اشوفك على خـــــــــــــــــــير
أشوفك على خير:bye1: :bye1:
لاصرت بايعني أشوفك على خير
مع السلامه دام مابه سلامه
قلت انتهينا ؟ قلت لك : خير ياطير
ماني بأول شخص يخسر غرامه
محذرك من قبلها ألف تحذير
لاعفتني بيعيف قلبي هيامه
مانيب ميت لا ولا أحتاج تبرير
صح الله لسانك ووفر كلامه
بأسمعك حبكه وفكره وتصوير
وأفهم عدل يامدعي بالفهامه
وجه الشعر ابيض ويحتاج تغيير
ودي تزين هالقصيده علامه
ماضيك الأسود بأذكره دون تقصير
كذا يكون بخد هالشعر شامه
يصدق معي تعبير ويخون تعبير
ياضيعة الشاعر بوقت انسجامه
يمكن خطأ ادونك بالشعر مير
لو ماحترمتك ...للغرام احترامه
مكان حبك غير ... بس طعنتك غير:icon28: :icon28:
علمتني معنى الندم والندامه
ماجاك مني أي زله وتقصير
كل ما اخطيت اعاتبك بابتسامه
حسبي على الذكرى اذا هبت عصير
ماعاد تنفع شرهتي والملامه
البال ظامي وقتها والحزن بير
والهم انا اول من كسبت اهتمامه
والليل فازع لك كذا جاني مغير
ظلمتني واكثر ظلمني ظلامه
لا اقبل علي اوحيت صوت المسايير:in_love: :in_love:
وفزيت كل ضيف اقوم بمقامه
وليا عزم هالليل ضيقه وتفكير
قلي بربك كيف ياقدر انامه
مافيه داعي للعتب والمعاذير
الغدر خال الجرح واطيب عمامه
اما يجيب الله مطر ... تالي وخير:sadwalk: :sadwalk:
والا السلامه (مااااش) ما من سلامه
-- منقول ورائع --
اسم الموضوع : اشوفك على خـــــــــــــــــــير
|
المصدر : الشعر
