آآآهـ ياهلي .. جننتوني

[آمال العباد]

السلام عليكم ورحمة الله وبركاته

خواتي عندك مشكلة عويصه ..

أختكم توي متقدم لي ولد جيرانا بالعيد طبعاً احنا نعرف الحريم من عائلتهم اما الرجال مانعرف عنهم شي

وتمت الشوفة الشرعيه والتحليل ولله الحمد والمنه

بس اللحين الملكة والشبكه حايسه فيها

متخلبطه وربي .. هلي اللي هم امي وابوي شوي متناقضين

يوم يحددون الملكة وباكر يردون ان الملكة تأجلت

مو مشكلة ماعندي مشاكل بها الناحيه

بس المشكلة الثانيه حبايب قلبي

امي تبي تسوي ملكة كبيييره قصر ورجة وجنان

والمعروف في عائلتنا ان هذا الشي موب عندنا

تبي تعزم ناس واجد وجيرانا وعندنا معروف انها تكون عاائليه ..

وانا اصلا مااحب كذا ولا ابي يصير كذا ..

ابوي هو اللي متكلف بالملكة زي ماهي عاداتنا

ولأن ابوي يوافقني فهي تقول تبي تسويها بفلوسها

عشان تبي توري الناس انهم بطرانين ..

والله هم بدال مايصرفون هالدراهم على ملكتي يصرفونها على انفسهم

انا من قبل لا افكر حتى بالزواج كنت احلم بالبسااااطه

ابي ملكة بسيطه زواج بسيط ماابي رجة ..

انا اعرف السعاده موب بالزواج الهصيه ولا هي بالفلوس

ابي اعمل بحديث الرسول صلى الله عليه وسلم

(اقلهن مؤونه اكثرهن بركه )÷

وغير كذا في اشياء كثييرة تصير عن ملكتي وانا آخر من يعلم

تخيلوو عرفت ان تحليلي طلع من خواتي وخالاتي وربي انقهرررت

وبعد يوم شوفتي علمت الكل بتغيير الموعد

وماقالتلي الا نفس اليوم بالصبح وعاد شوفوا النفسيه

وملكتي يوم تحددت كم من مرة اعرفها من قرايبي ..

خلونا نقول عدت وراحت

بس وش اسوي خطيبي يقول لأمي كلام كلام

وهي تقوله لي بس انا اقولها مايهمني الكلام انا يهمني الفعل

اليوم قالت هو و هو ويبي يسوي واانا اقولها كذاااب شلون تصدقين الرجال

معروف الرجال بذا الوقت يسوي نفسه مراا طبعاً ..

وهاوشتني تقول اني مااستاهله ومن ذا الكلام

والله يعطيك على قد نيتك وربي من قهررري

شلون تثق في كلامه وهو تو ماملك علي ولا صار حلالي

مدري شلون احس اني مكركبه

على فكرة انا اول بنت اتزوج لمي وبوي خواني هم المتزوجين قبلي

وباقي سنة سنتين وادش العشرين ..

وتعبت من هلي وتفكيرهم وتغيير آرءائهم

انا جريئة معهم واحاورهم لأن ماعندي خوات اكبر مني

وش اسوي ؟؟ وش اسوي ؟؟؟ وش اسوي ؟؟ ...


الله يصبرني يااارب

 

[مَ عآد بيَ حيَل]

حبيبتي حاولي تفهمين امك وش تبغين واقنعيها بوجة نظرك..
حاولي تنزلين نفسك لمستوى تفكيرها
وفهميها ان المفروض انتي وياها بس تتناقشون بامور الملكة والتجهيز

والله ماله داعي حفلة كبيره خصوصا انها ملكة مو زواج.. تسوي حفلة بسيطه احسن
وفي الزواج تسوي اللي تبغاه ..

خصوصا ان الملكة عليكم مو عليهم وماتدري يمكن لا سمح الله ماتتفقون في فتره الملكة ويحصل انفصال لا سمح الله
وسبحان الله الشي لا كان بسيط وبدون تكاليف يكون فيه بركة من الله

موفقه حبيبتي

 

[آمال العباد]

حبيبتي حاولي تفهمين امك وش تبغين واقنعيها بوجة نظرك..
حاولي تنزلين نفسك لمستوى تفكيرها
وفهميها ان المفروض انتي وياها بس تتناقشون بامور الملكة والتجهيز

والله ماله داعي حفلة كبيره خصوصا انها ملكة مو زواج.. تسوي حفلة بسيطه احسن
وفي الزواج تسوي اللي تبغاه ..

خصوصا ان الملكة عليكم مو عليهم وماتدري يمكن لا سمح الله ماتتفقون في فتره الملكة ويحصل انفصال لا سمح الله
وسبحان الله الشي لا كان بسيط وبدون تكاليف يكون فيه بركة من الله

موفقه حبيبتي

الله يوفقك بأمورك وتحليلك بأذن الله عال العال (^_^) ===) حسيت بشعورك خخخ

الله يسعدك خيتو وماقصرتي ..

انا غسلت يدي منها تعبت منها وربي

خلاص بكيفها قلتلها لو سويتي شي كبير وناس كثار

من الكوفيرا بدق على خطيبي واقوله يجي يآخذني

ولا راح اجي على القصر ..

والله يعين كل مالها تتأجل وتتعرقل الله يستر بس من عيون اللي مايخافون ربي ..

الله يكفينا شرهم يارب.

وان شاء الله كل تأخيره فيها خيره

 

[حياتي معك]

خليها تفرح فيك
وتسوي لك حفله لاصارت ولااستوت

انتي فرحتها الاولى حسي فيها

انا لما امي كانت تخطط لشبكتي كنت اشوفها تبالغ بطلباتها
لكن كنت اقول خليها تفرح ببنتها خاصة واني مثلك فرحتها الاولى

 

[حياتي معك]

معقوله تزعلين ان امك واثقه بخطيبك وتمدحه !!
بالعكس هذا يكبره بعينك ويقربه منك

وبكره رايح تشوفين لما تملكين