آنا غلطـآآنه آو لا ...؟

[Butterfly~]

مـرحبــآآآ
انـا بستخدم معـرف صديقتـي بترفلاي وودي اقول لكم على مشكلتـي
ادري بتقولون انـي غلطانه ومفروض ما اتكلم بس والله مليت :sadwalk:...

المهـم
انا ادرس في الكليـه واشتغـل يوم واحد في الاسبـوع ...اهلـي دخلهـم محدوود
وحالتهـم المادية مو زينه مررره ..:tears:
المهـم انا من لمـا عمـري 16 سنة وانا اشتغل بس عمري ما صرفت ريال واحد على
نفسي كله اسلم الفلوس حق اهلي..والله عمري ما دققت ولا قلت وين تروح الفلوس
كنت احس بمتعه لما اشتغل وانسى اني باخذ فلوس ...
واهلي بصراحة لمـا يكون عندهم فلوس ما يقصروون ابداااااااااااا...

بس الي صار من فتره ان الحالة زادة تعقيد وبابا مو راضي يشتغل..؟؟؟
ونحنا عائلة كبييررررره...يعني يصير انا ادفع الفواتير..؟؟ انا الي اتبضع حق البيت..؟؟؟
انا اصرف على الكل...؟؟؟
والله راتبي يا دوب يكفي مصاريف الكلية وبعد اصلا لما استلم راتب لازم ادفع حق بانزين
السياره والكارت حقي يطلبه بابا ويبقى عنده لين الفلوس الي فيه كلها تخلص...!!
وآروح الجامعه ولا عندي ريال واحد...:sadwalk:

كل هذا وما قلت شي و الله ساكته واقول ازمه وتعدي..بس بابا ما يفكر يشتغل وماما مسكينه
ما تقدر تسوي شي..؟؟ مقاطعته صار لها فترة وهو ولا على باله...

بس بعد في شغله ان حنا من زمان بابا يعمل بزنس ويفشل وكل فلوسه تروح ..
وعمره ما فكر يجدد عفش البيت والا شي .. ومن فترة صار يقولي لازم نشترى
عفش على حسابك وندفع تقسيط...وقال لي انه بيسدد كل شهر...بس والله الي صار
اني اخذت عفش على حسابي وكل شهر انا ادفع واذا ما عندي ابقى محتارة كيف
بدبر المبلغ..؟؟؟ والمبلغ مررره كبير:tears: ....وحتى موبايله مسجله على اسمي والفاتورة
انا ادفعها لان عمره ما اهتم يدفعها ...

هو طيب ولو عنده ما يقصر بس هالفترة احسه اناني ويستلف من اصحابه وعليه
ديون وهو مطنش يقول ما بشتغل ...

انا مملكة و زوجي ما يعرف في الموضوع...وللحين ما جهزت حالي ولا زوجي...
وكل مرة يقولي زوجي بعطيكي المهر اقول له لاا تعطيني..لان كل ريال ياخذه بابا
بس طبعا ما يدري بشي ...



انا غلطانه يوم اني ازعل واتضايق...والا اعدي الموضوع واسكت..؟؟؟​

 

[دلع وكلي غلا]

السلام عليكم
أول شي أبارك لج عالخطبة..
أو ثاني شي بصراحة ماعرف شو أقولج لأنه مضوعج صعب يعني ماتقدرين تروحين تكلمين أبوج بالطيب والتقوليله إنج عندج ميزانية؟

 

[~أماسي~]

ياحبيبتي حلوه التضحيه من أجل الاهل وان شاء الله لك اجر كبير بس أنك تتنازلين عن كل شي وتسمحين

ان اللي حولك يطمعون فيك لا هذا وقفي عنده...

تعطين اهل جزء من راتبك هذا راجعلك بس انتي ياقلبي منتي ملزومه بالصرف عليهم بالعكس ابوك هو

الملزوم بالصرف عليكم قال تعالى وعلى المولود له رزقهن وكسوتهن بالمعروف ) والمولود له هو الاب

وترى انا سآله شيخ بهذا الموضوع وأجابني بان ليس له الحق باأخذ راتبك بل بالعكس عليه ان ينفق عليك.

واعطاءك له مبلغ من المال يكون من باب البر بالوالدين.... موفقه ان شاء الله .

 

[عاشقة تميم]

هلا وغلا

وامبارك خطبتج أو عقد قرانج..وعقبال حفلة عرسج آمين

صراحه كنتي صغيرة يوم اشتغلتي..وطبعاً في هالعمر المهم فرحة الأهل وراحتهم قبل راحتج
وهذي طبيعة انسانية ...والآن كبرتي ودخلتي الجامعه..وعرفتي وضع بيتكم أكثر
وشفتي إن البنت التي تتحمل كل شيء بدون مد مساعدة لها وبال عليها..أنا ما بقول
غلط لا بالعكس مساعدة الأهل واجبة..ولكن بالمعروف..في السابق كلمة"بالمعروف" غير مفهومة لأي بنت في هذا العمر..ولكن الآن أعتقد مفهومة جداً..أول شيء خذي قلم ودفتر واحصي ديونج..عشان تتخلصين من بعض الديون..ثاني شيء سؤال يطرح نفسه
ابوج ليش رافض يتحمل مسؤلية بيته وعياله..شوه الأسباب لازم تعرفين شوه الأسباب
هل هو انسان خيالي..يحلم بالثروة والمال ومشاريع بدون تفكير..هل هو مسرف..وين يروح
فلوسج بالضبط يوم تعطينه..هل يصرف على عياله وبيته يوم تعطينه فلوسج..دققي النظر
وعقب اطلبي تدخل مبكر من أعمامج أو أخوالج أو اخوانج اذا عندج اخوان كبار..وعطي ابوج
بالمعروف قدر استطاعتج لا أكثر ولا أقل..أو عطيه ما يسد حاجته وخففي مصروفه..لاجل تتخلصين من بعض الديون أللي عليج لا تعطين ابوج فوق طاقتج..ناقشي الوضع مع ماماتج
وطبعاً بهدوء اتفقي على اعطاء الوالد بعض من المال لا تقطعين عنه كل المال..وان طلب منج
ذكريه بالديون أللي عليج وحاولي توضحين خطورة الديون المتراكمة..ومافيها شيء اتقولين
ياليت لو عندي بس الديون كسروا ظهري..وهذا اللي عندي الف ريال..وعوديه بالتدريج ما تعطينه أكثر من 500 أو 1000 في البداية ودايماً ذكريه بديونج بدون استعلاء او منيه عليه..
وإن شاء الله تطلع منج أفكار حلوة يدر عليكم بعض من المال في مشاريع..وتتعاونين مع ابوج
في مشروع بسيط يدر ارباح بدل مشاريع خياليه فاشلة وانتي تمسكين ادارة المال وهو يتعاون معاج ..عندج في قسم بلقيس عن التاجرات
اطلعي عليه ربما يساعدج على التخلص من الديون..وترى من الصعوبة جداً أن نطلب مساعدة
الأهل اذا ما ساعدنا نفوسنا قبل.. وأتمنى من بنات خبيرات مساعدتج بشكل افضل مني

وطمنينا عليج..​

 

[انسه طفشانه]

مافي مثل بر اهلك
ماشاء الله شايله البيت من صغرك وماقصرتي وربي راضي عليك
هونيها وتهون

 

[اعلامية طموحة]

اولا ألف مبروووك الملكة

والحمد لله انك مخطوبة على الأقل في أمل تتحسن احوالك

اولا اللي ابيج تنتبهيل اللي تسويه كله في ميزان اعمالك باذن الله فشوفي انتي كم من الأجر تحصدي يوميا

فلا تكبري الموضوع في نفس الوقت انتبهي لنفسك

اذا سحقتي نفسج هالشكل في بيت اهلك بتعيشي مسحوقة عند زوجك وعيالك

مش سهل تكوني تشتغلي من كان عمرك 16 سنه وتعيشي على هذا الحال فترةأطول بعد شوي بتنسي انك بنت وبتنسي تريحي نفسك .. بتعيشي حياتك بصفتك احنا نسميه (حمار المكده ) اسمحيلي على اللفظ بس احنا بنات نفهم بعض وعايشين في نفس الأجواء الخليجية ونشتغل وشايفين نفس نموذجك

البنت تشتغل وهي اللي تزوج اخوها وهي اللي طلع سيارة وهي اللي تبني البيت وهي اللي تصرف وتجيب كأنها العبدة في البيت والباقي كل من متهني براتبه

انا مثل ماقلت لك ما اباج تحقدي على احد وهالشي من طيبك بس لا تسحقي نفسك

خلاص قولي كفااااااااااية

الفلوس فلوسك وانتي حرة فيها .. ابوك اذا تصرفتي بذكاء ودهاء انثوي تقدري انك تسيطري عليه

اما اذا استمريتي تعامليه بهذي المعاملة بتدمريه

قسي قلبك شوي .. اذا قالك هاتي قوليله ماعندي .. فتحي لنفسك حساب ف البنك وحطي جزء من فلوسك فيه

اريدك تعملي تجربة ..اذا طلب والدك اليوم طلب قوليله ماشي واسكتي لا تجاااااادليه قوليله والله ودي يالغالي اعطيك بس ماشي وكذا امنعي عنه الأشياء اللي يباها بأسلوب لطيف

أكيد بيعصب وبيغضب بس اصبري اصبري اصبري

وأكيد بيتقطع قلبك بس اصبري لازم تخرجي من هذي الدائرة لازم تكسريها وتتحرري

انتي ملك نفسك جهدك ووقتك وطاقتك ملكك مش ملك والدك

انتي من طيبك تعطيهم وبمزاجك تعطيهم لاتعطي حد شي غصب عنك لانك كأنك تقطعي من لحمك وتعطيهم

ومهرك لا تعطيييه حد لاتسمحيله ابد

انا عندي هالنموذج واشوف كيف انه طيب بس فيه هالخصلة ياخذ وياخذ وياخذ ولا يهمه عندك ولا ماعندك والسبب ان اللي حواليه عودوه

الحل انك تصكري الباب في وجهه بكل أدب

متابعة موضوعك وانتظر جديدك

ملاحظه تغيرك يحتاج لوقت اصبري على نفسك

 

[**دلوعة بابا**]

مدري بس البنات ما قصرو وما بيدي اقول غير الله يفرج كربتك


ومبرووووووووك الملكة

 

[مسا الطيبة]

احتسبي الاجر مثل ما قالوا البنوتات..
وثانيا ابدي بالخفيف تقولي ما عندك لمن يسئللك الوالد عن فلوسك قولي ما عند ي يادوب يكفون حق باقي الشهر,,
واحسن شي انك تفتحي حساب تحولين منه كل شهر او نك تحطي صندوق تخبينه فمكان تحطين فيه مبلغ كل شهر بس ما يكون جدامك يعني ما تشوفيه الا يوم بالشهر انسيه,,
وعادي خل خطيبك يجيب المهر ولا تحاتين عقب ما تتزوجي ما راح يكون لبابا سلطة عليك وراح تعطينه انت بطيب خاطر ان شاء الله وربي يفرجها عليك وباباتك يحصل شغل وما يعود يحتاج فلوسك..
اكثري من الاستغفار بنية الفرج ..

 

[Butterfly~]

دلع وكلي غلا
الله يبارك فيكِ حبيبتي ومشكـوره على الرد ..بس هو يعلم بالحال ومع ذلك مو عاذرني..


~أماسي~
انا والله ما يهمني غير بس الاجر ..بس لازم يقدر الوضع شوي..هو معتمد على راتب
آخواني الصغار..ويقول دام انه في راتب يدخل لنا ليه اشتغل..؟؟
مع ان الراتب يادوب يسدد بعض صغير من احتياجاتهم ويخلص في نفس الاسبوع..
وباقي الاسبوع يخلصها من حسابي...:sadwalk:الله يرزقه يارب.. مشكورة حبيبتي على
الرد...


عاشقة تميم
الله يبارك فيكِ حبيبتي واشكرك على ردك...انا الحين بعيده كل البعد عن المشاريع
لأني للحين ادرس..ودراستي مره صعبه مفروض اركز فيها..بس لأن محد بيعطيني مصروف
لو تركت الشغل كاني احاول اوازن بين الشغل والدراسة ومع ذلك مو نافع..للحين اروح
االجامعه وانا ما عندي ريال وحتى مرة صار لي حادث وكان هو ماخذ موبايلي وما عندي
ولااااااااا فلس اقسم بالله سحبوا سيارتي وانا ضليت في الشارع...:sadwalk:

انسه طفشانه
مشكوره على ردك حبيبتي وما تقصرين..


اعلامية طموحة
الله يبارك فيكِ وعقبالك يارب :icon26:...
انا لو كان لي اخوان ما كان هذا حالي..بس انا اكبر وحدة في العائلة ولما كان عمري 16 كنت
اتفاجئ بأهلي يقولون لي اشتغلي..:sad_1:كنت حاسة لساتني صغيره على الشغل...بس
ما قدرت ارفض لهم طلب واشتغلت انواع الاشغال...والله حتى كان عندي شغل في مكان
صعب الكبير يشتغل فيه وكنت اصحى الساعة 6 الصبح واروح وبنهاية الشهر ما اشوف شي
من الراتب وسكتت وبعد 6 سنين مو قادره اتحمل...ياريت اقدر اقوله لا...وعندي حساب
في البنك بس هو يعرف رقمي السري وكرتي من البنك عنده...بس ان شاء الله
بسوي جدول واشوف الديون الي علي واحاول اوفر كل شهر من غير ما يحس..بس مشكلتي
ما اعرف اكذب وهو يعرف كل صغيره وكبيره بحياتي... ادعولي بس..ومشكورة حبيبتي على
ردك..


**دلوعة بابا**
الله يبارك فيكِ حبيبتي..ومشكوره ع الدعوة الحلوة..:icon26:


مسا الطيبة
مسا الطيبة على قلبك حبيبتي .. ان شاء الله هالكم يوم بس افضى من امتحاناتي...
اجلس مع نفسي واراجع كل حساباتي...حتى حسابي في البنك صار ماينس وهو مو هامه..
كله بس اخذ مافي عطيه .. الله يفرج همنا كلنا ومشكوره على ردك حبيبتي.​

 

[همس amirah]

الله يفرج همك حبيبتي
لا تقولين شي عادي اعطي اهلك فلوس الشغل بس مهرك للاااااااا والف لااا خذيه من زوجك وابدأي جهزي نفسك واذا تزوجتي اكيد ابوك راح يبحث عن عمل لأنك خلاااص تزوجتي لا تقصري معاهم لين تتزوجين لو بس عشان مامتك المسكينة والله يجعله في ميزان حسناتك ويعوضك عن كل فلس بمليووووون

 

[اعلامية طموحة]

ماعليه يا عسل

الماضي راااااح ونحن عيال اليوم

ومن اليوم بنبدأ حياة اخرى وصفحة جديده

الحساب من حقك وكاااامل حقك انك تفتحي غيره ومحد يعرف عنه

خذي من المبلغ جزء واعطيهم الباقي

محد يحب الكذب الله يهنيج بقلبج الأبيض بس المؤمن مكار مافيها شي امكري لنفسج

في وااايد خطط تقدري توقفي فيها مع نفسج

مثلا خذي لنفسج كارت تلفون ولاتخبري احد ان عندك كارت هذي وحده

خذي مهرج وحطيه في الحساب الجديد وجهزي نفسج

انا ما اعرف احتياجاتك بس خبرينا بقامتك وبنخبرك كيف تتصرفي من غير ما حد يحس

اعطي ابوج مبلغ صغيييييير علشان تستفزي الفطرة اللي فيه لان الانسان يميل للحصول على الافضل

اتفقي مع امك على الأمور اللي تقدر تساعد فيها مثل تخبية الفلوس

حطي في بالك شي انتي عندك قوة كبييييييييره وذكاء كبير للخروج من هذي الدارة

اعرف بنت كانت مثلك والحين حالها صار افضل لانها تعلمت تتصرف صح

​

 

[Butterfly~]

آعلامية طموحة ..
كلماتك أثرت فيني كثيــر ,, وتعاهدت مع نفسي اني فعـلاً أتغيـر ..
آخر راتب صرفته كله على نفسي ,, صدقيني رغم انها اشياء ماني بحاجتها .. بس حبيت ابين
لنفسي اني اشتغل عشان نفسي ... ما ادري ما ودي يصير تفكيري أناني ..بس جد حقي؟؟
اما بالنسبة للمهر .. كلمني زوجي وقال انه راح يبعثه على حسابي وانا ما خبرت احد بالموضوع ..
ناوية اجهز على خفيف واوفر من راتبي كمان ..

اشكركم كلكم على وقفتكم معاي
وربي يوفقكم ويحقق الي في بالكم
دمتم بود

 

[شتلة من جوري]

أول شيء مبروك عليك والله يتمم عليك بخير ..
ثانياً تأكدي إنو في أمثالك كثير .. مثل ماقالت الغالية إعلامية ..
والغاليات ماقصروا في التعليق على استشارتك ..
بس حبيت أقولك على شيء

اما بالنسبة للمهر .. كلمني زوجي وقال انه راح يبعثه على حسابي وانا ما خبرت احد بالموضوع ..

نصيحتي لك بحسااااااااااااااااااب جديد .. لأني البطاقة مع أبوك ويعرف الرقم السري .. حتى ما يتبدد مهرك وأنت بأشد الحاجة له
الله يعينك وييسر أمرك