آحب زوجي ولكن؟؟؟

[آحبك ولكن؟]

السلام عليكم ورحمة الله

يااخواتي انا بتكلم عن اللي مضايقني واتمنى الاقي عندكم اللي يريحني لو بالدعاء

انا متزوجه من سنه ونص وتزوجت رجل مطلق قبلي ثلاث حريم وهو مو كبير بالسن عمره 28وعنده ولد عمره 4 سنين وانا عمري 23

طبعا بتقولون كيف وافقتي على واحد مطلق ثلاث مرات
اهلي يعرفونه ويعرفون اخلاقه وهو رجل يصلي ومايدخن ورضي في والديه ماشاء الله عليه هالاشياء اعجبتني فيه وخلتني اوافق عليه بعد الاستخاره واللجوء لله ارتحت ووافقت
لما وافقت ماكنت افكر لابحريمه اللي قبل ولابولده ماادري وش احس به؟؟

بالنسبه لزوجي هو كريم وحبوب على انه نفسيه احيانا يعصب ويزعل من لاشي بس ماعمره قصر عني بشي وحسيت منه انه يحبني ويموت فيني اذا مرضت يتضايق ويتعب
اذا طلبت شي يجيبه لي اذا زعلت صح يلطعني اسبوع بس يجي يراضيني وبهديه

بس يابنات المشكله فيني ومابدت مشكلتي الا بعد زواجنا بشهور بديت اغار من زوجاته اللي قبل صحيح انه طلقهم وماعاد يطيق طاريهم بس انا مو قادره انسى تعبت صارت حياتي كئيبه والسبب هالموضوع كل شي يسويه لي اقول سواه لقبلي حتى لما يقولي احبك اقول في نفسي كذاب قلتها لثلاث قبلي وحتى لما نكون بالفراش احيانا يجيني برود لما اتذكر انه عاشر قبلي حريم بتقولون حلال ادري حلال بس انا من كثر مااحبه اغار عليه حتى من الحريم اللي قبلي ومره صارحته بهالشي قالي وربي اني احبك واموت فيك وانتي غير عنهم كلهم انا توني تزوجت ومبسوط معاكي تكفين لاتضيقين صدري ترى اللي شفته يكفيني؟؟اذا قال هالكلام وربي ابكي وانقهر بس مو قادره هالموضوع مسيطر على تفكيري خصوصا انو تصير مواقف احيانا تذكرني حتى ولده اذا شفته اذكر امه
وحتى ولده جابه يعيش عندي وانا بالبدايه ماقلت شي بس الحين الولد مضايقني ماعاد اطيقه بس مااقدر اقول شي اجامل عشانه
لان الولد مره شقي ومن اول ماتزوجت جابه عندي

بنات انا احس اني ماعشت حياتي مثل باقي البنات من اول ماتزوجت وولده معانا حتى مااخذت حريتي معاه وزياده على كذا موضوع حريمه اللي قبل متعبني نفسيا ورب البيت اني نحفت وتغيرت بشرتي بسبب نفسيتي على انو زوجي يحاول يرضيني
بس انا نفسيتي مره تعبانه معاه

تدرون وش اقول في نفسي اقول ودي اتطلق منه عشان اخذ شاب ماتزوج قبل كذا وماعنده عيال عشان اعوض النقص اللي بداخلي
واحيان اقول اني احب زوجي ومااقدر استغني عنه بس اكره ولده وحريمه اللي قبل لاانهم كانو ملكه وبين يدينه وعاشو تفاصيل حياته؟؟

على انو زوجي يسوى عيوني بس ندمانه على زواجي منه لانو بجد اللي تتزوج مطلق وعنده عيال بتعاني مثلي

تكفون يابنات ابيكم تريحوني تقولون لي اي شي يهون علي وادعولي ان الله يسخرني لزوجي ويسخره لي ويبعد عني كل مايكدر خاطري ويضيق صدري والله ينسيني همي
​

 

[نفسي كذا]

تعوذي من الشيطان الرجيم وابعدي عنك الوساوس ولا تهدمين حياتك بيدك

 

[اه من برد الشتا]

حرام عليك الا تسوين في نفسك كذا التفكير يذبح يعن انتي تدرين من قبل مطلق وولده ماله ذنب تكرهينه اعتبريه يتيم الام الحين انتي مثل امه وهذا انتي قلتي زوجك مو مقصر لاتخربين بيتك بيدك خلاص انتي تزوجتي وبس كل هذا التفكير يتعبك ويتعب زوجك عيش حياتك انتي وافقت وتزوجت وخلاص

 

[توتونجد]

تعوذي من الشيطان

فتره وتمر

بس كرهك للولد حرام ماله مبرر

يمكن ماينفعك الاهو اذا كبر

اعتبريه يتيم واحسني اليه

زوجك لو باقي يفكر فيهم كان جاب طاريهم لك

وسواس الي فيك

 

[رفيف الورد]

الله يشرح صدرك لكل خير..

 

[انا في انتظارك]

اسعدني اني اكون اول واحده ترد عليك

ياعزيزتي الله يسخره لك ويسخرك له ويهدي سركم ويبعد عنك كل هم يارب

اول الحمدلله انك مو ع طبيه ولا باقي ع ذمته احد وانك انتي بس الي معاه في حياته بس

يا غاليتي مو ذنبه زوجك اذا ماتوفق معا الي قبلك وانت مو من حقك تعيش زوجك في قلق وتقلقي نفسك كمان في شي ماضي انتهى خليك واثقه من نفسك دايم واعرف انك الافضل ولا تحاسبيه ع شي انتهى ياعزيزتي ادعي الله ولا تفتحي لشيطان عليك باب والله الشيطان حريص يبغي لك الفرقه انتي وزوجك نصيحه عيشي حياتك وخليك واثقه من نفسك والولد الي في ذمتك اتقى الله فيه ترى ماله ذنب سبحان الله يكمن يوم من الايام ماينفعك الا هو؟؟؟ ابيك تتذكري شي واحد ان زوجك ماغلط وانه هذى شي انتهى ولا تفتحي للشيطان عليك باب تكفي وكل ماتذكرتي هذى الموضوع تعوذي من ابليس وربي موضوع مايستاهل انك تقلقي حياتك عشانه واذا زوجك مرتاح معاك هذى اكبر نعم ومعا الايام يكبر كل شي

اسفه ع الاطاله بس وربي مابي تخسرين حياتك عشان اوهااااااااام وحرام تضيع زوجك بهذى الصفات النبيه مو كل من تطلقت لك رجال باقي ماتزوج وماعنده عيال فكري زين ياختي والله يسهل امرك

ودمتي سالمه

 

[رقه الاحساس]

الله يديم الحب والموده الشيطان يلعب براسك تعوذي منه وتحصني واذا جاك الوسواس استغفري واعرفي ان الحرمه هي الي تحيي البيت او تميته تملئه سعاده او مشاكل الله لايجيب المشاكل ومستحيل تتشابه حياتك مع حيات الاولات والولد حرام ترى ماله ذنب هو مظلوم في الحياه اكثر مما تتخيلين وخاصه انه يحس فيه شي ناقصه اعتبريه يتيم لام ولا اب يمكن اذاكبر يكون احسن من ولدك الي بتجيبينه من بطنك يما ناس صار لهم كذا ياعيوني حبيه وترى موبس انتي الي كذا يمكن لو انك خذتي عازب كان يعلب من وراك ويكون العذاب اكثر الله ياحياتي الله يسعدك ويهدي سرك ويرزقك الذريه الصالحه والنيه الطيبه

 

[ارض السعادة]

يا اختي حاسه فيكي لاني عايشة بوضع قريب منك وكنت احرق اعصابي وافكر واضايق عمري مع انو زوجي يحبني وهو اللي اختارني عكس زوجاتة بس لما افكر انو الحمدلله معايا انا ومو معاهم ارتاح واقول لنفسي احمدي ربك انهم مو موجودين يعني اتخيلي ايش افضل انك عايشة معاهم وانك ماتشوفيه الامرتين بالاسبوع واتحملي ابنه يعني هو موجود معاكي بس لوحدة افضل من انه يكون هو وامه معاكي وبعدين لاتجيبين طاريهم قدام زوجك لان سيرتهم ماتجيب لك الاوجع الراس وتحسسي زوجك ان ماعندك ثقه بنفسك واحمدي ربك انو زوجك مايحبهم لان في غيرك ازواجهم يحب طليقته ويقدسها ولاتقدر الزوجة تسوي شي اتعوذي من ابليس النحيس اللي ماهمه الايخرب بيتك لانه شافك مرتاحة ومالقى الاهذا الباب عشان يدخل لك منه سكري الباب علية ولاتفتكري ان العيشة مع الشباب اللي ماعنده احد راحه مو دايم والله ماعرفت الراحه الامع زوجي هذا يمكن تلاقي شاب شايف نفسه ومتكبر ومايخاف الله فيكي الله يهدي بالك ويهدي لك زوجك وابنه حاولي تكسبيه باللعب معه والهدايا والاهتمام بمظهره وصحته وصدقيني بتلاقي الاجر عند رب العالمين.

 

[أم رزونه]

انا تزوجت زوجي ومطلق 2 قبلي صح تحسين بالغيرة منهم بس لا تخرب حياتك ...
انت الحين كل حياته مو غيرك لا تخلين ابليس بخرب عليك حياتك ...
أم ولده طفل ماله ذنب أن امه كانت زوجه له قبلك ... ولولا انه يثق فيك ما جاب ولده عندك ... لا تضيعين ثقته وححبه لك ... ونصيحة لا تفتحين موضوع زواجاته اللي قبلك له أبد لأن الموضوع هذا نار تكويه ... لا تحرقين زوجك ونفسك بالنار هذي ... ​

 

[bent abooha]

يا شاااااااااطره فتحي عقلك وانتبهي
انتي اذا تطلقتي بتصيري مطلقه وما بيأخذك الا واحد مطلق او ارمل للاغلبيه
ف كيف تقولي ودك تطلقين وتتزوجي واحد ماتزوج قبل كذا
هذي كلها وسااااااااااوس
لا تكثري على الرجال عشان ماتخسرينه مثل الي قبلك
خلج ف بالج انج زوجتتتتتتتتتتته الوحيده
وابنه اتقي الله فيه لانه ماله ذنب وانتي قبل لا تأخذيه عارفه انه عنده ولد يعني الرجال ما خبى شي

تقبلي مروري

 

[ام سوفا]

صح حبيبتي تزوج قبلک ولکن يمکن ماحبهم الي هو الحب. حب شوق ومايقدر يستغني عنهم وغلب الرجال يحب زوجته کازوجه مو کاحبيبه ولاتفرطين بانسان يحبک ومشتريک ولده ماله ذنب وانظري له کاولد حبيبي مو ولد فلانه وراح تحبينه واتمني لک من کل قلبي حياه مملؤئه بالحب

 

[الـجـوهـره]

خيتي الله يهداك شيلي من راسك حريمه تعيشي براحة

وبالنسبة لولده حله صعب
بس ربي يهداك لا تقولي اكرهه
قولي مضايقني مقيد حريتي
وان شالله حد يلاقي لك حل لوضع الولد

موفقه يارب

 

[آحبك ولكن؟]

يابنات وربي انكم ريحتوني بردودكم عسى ربي يريحكم بالجنه

هو صحيح الشيطان بس انا خايفه انو الموضوع يكون فيه حسد وعين لاانو كثير من القريبين مننا مستغربين انه ماطلقني مثل اللي قبلي وبعضهم مقهور من كلامه لانه قال لاامه وخواته انه يحبني وتوه تزوج واللي قبل مايسميهن زوجات وانه مالقى الراحه الا معاي

وربي اني مقهوره من نفسي احس اني بديت اضايقه واخلي حياته تعاسه وهو مايستاهل بس مدري وربي شي مو بيدي شي في نفسي ومو راضي يروح الغيره ذابحتني

وولده وربي اول ماجابه اني كنت حاطته بعيوني ومعاملته احسن معامله حتى انو زوجي مبسوط وكان يقول الله عوضه فيك ولو امه ماسوت اللي تسوينه حتى شغاله رفضت

بس الحين تغيرت بديت اطفش من الولد واحس انه مخرب علي حياتي مع زوجي وماني حاسه بحريتي الكامله حتى اني طلبت منه يجيب شغاله وقال ابشري

بس بحكم المشاكل اللي حاصله بتقديم العاملات ماقدر وانا مقهوره واقول في نفسي ماراح ارجع معاه لين يجيب شغااله لولده لاني الحين عند اهلي ومو معناته اني بهمل الولد بالعكس بس الولد صاير مره متعب وتعرفون شغل بيت وابي شغاله تساعدني ابي التفت لنفسي شوي من تزوجت وانا كل وقتي له ولولده ماراح امن باللي سويته بس الانسان طاقه وانا تعبت تكفووون افهمووووني
​

 

[اولادي كل حياتي]

[ـ لاحول ولاقوة الابالله الحين ماشاالله مافي بينكم اي مشاكل ولكن المشكلة فيكي انتي ??
ـ اختي حرام عليكي اللي تسويه في نفسك بتدمري حياتك بوساوس شيطان
ـ خسارة تفكري بهذه الطريقة ليه ماتفكري كيف تسعدي زوجك اكثر
ـ وبعدين كًا اهون بكثيييير لما تعرفي انه كان متزوج اما لو كان يحكيكي عن ماضيه وصديقاته اللي كان عايش معهن لما كان يدرس برا وحتى كان يعاشرهن ايش بتسوين??
ـ وتتخيلي كل حركة يعملك هي بالجنس انه عملها معاهم !!!!
ـ والله جلست4سنوات وانا اعاني من هذا الموضوع كل ماعاشرني واتخيله معاهم وفقدت الاحساس بالمتعة وتعبت نفسيا لكن وخدت اني بادمر نفسي ولجات للاستغفار وقيام الليل والدعاء وربي برد على قلبي
ـ فحكيت لك تجربتي علشان تعرفي انك اهون بكثير لانه بالحلال بس ماعليكي الا الاستغفار واتعوذي من الشيطان وعيشي حياتك واستمتعي فيها مع زوجك وصدقيه بكل كلمة يقولها لكي لاتقلبي حياتكم نكد وتخسريه على افكار مدمرة
ـ والله طعاكي/SIZE]

 

[طموح في العلا]

حبيبتي : والله من جد هذا الشيطان فتح عليك ذا الباب والمفروض تقوولي الحمدلله على ها الزوج ماشاء الله تبارك الله وأحسني لولده ماتدري ( بعيد الشر عنك ) من يربي ولدك ولا تنسي (صنائع المعروف تقي مصارع السوء)
وعلى فكرة البنات الأبكار ماهم لاقين أزواج شباب كيف الحرمة المطلقة ؟حبيبتي مجتمعنا غيررررر وفرص زواج المطلقة قليلة .
اللله يوفقك ويحفظلك زوجك ويبعد عنك الشر

 

[ام سوفا]

حبيبتي جيبي شغاله تجي وتروح اول شي تريحک من شغل البيت وتلتفتين لنفسک بس نصيحه لا تستقدمين تجلس علي قلبک اس أليني جالس علي قلبي والله يسعدک

 

[اه من برد الشتا]

الله يوفقك يااارب دير بالك على الولد شاء الله يجيب لك شغاله هو صغير فديته اهتمي في نفسك وريحي حااالك

 

[emy 2m]

انظري لايجابيات الموضوع وعيشي في جوها ولا تنظري الى جانب يسوغه الشيطان لك بانه سئ
مع انه في الحقيقه ليس بسئ بل هو واقع تعلمينه وتعايشتي معه بل وتوفقتي في ان تزرعي الحب في قلب زوجك

اما بالنسبه للولد ادعي رب العالمين اللهم دبر لي فاني لا احسن التدبير لا تدري عزيزتي ممكن ربنا يباركلك في حياتك ويبعد عنك الشر بسبب حسن تعاملك لولده

يارب يفرج عليكي همك

 

[ارض السعادة]

يااختي اخاف تجيبي الشغالة وتجيب لنفسك الهم اذا انتي مو مستحمله فكرة انه كان متزوج من قبل فكيف حتتحملي وجود حرمة غريبه في بيتك ويمكن تجي هالشغالة ماتخاف الله انا عندي تجيبي شغاله كل اسبوع تنظف وتقشع وتروح استخيري الله في سالفة الشغالة

 

[شذا القصيم]

الله يوفقك ان شاالله واكثري من الاستغفار لان هذا كله من الشيطان علشان يفرق بينكم والحمدالله انتي ملك زوجك لحالك الحين محد يشارك فيه انبسطي فيه ولاتفكرين في ماضيه راح تتعبيين ودائماً حصني نفسك وبيتك باالاذكار "