حيرانة بين اهل زوجي واختيييييييييييييييييي

[ضوء البدر]

بصراحة حابة اخذ من وقتشن شوي ​

مالقيت احد يسمعلي الا اخواتي اللى في منتدى
شورن علي شنو اسوي انا بين:no: نارين ومتوهقة :nosweat:ماعندي حيلة ماقدر افكر :sadwalk:ولا اجمع افكاري
معليش طولت عليشن يا بنات الحلال سلفتي هي قبل 19 سنة تزوجت من ولد عمي وسكنت مع اهل زوجي في غرفة بالطابق الثاني المهم والحمدالله حمواتي احبهنوعمتي ام زوجي مثل امي ومافية مشاكل وانا مشهودلي بالاحترام والمحبة ومسالمه جداااا ودايما معاهم على الحلوة والمرة بعد ولحين ساكنة في شقة بس اجيهم فب العطلات الاسبوعية والسنوية على طول
وقبل 8سنوات تزوجت اختي من اخ زوجي وعاش معها احلى ايامه وبعد فترة بدات المشاكل تنهمر واختي
ماتقولي عن المشاكل التي بينهم المهم
وقبل 8اشهرمن الان تم طلاق اختي واخذ اطفالها منها وذهبت الى اهلي في كويت وانا في الرياض واطفلها عند عمتي تعتني بهم ولا تريد مني اي مساعدة والمشكلة هي ان اخو زوجي سيتزوج بعد فترة وملك على واحدة وما خبروني في الملكة الى قبل ساعة :icon28: من الملكة وقلت معليش يمكن مايبوني اتاثر وانا معلي منه لان اختي هي الغلطانة وهي ماحفضت على حياتها الزوجيه :icon1366:ولان ابيكم تفولولي اذهب الى عرس طليق اختي ولا مااروح لان بعض الحريم يقوليلي لاتروحين :sadwalk:وانا بين نفسي اقول اروح ليش مااروح عشان خاطر عمتي................... بس شنو يقلون الناس بقلون احضرت على زواج طليق اختها لو مااروح بصير مشكلة بيني وبين حمواتي وعمتي انا في غنى عنها وبعد اختي من وراي بتقول احضرت عرسة وبصراحة هذي اختي غالية علي مادري شنو اسوي تكفون ابي فزعتش


ابيييييييييييشن تنورني الطريق الصحيح



ارجوووووووووووووووووشن


معليش طولت عليكم :icon26:

 

[هند بنت عتبة]

والله يا اختي مادري شقولج بس انا اشوف ان اختج اهم وحرام انج تكسرين خاطرها وتحضرين العرس واتوقع حتى زوجج ما بيلومج اذا ما سرتي العرس ...

 

[همس الرحيل]

الله يعينك


من رأيي عادي لو تروحين بس خليك مره رسميه

والأحسن أنك تعلمين اختك قولي ملك وشايله هم الزواج أروح ولا لا

أكيد هي بتقولك روحي ماراح تمانع ولو كانت في قلبها ماتبيك تروحين

بس بكذا أرضيتي الطرفين

عمتك 00لأنك رحتي معهم

وأختك لأنك شاورتيها وأخذتي برايها



وموفقه

 

[ذكريات الطفوله]

مدري والله احنا عندنا عادي لو احضر زواج طليق اختي
مافيها شي بس اذا ماتبينها تزعل صارحيها قولي لازم اروح عشان مايزعل زوجي وعشان مايقولون الناس مقهوره عشانه طلق اختها وتزوج ثانيه...
وقولي آمين الله يرزق اختك بالزوج الصالح اللي يقدرها ويعرف قيمتها

 

[دلوعة عبدالرحمن]

انا من رايي انك تشاورين اختك .. واذا حسيتي انه اختك بترفض قولي لها انه زوجك بيزعل عليك وبتصير مشكلة بينك وبينه اذا ما رحتي ...حتى لو بالكذب
لانك بكذا بتحافظين على بيتك.. واختك على كلامك هي اللي وصلت نفسها للطلاق ..وغير هذا لو ما رحتي الناس راح تتكلم عنك وعن اختك وانكم مقهورين لزواجه ...
اكسبي زوجك واهله الطلاق حصل وما فيه شي ممكن يرجع اللي صار

 

[nice ** heart]

شوفي اختك جسي نبضها يعني تاخذ على خاطرها منك ولا لأ والأهم ترى اختك مو عمتك

 

[ام سمسمه]

انا من رايي انك تروحي عشان تحافظي على حياتك والي صارخلاص انتهى وكان من الماضي وترى محد بينفعك اذا صارت مشاكل بينك وبين اهل زوجك ولا راح تجي اختك تحلها وانتي قلتي ان اختك هي الغلطانه مو الرجال واحسن حل انك تستخيري ربك والله يقدملك الخير يارب

 

[نراجس]

انا كمان مع الاخوات ..
روحي وكوني رسميه وما تطولي كثير بالعرس احسن وكمان عطي اختك خبر ما فيها شي
والله يوفقها ويوفقك ان شا الله :msn-wink:.​

 

[متابعه بصمت]

بالله حطومكانكم مكان اختاها ولاتنسون انه بعدماخذاعيالها مهما كان اختك ولازم بالعكس تبينين حبك لاختك قدامهم مهم كان الوحده لما تزوج مومعناه اهم شي زوجك واهله بالعكس سوي توازن بينهم اجلسي مع زوجك وانقلي مشاعرك بتفهم عني شخصيا ماقدر اتحمل اتحمل وتذكراختي لماكانت زوجته في نفس المكان واللي يمدح ويقارن بالاولى صراحه بتعب نفسيا لوقلتي عمتك خالتك هذي اختك الله يكتب الخير لك

 

[CANCRO]

والله يا قلبي انا اقول تروحين..
صحيح اختك غالية بس ما تدرين لومارحتي وش بيخبي المستقبل
ام زوجك واخواته حبوبات معك، يمكن بكرة لا سمح الله اي مشكلة صغيرة بينكم
يكبر بسبب موضوع انك مارحتي لزواج ولدهم، خصوصاً ان العروس الجديدة انتي ما تعرفين مويتها، اخلاقها واطباعها.
وغير كذا لا تنسين انك لو حضرتي بتحضرين زواج ابو اولاد اختك وعم عيالك..
ومع ذلك استخيري والله يكتب لك الخير

 

[ضوء البدر]

مشكورات اخواتي بصراحة ريحتوني بالردوود اللى من قلوبشن والله يعطيشن العافية ويرزقشن الفردوس العليا امين يارب العالمين مشكووووورات

 

[همس النديم]

اتصلي بأختك واسأليها يمكن ماتمانع لانه اصبح طليق مهو زوج لها ..

وحافظي انتي على حياتج لان اعرف اخوات صار لهم مثل اختج .. وحطو قهرهم بأختها ..

 

[حبيبت رشيد1]

اهلين اختي الله يفرج همك ويرزق اختك با الازوج الصالح
اذا خفتي انك تجرحين اختك في الروحه للزواج وتبين الناس
ماتتكلم خلاص اتفقي انتي وزوجك على انك تروحين لاهلك
تجلسين فتره وترجعين لبيتك والله يكون في عونك

 

[ran4]

هم عزموك؟
واذا اختك هي الي طالبه الطلاق ،طبيعي بيتزوج غيرها يعني راح يبقى كل عمره بدون زواج؟

وهي الله يعوضها خير؟
على الاقل روحي ومثل ماقالوا خليك رسميه ولاترقصين ولاشيء.

حافظي على بيتك وشاوري زوجك قبل.

 

[أسلاك شائكة]

طيب مو هو أصلا ولد عمك كمان ؟؟

 

[دندونه المجنونه]

والله اعرف وحده حضرت زواج طليقها ويصير ولد خالتها وتزوج بعد اربع شهور واو ثلاثه من طلاقهم وحضرت زواجه ورقصت بعد بصرااحه كانت محط نظرات الناس وكلهم يتفرجون عليها يعني حركتها مره مالها داعي

<<<مالها دخل بالموضوع بس ذكرت السالفه وقلت بكتبها

انا اقول رووحي وعادي مو اختك هي السبب وهي اللي ماتبيه خلاص انتي مالك دخل قولي لاختك


انا قلت لزوجي مابي اروح وزعل علي وانا ما دري وش اسوي شرايك انتي ؟ بتقولك روحي

وانتهت السالفه ولا ترقصين بالزواج ولا تجلسين مكشره بعد
عادي سولفي واضحكي مع اللي معك ع الطاوله وما كأنه كان زوج اختك بيوم والله يعوض اختك بأحسن منه