالمة اني اقتل حيوان بدون سبب هو اللي ظالم يبا يطردنا في الشارع وقلت من باجر تدبر لي بيت قال مابدبر الا بعدين مب الحين عيل احترم نفسك وخلك في حالك شو يخصك فيني والله دعيت من خاطري وجدامه ان الله ياخذ بحقي منه .
يارب تنصرني يارب
بعد معاناتي مع هالريال حسبي الله عليه وعقب ماتزوج علي وطلقني وانا بعدني موجودة في البيت لين مايدبر لي مسكن لي ولبنتي .
هو مايدفع راتب للخدامة وانا منعت الخدامة انه تخدمه لان المفروض هو يدفع لان الخدامة تخدم بنته ورافض يدفع لها ومنقهر مني لهاي السالفة ويدور علي اي زلة .
قبل يومين طلب لي الشرطة عشان خاطر القطوة اللي في البيت ويتبلى علي ويقول اني انا منعت الخدامة انها تعطي القطوة ماي والله يشهد اني مامنعتها والخدامة كانت حاطتلها اكل الصبح وبعدها طلعنا زيارة لبيت اهلي وقام من النوم واتصل في الخدامة وعصب عليها وقال عطيني اكل المدام وانا رفضت اتكلم معاه وقال قوليلها لاترجع البيت القطوة بتموت والسبب المدام .
ورجعت البيت واول ما دخلت البيت بسيارتي وقام رفس السيارة برجله وفتح باب السيارة وكان بيضربني بس مسك نفسه واتصل على الشرطة وطلب دورية عشان يطردني برع البيت بس الشرطة ماشافو سبب مقنع للمشكلة وماقدرو يطلعوني من البيت .
تخيلو يبغي يطرد بنته ضناه ورافض يدخلها حرام عليك وين بتروح من الله يالظالم وقال للشرطة خلها تحترم نفسها ومالها خص فيني وانا بعد قلت كل اللي عندي للشرطة وراحو وماسوا اي شي ضدي .
حسبي الله عليه احس هالريال جن جنونه خلاص مب في وعيه وكلمت المحامي اللي عندي وضحك على تصرفه وقال ان هذا ماطلب الشرطة عشان القطوة هذا بس يبغي يتحركش فيج ويبغي يتكلم معاج باي طريقة لانج مب معبرتنه ويبغي يردج بس يبغيك انت تبادرين .
والله اني كرهته كره وقعدت اصيح من خاطري انه قاعد يظلمني انا مب ظالمة اني اقتل حيوان بدون سبب هو اللي ظالم يبا يطردنا في الشارع وقلت من باجر تدبر لي بيت قال مابدبر الا بعدين مب الحين عيل احترم نفسك وخلك في حالك شو يخصك فيني والله دعيت من خاطري وجدامه ان الله ياخذ بحقي منه .
يارب تنصرني يارب
