معلومات Noufshamri
- إنضم
- 4 مايو 2020
- المشاركات
- 1,036
- مستوى التفاعل
- 1,141
- النقاط
- 113
الشارع قصة قصيره
علقوا بالأزمة هي و زوجها...
فجأة كانت طبيعية بعدها صارت تتطلع على الشارع و ساندة راسها على الشباك ما حكت ولا كلمة...
هو شايفها و ساكت، مبتسم....
اتطلعت فيه فجأة...
- ليش مبتسم بالله!
- سامعة الأغنية؟ ما زكرتك بإشي؟
هي متل كإنه بالون معبى مي و حدا غزه بدبوس...
- سامعة! أنا اللي سامعة! حقك تبتسم على تصرفاتك و إحساسك اللي مات من سنين...لازم تطفيها و تشغل أغنية حزينة عن عديمين الاحساس...
- أوف أوف هههههه شو مالك! شو حكيت أنا...أنا مبسوط ورايق....أنا عديم إحساس هههههه ولك حرام عليكي...شو أكتر من الحب اللي بحبك ياه! شو أكتر من كلام الغزل اللي بجيبه من الشرق و الغرب ولك أنا اشتريت كتاب 1000 رسالة حب و حفظتهم عشان أضل بس أشوفك أعرف أحكي مشاعري اللي بتتخربط لليوم بس تضحكيلي...
هي تقريبا طارت الزعلة منها بس لسا بتعطيها على تقل شوي...صارت تقاوم الابتسامة...
- اه بس ما تنكر إنك تغيرت!
- يا حبيبتي أوكي أنا تغيرت بس بشو؟
- إنت حيوان عفكرة!
انصدم جوزها...
- شو!
- لالا مش إلك إوعك على يسارك هداك تبع السيارة الحمرا...كان رح يخبط فينا...
- اه اوكي....هههههههه طيب بشو أنا تغيرت عشان انتبه أمانة احكيلي و ما تخليني أتحزر لإني رح أعطيكي 200 احتمال...بس مبدأيا ما نسيت لا عيدك ولا عيد زواجنا و لا ذكرى خطبتنا ولا أي مناسبة الحمدلله...و كلهم جبت فيهم هدايا...
- ولا شي من اللي حكيته....في شي غيرك من جوا...هدول أي زوج بعملهم..الطبيعي تبع أي زلمة...
- يا الله! معقول أنا كل هاد؟ طب شو الشي الغلط! المشكلة إني كل يوم من 12 سنة بصحى بحبك أكتر و إنتي بتعرفي هالشي..كل يوم بصحى بلاقيكي جمبي بحمدالله على نعمة وجودك بحياتي....بتعرفي؟ لو ترجع الدنيا و نرجع عشرين سنة رح انبسط حتى أجي أطلبك أبكر...انتي لليوم ما بتعرفي اديه بحبك....زيدي عليهم عشرتنا الحلوة و ضحكتك....عيونك ما ببدلهم بكنوز الدنيا و إنتي أكتر وحدة بتعرفي إحساسي تجاهك...
-كل اللي حكيته شعور متبادل... رح أحكيلك غلطك بس عشان أثبتلك إنك مقصر...
- الله يستر...
- زمان كنا لما نمر بهاد الشارع كنت تمسك ايدي الشمال! مرينا من هون يمكن 300 مرة عمرك ما نسيت...و قبل شوي مرينا و إنت ولا على بالك...
اتطلع فيها زوجها... وهم واقفين على تقاطع...
- ههههههههه بالله! اتطلعي منيح! مش هاد هو الشارع يا ذكية! بس التحويلة خدعتك...
قبل ما ترد عليه مسك إيدها...
- هلأ وصلنا للشارع....
صار وجهها احمر زي قبل 12 سنة بنفس الشارع....تخربطت بالحكي....
- ولك يا مجنونة أنا بنسى اسم جدي ولا بنسى الشارع تبعنا....
من بعيد طلع صوت عالي من مكبر صوت...
دورية شرطة...
- تششش يا روميو و جولييت بالسيارة السلفر ممكن تفتحوا الطريق للسيارات اللي وراكم!
فجأة كانت طبيعية بعدها صارت تتطلع على الشارع و ساندة راسها على الشباك ما حكت ولا كلمة...
هو شايفها و ساكت، مبتسم....
اتطلعت فيه فجأة...
- ليش مبتسم بالله!
- سامعة الأغنية؟ ما زكرتك بإشي؟
هي متل كإنه بالون معبى مي و حدا غزه بدبوس...
- سامعة! أنا اللي سامعة! حقك تبتسم على تصرفاتك و إحساسك اللي مات من سنين...لازم تطفيها و تشغل أغنية حزينة عن عديمين الاحساس...
- أوف أوف هههههه شو مالك! شو حكيت أنا...أنا مبسوط ورايق....أنا عديم إحساس هههههه ولك حرام عليكي...شو أكتر من الحب اللي بحبك ياه! شو أكتر من كلام الغزل اللي بجيبه من الشرق و الغرب ولك أنا اشتريت كتاب 1000 رسالة حب و حفظتهم عشان أضل بس أشوفك أعرف أحكي مشاعري اللي بتتخربط لليوم بس تضحكيلي...
هي تقريبا طارت الزعلة منها بس لسا بتعطيها على تقل شوي...صارت تقاوم الابتسامة...
- اه بس ما تنكر إنك تغيرت!
- يا حبيبتي أوكي أنا تغيرت بس بشو؟
- إنت حيوان عفكرة!
انصدم جوزها...
- شو!
- لالا مش إلك إوعك على يسارك هداك تبع السيارة الحمرا...كان رح يخبط فينا...
- اه اوكي....هههههههه طيب بشو أنا تغيرت عشان انتبه أمانة احكيلي و ما تخليني أتحزر لإني رح أعطيكي 200 احتمال...بس مبدأيا ما نسيت لا عيدك ولا عيد زواجنا و لا ذكرى خطبتنا ولا أي مناسبة الحمدلله...و كلهم جبت فيهم هدايا...
- ولا شي من اللي حكيته....في شي غيرك من جوا...هدول أي زوج بعملهم..الطبيعي تبع أي زلمة...
- يا الله! معقول أنا كل هاد؟ طب شو الشي الغلط! المشكلة إني كل يوم من 12 سنة بصحى بحبك أكتر و إنتي بتعرفي هالشي..كل يوم بصحى بلاقيكي جمبي بحمدالله على نعمة وجودك بحياتي....بتعرفي؟ لو ترجع الدنيا و نرجع عشرين سنة رح انبسط حتى أجي أطلبك أبكر...انتي لليوم ما بتعرفي اديه بحبك....زيدي عليهم عشرتنا الحلوة و ضحكتك....عيونك ما ببدلهم بكنوز الدنيا و إنتي أكتر وحدة بتعرفي إحساسي تجاهك...
-كل اللي حكيته شعور متبادل... رح أحكيلك غلطك بس عشان أثبتلك إنك مقصر...
- الله يستر...
- زمان كنا لما نمر بهاد الشارع كنت تمسك ايدي الشمال! مرينا من هون يمكن 300 مرة عمرك ما نسيت...و قبل شوي مرينا و إنت ولا على بالك...
اتطلع فيها زوجها... وهم واقفين على تقاطع...
- ههههههههه بالله! اتطلعي منيح! مش هاد هو الشارع يا ذكية! بس التحويلة خدعتك...
قبل ما ترد عليه مسك إيدها...
- هلأ وصلنا للشارع....
صار وجهها احمر زي قبل 12 سنة بنفس الشارع....تخربطت بالحكي....
- ولك يا مجنونة أنا بنسى اسم جدي ولا بنسى الشارع تبعنا....
من بعيد طلع صوت عالي من مكبر صوت...
دورية شرطة...
- تششش يا روميو و جولييت بالسيارة السلفر ممكن تفتحوا الطريق للسيارات اللي وراكم!
اسم الموضوع : الشارع قصة قصيره
|
المصدر : الروايات
?