أبوك , خالك , إختك , أخوك , ماضيك _____ ربعك ، جميع النـاس, وعيـــال عمِّك !!

[اميره بطبعي]

تَعَبت أشيـل الهَم عنّك وأداريك​

وإنتَ همومـي ثقلَهَــا مـا يهمِّك !​

لا يا ( حبيبي) .. الزمن لا يخليك

تقسى على قلبي وتسقيه سِمِّك !​

​

[دِ نْ يـَ ا كْ​

] هذي , لا تغيِّرمباديك​

​

​

مهما إستطعت الظلم إعدل بحكمك !​

ما هي غريبه من يذمِّك يماشيك

لكن غريبـــه يمدحك من يذمِّك !!​

ما كل واحد غاب معناه ناسيك

بعض البشر ينساك لو كان يمِّك !​

أدري تعزني .. اللـه يعز غاليك

وإن كان لـي عندك معزَّه بضمك !​

في خاطري كم كلمةٍ : عن تجافيك

وإن شفت دمعاتي إنزَلَت .. حط كمِّك !​

إسمك حبيبي ويا كثِرها أساميك

وقلبي يفز .. لا جابوا الناس إسمك !​

ليتك تحس في ضيقتي يوم أحاتيك

أحرق لك أعصابي .. وما حَس دمِّك !​

غايب بدون أعذار .. ربِّي يجازيك

عطني سبب مُقنع حبيبي .. وألمكّ !​

همِّك , جنونك , ضحكتك , كل ما فيك

صوتك , سكوتك , وأرجع أقول : (هـ مِّ كْ ) !​

​

[لبيــه​

] منِّك غير .. لمَّا أناديك​

​

​

كن الكلام العَذب ... مرساه فمِّك !​

مهما غلوك قلوب ناسٍ حوالــــيك

أغليك أكثر منِّهُم بس .. لعلمك !​

أبوك , خالك , إختك , أخوك , ماضيك

ربعك ،جميع النـاس, وعيـــال عمِّك !​

.​

.​

شايف غلاهم لِك .. أكثرأنا أغليك​

واللِّي وِصَل ( نِص الغلا ) يمكن أمّك ! ​

للشاعر : احمد الصانع​

 

[::لحن الغروب::]

حلوة ورائعة بورك فيك

 

[حورية بحرنا]

ما هي غريبه من يذمِّك يماشيك

لكن غريبـــه يمدحك من يذمِّك !!

صح لسان الشاعر

ابيات قمه في الروعه

يعطيك العافيه

 

[دمعة مشاعر]

صح لسان قايلها
وتسلم يمنآآك على نقلك وأختيآرك الذوووق..
يعطيكٍ الف عاِفيِية ..
ننتظر جديدكـ