ستر الحب ... ولا الوضوح ...؟؟؟؟ أي نووع يعجبكم ..!

[البشوووشه]

مرحباااااا حبيباااااتي ...

جيتكم ومعاي موضوع شغل بالي شوي ...

هو يخص الريايييل ,, والرومانسيه المنسيه عندهم ,,!!! :shutup:


بحط لكم مقارنه بين نوعين من الحب ,,, وياليت تشاركوني بآرائكم .. والإسلووب إلي تحبووونه ..

الوضع الأووول ...

تحبين زوجج وهو يحبج واااايد.. طبعه إنه يهتم بكلام الناس ’’ ومايبيين حبه ...
يعني ...
لما تقعدوون بالصاله ولا المجلس وحواليكم ناس ’’ يكون بعيد عنج ...
ولو كنتي تشوفيه ’’ وهو يدري إج مشتاقه لشوفته لا غير ’’ يقول لج .. شبلااااج تشوفيني ؟ :crazy:
حبكم يكوون مخشوووش بينكم ...
مايوضح هالشي ’’’
في السياره لو بتلمسين يده ’’’ يقول لج .. لااااا مب هنيييي عيب ’’ شيلي يدج ... :no:
في المطعم لو حبيتي تأكلينه لقمه .. تمدين له يدج .. ويردها ’’ يقولوول لج .. شفييييج عييييب لا تأكليني الناس عيونهم علينا ... :surrender:
تتمشين معاه في مجمع ولا أي مكان عاد .. وتمسكين يده ... يقول لج .. شفيييج ؟؟؟ هديينييي عن هالحركات ... مب شيييي الناس يشوفووون ....
لدرجة إن إلي حواليكم مايعرفوون الحب إلي بينكم أبــــــــــــــد ... ولا يتخيلوونه ..

اما بالبيت .. وبينج وبينه بس ...
يبيج تسوين له كل شي لأنه يحبج .. يعني يقوول لج ... أكليني .. لبسيني ثيابي ,, إمسكي يدي ,, لميني دلعيني ... عاااااجي يعني .. :cupidarrow:

تحبيييييييين هالنوووع .... !!!!





"" "" "" "" "" "" "" "" "" ""

ولا النوووع الثاني ... إلي هووو ...


يحبج جدااااام الناس ,, يمسك يدج بالأماكن العامه .. :blush-anim-cl:
يأكلج بالمطعم ,, وإنتي تأكلينه ’’’
يتغزززل فيج جدام العالم .. وجدام أهله يقوووول لج كلام حلو ومعسوووول .. يمكن مايقوله بينكم وبين بعض .. :nosweat:
يعني هالنوووع مبين عند كل الناس إنه يمووووووت فييييج ..
حب وااااااضح .. حب مفضووووح .. مبين من حركاته وإسلوبه جدام الكل ,,,


يعجبج ؟؟؟؟




اي نووووع تحبينه ....!! :in_love:




كل نوع له ميزه ’’’ إنتوا شرايكم ...!!

 

[نواره99]

والله انا يعجبني النوع الاول
خبرج الحسد هالايام والعين حدث ولا حرج
بس طبعا مو اني اشوفه وانا مشتاقه يقولي اشفيج ايش تبين خخخخخخخخخ
بس احس انه يكون بيني وبينه احسن يعني كلام الحب والغزل يكون بيني بينه اما عن مسكه اليد في السياره بعد عادي لان بيني ووبينه
وفي المطعم الصراحه مو حلوه ياكلني وكل واحد وعاداته والثقل زين:msn-wink:
بس ماقلتي لنا انتي اي نوع تفضلين

 

[حياتي؟؟]

:blushing:تبين الصرررررررررررررراحه النوع الاول .... لان الرجل الثقيل افضل بكثير من الخفيف وهذا الرجل اذا حب حب من قلبه ......يعني اهم شي يحبني ويحترمني وحاطني فوق راسه في البيت وماهو لازم الحركات امام الناس لانها تولد الغيرة للفتيات الغير متزوجات ولازم نراعي مشاعرهم الى غير ذلك من الحسد وتعرفين كلام الحريم فلان يحب زوجته حب جنوني يليتني مكانها ........... لاااااااااااااا ياقلبي خلينا بعدين عن اعين الناس والحب الحقيقي الذي يكون داخل الاعماق ......:smoke1:

.لكن النوع الثاني اعتقد اغلب الحريم يفضلونه :icon31:

 

[البشوووشه]

هههههههه الله يهنيييييج يارب ’’’


ممممم انا ... مااااااااااادرررررررييييي ... محتاااااااره ,,, أبيه يعبر بالفعل ’’’’ ^_^


يسلموووو عالرد ياحلوووه والله يوفقج مع زوجج يالغلاااا ...


إلي بعدوووو ... !

 

[البشوووشه]

الله يهنييييييج حبيبتي ... حياتي ؟؟


الله يبعدنا وياكم عن الحسد والعين يارب ’’’



يسلمووووو عالرد يالغلااااااا ..



إلي بعدووووووووووو ....!

 

[مضيعتني طيبتي]

هلا والله...


صرااحه النوع الاول افضله .....الحسد اللهم ياكااافي

والنوع الثاني ابيه...اذا زعلني ..وابييه يسوي عند الي يكرهووني..<<يعني الحقودااات ^.^

اممممممم..

وبس...

يسلموووا بشوشه الله يهنينا جميعااااا فيهم..

 

[تعلمت الغرام]

شنو ما فى وسط يا ابييييييض يا اسووووود:busted_red: ما ادرى حيرتينى انا افضل الثانى مع بعض التعديلات وخصوصا قدام الاهل اكيد راح استحى بس مو يزودها ويبعد عنى طول الوقت:questionmark:

يسلمو حبيبتى على الموضوع الحلو...

 

[العيون الدعية]

انا الصراحه عجبني الاول بس مب لهاي الدرجه عاد

وااايد متشدد من الحركات مثلا في السيارة منو عندنا مااحد عادي امسك ايده وبس


مشكورة اختي بشوشه ان شاء الله دوووم بشوشه مب يوم

الله يهنينا ويهنج وخوتي اجمعين عند ريايلهم بعد


بالتوفيق تقبلي مروري

 

[solaf-mn]

اكيد فى البيت احسن وتحسين مو مصطنع من القلب 000 تسلمين حبيبتى000

 

[احساس يتيم]

قلبتي المواجع يابشووووووووشة ...................
زوجي حتى مايقعد جنبي عند احد كاننا متهاوشين................
اتمنى يبين حبه لي عند اهله بس............حتى يسوووولي قيمة................

 

[مناير الروح]

افضل النوع الأول اذا كان مو مقصر معي في البيت ماني محتاجه لهالشئ قدام العالم

 

[مرتاحة أحبك]

حلوووووووووو ها الموضوع اللي يرزقنا​

بالنسبه لي أنا طمااعة ​

أبي التعبير برا البيت وداخله

مرتاااااحةأحبك :icon26:​

 

[tota-tears]

النوع الاول هو المنتشر و النوع الثاني هو المرغوب على اغلب ظني

 

[ماهمني]

بش بش:icon1366:قلبيتي الموااااااااجع ياوخيتي..
:tears:واللي تقولك ماعنده لاالاول ولا الثاااااااااني..
بس لو بختار الثاني اكيد ...وماراح اخاف من الحسد لاني بقرا وردي قبل اطلع:icon1366:
يسلمووو بشبوشه علا هيك موضووووع ...

 

[همس الحواس]

انا احب النوع الاول بس افضل لو نحن بروحنا يكون جريء ولا تراني بموت ....ككككككككك

الحمدلله على كل حال انا زوجي من النوع الاول وهو جدي شوي واااايد يستحي لو احد صاد حركاته..

مسكين مره كنت متعدله بطريقه ملفته وجان يطالعنني وصادت اخته عيونه وهو يطالعني وجان ينحرج ويقولي انتي شو مسويه بويهج .....!!!!!!

انا فهمت انها صادته ...وقلت له شو حلو حلو صح.... جان يبتسم وطالع تحت يحليله قفط مسكين.​

 

[دلوعة مملكتنا]

هههه همس الحوا س
حلو الموقف قلبها عليج ههههههه


البشوشة انا افضل الثاني قبل

وكنت متولعة بهالشي بس حاليا خلاص عقلت خخخخخ كنت وايد رومنسية وللحيني بس خبيتها للسفر او اللحظات السبيشاليشن

اما النوع الاول كثري منه عاد مجبرا اخاك لابطل غصبا عنا

ما يحب يسوي برع

بس جدام خواتي واهلي عادي يقعد حذاي ويرفع لي حواجبه بعد هههههههههههاااااااااي


يعني معجب خخخخخخخخخ


بالحالتين لي جيه و جيه



تختلف معاي

 

[تكن]

انا زوجى من النوع الاول وانا احب كذا لانا مو ناقصين عيون حاره الله يبعدها عنا امين ياااااااارب

 

[فاطمه 111]

خير الأمور الوسط يعني ابي النوع الأول بينا :cupidarrow: والثاني عشان ابط شبد الي مايحبوني :bleh:

 

[marwah]

النوع الأول عشان ما نخدش حياء الناس
ونحن مسلمين ولنا عاداتنا الإسلامية ..
وللحفاظ على الذوق العام في الأماكن العامة..

وشكرا على الطرح اختي الفاضلة.

 

[أم حموودي]

انا افضل الثااااااااااااني


خلي كل العالم تدري انه يحبني يعشقني يموت فيني

وش علي دام انه زوجي وابو عيااااااااالي

ليه عشاق المسلسلات مايستحوووووووون وهم حرام في حرام ...!!

ليه نظل نكبت الحب بييننا وكل العالم تدري اننا زوجين وكل زوجين طبيعي الحب بينهم ..!

ليه اكره مسكه ايده وهي الأمان لي ..

وليه اكره تغزله فيني وهي مثل الماااي يروي الضما في كل لحظه ..

اما سالفه العين ...

دام اني اقرا الاذكار الحمدالله ماراح يصيدني شئ بإذن الله عزوجل