`·.¸¸.·¯`··._.· حابة أساعدك في الديكور..... ...تفضلي هنا `·.¸¸.·¯`··._.·

[~كل الوفا~]

محتارة بركن من بيتك و حابة تغيري فيه

ساكنة بيت جديد و حابة تشطبيه

تحبي أكثر من لون مو عارفة أي واحد تختاريه

تعالي هنا و ان شاء الله نساعدك احنا المشرفات

​

 

[راحة الالم]

حولت اعدل بالرد الاول بس راح علي الوقت وانا اعدل فنزلت رد ثاني بالتعديل

السلام عليكم ورحمة الله
مشكوره غاليتي عالموضوع والمساعده جعلها الله في ميزان حسناتك
انا راح ارفق صور تخطيطيه لشقتي المتواضعه واريدك تساعديني بالاثاث المناسب ولان صالتي كبيره مررره فمحتارة كيف اثثها وخاصه ان المطبخ مفتوح عليها
طبعا انا مرقمتها بالصوره
(1) مدخل مجلس النساء
(2) موزع مغاسل ودورت مياة
(3) مدخل غرفة النوم
(4) الصاله بس مارقمتها بالصوره نسيت:blushing::blushing: وطولها 6,5 م وعرضها9م
(5) مدخل المطبخ وهو مفتوح تماما على الصاله بشكل قوس
(6) مخزن
(7) مدخل الشقه
(8_9_10) شبابيك
(11) طاولة اكل انا حطيتها هنا قدام المطبخ وبااحط قبالها دولاب لحفظ الصحون (زينه) من عند مدخل غرفة النوم
ااااهم شي الصاله كيف ارتب فيها الاثاث والمكتبه والتحف وكل شي:icon1366:للعلم لون الجدران اصفر فاتح مره ومعتق ببيج غامق والارضيه سراميك بيج فاتح وحليبي والمطبخ اورنج فاتح

ويعطيك العافيه

 

[Queen***]

أبغا أسأل عن لون الصبغات الدارج حاليا ؟؟؟

بسوي الصاله الجدار الرئيسي فلفت أو شمواه والباقي ساده وش تقترحون الألوان ...

أشكرك على ردك السابق على موضوع الأخت روح النسيم .... ألف شكر لكل المشرفات وخصوصا لك كل الوفا

 

[~كل الوفا~]

أبغا أسأل عن لون الصبغات الدارج حاليا ؟؟؟

بسوي الصاله الجدار الرئيسي فلفت أو شمواه والباقي ساده وش تقترحون الألوان ...

أنا في ردي السابق نصحتك تختاري نوع من البويتين
و بنسبة لأيهم تختاري كلهم حلوين
و الألوان تعتمد على الغرفة و ايش استخداماتها و الأثاث و الألوان إلي يحبها صاحب الغرفة​

أشكرك على ردك السابق على موضوع الأخت روح النسيم .... ألف شكر لكل المشرفات وخصوصا لك كل الوفا

العفو اختي خجلتيني
و اذا حبيت نفصل أكثر ممكن نمسك غرفة غرفة و نتكلم عنها​

 

[~كل الوفا~]

مشكوره غاليتي عالموضوع والمساعده جعلها الله في ميزان حسناتك

مشكورة و دعواتكم لي هذا إلي أتمناه

و بعدين نبغى نحدد الإستايل إلى انت تحبيه هل هو البسيط و لى المكلف؟
وبعرضلك صور على أساس تحددين و مهم يكون نفس ستايل الطاولة إلي اخترتيها
و الألوان أفضل طالما انها مفتوحه على المطبخ تأخذ من ألوانه شيء على الأقل لون واحد

طيب نبدأ بالمدخل

و طبعا راح يكون في المنطقة من مدخل البيت و حتى الجدار
بس يهمني أعرف كم لمسافة من بعد الباب و حتى توصلي للجدار

و هذي أفكار للمدخل

المداخل
و المهم هل انت تحتاجي مدخل بمراية أو بدون مراية مجرد ديكر

هذا حلو تحطي طاولة في نصف المدخل

و الفكرةجديده مو مستهلكة
و تحطي عليها شموع او فازة شوي كبيرة او تنسيق ورد

و حطي مفرش بنفس الطريقة برضه يطلع روعه




هنا ممطن تستخدمي خشب أو فازات صغيرة تثبتي فيه الخشب
و تغطيه بالقماش
و بين الفازتين تحطي مراية
أو ممكن تحكي ستارة خرز أو خيوط

و البارتشن حلو في المدخل

و الكرستال حلو في المدخل

هذا رد ليه على احدى الأخوات وطبعا بعد المقاسات بيكون هناك تفصيل


و من كلامك فهمت انك تحتاجي مكتبة كيف حجمها و هل تحتاجي معاها مكتب و لى لا؟

و كمان تحبي يكون في الاصلة جلسة و تبغيها متصلة و لى منفصلة


في انتظارك


​

 

[Queen***]

ألف شكر حبيبتي على المساعده ,,,,

بس ابيك تقترحين لي ألوان يعني جدار الصاله الرئيسي شمواه والباقي ساده ...

طيب والمداخل هل يكون نفس لون جدران الصاله الساده أو أغير لونه .... عندنا مدخلين ...

وغرفة الجلسه العائليه افكر اسوي جدار مقلم والباقي ساده وتكون جلسه عربيه وش رايك تضبط او لا ....

الصاله كبيره باحط جزء منها كنب امريكي منفصل وجزء طاولة اكل مع دولاب للأواني الزجاجيه ...

والأرضيه استقريت عالبورسلان أرقا من السيراميك واللون محتاره فيه عسلي وفيه ابيض معرق محتاره بينهم ...


هاه يا حلوه انتي شرايك ؟؟!!! والله يعينك علي

 

[راحة الالم]

يعطيك العافيه والله يجزاك الجنه
من المدخل الى نهاية الجدار( 6ونص م )تقريبا يعني ماينفع احد شي قدام المدخل لو تشوفي المخخط اللي انا رسمته يوضح كيف شكل الصاله المشكله اني جربت احط فيها كنب مقطع طلع ضايع فيها وهو مكون من3قطع كبار و4 صغار هو من النوع الملكي
مدري صراحه احترت فيها والمكتبه ايهم افضل زاويه والا عاديه ووش الدارج الان من انواع المكتبات والتلفزيون بلازما وبدون مكتب
شوفي انا للان فاضيه الصاله يعني بالعربي اريدك تبدعي فيها على ذوقك يالغاليه

 

[~كل الوفا~]

ألف شكر حبيبتي على المساعده ,,,,

بس ابيك تقترحين لي ألوان يعني جدار الصاله الرئيسي شمواه والباقي ساده ...

طيب والمداخل هل يكون نفس لون جدران الصاله الساده أو أغير لونه .... عندنا مدخلين ...

شوفي بنسبه ليه ما أحب كثر الألوان و حلو تخلي المداخل و الصالة نفس الألوان​

وغرفة الجلسه العائليه افكر اسوي جدار مقلم والباقي ساده وتكون جلسه عربيه وش رايك تضبط او لا ....

تضبط ان شاء الله​

الصاله كبيره باحط جزء منها كنب امريكي منفصل وجزء طاولة اكل مع دولاب للأواني الزجاجيه ...

حاولي يكن الإستايل واحد​

والأرضيه استقريت عالبورسلان أرقا من السيراميك واللون محتاره فيه عسلي وفيه ابيض معرق محتاره بينهم ...

أنا يعجبني الأبيض المعرق بس على حسب لون أثاثك​

هاه يا حلوه انتي شرايك ؟؟!!! والله يعينك علي

خذي راحتك و ما عليك
بنسبة للألوان

أنصحك في المداخل و الصلاة بالألوان
البيجيات و الأوف و ايت
لان زي ما فهمت بيتك جديد و ما أثثتية و هذي الألوان تنفع معاها اغلب قطع الأثاث
و حتى لو غيرتي الأثاث ما تطري تغيري البوية
و تعطيكي فخامه و تنفع مع أغلب الإستايلز حقت الأثاث

​

 

[~كل الوفا~]

كوين انا بحثت عن البوية الشمواه بس ما عجبتني
و بصرحة الفلفيت أفضل منها بألف مره​

 

[~كل الوفا~]

راحة اللألم

أبغى المقاسات للأسهم الحمراء لكل منطقة على حده

​

 

[راحة الالم]

حبيبتي كيف اقسم الصاله مثل الاسهم يعني كذا من كيفي واقيس انا اعرف مقاساتها الاجماليه بس قدرت اقيس اللي يمين المدخل الى الجدار2,5م بس اعطيني طريقه وبقيسهم لك ياقلبي والله يعينك بجد الله يوفقك بتفرجي علي كربه لاني مو عارفه اعمل ولاشي فيها وزوجي يقول انت اخترعي ترتيب وانا بس انفذ يقول مخي فاضي وانا افضى منه

 

[&كتكوته&]

انا عندي جزء صغير في البيت ابغى اسوي خزين بس مو عارفه بيش اقفلو با زبط ابغى يكون مقفل بطريقه حلوه
ممكن تساعديني ؟؟؟؟؟؟؟؟؟؟؟؟

 

[mmna]

الف شكررررررررررررررررررررررررررررررررررر

 

[~كل الوفا~]

أبغى منك مقاسات الأسهم بالأرقام التالية
​

(1)المقاس من الجدار إلى الشباك
(2)مقاس الشباك
(3)من الشباك حتى الجدر
(4)من الخط الأخضر إلى الركن
يعني أبغى المقاس من باب المدخل إلى الركن
(5)من الخط الأخضر حتى الركن المشار إليه بالسهم
(6)من الركن إلى باب المجلس
(7)من طرف باب المجلس إلى طرف باب غرف النوم
يعني مقاسات الأبواب +المساحات بين كل بابين

​

 

[~كل الوفا~]

انا عندي جزء صغير في البيت ابغى اسوي خزين بس مو عارفه بيش اقفلو با زبط ابغى يكون مقفل بطريقه حلوه
ممكن تساعديني ؟؟؟؟؟؟؟؟؟؟؟؟

يعتمد على شكل الركن هذا و في أي غرفة بيكون
و ياليت لو فيه صورة


بإنتظارك
​

 

[راحة الالم]

هلا وغلا والله لايضيع تعبك

(1)المقاس من الجدار إلى الشباك 2م و15سم

(2)مقاس الشباك 1م و15سم​

​

(3)من الشباك حتى الجدار 3,5م​

​

4)من الخط الأخضر إلى الركن4م​

(5)من الخط الأخضر حتى الركن المشار إليه بالسهم 4.5م​

(6)من الركن إلى باب المجلس 4م​

​

(7)من طرف باب المجلس إلى طرف باب غرف النوم 4,15 ​

​

مقاسات الأبواب​

1م
​

مدخل المغاسل 1,15سم

المساحات بين كل بابين 50سم​

والله يجزاك جنة الفردوس

​

​

​

 

[وردة مضيئه]

حبيبتي ودي استشيرك .... انا قربت ولادتي وماني حاطة سرير لي في غرفة الضيوف ....بس ابغى احط مفرش على نفس الكنب........... بس محتارة بالموديل لاني ابفصل تفصيل.........
ياليييييييت تفيديني لاني ماادري اسوي مفرش حقيقي ولابس قطع مثلثة ومخدات..............
ارجوك تردي علي بسرعة...........الله يوفقك

 

[~كل الوفا~]

راحة الالم

طيب خلينا نبدأ في المنطقة إلي جنب المدخل

و أبعادها 2.5 ×2.15


و راح تنفع معاها الأفكار إلي ذكرتها قبل

تحطي على بعد 2 م أو 2.5م
من الباب طاولة

و تجيبي عليها مفرش مثل إلى بالصورة و خليها دائرية






تحطي عليها في النص فازات طويلة أو بوكية
مثل أفكار مداخل لقاعات عرفتيها؟؟\

و تحطي فيها حلاوه بولو و لبان

و على طول يمينك و انت داخلة البيت تحطي الفازات

خلي المسافة بين الإثنين متر مثلا و حطيهم في نصف الجدار تماما

و في النص الخيار لك تحطي مرايا أو تحطي ستارة خرز مجرد ديكور

أو ممكن تعملي على الجدار بين الفازتين حركات مثل هذي
بالفصوص

و ثاني شيئ الجلسة راح نخليها كنب ناعم في موديله فخم في قماشة
و بيكون قدام المدخل على طول و بأبعاد 4×4.5
و هي بمقاس غرفة صغيرة
يعني أبدا الكنب ما راح يضيع فيها



شوفي هذا الكنب بكل تفاصيلة الموديل +القماش الفخم+حركة الطاولات الخلفية و هذي الحركة بتسويها على الكنب إلى ظهره ناحية مدخل المجالس

وهنا عجبني موديل الستارة ناعم و فخم في نفس الوقت

طيب نأخذ بريك
وأنتظر اجابتك على سؤالي هل تحبي يكون في الصالة مكتب متكامل و لى بس مكتبة كتب؟
و بإنتظار تعليقاتك
​

 

[كلمة حلوة]

أفكر إني أغير قماش جلسة الصالة هي موديلها عااااادي جدًا مثل موديلات إيكيا ..

لكن محتارة باللون أبغى شي حلو ويتحمل وجود الأطفال وكثرة الاستخدام والجدار عندي لون بيج المكتبة والأرفف خشبي فاتح
مشكووووووووووووورين

 

[~كل الوفا~]

حبيبتي ودي استشيرك .... انا قربت ولادتي وماني حاطة سرير لي في غرفة الضيوف ....بس ابغى احط مفرش على نفس الكنب........... بس محتارة بالموديل لاني ابفصل تفصيل.........
ياليييييييت تفيديني لاني ماادري اسوي مفرش حقيقي ولابس قطع مثلثة ومخدات..............
ارجوك تردي علي بسرعة...........الله يوفقك

أنا من راي ان المفرش ما بيطلع حلو على الكنب

الأحلى تحطي السرير إلي يجيك بدون أطراف
كأنه كنبه و تغطيه بمفرش و على الجدار توقفي الخداديات و تسير شكلة كأنه كنبة

و مره تطلع حلوه
أنا طبقتها في ولادتي

و ان شاء الله يعجبك رأي و أي سؤال أنا حاظرة

​