أبغي رأيكن في وجهة نظر زوجي في السفر...

[أحب البداوه]

أخواتي إحنا والحمد لله أسره مقتدره ومتعودين علي السفر تقريبا كل سنه إلا إذا صادف حملي أو أي ظرف نأجل ونسافر السنه إلي بعدها المهم العام ما سافرنا لانا أنتقلنا بيت يديد وأنا السنه رتبت السفره لسويسرا تفأجأت بردة فعل زوجي الرفض التام للسفر والسبب( موب مستعد أفر الفلوس علشان سفره 22 يوم ) خواتي أحنا مقتدرين وعندنا مصارف السفر وغيرها معقول أحرم أولادي من التمشيه لاني أبغي أدخر الفلوس وأنا الله عاطنا ...................................وايد مستغربه من موقفه وحزينه كيف يفكر ألحين بهطريقه يوم زاد عندنا الخير ألحين أكيد العيال يقولون عيل ربعنا نفس المستوي ويمكن أقل يسافرون ليش أهلهم ما يقولون فرينا الفلوس؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!! مع العلم هو موب بخيل

 

[احلى من العسل]

اكيد احد ىمن ربعه فار عقله تعرفين اصحاب السؤ
انتي قوليله هلنحيس اللي فار عقلك اكيد من قهرمنا شايفنا مبصوطين
وكل سنه انسافرمن حقده علينا حب يخرب علينا والحسافه انك طاوعته
؛؛حتى لو ماقاله عيني عينك اكبيد احد ملمحله
انتي حاولي تلمحين ان في احد حقود ونحيس جاي مخرب عليكم
وان الي يقوله موعدل

 

[وعد حسن]

أختي بما أنكم متعودين على السفر كل سنه ويقول أن راح تروح لفلوس على الفاضي
ليش ما تروحون عمرة وبعدها تروحون المدينة والمدة نفس المدة اللي بتقضونها في سويسرا
وبكذا زوجك ما راح يعارض وبنفس الوقت كسبتي السفر وطاعة الله

 

[حياتى بلا حنانك]

والله انا مع زوجك ماله داعى يا اختى السفر ...واقضوها تمشيات بالبلد ..زمع زوجك واولادك روحوا شاليهات روحوا اماكن حلوة خاصه فيكم لا تروحوا بلاد الغرب روح بنفس البلد منها تغيير جو ومنها استمتاع بامان ....

ربى معك

 

[الأسطـــــورة]

شوفي وجهة نظر زوجك وافهمي السبب الحقيقي

 

[أحلام مفقودة]

راى انا كمان انك تناقشيه فى السبب الحقيقى ويمكن لما تغيرى مكان الرحلة يوافق....او يمكن فى دماغه خطه اخرى اعرفيها
وشكرا

 

[بيالة شاي]

لا تكبرين الموضوع ....اذا ماسافرتوا السنه تسافرون السنه الجايه ان شاء الله ....ولا تحطين في بال عيالك ان ابوهم مستخسر فيهم الفلوس انتبهي ....ومادام هو متعود يسفركم ومدام هوماهو بخيل ....معناته في باله شي او يحاتي شي ....بس مايعرفون شلون يشرحون الموضوع ....انت قولي له سوا اللي تشوفه واحنا من يدك اليمين ليدك الشمال وحسسيه ان بسفره ولا بدون هو بيضل الاب الغالي الكريم الحنون

 

[m2008]

عزيزتي يمكن الريال يشعر بملل او فيه شي شاغلنه استهدي بالله والسفر مب كل شي روحي دبي ااااكيد انتي من الامارات احجزي في ارقى فندق اسبوع والله يوفقكم

 

[أحب البداوه]

اكيد احد ىمن ربعه فار عقله تعرفين اصحاب السؤ
انتي قوليله هلنحيس اللي فار عقلك اكيد من قهرمنا شايفنا مبصوطين
وكل سنه انسافرمن حقده علينا حب يخرب علينا والحسافه انك طاوعته
؛؛حتى لو ماقاله عيني عينك اكبيد احد ملمحله
انتي حاولي تلمحين ان في احد حقود ونحيس جاي مخرب عليكم
وان الي يقوله موعدل

والله يا ختيه ما أعرف كل شيء جايز بس أنا موب عارفه أتصرف معاه مشكووووره يأحلى من العسل

 

[أحب البداوه]

أختي بما أنكم متعودين على السفر كل سنه ويقول أن راح تروح لفلوس على الفاضي
ليش ما تروحون عمرة وبعدها تروحون المدينة والمدة نفس المدة اللي بتقضونها في سويسرا
وبكذا زوجك ما راح يعارض وبنفس الوقت كسبتي السفر وطاعة الله

الغاليه وعد حسن العمره إن شاء الله كنا ناويين نروح من شهرين وأجلنا للاسباب بس ألحين لان الجو ما يساعد قلنا بعد الصيف بنروحها إن شاء .... يعني أول ما يتحسن الجو وطبعا هذا شوره أشكرج ختيه

 

[أحب البداوه]

والله انا مع زوجك ماله داعى يا اختى السفر ...واقضوها تمشيات بالبلد ..زمع زوجك واولادك روحوا شاليهات روحوا اماكن حلوة خاصه فيكم لا تروحوا بلاد الغرب روح بنفس البلد منها تغيير جو ومنها استمتاع بامان ....

ربى معك

مشكوووووره ياعمري علي ردج علي بس أختي السفر فيه ووايد فوايد وأحنا متعودي علي السفروهو طول السنه في الشغل والعيال ربي يحفظهم في المدارس التغيير مطلوب دامه الانسان عنده والحمد لله الصراحه البلد حر ما تنطاق الواحد يسافر يشم هوا نقي إحنا دوم نروح الريف ويشوف الخضره ويستمتع بالمطر......... والله حتي نفسيتهم تتغير

 

[أحب البداوه]

شوفي وجهة نظر زوجك وافهمي السبب الحقيقي

الغاليه الاسطوووووره لا تتحسبين إني عصبت ولا أصريت لا والله بس قلت له فهمني قالي بكل بساطه موب مستعد أفر 100000 ألف علشان سفره وما رديت عليه .............. أنا ألحين موب سالفة السفر سالفة المبدأ يعني كل الناس إلي تسافر وإحنا كنا منهم نفر الفلوس أستغفر الله مشكووووووووووووووووره فديتج

 

[أحب البداوه]

راى انا كمان انك تناقشيه فى السبب الحقيقى ويمكن لما تغيرى مكان الرحلة يوافق....او يمكن فى دماغه خطه اخرى اعرفيها
وشكرا

حبيبتي والله كلكم أبغي أشكركم من خاطريه لانكم متجاوبين معاي وتخلوني أفكر معاكم بصوت عالي هو قالي بصراحه دوروا علي مكان رخيص بس يا أختي لو حولت من أوربا إلي أي مكان والله ما تفرق 10000 ألاف لان الدنيا صارت غاليه موب مثل أول وموب معقول كنا نسافر الصيف أورب ,استراليا ويوم زادت فلوسنا بنروح الهند ياجمعه أفهموني وفهموني الريال مستخسر في السفر أنتو ممكن تستخسرون في السفر هذا إلي أبغي أعرفه ...........................

 

[أحب البداوه]

لا تكبرين الموضوع ....اذا ماسافرتوا السنه تسافرون السنه الجايه ان شاء الله ....ولا تحطين في بال عيالك ان ابوهم مستخسر فيهم الفلوس انتبهي ....ومادام هو متعود يسفركم ومدام هوماهو بخيل ....معناته في باله شي او يحاتي شي ....بس مايعرفون شلون يشرحون الموضوع ....انت قولي له سوا اللي تشوفه واحنا من يدك اليمين ليدك الشمال وحسسيه ان بسفره ولا بدون هو بيضل الاب الغالي الكريم الحنون

ختيه والله انا موب مكبره الموضوع وكلامج حلو وايد خصوصا أنا من النوع إلي ما أبغي أكبر المواضيع بس وإلي قاهرني منه أنا قلت حق العيال إنا إحتمال ما نسافر السنه لانهم كانو يتريون السفر وقالو لي ليش قلت لهم ما أدري السبب يمكن بابا عنده ظروف أو ما فيه علي السفر بس الحبيب علي العشا وهو يسؤلونه قالهم نفس الكلام المصاريف والحشره وأفر الفلوس وألحين مستعد أعطيكم متين ألف بس أصرفوهن في شيء يستاهل ومن هلكلام لين تشادينا وكل واحد إنسحب وانا بين الكلام أقوله خلنا نرتقي بالحوار ونقنع بعضنا بوجهات النظر (علشان العيال بس ترا زوجي من النوع إذا قال شيء لازم هو صح ميه بلميه وممنوع تعارضينه لانه هو في نظره ما بيظلمج ولا بيسوي شيء غلط ) والحين أنا من البارحه ساكته وما تكلمت معاه

 

[أحب البداوه]

عزيزتي يمكن الريال يشعر بملل او فيه شي شاغلنه استهدي بالله والسفر مب كل شي روحي دبي ااااكيد انتي من الامارات احجزي في ارقى فندق اسبوع والله يوفقكم

m2008 حبيبتي والله هو ما عنده شيء والحمد لله وأنا والله موب قصدي السفر بحد ذاته الحمد لله رحت كل مكان بس بغيت وجهة نظركن بأسلوبه وإلي يقوله علشان لو تكلمنا مره ثانيه أكون إستفدت منكن وأعرف أرد عليه وفي نفس الوقت العيال كاسرين خاطريه وعلي فكره إحنا من دبي ووين نروح الدنيا شابه ضو حاره بس الحمد لله ...................والله يوفق الجميع يارب

 

[أحب البداوه]

اشكر كل أميره شاركتني مشكلتي مع زوجي بس الله يخليكن بغيتكن تقولن رايكن في سالفة فر الفلوس علي السفر ونفس الوقت تقولن لي كيف أتعامل معاه لو كلمني في الموضوع طبعا أنا بستفيد أكيد من كل كلامه منكن ومشكوووووووووووووووووووووووووووووووووووووات يا أحلا أميرات .........

 

[m2008]

اختي ......

انتي يمكن مب متعودة ان ريلج يقولج فر الفلوس وانتو مثل ما ذكرتي مقتدرين ماديا قوليله.....

يا حبي انت متعود تودينا دايما وما مقصر معانا واحنا تعودنا على كرمك وانا اشعر انك ترتاح وتنسى الشغل يوم تسافر ونحن بعد مثلك والعيال ما صدقوا يخلصون مدارس عشان يسافرون ونحن الله منعم ...... ومن هالكلام يا حلوة

 

[zenah]

حبيبتي انا فاهمتك

بس اكييييييد زوجك فيه سبب هو الي مخليه يرفض السفر
يمكن يبي يوفر علشان شي معين او في ضيقه ماليه مايبي يقولك عنها

انتي افهمي منه السبب
وتناقشي انتي واياه بهدوء

الله يسعدك ويوفقك

 

[أحب البداوه]

خواتي الغاليات السموحه تأخرت عليكن بس مشاغل الحياه والله إنيه أاشكركن وأدعيلكن من خاطريه وبالاخص الغاليه m2008 بالصراحه ما قصرتي معاي أول ما قريت ردج دخل خاطريه في الليل رحت لزوجي بكل موده وهدوء وقلتله الكلام إلي قلتيه لي بالظبط تنرفز شويه وأنا أنسحبت وفي اليوم الثاني قالي تحمليني ترا صرت أتجنبج علشان ما اصرخ عليج ويصير عندج تراكمات بسببي لاني تعبان من الشغل ومتضايج قلتله كمن كلمه حلوه وسكت وفي اليوم الثاني طرشت له مسج ووايد حلو قريته من قصه للدكتوره ناعمه قلته للعميله سرقه خخخخخخخخخخخخخخخخخخ وألحين قبل لا أكتب لكم ياني وعطتني ورقه ويوم فتحتها تفأجات شوه تتوقعون ....................

الاخت زينه مشكوووره فديتج علي النصيحه وربي يحفظج يارب وطلع كلامج صدج عسني ما خلا منكن ...............

الورقه كان عليها عروض للسفر علي طيران الامارات ....................... وايد إستانست ويت أخبركنلان هذي النتيجه بسبب نصايحكن الطيبه والله يوفقكن ولا يكدر خاطركن يارب

 

[العاقله]

الله يحفظكم انشالله ويوفجكم في رحلتكم ويحفضلج ريلج وعيالج من كل شر ودييم السعاده بينكم