ساعديني يادكتوره الله يخليك ؟
الى الدكتوره ناعمه الهاشمي اتمنى ان تساعديني في مشكلتي انا يادكتوره متزوجه لي ست سنوات اول زواجي كنت انا وزوجي نبرمج الدش وطلعت قنوات اباحيه وغيرها زوجي بسرعه عرفت انه يوجد قنوات اوروبيه تكلمت معه عن خطر هذي القنوات ولمحت لعل وعسى يشيلها ولا شالها رحت لبيت اهلي ازورهم وتاخر ما جاني الا الساعه اربع الفجر المهم دخلت البيت فتحت التلفزيون ابحط كرتون لبنتي وطلعت لي قناة اباحيه واجهته وقلت انت ما تدري عن خطر هذي القنوات وشلون تتاخر ماتجي تاخذني عشان تطالع القنوات هذي ولا شالها كان دايم يعتدي علي بالضرب عشان اطلع وازعل عند اهلي ويجلس في البيت آخر شي صرت ما اطلع وصار يتمادى علي بالضرب آخر مره كنا مسافرين مبسوطين وآخر يوم ضربني في الشارع وشال غطاتي رجعت من جده على بيت اهلي وقطعت اي علاقه بيني وبينه ودخلت رجال بعد اسبوعين جا وتفاهم مع اخواني وقابلته وجلس يقول انا احبك ومن الكلام هذا وقلت له يشيل القنوات هذي شالها يوم الجمعه يوم جا يوم الاحد رحت انظف شنطة السيارة ولقيت تحت الفرشه فلم رحت شغلته لقيته فلم اباحي مدته ثلاث ساعات خليته يشتغل وواجهته قالي اني متفق مع صديقي معطيني اياه عشان تعرفين اني اقدر اجيب الاشياء هذي وتثقين فيني طبعا انا ما هضمت الموضوع لان لوكلامه صحيح كان ما غباه في الكفر وجلس يضحك ويقول انت مسينكه انقهرت ما تقدرين تسوين شي ولبس وطلع لاصدقاه وبالنسبه لطبيعته من النوع الي يشوف ويدورني عشان يمارس الجنس ودايم يقول انك ما تثقين فيني وشخصيته يحب التكشخ ويناظر الحريم اذا طلعنا واذا شاف وحده تتقرب له ما يصدق ويتهمني اني اغار عليه واشك فيه ودايم يحاول اني ما البس خواتم ويفسخها من ايدي ولايحب احط مناكير وتستري مع انه عارف زين اني ملتزمه واختم القرآن واحافظ على الصلاة وهو يصلي في البيت ولا يصلي الجمعه اله يجزاك خير يا دكتوره ساعديني بالي تقدرين عليه لان عندي ثلاث بنات ولا ابغا ينهدم بيتي ؟
اسم الموضوع : ساعديني يادكتوره الله يخليك ؟
|
المصدر : الأستشارات الزوجية العامة
