اخواتي الله يسعدكم ساعدوا صديقتي لاني تعبت منها ؟؟؟؟؟؟؟؟؟؟؟؟؟

[غلا الكويت]

في البداية احب ابدأ معكم بقصة وضحى ولو بقول لكم القصة راح تقولون ان مسلسل الفريه مقتبس من هالقصة لكن الظروف تختلف مع فارق بسيط

وضحى تزوجت من قرابة 25سنه وتحب زوجها بطريقة غريبة على الرغم من فارق السن الكبير اللي بيني وبينها الا انها تستعين فيني في حل مشاكلها والمشكله الكبرى في نظري هي حبها المبالغ فيه لزوجها محمد ( على فكره الاسماء وهمية ) بعد الزوج عاشت ايام كلها عسل على الرغم من صعوبة اهله وكرههم لها لكنها حاولت بشتى الطرق ان تكسبهم لكن ماقدرت وعاشت في بيت اهله ما يقارب 16سنه كلها كدر في كدر لم ترزق وضحى في بداية حياته باولاد كانت تولدهم في السابع وبعد كم يوم يموتون وكان عدد اولادها اللي ماتوا خمس بعد الولاده و2 اجهاض في الخامس وقعدت حوالي 10 سنوات عانت المر بدون اولاد واذكر ان كانوا يسمونها اهل زوجها ( ام رحم خايس او عفن ) وقعدت تدعي ربها وتتوسل ان يرزقها لحد ما رزقت ببنت وكانت مو مصدقه لكن هالانسانه احس الفرح مو مكتوب لها بالكامل تزوج محمد عليها وبمباركة من اهله ( على فكره محمد انسان كلش مو سوي لانه يشرب خمر وراعي حريم يعني مغازلجي ) تصدقون السالفه لها اكثر من 15سنه الا انها مو راضيه تنساها الي اليوم كانت تسولف قصتها ان يوم ليلة زوجته الثانية كانت تختلق الاعذار في بنتك او غيرها ولكن بعد مدة قام زوجها طلق الثاني ورجع لوضحى لان بصراحة محد يتحمل بلاويه الا هي وبعد بتها جابت 2اولاد و3بنات وتستمر المأساة الرجل مازال فاسد حتى بعد ما تزوج ولده وبنته ويخيلق المشاكل بشيء وبدون شي ء ويخرج في الايام ويدورون عليه ما يلقونه يدقون عليه تليفون ما يرد واخر السالفه بعد الصبر هذا كله ان زوجت ولده لقت بالصدفه في جيب محمد ابو زوجها منديل فيه روج احمر ساعتها تمنت وضحى الارض تنفتح وتبلعبها انا نفسي تعبت اقولها خليه وحتى امها وخواتها قبل يقولون لها اطلبي الطلاق كانت ترفض بشدة وكل ما اقولها خلي يولي اهتمي باولادك وبيتك تقول ما اقدر تحبه برايكم شنو الحل معها

 

[ملكة الرووح]

الله يصبرها تبعد وتهتم بنفسها واولادها ابرك لها والله محد ينفعها