أبغى حل لمشكلتي

[أكاليل]

اهلا

انا نمطي شرقية متطرفة جنوبية متطرفة

ومشكلتي إني كسولة جدا واسترخائية وأنام كثير

أحب استرخي واقعد احلم أحلام يقظة

والحين مخطوبة وملكتي الفترة الجاية وخايفة كثير

من كسلي اخاف اني بعدين اهمل بيتي وزوجي

اخاف تمر علي ايام اتصل عليه وأقوله جيب معاك

غدا لاني كنت نايمة وما لحقت أطبخ

أنا في البيت ما عندي مسؤوليات كثيرة يمكن

عشان كذا يعني تقدرون تقولون أمي مدللتني

وخطيبي نمطه تقريبا شمالي غربي يعني عكسي

 

[المــهــا]

حاولي قبل الزواج تعودين نفسك على تقليل النوم ودخول المطبخ

اغسلي ملابسك بنفسك ورتبي غرفتك بشكل يومي خليه نظام يومي وبكذا راح تتعودين على خفة النفس

ربي يسعدني ويسعدك ويسعد امة محمد صلى الله عليه وسلم

 

[أكاليل]

شكرا أختي على الرد

بانتظار البقية

 

[papero0o]

عادي اختي اكثرنا قبل الزواج اتكاليين و ماعندنا مسؤولية و ننام كثير بيت اهالينا

بس بعد الزواج كل شي يتغير خاصة لاحبيتي زوجك و تبين تفاجئينة كل ماجاء بطبخة مميزة و بملابس منظمة و كل ماحبيتية اكثر زاد عطائك اكثر له

و مبروك ياعروسة

 

[نور1199]

ههههههههه كيف شماليه متطرفه وجنوبيه كمان متطرفه الشمالي ماينفع يكون جنوبي


بس مااعتقد انك شمالي لان الشمالي حرك ويحب الحركة مايحب الجلسه
انا كنت احسب نفسي جنوبيه طلعت شماليه بحته

 

[كلي حنو]

عادي انا مثلك كنت بيت اهلي ..

وحتى الحين يوم تزوجت والله ولا اتحرك لاني قلت له انا عروسه جديده

شهر كامل ما ابي اتحرك ولا اسوي ولا حاجه ..

بس بعد الشهر لا بهتم بالبيت وبكل حاجه .. ما ابي اعتمد بس عليه

عشان ما يقول ان اهلي ماعرفو يربوني او من هالكلام

ولا يقدر بعد يقول لان احنا الحمدلله قبل كل شيء امي قالت لهم

ان بنتي ماتتحرك ولا تسوي ولا حاجه بالبيت بس تاكل وتناام وجالسه ع النت

قالو هم يبوني .. يعني ماله عذر بعدين يقولي كسوله او شيء

لان الحمدلله عارفني بيت اهلي مدلعه ..

وانا قلت من الشهر الجاي بهتم بنظافه الشقه وكل شيء ..

ولا ابي اعتمد عليه ولا بحاجه ..

والله يوفقك يالغلاا

 

[أكاليل]

شكرا أخواتي عطيتوني أمل

وأختي نور أنا قلت شرقية ما قلت شمالية

 

[الورد والياسمين]

كلنا كنا كذا وتغيرنا

 

[مروكو]

لا اله الا انت سبحانك اني كنت من الظالمين

 

[اميره هاشميه]

هلا حبيبتي
والله انا مثلك قبل الزواج

ماعندي غير الدراسه وان قمت اساعد امي بشغل البيت شوووي
وارجع للنوم او للمذاكره
وبعد ماتزوجت ماشاء الله صرت احسن من اول بكثير
لاني حسيت بالمسؤوليه واني مسؤوله عن بيت وراجل
خخخخخخ
بس الحيييييييين احن لااايم العزوبيه خخخخخ
وللنوم طبعاًً
لاتعقدي الامور على نفسك
واتركي الامور الى وقتها
وماكتبه الله صاير ليه التعب والتفكير

على فكره زوجي شمالي شرقي
هع

 

[جرح الشوق]

بعد الزواج راح يتغير الوضع لا تخافي والله يوفقك ويسعدك