آآآه يالقهر ليش يازوجي تسوي فيني كذا

[الوفاء بنت]

السلام عليكم
بنات انا عندي مشكلة محيرتني وجابت لي الشيب والمرض
ودي افهم بس ليش الزوج يستمتع وهو يغازل وحده غير زوجته وش تعطيه من الكلام غير الي اعطيه
بصراحة مليت من خيانته لي دايم اتفاجأ بخيانته هذي خامس مرة امسكه واستغرب اول مابدى كان يكلم من الجوال والحين طلع علينا هالمسنجر بدون صوت يغازل على كيفه هذا الزين بدون ماحديدري عنه طبعآ اكتشفته بالصدفة
المشكلة يقولي خلاص انا نادمان واحبك وبتوب واحيانآ اذا طلبت منه الطلاق بكى مثل الأطفال
طيب ليش يخوني وهو يحبني ودي افهم
ليش العشرة تهون عليه
ليش مايرحمني ويرحم هالبزران الي اذا شفتهم يسألوني وشفيك تبكين تقطع قلبي
الحين انا زعلانة وهو مايقصر معي يحاول يرضيني بأي وسيلة عشان مااتركه واروح لأهلي
صار يتقرب مني ويبغى حقه الشرعي بس انا رفضت نفسيتي تعبانة وموقادرة اتحمل خصوصآ اذا ذكرت الي سواه فيني
هل علي ذنب وتوقعون لو اسامحه بيرجع ثانيه للخيانة
واخيرآ اقول حسبي الله على كل بنت فرقت بين زوجين وشتت شملهم جعلها تذوق ماذقت من خيانة
تكفون ساعدوني بأرائكم وعطوني حل
طبعآ زوجي نمطه جنوبي غربي​

 

[em gogo]

آآآآآآآآآآآآآآآآآآآآآآآآآآآآآآآآآآآآآآآآآآآآآآآآه من الجنوبي الغربي الذي يتميز بأن الخيانة تسري فيه مسار الدم في جسده.......... الله يرحمنا برحمته


ان شاء الله يفيدوكي الأخوات، بس هاي الأشكال ما خافت من رب العالمين تعتقدين راح يحسبو حساب العباد؟؟؟؟؟؟؟؟؟؟؟؟​

 

[عليا 22]

والله حاسه فيك لان صار فيني مثلك وتقولي ليش يغازل الممنوع مرغوب بس لاتحرمينه من حقه الشرعي لان الملائكه تلعنك ثانيا عشان ما يروح يدوره برا لو غازل وراح مصيره يرجع لك من له غيرك والايام قدامك ولاتتسرعين وتطلبين الطلاق عيالك اهم من كل شي وعلى قولت امي كل الرجال يغازلون وسوي اللي سويته انشاء الله ينفع انا دايم اقوم اصلي في الليل وادعيله في هذي الساعه المتاخره من الليل لان الله يكون في السماء الدنيا يجيب دعوة الداعي اذا دعا والله يوفقك ويرجع زوجك لك ويسخره لك ولعياله

 

[الم و جرح]

عزيزتي
أنا امر حاليا بنفس الظروف ..... لا تيأسي , اصبري , ان الله مع الصابرين , نصيحه لا تجعلينه يجد العذر في استكمال الغزل بصدك , حاولي اشباع رغباته , لعل وعسى يصحى ضميره ويندم .... لا تتركي بيتك , فلست الوحيده التي تمر بهذه الظروف , وتذكري أن اجرك عند الله عظيم و أن مع العسر يسرا
الله يرجع لك زوجك ويتمم عليك سعادتك

 

[حلاتي بغروري]

الله يعينج ادعيله ان الله يصرفه عن بنات الهوى ويسخره لج يارب امين

 

[ملاك هادئ]

الجنوبي الغربي خاين؟ وفي دمه ؟؟!!!!!!!

اول مره اعرف

انا كان خاني مرتين كان بيننا مشاكل لمدة اشهررررررر وبسببها خان
لكن اعتقد مو من طبعه الخيانه

يووووووووه خوفتوني لا يكون يلعب من وراي؟

 

[زينب الحورية]

الله يكون بعونك ،،
يوجد بعض الرجاال الذين يخون زوجات خلال الحديث مع فتاة اخرى
مع انه يحب زوجته و يقدرها ،، و لا يحب البنت الثاانية
الا انه لازم يلعب بذيله ،،

عزيزتي ،، طولي بالك .. و غضي النظر و راقبي زوجك من ورائه لورائه و لا تخليه يحس بشيء
و حااولي ترجعين مثل الاول ،،

 

[نبض قلبهS]

الله يعينك ويسخره لك يااااااارب
البنات باذن الله مايقصرون

 

[آحـِسآأس رآأقـي]

زوجج شكله يحب التغير

انتي يمكن انشغلتي مع اليهال وصرتي مو متفرغتله نفس قبل

بس دام قالج ندمان معاه صيري جريئه وابتكري طرق للحب مو كلام وبس ..

سوي لج مسنجر وقولي له يضيفج هو يحب البنت الي تكون متفرغتله 24 ساعه

نفس بنات النت ماعندهم شغله غير المغازل .. تخيلي انه صديقج مو ريلج يوم تروحين بيت هلج او شي كلميه عالمسن قولي له خاطري اطلع ايش رايك نلتقي بالمكان الفلاني قولي لاحد من اخوانج يوصلج المكان المقصود وجيبي معاج ورد

جددي له لاتقولين مايستاهل فالنهايه هذا رجال وهاي الي البيئه الي يحتاج لها

حتا لو تجاملينه وتقصين عليه بالكلام الحلو والتصرفات الحلوه بتمشي معاه

بس جددي له واطلعي له كل لحظه

وهو فالشغل طرشي له بوكيه ورد الحين اكثر المحلات يوصلون

وهو مع ربعه طرشي له مسج وحشتني او احبك

حتا فالسياره لو جا يركبها خلي له لو تشوكلت ورقه مكتوب فيها مثلا اكلني وذوبني بشفاتك :$:$

يعني مثلا

المهم انج اطلعي له بكل لحظه عشان اصلا مايفكر اانه باله ينشغل عنج كل مابيشرد باله تطلعين له بشي

وكلها اشيا بسيطه بس بتأثر فيه

حتا فالجوارب حطي له رسايل

في مخابي الثوب فالبوك

في كل لحظه طلعي له

وان شاء الله ينفع معاه يارب​

 

[* بريق الماس*]

النمط ماله دخل في الخيانه اللي متربي على الدين والخلق اكيد مايفكر في هذي الاشياء ولا تقولون انشغلتى عنه والله اللى الخيانه في دمه انك حتى لو شلتيه من الارض شيل انه بيخون ما اقول الاحسبنا الله ونعم الوكيل واسأل الله العظيم رب العرش العظيم ان يجعل اعمالهم تختص بهم وان يبعد عنا وعن ابنائنا وبناتنا جريرة عملهم لانهم مايفكرون الا في الغريزه الحيوانيه وما فكروا في حديث الرسول صلى الله عليه وسلم(عفو تعف نساؤكم)

 

[دلوعةزوجي]

عزيزتي الخياانه الزوجيه مشكلة العصر ولا يخلو مجتمع منها الا من رحم ربي
كان الله في عونك
لا تقولين انك مقصرة او انك السبب او او او
الزوج يوم يخون يكون نااااااااااااااقص ومحتاج ثناء ومدح
اثني عليه دايم غازليه انتي كوني له العشيقه
تدرين وش يعجبه ؟؟
هي تسولف معاه بحرية مطلقه عكسك انتي يالزوجه
هي تتغنج وتتدلع
هي تحسسه انها بدونه ضايعه وانه مو بس عشيقها لا حتى ابوها وامها
وش ناقصك ماتكونين كذا مع زوجك
وغير كذا تراها ثقيله معاه تزعل منه ولا يهمها رضاه وزعلها ما يكون بالصوت العالي لا يالذكيه
زعلها بالغنج والدلع علشان كذا يطاردون بنات الحرام
اشتغلي على نفسك وانس زوجك فترة خليه ينشغل فيك خليه يحسب لزعلك الف حساب
صلي الليل واطلبي من ربك ان يصرف قلبه عن الحرام
اقرئي سورة البقرة
وبأذن الله تتيسر امورك
فرج الله همك​

 

[متزوجه ولكن]

الله يهديهم غصب عنهم النمط ماله دور
الله يقطع ابو التقنيه الي خربت بيوتنا
كل يوم شي جديدي ضدنا ويسهل هالعلاقات
اول الماسنجر بالكمبيوتر
الحين الماسنجر بالجوال يعني وين مايروح معه خرابه
حتى وهو نايم وحاضن زوجته بيد واليد الثانيه يدردش بالجوال مع هالبنات الله يشغلهن بانفسهن

 

[الوفاء بنت]

em gogo
الله يكون في العون وشاكرة لك متابعتك
عليا22
الله يجزاك خير حاسة فيك لانك عانيتي مثلي الله يعينا على هالدنيا
وبالنسبة لزوجي سامحت وربي هو الشاهد عشان عيالي
الم وجرح
الله يبعد عنك الآلآم والجروح ويسخر لك زوجك وجزاك الله خير على نصيحتك وانا عارفه ان فيه كثير غيري يعاني الله يكون في عونك وعوني
حلاتي بغروري
جزاك الله خير وان شاء الله انه يتغير مافقدت الأمل مالي غير ربي ادعيه
ملاك هادئ
لايلعب الشك فيك خلك كذا اريح لك
زينب الحورية
اتمنى يكون كلامك صحيح رغم اني اسمع ان فيه بنات تخليه يحبها غصب عنه
وان شاء الله احاول اني انسى او بالأصح اتناسى وارجع مثل قبل
نبض قلبه
جزاك الله خير
احساس راقي
قبل ماانشغل بالعيال بعد ماتزوجنا وجبت اول عيالي كانت اول خيانة لي والحين هذي الخامسة
كلامك كله صحيح عن زوجي لأني الاحظه يحب يكلمني على المسنجر بس انا ماني فاضية انتي عارفة عندي اربعة عيال وماعندي خدامة وصعبه اني اتفرغله 24 ساعة
وشقولك بس يكفي مسؤلية هالعيال يجي الزوج مع جهه ومايبيني اقصر معه وشلون انظم حياتي اذا كان مافيه صبر ومو متعاون معي ولايتحمل مثلي المسؤلية مفكر الزواج رومانسية وبس وينسى الواحد ان عنده عيال يبون تربية
الله يعينا حنا يالحريم دايم مقصرات مهما سوينا
بريق الماس
الله يجزاك خيريالغالية كلامك عين العقل
دلوعة زوجي
الله يجزاك خير على كل كلمة قلتيها
متزوجة ولكن
جزاك الله خير يالغلا ومعك حق التقنية واصدقاءالسوء هم السبب الرئيسي وراء هذه المعاكسات​