آلام غريبة بعد الولادة !! من قد مر عليها هالألم؟؟

[سنين الضياع]

كيفكم بلقيسيات ؟؟

الحمدلله ولدت أخيرا ..<<تتذكرون موضوعي إلي كتبته قبل أسبوع وأنا حامل ؟؟
المهم ..
عندي سوالف كثيرة ودي أسألكم فيها ..
بس أهم شي ألحين ..بسألكم عن ألم يجيني في وسط ظهري يبدأمن أخر الظهر ويطلع بسرعة الين يوصل لآخر الرقبة زي المطرقة الي تظرب بسرعة وأحسها تبدأ من آخر فقرة من العامود الفقري وتنتهي الين آخر فقرة في الرقبة..وبعدها يجلس الألم في وسط ظهري يظرب بقوه ورا بعض زي النبض ..
يمكن وحده منكم تقول لي من الطلق الصناعي ..بس أنا مااعطوني طلق صناعي لأني ولدت أول طفل لي بعملية والثاني طبيعي وهذا نفس الشي ومايقدروا يعطوني صناعي عشان خطير على العملية ..
المهم هذا الالم جاني يوم ولدت المولود الثاني بس على خفيف ومرات قليلة ..
بس هذا المولود كل شوي يجيني الألم في أي لحظة ممكن يجيني ..
بالله من قد جاها هذا الألم ..
والله صرت خايفة وعندي إكتئاب وكل شوي افكر بالموت وأقارن بين آلام الموت والولادة وأحس انه مصير كل واحد يموت ..ياربي ترحم حالتي وحال كل المسلمين ..<<خرجت عن الموضوع بس أبغى أفضفض لكم ..
الله يسعد كل وحدة ترد علي ولو بدعوة ويسخرلها زوجها ويحقق أمنياتها ياااارب ..

 

[هــــدى]

الحمدلله على سلامتك ومبروك ماجاك يتربى بعز والدينه ان شاء الله


والله ماعندي خبره توني بكريه
الله يشفيك يارب هذا حقك علي الدعاء اسال الله الرحيم ان يلطف بحالك ويخفف عليك ويسهل عليك يارب
امي تقول يمكن من ابرة الظهر لان جاه نفس الالم موقعدت معها سنه كامله بعد ماولدت وبعد وحده من صديقاتي تقول نفس الكلام

​

 

[سنين الضياع]

الله يسعدك ياقمر انتي وأمك ..
حبيبتي مااعطوني إبرة الظهر ..كل شي طبيعي ولله الحمد ..بس الألم غريب وماقد سمعت وحدة اشتكت منه ..
تسلمين ياحلوة وان شاء الله ربي يحقق أمنياتك يارب..

 

[انتوا سموني]

شي طبيعي لأنك توك والده

ولاتقولين ماصار لي من قبل

كل طفل يختلف عن الثاني وكل حملة برضوا تختلف

ولاتنسين ان في كل مره تحملين فيها يضعف جسمك ويفقد الكثير من احتياجاته

علشان كذا كل طفل بيكون اتعب من اللي قبله

والبكريه غيييييييييييير لأن الجسم يكون بكامل قوته وطاقته

انا صار لي مثلك بس كنت ماأرتاح في نفاسي بحكم طفلي كان منومينه في المستشفى ورايحه جايه عليه

وصرت احس بالهوا يدخل بين فقرات ظهري

بس وش سويت ::::::::::؟؟؟؟

صرت كل يوم اشرب حليب دافي مع (( ماش )) والحمدلله ماخلصت الأربعين الا وظهري تمام

وبالنسبه للأكتئاب :

حاولي انك ماتجلسين لحالك أبد علشان ماتعطي فرصه لهذي الأفكار تعبي راسك

واتعوذي من الشيطان الرجيم / وخلي لسانك دائم في ذكر الله سبحانه

والله يحفظك من كل شر

وحاولي انك تخلين القراءن على طوووووووووووول مشغلته علشان ترتاح نفسيتك و حتى البيبي يرتاح معك​

 

[أم رامــا]

ألف ألف ألف مبرووووك والحمدلله على سلامتك ويتربى بعزك والله يحفظه لك
ماعندي خبره ياقلبي بس ريحي لاتجهدي نفسك والله يحفظك

 

[@مفاهيم الخجل@]

اذا قصدك تحسي بألام نفس الام الطلق كل فتره فهذا شي عادي بعد ثاني ولده الله يكون في عونك ويخفف عنك يارب هيه الاسابيع الأولى في النفاس بعدين تروح

 

[سنين الضياع]

الله يسعدكم بس مو زي ألم الطلق مرره مرره هذا غير غير..
هذا الألم في عظام ظهري وبطريقة غريبة كأنه مطرقة وتظرب ورابعض لفوق ..

 

[رقة القـلب]

والله ماعندي خبره ياقلبي
الله يشفيك يارب
​