آآآآآآآآآآآآآآآآه ياريت تدخلو تحلو مشكلتي او تساعدوني بنصائح والله مليييييت

[نسمة 2]

السلام عليكم ورحمة الله وبركاته
يابنات والله طفففففففففففففففففففشت جاني اكتئاب من الحالة اللي انا فيها
مني عارفة كيف اتصرف ومااحوب اشكي لاحد
احاول احل المشكلة بس مني عارفة كيف حالي متدهووووووووور لابعد درجة
بقولكم المشكلة من البداية الله يخليكم اللي عندها خبرة بهيك امور تفيدني
بلييييييييييييييييز بجد محتاجتكم
مشكلة طبعا مع اهل زوجي وخصوصا امو
مرة من المرات انا وسلفتي سهرنا سواا مع بعض لين الفجر
وهيا طبعا تووها متزوجة
وجلست تحكيلي عن زوجها وكل كلامها عن زوجها طبعا هوا اخو زوجي
وبعدين جبنا سالفت عمتي بس والله ماقولنا شي غلط عنها بس اتناقشنا على مشكلة سارت وخلاص
وبعدها بشهر كلمت زوجي بالكلام اللي دار بيني وبينها هوا اللي جبرني اتكلم
ولما كلمتو راح كلم امو حتى الكلام اللي كلمتني هوا عن زوجها راح كلم امو عنو
ولعلمكم اني امنتو وقولتلو لاتتكلم
اتخيلو باللا كيف سار موقفي قدام اخوانو وسلفتي لما يسمعو هاد الكلام
يعني حطاني في موقف لا احسد عليه
وسلفتي وقتها دقت عليا ليش تتكلمي ومن هادا الكلام
وقولتلها هوا استدرجني وروحت خبرتها بكل شي عنهم من القهر مرررررررررررررة انقهرت منو
لدرجة اني احس نار في صدري ماقدرت اتنفس
ايشلو داعي يروح يتكلم لازم يعني امو تعرف كل شي استغفر الله بس
الموهم
وسارت مخاصمة بين الاخوان وبيننا مع امهم
وقولتلها احنا مااتكلمنا عنك كلو كلام عاتي
ماقولنا شي غلط ولا افترينا عليكي
الموهم
خلاصة المشكلة اني قولت خلاص بقاطعهم كولهم
وبيني وبين امو بيكون سلام فقط
والعلاقة بيني وبين زوجي متدهووووووووورة جدا كل واحد في حالو
طبعا لنا 3 شهور من بعض
مني قادرة استوعب انو خاين لهادي الدرجة
عرفت انو اي شي يروح يكلم امو حتى لو كان كلام عاتي
وانا والله كنت احبها واعتبرتها صحبتي مو امي وطول الوقت كنت عندها
بس بعد المشكلة سرت في حالي
وزوجي يجبرني اني اروحلها وانا مني قادرة
وطى راسي قدام الكل
ماعندي وجه اقابل ولا احد فيهم
ودحين الحال على ماهوا عليه
مني عارفة كيف اتصرف
وكيف اتصالح مع زوجي
وكيف اتعامل مع عمتي وسلفتي
يعني عقلي ملخبط
الله يخليكم شوفولي حل

 

[رازيا]

عزيزتي زوجك طفل صغير اسمحيلي و ما عنده ذوووق ابدا المفروض مو كل شي يروح يقوله لاهله
وبعدين ليش ينقل الكلام قوليله الفتنة اشد من القتل ما يجوز نقل الكلام ومو كل شي ينقال وجيبي له احاديث وقصص عن المشاكل اللي تصير من نقل الكلام
اسوء شي في صفات الرجل انه يروح ينقل كلام وانتي بعد مشتركة بهذا الغلط المفروض ما قلتيله ابدا ولا نقلتي الكلام اللي دار بينكم
لازم تتناقشي معاه بهدوء انه هذا الموضوع نقل الكلام يزعجك ومو من اخلاق الرجولة انه الرجل يعمل فتنة بين اخوانه وامه ونسوان اخوانه
عموما حاولي استسمحي منها واعزميهم عندك في البيت وانتبهي مرة ثانية تقولي اي شي لزوجك لانه على طول راح ينقله يعني قوليله الاشياء الرسمية بس والمهمة اللي تخص حياتك وبيتك واولادك

 

[عذاب السنين]

مرحبا أختي
أولا الغلط من زوجك لأنه نقل الكلام لأهله وهذا أكبر غلط وسبب المشاكل
ثانيا أنتي برضو غلظانه ماكان له داعي أبد تقولين له شي عن سلفتك أو أي كلام تعتبريه خاص فيك أو أهلك
لأن 99% من الأزواج يعتبرون هذا أمر طبيعي لأنه يتكلم مع أمه
مايدري أنه بكذا راح يدمر العلاقه بينك وبينهم
عموما
الحين صار اللي صار
لاتقولي باقاطعهم وماعاد بروح ووو
لا غلط
مهما كان هذي أمه يستحيل أنه يرضى عليك لو ما كانت علاقتك فيها هي بالذات طيبه
بعدين لها حق تزعل
لأنك نتي تقولي أنك قلتي لسلفتك عنها مشكله صارت و (أنتهت )
يعني المفروض ماتقوليها لها
ممكن يجي يوم تتمشكلين معها وتجيهم تقول ترى قالت وقالت
هنا أنتي وش بيكون موقفك !!!

الحل
أولا زوجك نبهيه ماعاد يكررها وأنه راح يزيد المشاكل
ثانيا أنتبهي تقولي له أي شي حتى لو ضغط عليك عالم الغيب هو!!
قولى مممافي شي
ثالثا
حاولي تعتذري من أم زوجك وأعتبريها مثل أمك لأنها كيره ولها حق الأحترام
أعزميهم يوم وصفو النيه وحلو المشكله بهدوء
صدقيني بيحبونك (ولو ) لاقدرالله صارت بينك وبين زوجك مشكله
هم اللي راح يساعدونك ويوقفون في صفك
حتى لو كنتي أنتي الغلطانه
مويقولو الطيب يغلب الطبيب !!

أتمنى أكون أفدتك
موفقه يارب
دعواتك لوالديني بالرحمة والمغفره ..​

 

[الشتاء الدافئ]

خليه يتأدب النمام وارفضي تروحين لامه وقولي مالي وجه اقابلها بسببك ..كل الناس تفضفض وتتكلم وبعض الناس تزعل من الحق ومنهم امك وانت خربت بيني وبينها وماراح اقابلها الا لما تصلح بيننا ..خليه يشتري هدايا ويعطيها ويقول من فلانه تسلم عليك ..خليه يشتري ذهب ويقولها فلانه باعت من ذهبها واشترت لك هالهديه ..ولاتقابلينها الا بعد ماتهدى نفسيتها وترضى ..خليه يدفع دم قلبه عشان يتأدب وانتي خذي درس ولا تثقين في الزوج لانه اكبر عدو اذا صار الموضوع يخص اهله ولاتثقين في السلايف ابدااا

 

[كلي تفائل معاه]

ربي يفررررررج لك يارب

 

[نسمة 2]

انا اعترف مليون مرة اني غلطت لما كلمتو
بس هوا ضغط عليا بكلام خلاني اتكلم
وبعدين هوا زوجي ستري وغطاي وبعدين انا امنتو على هادا الكلام
وللعلم المشكلة لها زمان كانت بيني وبين عمتي وقفلنا عليها ولا احد مايدري عنها
بس للأسف هيا راحت كلمت سلفتي وسلفتي كلمتني عنها
وانا وضحتلها اسباب المشكلة وانتهينا
وبالنسبة لزوجي فهمتو وقلتلو انو سبب فتنة وخرب العلاقة بيني وبين امو بعد ماكونا زي الاخوات
قام رد عليا عشان ثاني مرة ماتتكلمي مع سلفاتك ولا فشي وقال حتى لو كلموني مااسمع منهم
يعني قصدو تأديب ليا
يحسبني اني دايم اتكلم معاها عن امو اصلا هيا مرة وحدة اتكلمنا وخلاص
وكان الكلام اكترو على زوجها
انا اللي فهمتو منو انو احنا نتفق على امو وبنسوي حزب عليها
شوفو بس العقل
والله مايلقى حريم زيينا مايكفي السيطرة اللي فارضينها علينا
واحنا ساكتين نقول عشان ماعندها بنات
وبالنسبة اني اعزمهم احسها صعبة مني قادرة اواجههم كيف اعزمهم
وربي قال عني كلام ماينقال وكمان في بعض الكلام اخترعو من راسو
انا اهم شي نفسي ابغى انسى وارجع زي ماكونت
وعلاقتي فيهم بخليها رسمية
ايش رايكم كذا انا صح ولا غلط

 

[وقفه]

الله يعينك موقف محرج حطك فيه زوجك خلاص مره ثانيه توووووبه لاتقوليله ولا حاجه واستسمحي من امه قدامه وقولي انا ماسويت ولاقلت شي بس اذا بقلبك شي سامحيني والله يهدي سركم ويحنن قلبهم عليك

 

[رازيا]

عزيزتي خلاص هوني على نفسك
الايام الجاية كفيلة انها تصلح الوضع بينكم وتحل المشكلة ان شاء الله وزوجك هذا اوعي مرة ثانية تأمنيه على اي سر وخلي علاقتك فيه رسمية نوعا ما خليه يحس ويشعر بمدى معاناتك والمشكلة اللي عملها لك
يا لطيف عليهم مو كافي خياناتهم بعد ينقلون الكلام الله يهديهم هالرجال

 

[رازيا]

وكثري من الاستغفار والدعاء

 

[قاهرة الزمان]

حبيبتي الي جاي اكثرمن الي راح وعاهدي نفسك ماتقولي لزوجك شيء احسن لك من المشاكل لان زوجك ينقل الكلام والعياذ بلله

 

[مدام فلمبان]

بصراحه الاخوات كفو ووفوا
الله يهدييييه