معلومات راجيه الرضا
- إنضم
- 18 فبراير 2017
- المشاركات
- 14,542
- مستوى التفاعل
- 9,665
- النقاط
- 113
آخر يوم في الخلع أخييرا ولكنها معركة لا نصر فيها
انا فاكرة كويس اوي اخر يوم ف الخلع، اتصلت بيا واحدة صحبتي تقولي اخبارك ايه، قلتلها براحة نفسية وصوت مرتاح: اخييييييييرا ورقتين وخلاص الحمد لله.
بعد ما قفلت لقيت راجل جمبي ييجي حاجة وستين سنة مثلا، بصلي وقالي: يا بنتي بالراحة، بعد كام سنة من دلوقتي هتحسي بندم، ومش ندم ع الانفصال لأ، اكيد قرارك ليه اسباب قوية....لكن ندم علي الاحساس اللي انتي حساه دلوقتي، يا بنتي مفيش في الطلاق انتصار .
وقتها بصتله ولاني كنت صغيرة اوي مردتش واكتفيت اني اقوله ربنا يقدم الخير يا عمو ، ولسان حالي بيقول دا ميعرفش حاجة فطبيعي يقول كدا.
النهاردة بعد تمن تسع سنين انا فهمت الراجل قال كدا ليه... وعنده حق
الطلاق سعات كتير بيكون القرار الصح..سعات كتير بتبقي الحياه مستحيلة... سعات كتير الحياه بتبدأ بعد الخطوة دي...سعات بيبقي استقرار للاطفال رغم البعد...من الآخر سعات بيكون القرار الصح ف الوقت الصح ..... ولكن؛
مفيش ف الطلاق او الانفصال اي انتصار لأي شخص ومش مفروض يحسوا بيه، مهما كانت الاسباب او الدوافع حتي لو لازم يحصل ... مفروض متحسوش بالقوة، مفروض نحس بالاسف..
أسف إنكم مكنتوش اقوي من المشاكل..وان المشكلة ملهاش حل..والحل الوحيد الانفصال
اسف ان بغض النظر مين غلطان، البيت بيتهد
اسف ان ربنا يمكن ابتلانا ف الحياه ومقدرناش نثبت...او ابتلي احد الزوجين بسوء الخلق والعشرة
اسف ان انتي مكنتيش كافية او انت مكنتش كفايا تصلحوا اللي بيتكسر..حتي لو كل واحد عمل كل اللي ف طاقته من مجهود وبذل..
اسف ان الصبر والحلم والذكاء مكنوش داعمين لاستمرار الحياه...
اسف ان الحب راح والوعد اتكسر...
اسف ان الشيطان عرف يدخل بينكم..
اسف ان الست اللي كانت ف حضنك دلوقتي مش هتعرف تمد ايدك تسلم عليها، وان الراجل اللي كنتي واقفة جمبه بقيتي واقفة ادامه
اسف ان بعد حتة القماش اللي مكنتش بتفصل بينكم، بقي في بينكم جدار عازل ..
اه حلال ...لكن مش سهل عند ربنا، اللي ربنا سبحانه وتعالي أحلّه في الزواج هو سبب قدسيته وقوته.. لكن ربنا مبيظلمش حد ولا حتي ان حد يظلم نفسه..
الطلاق فشل لتجربة حتي لو كانت مقوماته كلها برا ايدك او ايديها...ولازم لو ربنا اداكم فرصة جديدة ف حياه جديدة تبذلوا مجهود مضاعف عشان تقيموا بيتكم صح ..وتحافظوا علي بذرة الوفاء والحب اللي ربنا رزقهالكم وترووها بما يرضي الله
ربنا مخلقش الست عشان تكون "سترونج" و "اندبندت وومن" ... ربنا خلقها عشان تكون " وومن"، يعني سكن وصبر واحتواء وتفهم ورعاية.. وعمر نجاح المنصب ولا الفلوس ما يعوض ست عن حد تشتكيله ويحسسها بالامان.... وعمر الراجل بماله وخدمه يستغني عن واحدة اخر اليوم يرجعلها..
في فرق كبير انك تاخد قرار انت مش ندمان عليه لانك بنيته علي واقع ومنطق واسباب و استخارة ،وبين انك مع كل دا حاسس بالاسف....مبنندمش علي الأشخاص لكن بنأسف علي التجربة
فلازم تؤمنوا من جواكم ان الفشل اذا كان ف تجربة، فدا مش معناه فشل ف شخصكم ... ربما تكون فشلت ف تجربة لكن كسبت نفسك.. فحاول تنجح تاني..
لكن ف الاخر الجواز ليه قدسيته والطلاق رغم وجوبه في حالات كتير الا انه فشل ويلزم الشعور بالأسف...لكنّه قدر.
#ميثاقا_غليظا
منقول
بعد ما قفلت لقيت راجل جمبي ييجي حاجة وستين سنة مثلا، بصلي وقالي: يا بنتي بالراحة، بعد كام سنة من دلوقتي هتحسي بندم، ومش ندم ع الانفصال لأ، اكيد قرارك ليه اسباب قوية....لكن ندم علي الاحساس اللي انتي حساه دلوقتي، يا بنتي مفيش في الطلاق انتصار .
وقتها بصتله ولاني كنت صغيرة اوي مردتش واكتفيت اني اقوله ربنا يقدم الخير يا عمو ، ولسان حالي بيقول دا ميعرفش حاجة فطبيعي يقول كدا.
النهاردة بعد تمن تسع سنين انا فهمت الراجل قال كدا ليه... وعنده حق
الطلاق سعات كتير بيكون القرار الصح..سعات كتير بتبقي الحياه مستحيلة... سعات كتير الحياه بتبدأ بعد الخطوة دي...سعات بيبقي استقرار للاطفال رغم البعد...من الآخر سعات بيكون القرار الصح ف الوقت الصح ..... ولكن؛
مفيش ف الطلاق او الانفصال اي انتصار لأي شخص ومش مفروض يحسوا بيه، مهما كانت الاسباب او الدوافع حتي لو لازم يحصل ... مفروض متحسوش بالقوة، مفروض نحس بالاسف..
أسف إنكم مكنتوش اقوي من المشاكل..وان المشكلة ملهاش حل..والحل الوحيد الانفصال
اسف ان بغض النظر مين غلطان، البيت بيتهد
اسف ان ربنا يمكن ابتلانا ف الحياه ومقدرناش نثبت...او ابتلي احد الزوجين بسوء الخلق والعشرة
اسف ان انتي مكنتيش كافية او انت مكنتش كفايا تصلحوا اللي بيتكسر..حتي لو كل واحد عمل كل اللي ف طاقته من مجهود وبذل..
اسف ان الصبر والحلم والذكاء مكنوش داعمين لاستمرار الحياه...
اسف ان الحب راح والوعد اتكسر...
اسف ان الشيطان عرف يدخل بينكم..
اسف ان الست اللي كانت ف حضنك دلوقتي مش هتعرف تمد ايدك تسلم عليها، وان الراجل اللي كنتي واقفة جمبه بقيتي واقفة ادامه
اسف ان بعد حتة القماش اللي مكنتش بتفصل بينكم، بقي في بينكم جدار عازل ..
اه حلال ...لكن مش سهل عند ربنا، اللي ربنا سبحانه وتعالي أحلّه في الزواج هو سبب قدسيته وقوته.. لكن ربنا مبيظلمش حد ولا حتي ان حد يظلم نفسه..
الطلاق فشل لتجربة حتي لو كانت مقوماته كلها برا ايدك او ايديها...ولازم لو ربنا اداكم فرصة جديدة ف حياه جديدة تبذلوا مجهود مضاعف عشان تقيموا بيتكم صح ..وتحافظوا علي بذرة الوفاء والحب اللي ربنا رزقهالكم وترووها بما يرضي الله
ربنا مخلقش الست عشان تكون "سترونج" و "اندبندت وومن" ... ربنا خلقها عشان تكون " وومن"، يعني سكن وصبر واحتواء وتفهم ورعاية.. وعمر نجاح المنصب ولا الفلوس ما يعوض ست عن حد تشتكيله ويحسسها بالامان.... وعمر الراجل بماله وخدمه يستغني عن واحدة اخر اليوم يرجعلها..
في فرق كبير انك تاخد قرار انت مش ندمان عليه لانك بنيته علي واقع ومنطق واسباب و استخارة ،وبين انك مع كل دا حاسس بالاسف....مبنندمش علي الأشخاص لكن بنأسف علي التجربة
فلازم تؤمنوا من جواكم ان الفشل اذا كان ف تجربة، فدا مش معناه فشل ف شخصكم ... ربما تكون فشلت ف تجربة لكن كسبت نفسك.. فحاول تنجح تاني..
لكن ف الاخر الجواز ليه قدسيته والطلاق رغم وجوبه في حالات كتير الا انه فشل ويلزم الشعور بالأسف...لكنّه قدر.
#ميثاقا_غليظا
منقول
اسم الموضوع : آخر يوم في الخلع أخييرا ولكنها معركة لا نصر فيها
|
المصدر : الزوج والزواج
