ساعدوني في مشكلتي قبل مايرد زوجي الخميس

[مريم الزعابي]

السلام عليكم غالياتي مشكلتي باني زوجي صار له جم يوم ما يكلمني ولايرد على مسجاتي والسالفه:

بان زوجي يسكن في العاصمه بحكم شغلة وانا وعيالي في امارة ثانية ومسؤولية البيت كلها على راسي

من جم يوم صار شوط في البيت واتصلت فيه يطرش لي الكهربائي واتصل فيه وبالفعل وصل الكهربائي

وكان الشوط في الطابق الأرضي فقلت للخادمه تتابع الموضوع ويا الكهربائي واذا يبغي شي تقولي

المهم وصلوا عيالي من المدرسة وغديتهم ويلست اذاكر لليهال وسارت الخدامه تتغدى ويا الثانية وقالت له اذا يبغي شي يكلمها في المطبخ

وكنت احس بانه حد يمشي على الدرج كنت اسمع صوت ملابس تتحرك وكل ما اطالع عند الدرج ما اشوف حد وفجأة انتبهت بان حد يطالعنا فتوقعت الخادمه الثانيه لأنها بطيئة وهادية وما اشوف الا والكهربائي في الطابق الثاني لا احم ولادستور (على قولت المصريين) وخفت ومسكت التيلفون ومن شافني ماسكه التيلفون الا ويشرد الريال واتصلت بزوجي أخبره بالموقف وهوكان في الشغل وتعرفون شو رد علي يوم عرف السالفه:
"والله مب عارف كيف ارضيج انتي ما يعجبج اي شي اسويه لج"
طبعا انا انصدمت وقلت له مع السلامه وسكرت وزقرت البشاكير علشان يطردونه من البيت وطردته واللي حارني موقف ريلي اتصل ومارديت من الحرة
ومااتصل فيني لين المغرب ومارديت لاني ارقد اليهال وهو يعرف باني مشغوله في هالوقت
اتصل الساعه تسع وقالي ليش مارديتي علي المغرب فقلت له اني كنت مشغوله قالي مشغوله زين خلج لشغلج وسكر التيلفون ولليوم لايتصل ولايرد على مسجاتي
وانا ميته حرة ومب عارفه شو اسوي والله تعب وحالتي حاله ورقاد مب قادرة ارقد
لأنه مافكر يسألني ولاخاف علي وعلى عياله من هالكهربائي
ارجوكم نصايحكم قبل مايرد باجر من الدوام

 

[salmaa]

اهدي والحمدلله موقف الكهربا عدي علي خير
يمكن زوجك في البدايه ما استوعب الموقف فرده كان غريب غضبان من كثره اتصالاتك اللي غرضها طلبات
شوفي انت زوجك بوصلته ايه وعامليه بها حتي لا تتوهي
وهونيها ان شاء الله خير

 

[القلب المفتوح]

والله إذا كان زوجك من كثر أشغاله ما فهم اتصالك حاولي تعذريه ويمكن كان عنده بالشغل ألف مشكلة وما جمع يوم قلتي له عن الكهربائي أو قصده يبين لك انه ما يقدر يجي والمفروض انك اتصلت على أحد يكون أقرب لموقع بيتكم وايش الفايدة من اتصالك فيه وانت قادره على طرده
وأنا ودي أعرف كيف كنتي تكلمينه لما اتصلت عليه يعني معصبه عليه وتقوليله نعال يالله واللا بينتي له خوفك
ويمكن لما زعل عليك لما ما رديتي لأنه خاف يكون صار لكم شيء
المهم أول طريق لازم تلجئي له الدعاء ان الله يهديه ويرده لكم
وممكن لما يجي خليك مقفلة كل المداخلعشان يحس بخوفك بعدين ضميه بقوة وبيني له انك كنتي خايفة بدون ما تتكلفي في المكياج وزينة البيت (( يعني وحدة نعومة وخايفة مو معقول تكون بزينة من إلى ))

 

[مريم الزعابي]

شكرا غالياتي طمنتوني الله يطمنكم دنيا واخرة
شكرا على ردكم اللي يبرد الصدر

 

[مريم الزعابي]

بس بعد هذا ما يخليه مايتصل ولايردعلى مسجاتي

 

[حنونه وايد]

حبيبتي أكيد كان مظغوط وايد من الشغل...بكره خلي الأجواء حلوة ومريحه في البيت جهزي له اكل لذيييييذ وحمام داااافي وملابس مبخرةومعطرة واستقبااااااال حلو وحميم ...وجلسة مساااااج ولا تفتحين أي موضوع يزعجه واذاهو جاب سيرةالموضوع قولي له سوء تفاهم وأنسى الموضوع..والله يسعك ويوفقك يارب.

 

[لمار القمر]

عزيزتي أولاً : حاولي تنسي الموضوع وتقدري بعده عنكم واتصالك الاخير ما كان له داعي شغلتيله باله وأقلقتيه عليكم بس شكله مايبين خوفه عليكم
ثانياً : حاولي لا تضغطي عليه في مشاكل البيت انتي اتصرفي لوحدك
ثالثاً : لما يجي دلعيه واهتمي فيه اكثر من دائما

 

[sokar]

حبيبتي بسالك سؤال..
ليه تنقهرين وتزعلين زتتضايقين وانتي ماغلطتي ولا زعلتيه المفرووض اهو الي ينقهر ويزعل لانه ماكان جمبك بهالوقت ولانه ما رد عليك برد مناسب لما كلمتيه
بردي اعصاااابك وخليك انتي همه مو اهو همك اتمنى انك فهمتيني

 

[مريم الزعابي]

حبيبتي أكيد كان مظغوط وايد من الشغل...بكره خلي الأجواء حلوة ومريحه في البيت جهزي له اكل لذيييييذ وحمام داااافي وملابس مبخرةومعطرة واستقبااااااال حلو وحميم ...وجلسة مساااااج ولا تفتحين أي موضوع يزعجه واذاهو جاب سيرةالموضوع قولي له سوء تفاهم وأنسى الموضوع..والله يسعك ويوفقك يارب.

تصدقين هذا كان آخر شي كنت بسويه له شوفي العصبية طرشت اليهال اليوم بيت أهله وقلت لأمه سويله عشا لأنه بيتعشى عندكم
وانا في بيتي
:blush-anim-cl:

 

[مريم الزعابي]

عزيزتي أولاً : حاولي تنسي الموضوع وتقدري بعده عنكم واتصالك الاخير ما كان له داعي شغلتيله باله وأقلقتيه عليكم بس شكله مايبين خوفه عليكم
ثانياً : حاولي لا تضغطي عليه في مشاكل البيت انتي اتصرفي لوحدك
ثالثاً : لما يجي دلعيه واهتمي فيه اكثر من دائما

شكرا غاليتي على الرد الطيب:cupidarrow:

 

[مريم الزعابي]

حبيبتي بسالك سؤال..
ليه تنقهرين وتزعلين زتتضايقين وانتي ماغلطتي ولا زعلتيه المفرووض اهو الي ينقهر ويزعل لانه ماكان جمبك بهالوقت ولانه ما رد عليك برد مناسب لما كلمتيه
بردي اعصاااابك وخليك انتي همه مو اهو همك اتمنى انك فهمتيني

شكرا الغالية وتصدقين فهمت عليج أعتقد بانج مثل شخصيتي وشكرا حبيبتي على الرد المميز:blow:

 

[جمال أسباني]

مريم ،أخاف أنت بالبداية قلتيله تعال ماتدري عن بيتك و رد عليك بهالأسلوب ؟

 

[مريم الزعابي]

مريم ،أخاف أنت بالبداية قلتيله تعال ماتدري عن بيتك و رد عليك بهالأسلوب ؟

الغالية كل اللي قلته له بان الكهربائي صعد عندي للطابق الثاني وكنت محرجه ورد هو برده وتميت ساكته وسكرالتيلفون