آآه حياتي بتنهدم ماني قادره أحب زووجي ...والسبب

[حلم وردي.]

السلام عليكم

صباحكم ومساءكم وورد ..

بدخل بمشكلتي ومو عارفه من اي نقطه ابدا .

متزوجه من 4شهور

اخترت زوجي بقناإاإعةةةة تامه جدآ .. وبراحه واستخاره ولله الحمد ..

وزوجي طيب وحنوون ورائع بمعنى الكلمةةة ويعشقننني ويهتم لي

ولكني للاسف بخسره بسبب نفسيتي صرت ماني قادره اجامله ..


في الملمه اندفعت عليه وحاولت احبه واهتمييت فيه وغرقققته حب .. كنت عندي مشاعر فضيييعهةة جدا وكنت افرغها فيه .. كانت مشاعر حب لشخص يعشقني واعشقه من الطفوله وماكتب الله بيننا نصييب .. وانا عارفه انها خيييييرة من رب العباد ..


فهذي المشاعر كنت افرغها بزوجي
وكأني أغصب نفسي ع حبه ..

في الملكه ممكن يكون أشغلني او حبيته مادري اختلطو هالمعنيين ..

لكني كنت مرتاحه وقتها ..

بعد الزواج ..

آاآه .. فيه عيب زوجي كرهني فيه وخلاني امووت منه .. صرت مشاعري متخبطه .. أجبر نفسي ع حبه ومجاملته وهو.غرقان ودايم يقولي انه مبسوووووط من تعاملي معاه


العيب هذا . انه غجري وهمجي نوعا ما .. وهالشي كل يووم يكرهني فيه ..

يعني حتى يسوي حركات لو بالمزح تقلل من هيبته في عيوني

والمسيكله من قبل ما اعرف زووجي وانا هذا النووع من النننناس أككككككرهه مووووت

مستعده اتحمل اي شي الا هذا ....

تعبت.حييل

وانا مابي اكتب تفاصيل تدخل في اني أسب زوجي

لكن كذا عسى الفكره وصلت ..


صرت افكر بالماضي .. وصرت ازعل من اي سبب ..
لان مشاعري خلاآص ماصارت تطلع له بصدق ..

مادري كيف اواجهه وهذي طبيعته مستحيل يغيرها

طيب كيف انا اتقبله

قبل شوي يكلمني وكان تعبان وقلت له سلامتك وكذا .
قال ياحبيبتي تخافين علي ؟ وكان فرحان .
يعني يحبنني .. بس يقتلني بشخصيتهةةة

وهالايابيع حملت منه .. وفرحت بالحمل .. لكن غصتي تزيد ..
نفسي احسه رجال له هيبه ويترك عنه الهمجيه ..


آه .. ما كل الاماني تتحقق .. الله يعين قلبي ..

والشكوى لله وبيده حل كل شي ..


ولكن بحث عن مشوره بعد الشكوى لله ..


للمعلوميه زووجي جنوبي شرقي غربي
.

 

[حياتي بناتي وبس]

الله يعينك أنت ركزي على الحلو فيه وخلي السيئ واتاقلمي معاه

 

[بلورات متناثره]

يااختي حلم وردي انت تقولي يحبك ويهتم فيك وهذا اللي تتمناه اي وحده من زوجها ياما زوجات تعمل المستحيل علشان تحس باهتمامه بها يكون فيه تواصل بينهم بالكلام بالمشاعر وفيع نقطه ابغى استفسر كيف غجري وهمجي وفي نفس الوقت يحبك ومبسوط منك معناته راح يهتم فيك شوفي يمكن المشكله نفسيتك انت لانه كل مشاعر حبك كانت لواحد ثاني وزوجك هذا ما وصلتي معه لدرجة الحب اللي عشتيها مع الاخر
صدقيني تعيشين مع واحد يحبك افضل مليون مره من واحد انت تحبينه وتعشقينه ولكن لايبادلك نفس المستوى من مشاعر الحب والموده لانه انت اللي تتعبين ساعتها وتكونين محبطه مهما سويت ماراح يعطيك الشي اللي تبغينه
المفروض تنبسطين وتعيشين حياتك وتدلعين عليه وتدللين بعد وبتكون طلباتك اوامر وش تبغين اكثر من كذا وانسي انسي الماضي ولا تقارنين لانك راح تعيشين في دوامه وتبدأ تنهدم حياتك شوي شوي لانه راح يلاحظ عليك وعلى تصرفاتك حتى لو حاولتي تخبين عيشي حياتك المفروض تقولين أنا لسى عروسه وتعيشين صح
هذا رأيي اSIZE=3][/SIZE]

 

[capationo]

اختي الحبيبة :
فكري في الأشياء الحلوة في زوجك وحببي نفسك في زوجك بهالأشياء الحلوة
ولا تركزين عالأشياء السلبية فيه ، نصيييييحه من أخت لاتتوقعي انك ستجدين رجل أفضل من زوجك كل شخص فيه عيوب واتوقع انك شمالية شرقية لذلك
لايعجبك الشخص الهمجي لكن صدقيني لن تجدي افضل من زوجك ولاتحلمي كثيرا ركزي على صفات زوجك الحلوة وتناسي السلبيات ..
الا أريد تشكيكك بس من خلال نماذج شاهدتها اقرئي عن ( فرط الحركة ونقص التركيز ) عند الكبار وقارني الأعراض اللتي تجدينها في المواضيع بزوجك
قد يكون عنده شي منها
وفقك الله وسدد خطاك

 

[والله عسل]

يا أختي أكثري من الاستغفار
ما حد كامل في هالدنيا
وكلما جاك هالتفكير في تصرفات زوجك ، شوفي نفسك هل أنت كاملة ؟؟؟؟؟؟؟؟؟؟؟؟؟؟؟!!!!!!!!!!!!!!!!

ولا تخلي الشيطان يضحك عليك وتفتحيله باب ع حاجة ممكن تتعالج

وهذا لا يمنع أنك تناقشيه بأسلوب حلو
يعني حاولي تمدحيه وتحسسيه بتقديرك له وبعدين نبهيه ع اللي مضايقنك
ولا تستخدمي كلمة ( لكن ) أو ( بس ) تراها تنسف الكلام الحلو اللي قبله
يعني قوليله ما شاء الله عليك أنت نعم الرجل وأنت حبوب وكريم الله يخليك لنا وما يحرمنا منك
وانت شخص رهيب وللأفضل انتبه لبعض تصرفاتك بعض الناس يفهموها شي وانت ع نياتك ، وأنا أدري بك فديت طيبة قلبك !!


والله يسعدك الغالية
ويبارك لك في حياتك

 

[جوجو ابوظبي]

فديتك لا تخسرين زوجك عشان سبب سخيف اهم شي طيبة قلبه وبعدين اذا خسرتيه الحق معه وربي بيعطيه وحده تحبه اماانتي راح تلقين واحدقاسي ههههههه يالله خافي وعقلي ههههههه وبعدين مع الوقت هو بيتغير انتي قولي له صارحيه ووهو بينتبه وانامعك المره بطبيعتهاتحب الرجال الهيبه حاولي تصارحيه باسلوب راح تضبط معك وربي معك

 

[الحياه وقفات]

انتي شو نمطك وهو شو نمطو اعرفي وسوف تجدين نقطة التقاء بينكم حبيبتي مادام انو بيحبك وطيب معاك انتبهي تخسرينه الطيب في هدا الزمن ينشرى بالدهب لانو نادر انتي حطي الاشياء اللي ماتعجبك بزوجك في نقاط مثلا (يتلفظ بكلام جارح لايحترم احد الخ,,,,,) والاشياء اللي بتعجبك فيه كمان في نقاط ووازنيها ايها يغلب ,,,اسردي هنا الاشياء اللي ماتعجبك فيه علشان نساعدك في كيفية التغلب عليها الله يسهل امرك