أكيف أثبت ذاتي أكثر؟؟

احصائياتى
الردود
7
المشاهدات
1K

حب رومانس

New member
معلومات حب رومانس
إنضم
9 يوليو 2008
المشاركات
387
مستوى التفاعل
4
النقاط
0
الإقامة
الجزيرةالعربية
الموقع الالكتروني
www.blqees.com
أكيف أثبت ذاتي أكثر؟؟
بسم الله الرحمن الرحيم

السلام عليكم ورحمة الله وبركاته

أنا متزوجة لي ست سنوات ولدي 3 من الأولاد والحمد لله

باختصار شديد للمشكلة وهي ليست بالمشكلة الكبيرة لكني أخاف ان تصبح كبيرة جدا بحيث أني لا أستطيع

حلها ولا أريد أن أصبح كبقية النساء هناك فجوة بينهن وبين أزواجهن بسبب عدم التواصل والتحاور

مشكلتي أني لا أستطيع أن أفهم زوجي ما أريد منه من الناحية مثلا " تربية الأطفال " أحس أنه "لا يفهمني " والمشكلة أن هالكلمة معقدته كثير وما يحب يسمعها لدرجة أنه يطلع من البيت وما يعرف وين يروح

سأقول لكن بكل بساطة على آخر مشكلة حصلت فأحسست فيها أن الأمر تفاقم وأن ليس بيدي أي حل أقدمه فكل ما لدي قدمته

جاء أبني الكبير 3 سنوات ونص بعد أن جلس من النوم وطلب مني أفتح التلفزيزن " وبحكم أننا في شقة صغيرة التلفزيون كان في غرفة الأطفال " فقلت له : أنتظر أختك تجلس من النوم وبعدين نشغله" ولدي متعود كل يوم على هالحركه فخلاص يسمع كلامي ولا يكرر طلبه يظل يلعب الى أن تجلس أخته ويجي يطلب مرة ثانية "

المهم كان أبوه واقف يتكلم معي ومن طبع عيالي إذا رفضت لهم طلبهم على طول يظلون يحنون على راس أبوهم علشان يوافق " لأنه يوافق أحيانا وهو مايدري "
فقال لي أبوه روحي شغليه له فأنا طالعته بنظره تعبر عن عدم الرضى وأنا غصبن علي طالعته كذا وهو هنا استاء مني مرة وقال لي ليه هالنظره شفيها لشغلتي له هي لمتى بتظل نايمه

على أني في أكثر من موقف مبينه لها أني إذا قلت لهم لا أكيد لسبب مو من فراغ وأنه لا يقولهم أي ويوافق على طلبهم كأنه يقول لهم أي شي أمكم مش راضيه عنه تعالوا قولوا لي وأنا بسخليها تسويه لكم أو أنا بسويه لكم

تعبت من هالمسأله تعب مو طبيعي

قمت أتفاهم وياه بكل هدوء وكان زعلان مرة ويقول وافقيني ولو بالكذب لا تنكدين علي ريحيني أنا أسوي لهم هالشي علشان أفتك من حنتهم
مع اني مفهمته أنهم يحنون علشانهم متأكدين أنه راح يلبي طلبهم وهذا اللي ما أبيه

المهم جوهر المشكلة أنه زعل مني ولا كلمني وأرسل رسالة طويله جدا وأول مرة وكان جوالي مفصول استقبال بس ما كنت أقدر أرد عليه

المهم ما أذكر من الرسالة بمعناها أنه طفش من هالحاله وأنه كان إذا ضاق من بيت أهله يرجع للمنطقة اللي يشتغل فيها حتى لو كان توه جايهم " رغم أن المنطقة بعيده "

فقال لي إذا أنت ضايقتيني اسألي نفسك وين بروح

قال خلاص أن بعيش حياتي بالطريقة اللي تعجبني وافهميها زي ما تبين ما يهمني

بصراحة يا استشارية أنا ضاق خلقي وحسيت أني ضايعة ومو عارفة شسوي وبكيت بقهر لأني كل مرة أحاول أفهمه أحسه ما يفهمني وإذا قلت مو فاهمني يتضايق مني حيل

معليش أدري أني ثقلت بس أنا ما عندي أحد وأنا من النوع اللي لايمكن أعلم أحد بأي شي بحياتي حتى لو أقرب المقربين أمي تحس فيني أحيانا إذا كنت عندهم بمنطقتهم أني متضايقة وتسألني وأقول لها لا والله مافيني شي بس أنا كأني سمكة إذا طولت عن بيتي أموت ولا أحب أضايقكم ومن هالكلام

والله أن نفسيتي تعبت كثير خاصة بعد حملي بولدي الثالث وانجابي له لدرجة أني تقريبا 4 مرات جاتني حالة خفت أنها تصير دايم فيني

حالة صرت أضحك وأصيح فيها في نفس الوقت وأخاف على نفسي منها

بس ما عندي أحد وزوجي إلى الآن ما قلت له عن الحالة

طبعا أنا قبل كنت أقول له أني أبي أدخل تجميل كان حلم حياتي بس أبوي ما كان راضي يدخلني كان عنده نظره
ويوم تزوجت عقدت الأمل بزوجي بعد الله كنت أشوف منه تشجيع بكل شي يحب المرأة الطموحة بس للأسف ما سمح لي

وحاولت لين تعبت بعدين صارت علينا ديون تهد جبل وخلته بعالم ثاني بسبب ما تعرض له من خيانات " تخص العمل "من أخوه ومن العامل اللي بمحله وغيره

فصار يقول بعدين إذا صار عندي خليتك تدخلين كلش ولا خاطرك أنا كم " ريحانه عندي" هذا اسمي التمويهي وهذا الأسم هو كان مألف لي قصيده جميلة جدا وملحنه من أيام الملكة ولا زال حافظها ويقولها لي كل فترة

المهم بعد ما جبت 3 عيال زاد وزني وطلع لي كرش بس هو يهون علي الأمر ويقول لي ما فيك زي الحريم كبير مرة أقول له مو لازم يصير كبير علشان أهتم بشكلي أنت مو شايف أنه ما فيه شي يناسبني زي أول

يقول ي أنا عاجبني وأتحدىىىىىىىىىىى " مو عاجبه متأكده

لأنه مرة قال واحنا نطالع التلفزيزن شلون يخلون بطونهم لازقة بظهورهم

هنا عرفت أنه ملاحظ ولا عاجبه بس يقص علي

أنا طلبت منه كم مرة أنه يدخلني مركز رياضي بس أسعارهم خياليه صراحة

وكل مرة ألبس شي يضيق خلقي جدا لدرجة أني أقعد مهمومة طول اليوم وهو لاحظ وسألني وقلت له أني والله تعبانه نفسيا من جسمي

وقعدت أصيح لأني ما تحملت أبي ألبس وأنا واثقة من نفسي ابي البس مو بس له ابي البس لي

يوم أني بنت كنت ألبس لنفسي ما يهمني أحد

يوم شافني منهاره قال خلاص أول ما استلم هالشهر راح أدخلك بس لا يضيق خلقك فرحت وصدقت بكل حسن نيه لككككككننننننننننننننننن

ما دريت أنه ضاق ويوم جاء الأجار وغيره من المتطلبات ما قدر وكنت أحسب انه قادر وانتظرت وكنت في بيت أهلي وقلت له استفسرت عن المستوصف وكل يوم يقول بكرة لين رجعت وقلت له وقال جيبي التلفون وكلمنا وطلع غالي

بعد فترة صارت مشكلة وقام وعايرني وهواشني كثيررررررر وأنا مصدومة حدي لأنه قام يقول لي انا وين وأنت تفكيرج وين .... قاعده ماده بوزك علشان أدخلك رياضة وأنا مديون مو عارف شلون أسدد والا شلون اوفر كلم وأنا مقصر على نفسي لأجلكم و و و و و و و

المشكلة أنه الحين يطلع يوميا من بعد صلاة العشاء م صديقة " جري" ليش يا بو الشباب " والله علشان تروح الكرش لا تكبر زيادة:icon1366: تعبت ما أدري شرد مع أنه ما شاء الله عليه جسمه يجنن يلفت أنظار حتى الرجاجيل وكل اللي يشوفونه يقولون له جسمك رياضي

شلون أخليه يدخلني مو عارفه

والله أدري رسالتي طويله بس ماعمري شكيت الا لرب العالمين

أما عن شخصية زوجي فهو طيب لأقصى حد ما تتصورين شلون طيبته ولا يحب يكسر خاطر أحد إذا طلب شي خاصة عياله" بحكم أنه كان محروم يوم أنه صغير لما يشوف الأولاد في المدرسة عندهم فسحة وهو فسحته ما تكفي الا لسندويشة بس مع أن أبوه قادر" كان يحقق لي كل أتمناه ويفرح لشاف السعادة على وجهي وأنا من النوع اللي أشكره كثير وأبين فرحي باللي جابه

صدقيني أشكره حتى إذا اشبعني بالفراش

طيب طيب طيب بس لزعل ما أدري شلون أرضيه وإذا زعلت ما ألقى من يراضيني الا نادر جدا جدا جدا جدا جدا جدا

وهو عارف حتى أنه إذا تزاعلنا أحيانا وراضيته برساله

يرد يقول أتمنى يكون من قلبك مش علشان " هو أصلا ما راح يعتذر فأعتذر انا وأنهي الموضوع "

وهو يدري أني في أغلب الأحيان أعتذر علشان ما نتعب نفسيا لأنه يتشتت ولا يقدر ينام عدل ويشتتني معه

فما الحل ؟؟؟

كلام كثير بس طولت والله أبي أحل شلون أحقق ذاتي وأحقق اللي أبيه

ما اخفيك أنا الآن حققت مشروع واحد بس وهو من البيت بما أنه ما راح يضطر يوصلني

" وعندي بخصوص الصديقات والزيارات " وبخصوص نظرتي بالمقارنه معه ومقارنتي نفسي بنفسه بعدين اقوله

نسيت أقول ان زوجي يحبني مرة وانا بعد بس خايفه هالحب يتلاشى بسبب ظروف مرتي علي وعبر فيها عن مشاعر ما كنت يوم من الأيام متصورة انه ينطق فيها ضدي
 

ام اصيل ’

New member
معلومات ام اصيل ’
إنضم
3 يوليو 2008
المشاركات
10
مستوى التفاعل
0
النقاط
0
حبوبتي انا اقدر افيدك بموضع النادي ليش ماتجيبين الة المشي السير اتوقع سعرها 1000ريال سعودي وسوي تمارين يعني اذازوجك ماعنده مقدر انتي خلي عندك اصرار وسوي رياضتك بالبيت وبعدتجيبين زنجبيل طازج وكمون ونعناع وشاي اخضر وتغلينهم وتحطينهم بترمس الشاي واشربيهم قبل الاكل بنص ساعه ترا رهيبه بتخلصك من الدهون والكرش وبس والبنات بفيدوكي اكثر وبالتوفيق انشالله
 

qwe

New member
معلومات qwe
إنضم
24 يوليو 2007
المشاركات
16
مستوى التفاعل
0
النقاط
0
الله يعييييييييييييييييييييينج
 

حب رومانس

New member
معلومات حب رومانس
إنضم
9 يوليو 2008
المشاركات
387
مستوى التفاعل
4
النقاط
0
الإقامة
الجزيرةالعربية
الموقع الالكتروني
www.blqees.com
عندي آلة مشي بالبيت من زمان وحاولت أني أداوم عليها وما قدرت وإذا الصراحة مافيه أحد معك يشجعك وتشجعينه ماراح تقدرين

حتى هو أعترف لي يوم قام يجري يوميا قال الصراحة الآله ماتنفع إذا مافيه مكان شرح تركض فيه والا ما تنفع

قلت له شفت وتلومني أني تركتها
 
معلومات الطير المجروح
إنضم
28 مايو 2008
المشاركات
84
مستوى التفاعل
1
النقاط
0
حبيبتي الرياضة ما بدها تشجيع قد ما بدها إرادة
وعدنا مثل بيقول إللي بدو الدح ما يقول أح
بعدين خليه يقول لازقة بطونهم في ظهورهم
الحين هو ما عنده عيوب بجسمه وين العضلات وكمان الرياييل إللي يلعبون حديد بطونهم لازقة بظهورهم
حبيبتي طنشيه ولاتخلي يأثر على نفسيتك ولاتقارنيه بأحد لأنه بعض الرياييل إذا مش كلهم عقولهم ضغيرة لا تقولي شوف فلان كيف بطنه أو أ و أو
لا تعطيه أهمية من ناحية هذه النقطة
بعدين يا بنت الحلال زوجك طيب وهذه يا بنات نعمة من الله في بعضكم مب مقدرها خصوصي بهذا الزمن الوسخ إللي عايشين فيه
تناقشي مع زوجك مرة ومرتين وثلاثة بالهدوء إنه إللي تقوليه للأولاد خليه يمشي وإذا راحوله علشان يبنفذلهم الطلب إللي انت رفضتيه قوليله يعودهم انه إللي تقوله ماما تردو عليه إذا قالت لأ يعني لأ وإتبعي أسلوب الحزم مش الدلع
 

دلوعه جمال

New member
معلومات دلوعه جمال
إنضم
8 أبريل 2008
المشاركات
33
مستوى التفاعل
0
النقاط
0
الإقامة
حضن ريلي
حبيبتي ليش كل الهم والحزن عشان نادي رياضي انتي لو مصره انج تنزلين وزنج وتخفين الكرش عندج عده طرق وانتي في البيت بدون نادي ولا انج تتركين عيالج في البيت ساعتين او اكثر مثلا تقدرين تشترين شريط فيديو في شرح ومع تطبيق للرياضه الايروبيك الصراحه جنان وتسوين في نفس الوقت ريجيم ..............واذا عندج في البيت سلم تقدرين تطلعين وتنزيلين لمده عشر دقايق وانتي شافطه بطنج للداخل وصدقيني هاي الطريقه جدا سريعه للتخلص من الوزن وللكرش عن تجربه وتكفيك عن مشي ساعه كامله ...........واذا تحبين الرقص الشرقي ارقصي بينج وبين نفسج والله مفيده بس بشرط لمده ساعه وهاي الطريقه تخصرج وتناسق جسمج ............
يعني الغاليه لا تكدرين على ريلج عشان النادي انتي عندج عدة طرق بس انتي الله يهداج تتعلثين بهاي الحجه

الله المستعان
 

تحيه للعلم

New member
معلومات تحيه للعلم
إنضم
29 مارس 2008
المشاركات
473
مستوى التفاعل
0
النقاط
0
ياحب ويادلع خلج قد النك وكلج حب ودلع باين عليج عصبيه شوي وكل شي بالهدووووووووووء يتم

لا يكون الرفق في شيء الا زانه ومانزع من شيء الا شاانه زوجج حبوب وطيوب والحمدلله العيال

حولينج تذكري انج بنعمه لا تخلين الشييييطان يجد طريق الى نفسج من خلال اموور قد تكون في نهاية

المطاف تافهه أو ممكن حلهاا الأمر بسيط جداً حاولي اولاً اذا ياج ولدج وقال ابي تليفزيون وانتي عارفه

ان اخته نايمه قولي له بقولها لك مررره وحده انطر لحد ماتقوم اختك ولو كررتها علي وقعدت تحن مافي

تليفزيون وحاولي تشغلينه بأي شي الأطفال يحبون اللعب بالماي حط لي ماي وشووووية صابون وعطيه

فوطه قولي له خذ امسح لي هالطوفه الطوفه=الجدار هههههههه لحد ماتقعد البنت وعقبها افتحي لهم

التليفزيون استخدمي اساليب الكيد والشطاره والفهلوه :msn-wink: اما سالفة الكرش فصدقيني مايبيلها

كل هالنكد تحبين نفسج جب ودلع؟؟؟؟؟؟؟

جاوبي بنعم راح تشوفين الاصرار والتحدي والاراده لأنج حبيتي نفسج اذا تبينها تصير دايما احلى

واحلى واحلى اتركي العشا نامي خفيفه وادخلي بالمنتدى هني قسم الجمال والرشاااااقه هناك الكثير من ا

الخلطات والمشروبات اللي تساعدج على هالموضوع هدي اللعب شوي ياحب ودلع انتي اللي يايبه

حق نفسج التعب والضغط نفسي انتي اللي مو عارفه تتعاملين لا تخسرين زوجج خلج يمه ساعديه

لا تثقلين عليه بالطلبات اذا شفتيه مطلوب ادعي له ان الله يفرجها عليه واكثري من الاستغفار وادعي

ربج وان شاءالله الامور بتتيسر لج يبي لج جلسة هدووء مع نفسج حاولي تعدلين منها والله يوفقج يارب

وعلمينا على مايجد بحياتج من سعاده باذن الله:bye1:​
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه